ქეცბაია კაჭარავას კვიპროსში იწვევს

ქეცბაია "დინამოს" ყოფილ მთავარ მწვრთნელს ლიმასოლში ახლახან გახსნილ თავის საფეხბურთო აკადემიაში სამუშაოდ იწვევს აგვისტოში ცნობილი გახდა, რომ თემურ ქეცბაიამ კვიპროსზე საფეხბურთო აკადემია ჩამოაყალიბა, რომელიც საქართველოს ეროვნული ნაკრების თავკაცის სახელს ატარებს და 1 სექტემბრიდან ლიმასოლის "ალფას" სპორტულ კომპლექსში ამოქმედდა.კვიპროსული ვებგვერდები წერენ, რომ ქეცბაიამ ბავშვებს მშვენიერი სავარჯიშო პირობები დაახვედრა - სკოლაში 10 ბალახის და ხელოვნურსაფარიანი მოედნებია, ცხადია, გასახდელებით, საშხაპეებით, სხვადასხვა საჭირო სათავსოებითა და დარბაზებით. აკადემიაში 6-დან 12 წლამდე ასაკის ბავშვები ვარჯიშობენ და ყოველთვიურად 80 ევროს იხდიან, ხოლო თუ ძმები მოისურვებენ აკადემიაში ვარჯიშს, ოჯახს თითოეულზე 60-60 ევროს გაღება მოუწევს. ქეცბაია იმედოვნებს, რომ მისი აკადემია კუნძულზე საუკეთესო გახდება, ბავშვები კი პროფესიონალი მწვრთნელების ხელში აღიზრდებიან.რა თქმა უნდა, გულდასაწყვეტია, ნაკრების თავკაცმა ბავშვთა საფეხბურთო აკადემია საქართველოში რომ არ გახსნა, რადგან მისი მაქსიმალიზმიდან გამომდინარე, სკოლა საქართველოში საუკეთესო იქნებოდა.მაგრამ ამ ნაბიჯის გადადგმას საქართველოში ახალი თაობის სხვა ცნობილი ვეტერანებიც ერიდებიან, თუ არ ჩავთვლით გიორგი ნემსაძეს - საფეხბურთო სკოლა "საბურთალო" 90-იანი წლებიდან მოქმედებდა, თუმცა საქართველოს ნაკრების ყოფილი კაპიტნის სახელი მხოლოდ მეპატრონის შეცვლისა და "იბერია ბიზნეს ჯგუფის" მისვლის შემდეგ ეწოდა.ვეტერანებიდან საკუთარი აკადემიები დაარსეს თენგიზ სულაქველიძემ და კარლო მჭედლიძემ, მაგრამ ეს იყო ადრე, ბოლო წლებში კი, მსურველთა საკმაოდ დიდი რაოდენობის მიუხედავად, სკოლა არავინ ჩამოუყალიბებია. მაგალითად, კახა კალაძე აპირებდა და გადაიფიქრა, ისევე როგორც ვეტერანთა ჯგუფმა - მიხეილ ყაველაშვილმა, გოჩა ჯამარაულმა და ლევან ყიფიანმა, მათი ერთობლივი პროექტზიც თაროზე შემოიდო. მიზეზი, როგორც საფეხბურთო სამყარო ამტკიცებს, დიდი გადასახადებია, რომელიც მსურველებს აფრთხობს. დიდი ხანია, გადასახადის შემცირებასა და მის რეალობასთან შესაბამისობაში მოყვანაზე ლაპარაკობენ, მაგრამ ჯერ ვითარება უცვლელია.კვიპროსში კი საფეხბურთო მეურნეობა აწყობილიც არის, მომგებიანიც და საფეხბურთო კლუბის და სკოლის ჩამოყალიბებას თუ პატრონობას ბევრი ეტანება.მიუხედავად იმისა, რომ ქეცბაიას აკადემიის ჩამოყალიბება საქართველოში გვსურდა, ძნელია გაამტყუნო: საკუთარ ფულს მომგებიან საქმეში რომ აბანდებს და არა წამგებიანში. სასაყვედურო ის იქნებოდა, მომგებიანი ჩვენთანაც ყოფილიყო და მაინც ასეთი არჩევანი გაეკეთებინა.თუმცა, ეს აკადემია მაინც ქართველებთან იქნება გაიგივებული, რადგან ქეცბაია ქართველების დასაქმებას აპირებს. ეროვნული ნაკრების თავკაცმა საკუთარ სკოლაში მუშაობა თბილისის "დინამოს" ყოფილ მთავარ მწვრთნელ კახა კაჭარავას შესთავაზა, რომელიც ფიქრობს, დარჩეს (წინადადებები საქართველოშიც აქვს) თუ კვიპროსს მიაშუროს, სადაც ოთხი წელი ნიქოზიის "ოლიმპიაკოსში" თამაშობდა.ყოველდღიური სპორტული გაზეთი "ლელო"

