მადლობა უკრაინას! საქართველოს გაუმარჯოს!

ევრობასკეტის შემდეგ ეტაპზე საქართველოს ნაკრების გასვლის დიდი სიხარული ზაზა ფაჩულიას ტრავმამ გააფერმკრთალა საქართველოს ნაკრების კალათბურთელებმა გმირობა ჩაიდინეს, გავიდნენ ევროპის ჩემპიონატის მეორე ეტაპზე. თან როგორ, ლამაზი, გულიანი თამაშით. გუშინ, 5 სექტემბერს ქალაქ კლაიპედაში უამრავი ქვეყნის წარმომადგენელმა დაინახა ქართული სული. მატჩის შემდეგ სლოვენიელებიც ჩვენთან ერთად ხარობდნენ, უკრაინელებიც, რუსებიც, ლიტველები კი ქართულად ცეკვავდნენ.ეს ყველაფერი კი ქართველი კალათბურთელებისგან წამოვიდა: საოცარი მატჩი ჩაატარეს ბელგიასთან, შემდეგ რუსეთთან და სლოვენიასთან ბოლო წამებამდე კაცურად იბრძოლეს, ამას მოჰყვა უკრაინასთან მორიგი ეფექტური გამარჯვება და სწორედ ამის შემდეგ დიდი თუ პატარა ბულგარეთთან მატჩამდე ჯგუფიდან გასვლას გვილოცავდა.სამწუხაროდ, კიდევ ერთი საოცარი რამ მოხდა - ყველასთვის მოულოდნელად ბულგარეთთან დავმარცხდით.რატომ წავაგეთ, რითი გვაჯობა მეტოქემ, რატომ არ ითამაშა გიორგი ცინცაძემ ბოლო პერიოდში, ეს ყველაფერი თამაშის შემდეგ აღარავის ახსოვდა არც კალათბურთელებს, არც მწვრთნელს და არც დარბაზს გარეთ შეკრებილ ქომაგთა არმიას, რომელიც მოთამაშეებთან ერთად მეცხრე ცაზე იყო - საქართველოს კალათბურთელთა ნაკრებმა პირველი ჯგუფური ეტაპი გადალახა და ევროპის საუკეთესო 12 გუნდს შორის მოხვდა.<img src="/media/images/new_photo/QARTULI/BASKETBALL/Nakrebi/eurobasket2011/georgia-fans-0001.jpg" border="0" alt="Sportall.Ge" title="მადლობა უკრაინას! საქართველოს გაუმარჯოს!" width="436" height="333" />ემოციის გარეშე ვერ მიადევნებდით თვალს უკრაინა-ბელგიის მატჩისას სპეციალურ ლოჟებში მსხდარ ბულგარელ და ქართველ კალათბურთელებს. პირველები ბელგიას ქომაგობდნენ, ქართველები - უკრაინას. თუ უკრაინელები მოიგებდნენ, შემდეგ ეტაპზე ჩვენი გუნდი გადიოდა, თუ არა - სამეულში ბულგარეთი მოხვდებოდა. ქართველმა ქომაგებმა ორ საათში გადაწყობა მოასწრეს - თეთრი მაისურების ნაცვლად უკრაინის დროშის ფერებში (ყვითელ-ლურჯი) გამოეწყვნენ და ისე ქომაგობდნენ, თითქოს საქართველო ყოფილიყოს. ორი ქვეყნის მეგობრობამ შედეგი გამოიღო - უკრაინამ ბელგია გაანადგურა და მატჩის დასრულებამდე 7 წუთით ადრე ბულგარელების სახეების დანახვის მიზნით მათ ლოჟაში რომ ავიხედე, არავინ დამხვდა. ქართველები კი ოვაციებით შეხვდნენ უკრაინის გამარჯვებას, ათასგვარი მადლობის შეძახილი გაისმა.გამოგიტყდებით, ასე ამაყად თავი არასოდეს მიგრძვნია. მე ხომ იმ ნაკრებზე ვწერ, რომელიც გმირულად გავიდა ჯგუფიდან. აკი გითხარით, ბულგარეთის გარდა ყველა მეტოქესთან ლამაზი თამაში აჩვენა.