<p><p>წელს ATP-ის ტური მდიდარია ხმაურიანი სენსაციებით. აქამდე ტურნირი ისე არ ჩაივლიდა, რომელიმე ფავორიტი ადრეული ეტაპიდან არ გამოთიშულიყო ბრძოლას.</p> <br> <p>წელს ATP-ის ტური მდიდარია ხმაურიანი სენსაციებით. აქამდე ტურნირი ისე არ ჩაივლიდა, რომელიმე ფავორიტი ადრეული ეტაპიდან არ გამოთიშულიყო ბრძოლას. ამ მხრივ, სასიამოვნო მოულოდნელობა გახლდათ ტორონტოს მასტერსის ნახევარფინალში რეიტინგის წამყვანი ოთხი ჩოგბურთელის გასვლა. ნახევარფინალებში კლასიფიკაციაში დაბლა მყოფმა ჩოგბურთელებმა გაიმარჯვეს: მეოთხე ჩოგანმა ენდი მიურეიმ პირველ ნომერ რაფაელ ნადალს აჯობა, მესამე ნომერმა როჯერ ფედერერმა - მეორე განთესილ ნოვაკ ჯოკოვიჩს (ორშაბათიდან ამ ჩოგბურთელებმა ადგილები გაცვალეს და შვეიცარიელი კვლავ მეორე ჩოგანი გახდა).</p><p>მიურეი ფედერერისთვის ყოველთვის უხერხულ მეტოქედ მიიჩნეოდა. ბრიტანელმა შვეიცარიელი პირველად ჯერ კიდევ 2006 წელს დაამარცხა - ეს ის პერიოდია, როცა როჯერის დამარცხებათა ჩამოსათვლელად ერთი ხელის თითებიც საკმარისი იყო. ნახევარი წლის შემდეგ, დუბაიში ენდიმ ისევ მოუგო მაშინდელ პირველ ნომერს, მაგრამ შვეიცარიელისგან კრიტიკა დაიმსახურა ზედმეტად დაცვითი სტილის გამო. ამის შემდეგ მათ შორის სიტუაცია ოდნავ დაიძაბა. ბრიტანელისთვის ფედერერთან მატჩებმა პრინციპული ხასიათი მიიღო, რისი დასტურიც გახდა 2008 წელს სეზონის შემაჯამებელი ტურნირი. ენდის სატურნირო მდგომარეობა არ ავალდებულებდა როჯერის დამარცხებას, მაგრამ კორტზე თავი დადო და შვეიცარიელი ტურნირს გამოთიშა, თავად კი იმდენი ენერგია დახარჯა, რომ მეორე დღეს ნახევარფინალში წინააღმდეგობა ვეღარ გაუწია ნიკოლაი დავიდენკოს. თუმცა ვალში არც ფედერერი დარჩენილა - მიურეი ორჯერ გავიდა "დიდი სლემის" ტურნირების ფინალში და ორივეჯერ შვეიცარიელთან წააგო.</p><p>ერთ მომენტში მიურეის უპირატესობა საკმაოდ დიდი შახლდათ, მაგრამ ფედერერმა ბოლო სამი მატჩი მოიგო და გუშინდელ ფინალამდე ურთიერთშეხვედრათა ანგარიში იყო - 6:5 ბრიტანელის სასარგებლოდ.</p><p>წვიმის გამო ფინალი 15 წუთის დაგვიანებით დაიწყო. ბრიტანელს ბრწყინვალე სტარტი გამოუვიდა - რამდენიმე წუთში ორი ბრეიკით 3:0 წაიყვანა ანგარიში. თუმცა აქ თავი იჩინა ბრიტანელის მთავარმა ნაკლმა - არასტაბილურობამ. გავიხსენოთ თუნდაც ამავე ტურნირზე გაელ მონფილსთან წაგებული სეტი - 0:6. ასეთი ჩავარდნა ფინალში არ ჰქონია, მაგრამ ენდიმ რამდენიმე უხეში შეცდომა მაინც დაუშვა და მეტოქეს ანგარიშის გათანაბრების საშუალება მისცა - 5:5. თუმცა ენდიმ სწრაფად შეძლო მობილიზება, მესამედ აიღო მეტოქის მოწოდება და მეორე ცდაზე სეტზე წარმატებით ჩააწოდა - 7:5.</p><p>მეორე პარტიაში საქმეში კვლავ წვიმა ჩაერია. ჩოგბურთელებს სამი გეიმი ჰქონდათ ნათამაშები, როცა მათ გასახდელისკენ მიუთითეს. პაუზა 45 წუთს გაგრძელდა. თამაშის განახლებისთანავე ენდიმ ბრეიკის აღება მოასწრო და მსაჯებს კიდევ ერთხელ მოუწიათ ფინალის შეწყვეტა. ერთსაათიანი ლოდინის შემდეგ, მატჩი გაგრძელდა და ფედერერმა ძალიან მალე გამოასწორა სიტუაცია. ამის შემდეგ მეტოქეები საკუთარ გეიმებს იოლად იღებდნენ. მიურეიმ მე-11 გეიმში შეტევაზე წასვლა გადაწყვიტა, როჯერმა ვერ გაძლო და მეორე ბრეიკი დათმო. ფედერერმა სიტუაციის გამოსწორება შემდეგ გეიმში სცადა, ბრეიკ-პოინტიც მიიღო, მაგრამ ენდის კარგმა მოწოდებამ უშველა - 7:5, 7:5. მათი პირადი შეხვედრების ანგარიშიც ანალოგიურია - 7:5.</p><p>მიურეისთვის ეს გამარჯვება უმნიშვნელოვანესი იყო ფსიქოლოგიური თვალსაზრისით, რადგან ბრიტანელს 10 თვეა ტიტული არ მოეგო. თანაც ენდიმ ერთმანეთის მიყოლებით ნადალი და ფედერერი დაამარცხა, რაც მოახლოებული აშშ-ის ღია პირველობის წინ მეტ დამაჯერებლობას მოუტანს.</p><p>წყვილთა თანრიგში 70-ე ტიტული მოიგეს ძმებმა - ბობ და მაიკ ბრაიანებმა. ამერიკელებმა ჟულიან ბენეტოსა და მიკაელ ლოდრას ფრანგული დუეტი დაამარცხეს - 7:5, 6:3. ეს ტყუპი ძმების მეშვიდე ტიტულია ამ სეზონში, თუმცა ისინი მაინც ჩამორჩებიან რეიტინგში ნენად ჟიმონჟიჩისა და დანიელ ნესტორის დუეტს.</p><p><strong>ATP</strong></p><p>Rogers Cup</p><p>ტორონტო (კანადა). ჰარდი</p><p>საპრიზო ფონდი: 2 430 000 დოლარი</p><p>ფინალი</p><p>ენდი მიურეი (ბრიტ, 4)-როჯერ ფედერერი (შვეიც, 3) 7:5, 7:5.</p><p><em>ლელო</em></p></p>
ბასილაშვილი შანხაის მასტერსის ძირითად ბადეში შევიდა და ასეულში დაბრუნდა
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში