<p>სუპერმძიმე წონაში WBC-ის ჩემპიონმა ვიტალი კლიჩკომ ტიტული ძალების განსაკუთრებული დაძაბვის გარეშე შეინარჩუნა</p><p><br> სუპერმძიმე წონაში WBC-ის ჩემპიონმა, 40 წლის უკრაინელმა ვიტალი კლიჩკომ (43-2-0, 40KO) ძალების განსაკუთრებული დაძაბვის გარეშე შეინარჩუნა ტიტული პოლონელი ტომაშ ადამეკის (44-2-0, 28KO) წინააღმდეგ.</p><p>ვროცლავში გამართული ჩხუბის დროს მასპინძელმა მოკრივემ ვერაფერი დაუპირისპირა ორმეტრიან ჩემპიონს. ისეთი შთაბეჭდილება შეიქმნა, ვიტალი ბოლომდე არ იხარჯებოდა და არ ცდილობდა ადრეულ რაუნდებში ბრძოლის დასრულებას, არადა, ამის ყველანაირი შანსი ჰქონდა.</p><p>პირველივე რაუნდებიდან ცხადი გახდა, რომ 12 კილოგრამით მჩატე პოლონელს სისწრაფეში არანაირი უპირატესობა არ ჰქონია, არადა, ექსპერტები ადამეკს ძმები კლიჩკოებისთვის დარჩენილ ერთადერთ რეალურ საფრთხეს უწოდებდნენ.</p><p>ბრძოლა ტრადიციული დაზვერვით დაიწყო, თუმცა უკვე პირველი სამწუთეულის ბოლოს ვიტალიმ სერიოზულად შეაზანზარა პოლონელი მარჯვენა პირდაპირი დარტყმით - ადამეკმა დიდი გაჭირვებით შეინარჩუნა წონასწორობა.</p><p>ამის შემდეგ ცხადი გახდა, რომ ტომაშმა აქცენტი კორპუსში მუშაობაზე გააკეთა. მაგრამ ყველა მისი მცდელობა უკრაინელი მოკრივის საფირმო ჯებით სრულდებოდა. ამ ტიპის დარტყმა ახლო ბრძოლაში შესვლის საშუალებას არ აძლევდა მასპინძელს.</p><p>ადამეკის რამდენიმე უშედეგო შეტევის შემდეგ ვიტალის ჯერი დადგა - ამჯერად პოლონელი ნოკდაუნს მარცხენა მოკლე დარტყმის შემდეგ გადაურჩა. ამას მოყვა მარჯვენა კროსი და ადამეკი წაქცევისგან ბაგირებმა იხსნა.</p><p>შემდეგ რაუნდებში ბრძოლის ხასიათში განსაკუთრებული ცვლილებები არ მომხდარა - ვიტალი აგრძელებდა დომინირებას და ისევ უნდა აღვნიშნოთ, რომ არ შეიმჩნეოდა ტომაშის მთავარი უპირატესობა - სისწრაფე. კლიჩკო მუდმივად კონტრშეტევებზე გადადიოდა და ყოველთვის ასწრებდა პოლონელ მოკრივეს.</p><p>მეექვსე რაუნდში მოხდა ის, რასაც ყველა ელოდა - ადამეკი ნოკდაუნში ჩავარდა. ამის მიზეზი მარჯვნიდან კროსი გახდა.</p><p>უკვე ცხადი იყო, რომ ამ ბრძოლაში ადამეკს ვეღარაფერი უშველიდა. თუმცა მერვე რაუნდში მოხდა ინციდენტი, რომელმაც წამით პანიკაში ჩააგდო უკრაინელი მძიმეწონოსნის გულშემატკივრები - ვიტალი რინგზე დაეცა. მაგრამ ამაში ადამეკის დამსახურება არ ყოფილა - კლიჩკო თავად დაეცა, რადგან ფეხი გადაუბრუნდა.</p><p>მაშინვე ყველას გაახსენდა ჩემპიონის წინა ტრავმები და გაჩნდა შიში, რომ უკრაინელი ბრძოლას ვერ გააგრძელებდა.</p><p>მაგრამ ვიტალი მეცხრე რაუნდზე გავიდა და გაბრაზებულმა ტომაშს ორმაგი ენერგიით შეუტია. ზედიზედ ორი რაუნდი შეტევების შემდეგ, მეათე რაუნდის დასრულებიდან 40 წამით ადრე რეფერი ადამეკის ჯანმრთელობას გაუფრთხილდა და ბრძოლა შეაჩერა.</p><p>ასე დაიცვა ზედიზედ მეექვსედ ტიტული უკრაინელმა მოკრივემ, თანაც ეს იყო მის კარიერაში საიუბილეო - მე-40 ნოკაუტი.</p><p><strong>შემდეგი დევიდ ჰეი?</p><p></strong>ამ ბრძოლის წინ WBA-ის ვერსიით მსოფლიოს ყოფილმა ჩემპიონმა, ბრიტანელმა დევიდ ჰეიმ განაცხადა, რომ გადაიფიქრა კარიერის დასრულება და იმედი აქვს, რომ დიდი რინგიდან წასვლამდე ვიტალი კლიჩკოსთან შეხვედრის საშუალება მიეცემა.</p><p>ადამეკის ძლევის შემდეგ ჰეისთან შეხვედრის სურვილი უკრაინელმა ჩემპიონმაც გამოთქვა. ვიტალიმ განაცხადა, რომ სურს ჰეი ნოკაუტით დაამარცხოს, თანაც ამას დევიდის სამშობლოში - ბრიტანეთში გააკეთებს.</p><p>"დევიდ ჰეი საკრივო სამყაროში არა თავისი საბრძოლო თვისებებით, არამედ, "გრძელი ენით" არის ცნობილი, - განაცხადა უფროსმა კლიჩკომ. - მე მზად ვარ მას ბრიტანეთში შევხვდე. დიდი სურვილი მაქვს ჰეის სუფთა ნოკაუტით მოვუგო და ამ მიზანს აუცილებლად მივაღწევ".</p><p><strong>ყოველდღიური სპორტული გაზეთი "ლელო"</strong></p>
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
ბერლინში დაუმარცხებელი ჩეჩენი მოკრივე მოკლეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