15-ქალა | ორი თამაში თებერვალ-მარტში

2025 წელი განსაკუთრებული აღმოჩნდა ქართული ქალთა რაგბისთვის. საქართველოს ქალ მორაგბეთა ეროვნული ნაკრები ისტორიაში პირველად ამა წლის აპრილში შეიკრიბა და ქუთაისში ყაზახ გოგონებთან ორი ამხანაგური თამაში გამართა, ნოემბერში კი რაგბი ევროპის კონფერენც დივიზიონის ფარგლებში რუმინეთს სტუმრად დაუპირისპირდა და 43:0 დაამარცხა.   &bdquo;ეს ჩვენი პირველი ოფიციალური თამაში იყო, მეტოქეზე არანაირი ინფორმაცია არ გვქონდა და ასეთ შედეგსაც ნამდვილად არ ველოდით. სასიხარულოა, რომ მთელი თამაშის განმავლობაში დომინანტები ვიყავით, მეტოქე ყველა კომპონენტში დავჯაბნეთ და დიდი ანგარიშით გავიმარჯვეთ. მხოლოდ პირველი 15-20 წუთი გაგვიჭირდა, გოგონები ნერვიულობდნენ და ცოტა არეულები ვიყავით, მერე კი დავლაგდით და ზედმეტი პრობლემების გარეშე გავიმარჯვეთ“ - განაცხადა 15-ქალა ნაკრების მთავარმა მწვრთნელმა გიორგი მაისურაძემ.   რუმინეთიდან დაბრუნების შემდეგ გოგონები მზადებას განაგრძობენ და &bdquo;შევარდენის“ სანაკრებო ბაზაზე კვირაში სამჯერ ვარჯიშობენ. დიდი სხვაობით მოგების მიუხედავად, მაისურაძე მიიჩნევს, რომ სასწავლი ჯერ კიდევ ბევრია:   &bdquo;გოგონებისთვის 15-ქალა ახალი სპორტია და ბევრი რამ გვაქვს სასწავლი. სიახლეებს ზოგი ადვილად უღებს ალღოს, ზოგს ცოტა უჭირს, თუმცა განვითარება გრძელდება. მიუხედავად იმისა, რომ მოთამაშეთა დიდი არჩევანი არ გვაქვს, ვფიქრობ ამ ეტაპზე (კონფერენც დივიზიონში) ყველა მეტოქეს მარტივად უნდა გავუმკლავდეთ და იმედია, უახლოეს მომავალში რაგბი ევროპის ალაფაზე დავწინაურდებით“.   &bdquo;ვაგრძელებთ ვარჯიშს და ვცდილობთ იმ ხარვეზების აღმოფხვრას, რომლებიც რუმინეთთან თამაშმა დაგვანახა. იანვრის ბოლოს ან თებერვლის დასაწყისში ვგეგმავთ სპარინგ-მატჩებს 18-წლამდელთა აკადემიის ბიჭებთან. მათ რუმინეთთან შეხვედრის წინაც ვეთამაშეთ და ფაქტია, ძალიან კარგი შედეგი მივიღეთ“.   ამჟამად მიმდინარეობს მოლაპარაკება რამდენიმე ქვეყანასთან, რათა 2026 წლის თებერვალ-მარტში გოგონებმა კიდევ ორი თამაში გამართონ. შეთანხმება თითქმის მიღწეულია, თუმცა დასაზუსტებელია გარკვეული დეტალები. სამომავლო გეგმების შესახებ მაისურაძე გვიყვება:   &bdquo;რუმინეთთან თამაშის შემდეგ გერმანია დაგვიკავშირდა და ჩვენთან თამაშის სურვილი გამოთქვა. ის რაგბი ევროპის ალაფაზე თამაშობს და ჩვენთვისაც საინტერესო იყო მათთან შეხვედრა, რათა გვენახა რა დონეზე ვართ, მაგრამ უარის თქმა მოგვიწია. სწორედ იმიტომ, რომ გერმანია ალაფის ბინადარია, ეს ოფიციალურ შეხვედრად არ ჩაითვლებოდა. რაგბი ევროპა ითხოვს, რომ ამ ეტაპზე კონფერენც დივიზიონში დარეგისტრირებულ გუნდებს შევხვდეთ და ჩვენც გეგმების შეცვლა მოგვიწია“.   &bdquo;ამჟამად მოლაპარაკებები გვაქვს ხორვატიასთან, ჩეხეთთან და ანდორასთან და დიდი ალბათობით თებერვალ-მარტში ორი თამაში გვექნება. ჩვენი სურვილია, რომ ერთი შეხვედრა საქართველოში ჩავატაროთ, თუმცა მეტოქეები ამაზე თავს იკავებენ და სავარაუდოდ კვლავ სტუმრად მოგვიწევს თამაში. ველოდებით საბოლოო გადაწყვეტილებას და ვიმედოვნებთ, რომ 2027 წლიდან მაინც ალაფაზე დავწინაურდებით“.   &bdquo;კონფერენც დივიზიონისგან განსხვავებით ალაფა უკეთაა დაორგანიზებული და ყველა გუნდი ვალდებულია, რომ მეტოქესთან შინაც ითამაშოს და სტუმრადაც. ამჟამად ალაფას გერმანია, ფინეთი და შვედეთი თამაშობენ და კარგი იქნება მათ ჩვენც თუ შევუერთდებით. გვაქვს გარკვეული პირობები დასაკმაყოფილებელი. უნდა დავამტკიცოთ, რომ წელიწადში 2-3 თამაშის გამართვა შეგვიძლია. ასევე ერთ-ერთი მოთხოვნაა შიდა ჩემპიონატის ჩატარება“.   &bdquo;ვაპირებთ, რომ ჩავატაროთ 3-გუნდიანი ჩემპიონატი თებერვალ-მარტში. ესენი იქნებიან თბილისის ‘ლოკომოტივი’, ქუთაისის ‘აია’ და ნაკრების ბაზაზე შექმნილი გუნდი. მწირი რესურსიდან გამომდინარე, ამ ეტაპზე ჩემპიონატი 10-კაცა რაგბიში ჩატარდება. ვიმედოვნებთ, რომ მოთამაშეთა რაოდენობა გაიზრდება და მალევე შევძლებთ 15-ქალაზე გადართვას. ამის იმედს საფესტივალო ასაკში გოგონათა სიმრავლე იძლევა. გადაწყვეტილება იმის შესახებ, დავწინაურდებით თუ არა ალაფაზე, რაგბი ევროპამ მაისში უნდა მიიღოს და გვსურს ამ დროისთვის მოთხოვნების დიდი ნაწილი დაკმაყოფილებული გვქონდეს“.   Rugby.ge

ჩელენჯ თასი | ბრიტანელებთან თბილისში, ტოპ 14-ის გუნდებთან საფრანგეთში

"შავი ლომი" 12 მოთამაშით გაძლიერდა - მათგან ორი ლეგიონერია

7-კაცა | მე-8 ადგილი ჰამბურგში

20 წ. | მეშვიდედ იტალიასთან - პირველად ქუთაისში

ოფიციალურად | იმრან ულად ომარი ერთი წლით ბათუმის "დინამოში"

"უნივერსიტატეამ" მექვაბიშვილის MLS-ში ტრანსფერი დაბლოკა

"ბოდო გლიმტის" კაპიტნით ხუთი ინგლისური კლუბი დაინტერესდა

Junior NBA-ს საიუბილეო, მე-10 სეზონის გამარჯვებული რუსთავის „გოლდენ სტეიტი“ გახდა

[VIDEO] არაშთამბეჭდავმა არგენტინამ ისევ ბეწვის ხიდზე გაიარა - კაცნაკლული შვეიცარია დამატებით დროში დაამარცხა

რევანში - საქართველოს ნაკრებმა სამოასაც მოუგო

16 წლამდე გოგონათა ნაკრები ნახევარფინალში, დრამატულ მატჩში ქულით დამარცხდა

ევროპის 20-წლამდელთა ჩემპიონატი: საქართველო შვეიცარიასთან დამარცხდა

"სენტ-ეტიენი" დავითაშვილის იტალიურ კლუბში გადასვლას აბრკოლებს - Geo Team-ი ინფორმაციას ავრცელებს

"პსჟ-ში სამი თავდამსხმელი ინდივიდუალურად წარმართავს თამაშს - სად არის ჩვენი საუკეთესო ნახევარდაცვა?" - აცხადებს პორტუგალიის ნაკრების ახალი მწვრთნელი

ჰოლანი, მესი, რონალდო, იამალი, ნეიმარი - პერუში ბავშვებს მასობრივად ფეხბურთელების სახელებს არქმევენ

მშვიდობით თუ ნახვამდის? - კურტუამ კომენტარი გააკეთა

ჩაკვეტაძეს ნაკრებში მიღებული ტრავმა გაუმიზეზდა

ევროპის 20-წლამდელთა ჩემპიონატის B დივიზიონი საქართველომ უკრაინასთან მარცხით დაიწყო

ფეხბურთელმა, რომელმაც ახლახან მუნდიალზე იასპარეზა, სიცოცხლე თვითმკვლელობით დაასრულა

"კავკასიაში კაცს ღირსება, თავმოყვარეობა და სტუმართმოყვარეობა განსაზღვრავს" - ნურმაგომედოვი თბილისში მომხდარ ინციდენტს ეხმაურება

"იქამდე იქნება საუკეთესო, სადამდეც თავად გადაწყვეტს" - სკალონიმ მესიზე ისაუბრა

"საფრანგეთის რატომ უნდა გვეშინოდეს? მათ ბოლო ორი მატჩი მოვუგეთ" - ლამინ იამალი

ლებრონისთვის ბრძოლაში სამი ფავორიტი გამოიკვეთა - სად გააგრძელებს კარიერას ლებრონ ჯეიმსი?

15-ქალა | ისტორია ხორვატიით გრძელდება

15-ქალა | ხორვატებთან ახალი რეკორდით

5-ქალას ისტორია რუმინეთიდან იწყება

15-ქალა | მაისურაძემ ხორვატებისთვის შემადგენლობა შეარჩია

საქართველოს 15-ქალა ნაკრების წინსვლა რეიტინგში

5-ქალა | დიდი უპირატესობით რუმინეთთან