ზაზა სიგუ

დუდუ ხოდა ამოიღოს ხმა და თქვას რაც ცუდია და არასწორი, კაიბიჭობას რომ თამაშობს.
dudu

კაცი ბიზნესს იქ დაიწყებს, სადაც ურჩევნია. ქეცბაიასთან კი არ უნდა იყოს პრეტენზიები, არამედ იმ ხალხთან, ვინც ხელს უშლის ნორმალური ბიზნესგარემოს შექმნას საქართველოში.
zviadi

ეგ ფულები აქედან მიდის და კვიპროსის ფეხბურთის მომავალს ხმარდება რაც ქეცბაიას ხელფას აძლევენ ის ფული ბავშვთა სკოლებს რომ მოახმარონ საერთოდ უფასო იქნება ფეხბურთი და ისეთი ტალანტები გაგვეზრდება ბრაზილიის ნაკრებსაც და ესპანეთსაც გავარღვევთ. ქეცბაია კი კვიპროსის ბეხბურთს უზრდის მომავალს ჩვენი ფულებით. ამიტომ ვიძახი დანიშნონ ძოძუაშვილი ნაკრების მწვრთნელად და ქეცბაიაზე მეტს მაინც გააკეთებს ის ფული კი რასაც ქეცბაიას უხდიან ბავშვთა საფეხბურთო სკოლებს მოახმარონ.
დუდუ

კაცმა ბიზნესი დაიწყო და ღმერთმა ხელი მოუმართოს. რა პრობლემაა? რა არის ამაში ცუდი?
თემური

ქეცბა ყველას გვგონიხარ პატრიოტი, მაგარმ შენი კონტრაქტის პირობებზე რომ დადის ჭორები ცოტა ეჭვი შეგვეპარა. ძალიან გთხოვთ მაურინის არ დაემსგავსო უზრდელობაში და ყველაფრის სხვის გადაბრალებაში. დიდი მწვრთელობაზე პრეტენზია დიდ კაცებს უნდა ქონდეთ
kaxa

ქეცბაიას ბევრი მინუსები აღმოაჩნდა
zaza sigu

ქეცბაია სხვებს ეუბნებობდა დღემდე რომ არაფერი გაგიკეთებიათ ქართული ფეხბურთისთვისო!!ადვილია სხვას უსაყვედურო და თვითონ საზღვარგარეთ დააბანდო,ეს არაა პატრიოტიზმი. ეს არის საუკეთესო მაგალითი ფულის დაბანდების . ღმერთმა ხელი მოუმართოს. ნათქვამია წიწილებს შემოდგომაზე ითვლიანო და ვნახოთ რომელ ადგილზე დავამთავრებთ.

საქართველოს ნაკრებს ძირითადი შემადგენლობის ორი ფეხბურთელი გამოაკლდა

დე ლა ფუენტემ თბილისში წამოსასვლელად ესპანეთის ნაკრები დარაზმა

"ვილი საქართველოს ნაკრებისთვის საუკეთესო მწვრთნელია და მომავალშიც იქნება" - სანიოლის და იაშვილის პრესკონფერენცია

[VIDEO] აშორტიას გოლი, გაფრინდაშვილის საგოლე პასი...

"ბორჯღალოსნები" | ნამატით კანადასთან

პსჟ-ს აკრიტიკებენ - ლუის ენრიკე დაცვის თამაშით უკმაყოფილოა

[VIDEO] ქვილითაია ნაკრებში გოლით ბრუნდება, ინჯგიამ ქულა გადაარჩინა

[VIDEO] ...ასე გამოუვიდა კიტეიშვილს საგოლე პასი

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

საქართველო 5:0 ესტონეთი

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

"ლიონთან" მატჩში პსჟ-ს შემადგენლობა ცნობილია

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"

"რათა შეცდომები არ განმეორდეს" - რა ითქვა აშშ-სთან მატჩის შემდეგ

14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა

[VIDEO. ეროვნული ლიგა 2] "რუსთავი" ცალი ფეხით უმაღლესშია!

ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო

დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს