"შავი ლომი" | ფინალი "ძებრესთან" ჯგუფიდან გასასვლელად - შაბათს "მიხეილ მესხზე"

ტოპ 14-ის ‘მონტობანთან’ საფრანგეთში მოპოვებული გამარჯვების შემდეგ (31:28), ‘შავმა ლომმა’ ჩელენჯ თასის ფლეი ოფში გასვლის შანსი შეინარჩუნა და ამისათვის 17 იანვარს იტალიური ‘ძებრეს’ &bdquo;მიხეილ მესხზე“ დამარცხება მართებს.   მარკო ბორტოლამის, ლადო კილასონიასა და ილია მაისურაძის გაწვრთნილმა გუნდმა, ‘მონტობანს’ 45 წუთში 5 ლელო გაუტანა და ბონუს-ქულაც ჩაიწერა. შედეგად, ‘შავი ლომი’ 5 ქულით მეხუთე ადგილზეა და 3-ით ირლანდიურ ‘კონახტს’, ხოლო 4-ით იტალიურ ‘ძებრეს’ ჩამორჩება. ფლეი ოფში ჯგუფიდან ოთხი გუნდი გადის.   ჩვენმა მომავალმა მეტოქე ‘ძებრემ’, რომელსაც პირველ ტურში ‘მონტობანი’ ბონუს-ქულით ყავდა დამარცხებული (41:17), მესამე ტურში უელსურ ‘ოსფრიზს’ 23:19 სძლია (მეორე ტურში ‘მონპელიესთან’ 7:31 დამარცხდა), რითაც საქმე გაგვირთულა. რადგან მეტოქეს ჩვენთან შედარებით გატანილ-გაშვებული ქულების ბევრად უკეთესი ბალანსი აქვს (+4, ჩვენ -60), შაბათს იტალიელებს 4 ლელო უნდა გავუტანოთ და ისე დავამარცხოთ, რომ მათ ქულა ვერ აიღონ - ანუ 8 და მეტი ქულის სხვაობით და არ გავუშვათ 4 ლელო.   თუ ‘ძებრემ’ მაინც შეძლო 4 ლელოს გატანა, მაშინ მათ მინიმუმ 32-ქულიანი სხვაობით უნდა მოვუგოთ. არაფერი გვითქვამს ‘კონახტზე’, რომელიც დასკვნით ტურში უმოტივაციო ‘მონტობანს’ მასპინძლობს და დიდი ალბათობით გამარჯვებასაც მოიპოვებს, რითაც ფლეი ოფის საგზურს გაინაღდებს.   ამრიგად, 17 იანვარს &bdquo;მიხეილ მესხზე“ ერთგვარად არაოფიციალური ფინალი გველის იტალიურ ‘ძებრესთან’, რომელიც ამ მომენტისთვის უპირატეს მდგომარეობაშია. თუმცა ფაქტი, რომ ‘შავი ლომი’ ჩელენჯ თასში მონაწილეობის მესამე წელს ჯგუფიდან გასვლისათვის იბრძვის და ტოპ-გუნდებთან ყოველ წელს ახერხებს მინიმუმ ერთი შეხვედრის მოგებას, უდაოდ მისასალმებელია!   მეორედ ‘ძებრესთან’   ‘შავი ლომი’ ‘ძებრეს’ წელს მეორედ ეთამაშება. პირველად მეტოქეს სექტემბერში, იტალიური ტურნეს ფარგლებში შევხვდით და &bdquo;სერჯიო ლანფრაკიზე“ დიდი ბრძოლა გავუმართეთ. მაშინ მასპინძლებს ოთხის წილ ორი ლელო გავუტანეთ და თამაშში ბოლომდე დავრჩით, თუმცა საბოლოოდ ‘ძებრემ’ 26:12 გაიმარჯვა და ახლა სატურნირო მიზნებთან ერთად, რევანშის შანსიც გვეძლევა.   რას წარმოადგენს ‘ძებრე’?   ‘ძებრეს’ წინამორბედი წვეული გუნდი 1973 წელს დაარსდა, 1997 წელს დაიშალა, 2012 წლის ივნისში კი უკვე იტალიის რაგბის ფედერაციის პატრონაჟით, პროფესიონალური ფრენჩაიზის სახით აღდგა და იმავე წელს რაგბის გაერთიანებულ ჩემპიონატში (იმხანად პრო12, მოგვიანებით პრო14) და ევროპის პროფესიულ საკლუბო რაგბის ტურნირებში (ჩემპიონთა და ჩელენჯ თასი) ჩაერთო.   ‘ძებრე’ იტალიის 4 რეგიონს აერთიანებს - ემილიო-რომანი, ლიგურია, ლომბარდია და პიემონტი, რომელიც რამდენიმე სარაგბო კლუბს და 10-ათასობით მოთამაშეს მოიცავს.   რაგბის გაერთიანებული ჩემპიონატის ბოლო სეზონში ‘ძებრემ’ 18-იდან 5 თამაში მოიგო, ერთი ფრედ დაასრულა და 29 ქულით ბოლოსწინა მე-15 ადგილი დაიკავა. 2012 წლიდან დღემდე, მან 3-ჯერ ითამაშა ჩემპიონთა თასზე, 10 სეზონი კი ჩელენჯ თასზე გაატარა, სადაც ორჯერ გადალახა ჯგუფური ეტაპი.   წლევანდელ რაგბის გაერთიანებულ ჩემპიონატში, სადაც ‘შავი ლომით’ მოხვედრა ქართული რაგბის ერთ-ერთი მთავარი პრიორიტეტია, ‘ძებრემ’ 9-იდან ორი თამაში მოიგო (შოტლანდიურ ‘ედინბურგთან’ 31:28 და სამხრეთ აფრიკულ ‘ლაიონსთან’ 22:20) და ჯამში 11 ქულით (4 ლელოს გატანისთვის ბონუს-ქულები აიღო ‘ედინბურგთან და ირლანდიურ ‘ლენსთერთან’ 26:50 წაგებულ შეხვედრაში, ერთი ნუგეშ-ქულა კი იტალიურ ‘ბენეტონთან’ ჩაიწერა მცირე სხვაობისთვის - 15:21) ბოლოსწინა მე-15 პოზიციაზეა.   Rugby.ge

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

შავი ლომი | სექტემბერში პრემიერშიფის ჩემპიონთან

7-კაცა | სტაბილურად მერვე ადგილი

"კარიერაში ნაბიჯი უკან გადადგა" - კარაგერმა სალაჰს არჩევანი დაუწუნა

"ბარსელონას" ცენტრალური მცველი კარიერას "ლივერპულში" გააგრძელებს

"სეზონს ალისონი დაიწყებს, მამარდაშვილს შანსის გამოსაყენებლად მოთმინება სჭირდება, რომელსაც 100%-ით მიიღებს" - განაცხადა "ლივერპულის" ყოფილმა მეკარემ

გაყიდიან თუ არა საფონოვს და შევალიეს - ვინ იქნება პსჟ-ს ძირითადი მეკარე?

VIDEO | ეროვნული ლიგა | "რუსთავმა" უკეთ ითამაშა და დამსახურებულად მოიგო, "ტორპედომ" გვიან გაიღვიძა...

საქართველოს 16-წლამდელთა ნაკრებმა ევრობასკეტი ისრაელთან მარცხით გახსნა

მამუკელაშვილი ბრუნდება - მონტენეგროსა და პორტუგალიასთან მატჩებისთვის საქართველო მზადებას 15 კალათბურთელით იწყებს

"უმცროსი ბორჯღალოსნების" ხუთი ლელო ინგლისთან

"როდესაც "მილანში" მუშაობ, ტიტულისთვის უნდა იბრძოლო" - ამორიმმა "როსონერის" ფანები დააიმედა

"ნაპოლი" "არსენალის" თავდამსხმელის შეძენას ცდილობს

ფილიპ კოსტიჩი კარიერას ერედივიონში განაგრძობს

კვლავ სერია A-ში - დანიელ მალდინი "კალიარის" ღირსებას დაიცავს

"რეალმა" "ლაიფციგისგან" შემტევი 140 მილიონად შეიძინა

სარეკორდო შენაძენი - ტრაფორდი პრემიერ ლიგის მორიგ გუნდში გადავიდა

აპრილში დანიშნული "ბორდოს" მწვრთნელი გადააყენეს

ქართველებისთვის ნაცნობ ვან'ტ სხიპს ყაზახეთის ნაკრები ჩააბარეს

პსჟ საფრანგეთის ნაკრების კიდევ ერთი ფეხბურთელის დამატებას გეგმავს

მიქაუტაძის "ბარსელონაში" შესაძლო გადასვლა უფრო რეალური ხდება - რაზე ესაუბრა ქართველი კატალონიელთა მთავარ მწვრთნელს

პსჟ მეკარის შეძენას და "იუვენტუსში" განათხოვრებას აპირებს

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

"შავი ლომი" | როტაციით აფრიკული ტურნეს დასკვნით მატჩში

[VIDEO] "შავი ლომი" "ძებრესთან" დამარცხდა

"შავი ლომი" | სექტემბერში "ბენეტონი" გვეწვევა

ძალა არ ეყოთ - კარგი პირველი ტაიმის შემდეგ "შავი ლომი" "ტოიოტა ჩიტასთან" დამარცხდა

"შავი ლომი" 12 მოთამაშით გაძლიერდა - მათგან ორი ლეგიონერია

"შავი ლომი" "ძებრესთან" დამარცხდა

ჩელენჯ თასი | საბრძოლო რაზმით "ძებრესთან"

ჩელენჯ თასი | ბრიტანელებთან თბილისში, ტოპ 14-ის გუნდებთან საფრანგეთში

ჩელენჯ თასი | "შავი ლომის" მეტოქეები - "ტულონი", "ჰარლიქვინსი", "ედინბურგი", "ოსფრიზი" და "ვანი"