კლაიპედაში პირველი ეტაპი ქართულად დასრულდა: უკრაინის მატჩის შემდეგ ქართველი კალათბურთელები გარეთ გავიდნენ და გულშემატკივრებთან ერთად გაიხარეს.<img src="/media/images/new_photo/QARTULI/BASKETBALL/Nakrebi/eurobasket2011/manuchar-markoishvili-00001234.jpg" border="0" alt="Sportall.Ge" title="მადლობა უკრაინას! საქართველოს გაუმარჯოს!" width="431" height="285" />- უკრაინელები ვაჟკაცები არიან, ბოლომდე იბრძოლეს და დიდი საჩუქარი გაგვიკეთეს. საოცარი შეგრძნებაა. ევროპის ჩემპიონატზე პირველად ვართ და ვიცით, რომ მეორე ეტაპზე უფრო ძნელი იქნება. ყველაფრისთვის მზად ვართ! - თქვა მანუჩარ მარკოიშვილმა და უკრაინის მიკროავტობუსისკენ გაიქცა, საიდანაც იქაური ფედერაციის პრეზიდენტი, ალექსანდრე ვოლკოვი გადმოვიდა და მანუსგან მადლობა გულითადად მიიღო.ვიქტორ სანიკიძემ ქართველ ხალხს ომახიანად მიმართა:- ყველას ვულოცავ ამ წარმატებას. საქართველოს ნაკრები მეორე ეტაპზე გასვლას იმსახურებდა. წინ უფრო მეტი გამარჯვებები გველის!გიორგი ცინცაძემ უკრაინისადმი მადლიერების სიტყვებით დაიწყო:- დიდი მადლობა უკრაინას. სიტყვები არ მყოფნის სიხარულის აღსაწერად. რაც მთავარია - საქართველოს გაუ-მარ-ჯოს!შესავალში გმირები ვახსენეთ. ალბათ, სხვა არც ერთი ქვეყნის წარმომადგენელი მოიქცეოდა, ისე, როგორც ზაზა ფაჩულია:- მატჩის დასაწყისში კუნთი კი მტკიოდა, მაგრამ შევიხვიე და მეგონა პრობლემა არ შემექმნებოდა. თუმცა თამაშის მსვლელობისას ვიგრძენი, რომ რაღაც ჩაწყდა. მოედნიდან გავედი, მაგრამ ბოლო მეოთხედში, გუნდს დახმარება რომ დასჭირდა, მწვრთნელს ვუთხარი - მოედანზე გავალ, იქნებ შევძლო-მეთქი. გამოვედი, მაგრამ ტკივილმა იმატა და სათადარიგოთა სკამზე დავბრუნდი. კუნთის მყესი ორგანაა გაწყვეტილი, ერთგან 1 სმ-ზე, მეორეგან - 0.5 სმ-ზე. დაახლოებით ერთი თვე უნდა დავისვენო. არადა, რა ჯგუფი შეგვხვდა - ფინეთთან და მაკედონიასთან ძველი ანგარიშები მაქვს!ნუ მიწყენთ, თუ ამ სტატიას სამი ერთნაირი ნიშნით დავასრულებ - !!!ვაჟა სიმონიშვილი კლაიპედადან<div style="text-align: center;"><a href="http://nikora.ge/index.php" target="_blank"><img src="/media/images/new_photo/warstaineri-1.png" border="0" alt="Sportall.Ge" title="მადლობა უკრაინას! საქართველოს გაუმარჯოს!" /></a><a href="http://goodline.ge/" target="_blank"><img src="/media/images/new_photo/goodline-3.png" border="0" alt="Sportall.Ge" title="მადლობა უკრაინას! საქართველოს გაუმარჯოს!" /></a></div>

eddy

vetanxmbi Shotas. amas es statiac kargad asaxavs. http://www.eurobasket2011.com/en/cid_4,w7QjPeH-M,ty138LH2l3.pageID_TMxceqSxIGkQKxVLshFZ-3.compID_qMRZdYCZI6EoANOrUf9le2.season_2011.coid_MdP7VThxIFoyuoF0w4JpO1.articleMode_on.html
shoda

ვულოცავ საქართველოს ნაკრებს! მაგრამ ამ წერილის ავტორს მინდა ვკითხო, ჩვენი გმირობა რაში მდგომარეობს? ბულგარეთთან რომ წავაგეთ და უკრაინამ, რომ მოიგო? - ვიყოთ თავმდაბალნი, თავს ნუ გავიგიჟებთ! მიშას ნუ დავემსგავსებით!
oldcoyot

ბენგა და გია, დიდ მადლობა ლინკებისათვის.იმედია ვისიამოვნებთ.
gia

Nikolozi თო ორი და მეტი გუნდი აგროვებს ერთნაირ ქულებს,მერე მოდის ურთიერთშორის მატჩების შედეგები,მხილოდ ურთიერთშორის.ჩვებ უკრაინას მოვუგეთ,უკრაინამ ბულგარეთს და ბულგარეთმა ჩვენ,მაგრამ ბურთები სხვაობა ამ მატჩებში ჩვენ გვქონდა +6,უკრაინას -5 და ბულგარეთს -1.რომ წაეგო უკრაინის ჩვენ და ბულგარეთს გვექნებოდა ერთნაირი ქულები და ბულგარეთი გვაჯობებდა.გვიშველა რომ უკრაინამაც ჩვენდენი ქულები დააგროვა და უკრაინასთან მოგება გახდა სათვალავში ჩასაგდები.
benga

პრობლემა არ გექნებატ ტამასჰის კურებაზე.ნახეტ აქ livetv.ru
gia

http://allsport-live.ru/ მე აქ ვუყურებ თამაშებს ონ ლაინ. !!! გილოცავთ!!!
ave avtush

მადლობთ ზაზა მაგარი ხარ! მთელი ნაკრები ყოჩაღია,მაგრად უჭირთ,მაგრამ საკუთარ თავზე მაღლა ხტებიან! ნიკოლოზი პრინციპი ესეთი იყო: სამმა გუნდამ ერთნაირი ქულები დააგროვა და სამივე გუნდის ურთიერთ თამაშში ბურთების ბალანსი იყო გადამწყვეტი. ბელგიასთან რუსეთთან და სლოვენიასთან ნათამაშები ანგარიშები არ მონაწილეობდა.მხოლოდ ამ სამი გუნდის ერთმანეთთან ნათამეშები ანგარიშები
euli

რატომ ბლოკავენ ტანამგზავრს ეს უნამუსოები!! ვერ ვუკურებთ საზგვარგარეთ!!!!!!!!!!!!!
Nikolozi

მეგობრებო, შეგიძლიათ გამარკვიოთ რა პრინციპით გავედით ჩვენ თანაბარი ქულების პირობებში? :)) ვერ მოვკარი ყური ვერსად.
aleko gurjiadi

mixaria da vamayob chveni bichebit,isini gmirebi arian,radgan sakutar tavs ajobes da maksimumi gaaketes,pachulia ro ar gasuliyo namdvilat movigebdit,magram araushavs,amis iqit ukve bichebs vegarapers movtxovt,mitumetes pachulias gareshe,genatsvalet lomebo
dfhgytf

mixaria da vamayob chveni bichebit,isini gmirebi arian,radgan sakutar tavs ajobes da maksimumi gaaketes,pachulia ro ar gasuliyo namdvilat movigebdit,magram araushavs,amis iqit ukve bichebs vegarapers movtxovt,mitumetes pachulias gareshe,genatsvalet lomebo
oldcoyot

კლდეკაცი დაგვაკლდა მაგრამ სიხარულს ესეც კი ვერ გააფერმკრთალებს...კიდევ ერთი მოგებაც და ათეულში ვართ...დიდი მადლობა ყველა მოთამაშეს...1არხმა კი კვლავ ჩაისვარა,დაბლოკილი თანამგზავრი კვლავაც გამორთულია,მგონი თბილისში ღამის 3 საათი უნდა იყოს და ამ უნამუსოებს ჩართვა დაავიწყდათ.გრცხვენოდეთ 1არხელო ჩმორებო!

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

ანდრონიკაშვილის ტრავმა სერიოზული არ აღმოჩნდა

[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა

ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?