<p>თავისუფალი სტილით მოჭიდავეთა ნაკრების მთავარმა მწვრთნელმა ზაზა თურმანიძემ მსოფლიოსთვის შემადგენლობა დაასახელა</p><p><br> თავისუფალი სტილით მოჭიდავეთა ნაკრების მთავარმა მწვრთნელმა ზაზა თურმანიძემ დაასახელა 12-18 სექტემბერს სტამბოლში გასამართ მსოფლიოს ჩემპიონატზე წასაყვანი შემადგენლობა, რომელშიც მსოფლიოსა და ევროპის ჩემპიონი, ოლიმპიური პრიზიორი გიორგი გოგშელიძეც (96) შეიყვანა. სხვა წონებში ვლადიმერ ხინჩეგაშვილი (55), მალხაზ ზარქუა (60), შალვა მუზიაშვილი (66), დავით ხუციშვილი (74), დავით მარსაგიშვილი (84) და დავით მოძმანაშვილი (120) იჭიდავებენ.</p><p>თურმანიძემ აქცენტი ძირითადად იმ ფალავნებზე შეაჩერა, რომლებიც ივნისში თბილისში წარმატებით გამოვიდნენ მსოფლიოსთვის მთავარ შესარჩევ შეჯიბრებაში - ვახტანგ ბალავაძის ტურნირზე. თუმცა იქ ახალი თაობის სამ წარმომადგენელს - ხინჩეგაშვილს, ხუციშვილსა და მარსაგიშვილს არ უჭიდავიათ, მაგრამ მათ იმთავითვე დაუჯავშნა ადგილი მსოფლიოზე.</p><p>ძნელია, ამისთვის მწვრთნელი გაამტყუნო, რადგან იმ წონებში ამათზე უკეთესები მართლაც არ ჰყავს. საკუთარი სიძლიერე მოგვიანებით მათ შეჯიბრებებშიც დაამტკიცეს - ხუციშვილმა საერთაშორისო ტურნირებში გამოიჩინა თავი, იმ დუეტმა კი ახალგაზრდებში დუბლი შეასრულა, ხოლო უფროსებში ევროპის ვიჩე-ჩემპიონები გახდნენ.</p><p>გერმანიაში ხელზე გაკეთებული ოპერაციის შემდეგ გოგშელიძეს არსად უჭიდავია და ბოლო ხანებამდე სარეაბილიტაციო პერიოდს გადიოდა. ის გეგმაზომიერად კი მიდიოდა, მაგრამ ვერანაირად ვერ დააჩქარებდი და ვერც ტურნირებში მოასწრო გამოსვლა.</p><p>აქედან გამომდინარე, ოპტიმალურ ფორმაში რომ ვერაა, ამას არც თურმანიძე უარყოფს, თუმცა მისი გამოცდილებისა სჯერა და ამიტომაც მიჰყავს სტამბოლში. ეს სალიცენზიო ტურნირია და ექსპერიმენტების დრო არააო, თქვა მწვრთნელმა. ვფიქრობთ, ასეთ პირობებში გოგშელიძეს კიდევ უფრო გაუჭირდება რუსთა ოთხგზის მსოფლიოსა და ოლიმპიურ ჩემპიონ ჰაჯიმურატ გაცალოვთან და აზერბაიჯანელ მსოფლიოს მოქმედ ჩემპიონთან, ოლიმპიურ პრიზიორ ხეტაგ გოზიუმოვთან ბრძოლა.</p><p>მსოფლიოს ჩემპიონატზე ყოველ წონაში 6-6 საგზური გაიცემა ანუ ლიცენზიის მოსაპოვებლად სპორტსმენმა, მინიმუმ, ბრინჯაოსთვის მაინც უნდა იჭიდაოს.</p><p>თავისუფალი სტილით მოჭიდავეები შაბათს დუშეთში წავლენ დასკვნით შეკრებაზე, სტამბოლში კი 14 სექტემბერს გაფრინდებიან.</p><p>ბერძენ-რომაელთა ნაკრები უკვე დუშეთშია და ბოლო შეკრებას გადის, თუმცა ბეგი დარჩია შემადგენლობას კვირას დაასახელებს. ისინი თურქეთში 9 სექტემბერს გაემგზავრებიან. ჩემპიონატი 12 სექტემბერს იწყება და მასში პირველები ბერძენ-რომაელები ჩაებმებიან - 55, 66 და 96-ის ფალავნები. მეორე დღეს 60, 84 და 120-ის წარმომადგენლები იასპარეზებენ.</p><p>14-ში ბერძენ-რომაელთა ბოლო წონასთან - 74-თან ერთად ტურნირში ქალებიც ჩაერთვებიან, რომლებიც გამოსვლას 16-ში დაამთავრებენ. იმავე დრეს იჭიდავებს `თავისუფალთა~ პირველი წონა - 55. 17-ში ლეიბზე 60, 86 და 96-ის ფალავნები გავლენ, ჩემპიონატს კი 66, 74 და 120-ის მოჭიდავეები დაასრულებენ.</p><p><strong>ყოველდღიური სპორტული გაზეთი "ლელო"</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო