ჯოკოვიჩი-ფედერერი - დიადი ნახევარფინალის მოლოდინში

ჩოგბურთი. აშშ-ის ღია პირველობა: ნოვაკ ჯოკოვიჩისა და როჯერ ფედერერის დაპირისპირებაში უპირატესობა სერბს აქვს - 14:9 ამერიკის ღია პირველობაზე, როგორც იქნა, განახლდა ორი დღით წვიმის გამო შეწყვეტილი მერვედფინალური მატჩები, პარალელურად კი ორი მეოთხედფინალური მატჩი გაიმართა. ერთ-ერთი სერბული დერბი იყო.ნოვაკ ჯოკოვიჩისა და იანკო ტიპსარევიჩის მატჩის პირველი ორი სეტი ძალიან ჰგავდა ერთმანეთს. მეტოქეები მაინც და მაინც დამაჯერებლად ვერ თამაშობდნენ საკუთარ მოწოდებებზე - პირველ სეტში ორ-ორი ბრეიკი გაცვალეს, მეორეში - თითო-თითო და ორივე პარტიაში საქმე ტაი-ბრეიკამდე მივიდა. პირველი "შემოკლებული გეიმი" ჯოკოვიჩს დარჩა - 7:2, სამაგიეროდ, მეორეში ტიპსარევიჩმა იმარჯვა - 7:4. ეს ამ ტურნირზე ნოვაკის პირველი წაგებული სეტი იყო.მესამე სეტში კი თამაშის სურათი მკვეთრად შეიცვალა. ჯოკოვიჩი კორტის სრული ბატონ-პატრონი გახდა, სამჯერ აიღო მეტოქის მოწოდება და პარტია "მშრალი" ანგარიშით აიღო. ტიპსარევიჩმა გაბრძოლება სცადა და მეოთზე სეტის პირველ გეიმში 30:0 დაწინაურდა, მაგრამ ნოვაკმა საფრთხე სწრაფად მოიგერია. თუმცა იქვე ერთ ეპიზოდში ფეხი დაიზიანა და სასწრაფოდ ექიმს უხმო კორტზე. სერიოზული არაფერი იყო და მსოფლიოს პირველმა ჩოგანმა თამაში გააგრძელა. სამაგიეროდ, არ გაუმართლა ტიპსარევიჩს, რომელმაც მარცხენა ფეხის ტრავმის გამო თამაშის შეწყვეტა გადაწყვიტა. იქნებ ეს მისთვის უკეთესიც იყო, რადგან მეოთხე სეტშიც ყველაფერი მისი განადგურებისკენ მიდიოდა - მატჩი მაშინ შეწყდა, როცა ანგარიში 3:0 იყო ნოვაკის სასარგებლოდ.ნახევარფინალში ჯოკოვიჩის მეტოქე როჯერ ფედერერისა და ჟო-ვილფრიდ ცონგას შეხვედრაში ირკვეოდა. ალბათ, ფრანგი გულშემატკივრების გარდა, ყველა ფედერერის მხარეს იქნებოდა იმ უბრალო მიზეზის გამო, რომ როჯერისა და ნოვაკის მორიგი დაპირისპირების ხილვა გაცილებით საინტერესო უნდა იყოს. სერბს ამ სეზონში სულ ორი მატჩი აქვს წაგებული და აქედან ერთი ფედერერის წინააღმდეგ როლან გაროსის ნახევარფინალში, რითაც შვეიცარიელმა ნოვაკს "დიდი სლემის" აღების შანსი მოუსპო. ბუნებრივია, ჯოკოვიჩი ამ მტკივნეული მარცხისთვის რევანშის ასაღებად არაფერს დაიშურებს.არადა, წესით ფედერერს რთული მატჩი უნდა ჰქონოდა ცონგასთან იმის გათვალისწინებით, რომ ფრანგმა ამ სეზონში ორჯერ დაამარცხა შვეიცარიელი. მაგრამ ამჯერად ფედერერმა ძალიან იოლად გაიმარჯვა. პირველი სეტი მხოლოდ 38 წუთი გაგრძელდა და როჯერმა მეცხრე გეიმში გაკეთებული ბრეიკით გაიმარჯვა. მეორე და მესამე სეტებში ფედერერმა კიდევ უფრო იოლად მოიგო და ნახევარფინალში გააღწია.ეს შვეიცარიელისთვის ზედიზედ მერვე ნახევარფინალია ამერიკის ღიაზე. რაც შეეხება, ნოვაკ ჯოკოვიჩთან მის დაპირისპირებას, ჯერჯერობით ანგარიშია 14:9 ჯოკოვიჩის სასარგებლოდ.* * *პარალელურად გაიმართა დარჩენილი ოთხი მერვედფინალი. ეს მატჩები წინა დღეს დაიწყო, მაგრამ წვიმის გამო ორი-სამი გეიმის გათამაშების შემდეგ შეწყდა. სხვათა შორის წვიმა ამჯერადაც ჩაერია ენდი როდიკისა და დავიდ ფერერის მატჩის მსვლელობაში. ჩოგბურთელებმა ორი გეიმი ითამაშეს, რის შემდეგაც ენდიმ უკანა ხაზთან სისველის გამო დაიწუწუნა მსაჯთან. ის ადგილი გაამშრალეს, მაგრამ მალე ცხადი გახდა, რომ წყალი საფარის ქვეშ იყო ჩასული. მისი ამოტუმბვის მცდელობამ შედეგი არ მოიტანა და საბოლოოდ, ჩოგბურთელები ლუი არმსტრონგის სახელობის მოედნიდან მე-13 კორტზე გადაიყვანეს, რომელიც მხოლოდ 600 მაყურებელს იტევს.საინტერესოა, რომ ყოფილმა ჩოგბურთელმა ჯეფ ტარანგომ, რომელიც USTA-ის დირექტორთა საბჭოში შედის, განაცხადა, რომ ამერიკის ღიას პირველობის კომპლექსის რეკონსტრუქციისას ლუი არმსტრონგის არენას საერთოდ დაანგრევენ.მე-13 კორტზე თამაშის გადატანას მის ხასიათზე არ უმოქმედია. ენდიმ შეინარჩუნა პირველ სეტში მოპოვებული უპირატესობა, მეორეში თავიდანვე გააკეთა ბრეიკი და მალე 2:0 დაწინაურდა პარტიებს შორის. მესამე პარტიაში დავიდმა მოახერხა თამაშის მომატება, მაგრამ დიდხანს მისი პროგრესი არ გაგრძელებულა. ესპანელმა მოიგო ეს სეტი, მეოთხეში ბრეიკით გავიდა წინ, მაგრამ ამ მომენტიდან ისევ უმატა შეცდომებს, რამაც როდიკს ზედიზედ ოთხი გეიმი და მასთან ერთად სეტი მოაგებინა.როდიკი 2008 წლის შემდეგ პირველად გავიდა ამერიკის ღია პირველობის ნახევარფინალში, სადაც რაფაელ ნადალს შეხვდება. ესპანელის მატჩი ლუქსემბურგელ ჟილ მიულერთან მაშინ შეწყდა, როცა რაფა პირველ სეტში 0:3 იყო ჩამორჩენილი. თუმცა თამაშის განახლების შემდეგ ნადალმა შეძლო დაკარგული ბრეიკის დაბრუნება და ურთულეს სეტში ტაი-ბრეიკზე გაიმარჯვა - 8:6. სამაგიეროდ, მომდევნო ორ პარტიაში ნადალს პრობლემა აღარ შექმნია. საინტერესო მომენტია: პირველი სეტი 65 წუთი გაგრძელდა, მეორე და მესამე ერთად - 63 წუთი და ამ დროის განმავლობაში რაფამ მხოლოდ სამი გეიმი დაუთმო მიულერს.მეორე მეოთხედფინალური წყვილი დააკომპლექტეს ენდი მიურეიმ და ჯონ ისნერმა. ბრიტანელს თითქმის არ შეხვედრია წინააღმდეგობა დონალდ იანგისგან, რომელიც მატჩის ორდღიანი მოლოდინის გამო უბრალოდ "გადაიწვა". მიურეი ყოველგვარი რისიკის გარეშე თამაშობდა და მშვიდად აგროვებდა ქულებს იანგის შეცომებზე, რომელიც ამერიკელს ძალიან ბევრი ჰქონდა - დონალდის ერთ ლამაზ გათამაშებაზე სამი უზუსტობა მოდიოდა (იანგს 53 უნებლიე შეცდომა დაუგროვდა, მიურეის - 17). საბოლოოდ, საათნახევარში ბრიტანელმა სამი სეტი მოიგო და ჯონ ისნერისა და ჟილ სიმონის მატჩის შედეგს დაელოდა.ყველაზე დიდხანს კორტზე სწორედ ეს ჩოგბურთელები შეყოვნდნენ - ოთხი სეტი ოთხ საათსა და 5 წუთს გაიწელა. ამერიკელმა ოთხჯერ აიღო ფრანგის მოწოდება, მაგრამ თავისი სამი სეტის მოსაგებად მაინც ტაი-ბრეიკები დასჭირდა."შემოკლებული გეიმი" ისნერის სტიქია გახლავთ. ის მოგებული ტაი-ბრეიკებით სეზონის ლიდერი გახლავთ (30 გამარჯვება), ამერიკის ღიაზე უკვე ექვსი ტაი-ბრეიკის ჩატარება მოუწია და ექვსივე მოიგო. კარგად იმუშავა ისნერის მთავარმა იარაღმა - ჯონმა 26 ეისი ჩააწოდა. სწორედ ამის ხარჯზე, ამერიკელი კარიერაში პირველად გავიდა "დიდი სლემის" ტურნირის მეოთხედფინალში.1/8 ფინალიჯონ ისნერი (აშშ, 28)-ჟილ სიმონი (საფ, 12) 7:6(2), 3:6, 7:6(2), 7:6(4); ენდი მიურეი (ბრიტ, 4)-დონალდ იანგი (აშშ) 6:2, 6:3, 6:3; ენდი როდიკი (აშშ, 21)-დავიდ ფერერი (ესპ, 5) 6:3, 6:4, 3:6, 6:3; რაფაელ ნადალი (ესპ, 2)-ჟილ მიულერი (ლუქ) 7:6(1), 6:1, 6:2.1/4 ფინალინოვაკ ჯოკოვიჩი (სერ, 1)-იანკო ტიპსარევიჩი (სერ, 20) 7:6(2), 6:7(3), 6:0, 3:0 ტიპსარევიჩის უარი; როჯერ ფედერერი (შვეიც, 3)-ჟო ვილფრიდ ცონგა (საფ, 11) 6:4, 6:3, 6:3.ყოველდღიური სპორტული გაზეთი "ლელო"

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს