შოუ ცენტრალურ კორტზე

აშშ-ის ღია პირველობაზე ჯოკოვიჩმა არგენტინელ კარლოს ბერლოკთან შეხვედრა ზედიზედ 14 გეიმის მოგებით დაიწყო ამერიკის ღია პირველობაზე მამაკაცებმა მეორე წრე დაიწყეს. იოლი გასეირნება ჰქონდათ ფავორიტებს - ნოვაკ ჯოკოვიჩსა და როჯერ ფედერერს.ჯოკოვიჩმა არგენტინელ კარლოს ბერლოკთან შეხვედრა ზედიზედ 14 გეიმის მოგებით დაიწყო. სერბი ისე იოლად იღებდა გათამაშებებს, რომ მაყურებელი თავიდანვე მიხვდა - ამ მატჩის სერიოზულად აღქმა არ შეიძლებოდა და ჩოგბურთელების შოუს მოწყობაზე პროვოცირება დაიწყო. ეს ბერლოკს ხელს აძლევდა და მაყურებლის გართობაზე გადავიდა, მხიარული ხასიათით ცნობილი ჯოკოვიჩიც აჰყვა არგენტინელს.საინტერესო მომენტი შეიქმნა მესამე სეტის სტარტზე, როცა ნოვაკის მიერ ზედიზედ მოგებული გეიმების რიცხვი 14-ს გაუტოლდა. სერბს ლეგენდარული ივან ლენდლის მიერ 1987 წელს დამყარებულ რეკორდის გამეორების საშუალება მიეცა, როცა ჩეხმა სამი სეტი "მშრალი" ანგარიშით მოიგო. მაგრამ ბერლოკმა პატარა სასწაული მოახდინა - 0:2-ზე ნოვაკის მოწოდებაზე ორი ბრეიკ-პოინტი მიიღო და მეორე ცდაზე აიღო მეტოქის მოწოდება, რასაც მაყურებელი ფეხზე ადგომითა და დიდი ოვაციით შეხვდა.რამდენჯერმე ჩოგბურთელებმა ბადესთან ეფექტური გათამაშება მოაწყვეს, რაც საგამოფენო მატჩებისთვის არის დამახასიათებელი. მოკლედ, პუბლიკა ძალიან გაერთო, ჯოკოვიჩმა კი სეზონში 59-ე მატჩი მოიგო და თუ ხვალ ერთ დროს ძლიერი რუსის ნიკოლაი დავიდენკოს ძლევას მოახერხებს, მესამე წრეში საიუბილეო გამარჯვებას გაიფორმებს.როჯერ ფედერერმა ისრაელელი დუდი სელას წინააღმდეგ საკუთარი გეიმებში გათამაშებული 60 ქულიდან მხოლოდ რვა წააგო და ერთი ბრეიკის შანსიც არ მისცა მეტოქეს - 6:3, 6:2, 6:2. შვეიცარიელმა "დიდი სლემის" ტურნირებზე 225-ე გამარჯვებას მიაღწია და ამ მაჩვენებლით ანდრე აგასის გაუსწრო. ახლა, როჯერის წინ მხოლოდ მეორე ლეგენდარული ამერიკელი - ჯიმი კონორსია 233 მოგებით.გუშინ, ფრანგებისთვის იყო ცუდი დღე - ბრძოლას გამოეთიშა ამ ქვეყნის ორი ჩოგბურთელი, რომლებსაც მაღალი განთესვის ნომერი ჰქონდათ. ტურნირის ყველაზე გრძელი მატჩი ითამაშეს გაელ მონფილსმა და ესპანელმა ხუან კარლოს ფერერომ - მათ კორტზე 4 საათი და 48 წუთი დაჰყვეს. 31 წლის ფერერო მეორე ახალგაზრდობას განიცდის. პირველ წრეში მან ასევე ხუთსეტიან მატჩში მოუგო თანამემამულე პაბლო ანდუხარს, ახლა კი ზედიზედ მეორე მარათონს გაუძლო მონფილსის წინააღმდეგ.პირველი სეტის ტაი-ბრეიკზე წაგების შემდეგ მონფილსმა მომდევნო ორი სეტის დასკვნითი ნაწილი უფრო წარმატებულად ჩაატარა და თითქოს საბოლოო გარდატეხა შეიტანა თამაშში, მაგრამ მეოთხე სეტში ფრანგს ძვირად დაუჯდა ერთადერთი წაგებული გეიმი საკუთარ მოწოდებაზე, მეხუთეში კი გაელს ძალა არ ეყო. სხვათა შორის, ფრანგი მატჩის დღეს 25 წლის შესრულდა.მონფილს 81 "ვინერსი" და ამდენივე უნებლიე შეცდომა ჰქონდა, ფერეროს ანალოგიური სტატისტიკა 34 "ვინერსსა" და 52 უნებლიე შეცდომას უდრიდა.მეორე ფრანგმა რიშარ გასკემ კი ოთხ პარტიაში წააგო ივო კარლოვიჩთან. როგორც ჩანს, ხორვატზე დადებითაც იმოქმედა წინა დღეს წყვილებში ძმებ ბრაიანებზე გამარჯვებამ. ყოველ შემთხვევაში, ივო პირველ ორ პარტიაში ძალიან კარგად თამაშობდა.სწორედ, რომ თამაშობდა და არა აწვდიდა - მისი უძლიერეის ფორჰენდები ერთი მეორის მიყოლებით აღწევდა მიზანს. მესამე სეტში გასკე გონს მოეგო და ორი ბრეიკით აიღო პარტია, მეოთხეში კი 4:1 დაწინაურდა, მაგრამ უპირატესობა ვერ შეინარჩუნა და ტაი-ბრეიკზე დამარცხდა.II წრენოვაკ ჯოკოვიჩი (სერ, 1)-კარლოს ბერლოკი (არგ) 6:0, 6:0, 6:2; ნიკოლაი დავიდენკო (რუს)-პოტიტო სტარაჩე (იტა) 6:2, 6:4, 7:5; ალექსანდრ დოლგოპოლოვი (უკრ, 22)-ფლავიო ჩიპოლა (იტა) 6:0, 7:5, 2:6, 5:7, 6:4; ივო კარლოვიჩი (ხორ)-რიშარ გასკე (საფ, 13) 6:4, 6:2, 2:6, 7:6(4); ტომაშ ბერდიხი (ჩეხ, 9)-ფაბიო ფონინი (იტა) 7:5, 6:0, 6:0; იანკო ტიპსარევიჩი (სერ, 20)-ფილიპ პეტცშნერი (გერ) 6:0, 6:3, 3:6, 6:3; მარსელ გრანოლერსი (ესპ, 31)-მიხაილ კუკუშკინი (ყაზ) 7:6, 6:3, 6:4; ხუან კარლოს ფერერო (ესპ)-გაელ მონფილსი (საფ, 7) 7:6(5), 5:7, 6:7(5), 6:4, 6:4; როჯერ ფედერერი (შვეიც, 3)-დუდი სელა (ისრ) 6:3, 6:2, 6:2; მარინ ჩილიჩი (ხორ, 27)-ბერნარდ ტომიჩი (ავსტრა) 6:1, 6:0, 6:2; ხუან მონაკო (არგ)-რადეკ შტეპანეკი (ჩეხ, 23) 6:4, 6:1, 2:0 შტეპანეკის უარი; ტომი ჰაასი (გერ)-ალეხანდრო ფალა (კოლ) 7:6(5), 6:1, 7:5; ჟო ვილფრიდ ცონგა (საფ, 11)-სერგეი ბუბკა (უკრ) 6:3, 7:5, 6:2; ფერნანდო ვერდასკო (ესპ, 19)-მარსელ ილჰანი (თურ) 6:4, 6:3, 6:1; კევინ ანდერსონი (ს.აფრ)-მიხაელ ლოდრა (საფ, 29) 6:1, 6:2, 6:2; მარდი ფიში (აშშ, 8)-მალეკ ჟაზირი (ტუნ) 6:2, 6:2, 6:4.ყოველდღიური სპორტული გაზეთი "ლელო"

მერვე მატჩიდან მეშვიდე წაგება სეზონში - ბასილაშვილი ცუდ ფორმაშია

მარცხი მსოფლიოს 106-ე ნომერთან - ბასილაშვილმა მონპელიეს ტურნირის პირველივე შეხვედრაში წააგო

[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა