იქნებ "ლევერკუზენმა" ივაჟკაცოს?

გერმანია. ბუნდესლიგა. VII ტურის წინ: მაგრამ როგორ? ლევერკუზენის "ბაიერს" მიუნხენში 21 წელია არ გაუმარჯვია! გუშინშტუტგარტი-ჰამბურგი 1:2დღესშალკე-ფრაიბურგი 17:30ტრავმა: ესკუდერო, ჰუგლანდი, ყენია, მორავეკი - ფერატი, როზენტალი, რაიზინგერიმაინცი-ბორუსია (დ) 17:30ტრავმა: სალაი - კოხი, ოვომოიელა, შმელცერი, ბაკალორცივოლფსბურგი-კაიზერსლაუტერნი 17:30დისკვალიფიკაცია: ჰიტცი (ვოლფსბურგი)ტრავმა: კრისი, ჰიტცლშპერგერი, ჰლები, კალენბერგი, სალიჰამიჯიჩი - ორბანი, შიმუნეკიბორუსია (მ)-ნიურნბერგი 17:30ტრავმა: ბრუვერსი - რაკოვსკი, რ. შეფერი, ნილსონი, დიდავიაუგსბურგი-ჰანოვერი 17:30დისკვალიფიკაცია: ს. ლანგკამპი - სობიეხიტრავმა: რაინჰარდტი, ვერჰეგი, ბა, მ. ნდიენგი, სინკალა, ს. ჰაინი, მაიერი, იორლი - მილერი, ანდრეასენი, კარლიტოსი, შტოპეკლამპი, აბდელაუბაიერნი-ლევერკუზენი 20:30დისკვალიფიკაცია: კადლეცი, შიურლე (ორივე ლევერკუზენი)ტრავმა: ბრენო, ოლიჩი - ადლერი, ბალაკი, ოჩიპკა, ბარნეტა, ორტეგახვალკიოლნი-ჰოფენჰაიმი 17:30დისკვალიფიკაცია: ბრეჩკო (კიოლნი)ტრავმა: ჟერომელი, ჯემალი, პეტიტი - გულდე, იაისლე, ჯონსონი, სალიჰოვიჩი, ვუკჩევიჩი, ვაისი, იბიშევიჩივერდერი-ჰერტა 19:30დისკვალიფიკაცია: ვიზე (ვერდერი)ტრავმა: ბიონიში, სილვესტრი, სოკრატისი, ბოროვსკი, ავდიჩი - შულციამ კვირაში ბუნდესლიგის ორმა ამბიციურმა გუნდმა მწვრთნელები დაკარგა. თუკი „ჰამბურგში“ მიხაელ იონინგი ბოსებმა გაუშვეს, „შალკედან“ რალფ რანგნიკი თავისი ნებით წავიდა - „პროფესორი“ უკიდურესად გადაღლილი იყო. „ჰამბურგი“ დროებით როდოლფო ესტებან კამბიასომ ჩაიბარა და პირველი გამოცდა გუშინ ჰქონდა, გელზენკირხენულ კლუბს კი დროებით ზეპო აიხკორნი ავარჯიშებს და რანგნიკის წასვლით გამოწვეულ შოკში ჩავარდნილი „ხუმარები“ დღეს „ფრაიბურგს“ უმასპინძლებენ. ძალიან საინტერესო უნდა გამოვიდეს „მაინცისა“ და დორტმუნდის „ბორუსიას“ დაპირისპირებაც, „გლადბახს“ აღმაფრენის გაგრძელება „ნიურნბერგთან“ საშინაო შეხვედრაში სურს, ტურის ცენტრალური მატჩი კი ხვალ, მიუნხენში გაიმართება: „ბაიერნი“-„ლევერკუზენი“.როგორ გადაიტანს შალკე შოკს?რანგნიკის წასვლის შემდეგ, „შალკეს“ ხელმძღვანელებმა მთავარი მწვრთნელის ფუნქციების შესრულება დროებით ზეპო აიხკორნს დაავალეს. იმის გამო, რომ „შალკეში“ „პროფესორ რალფის“ გადადგომას არავინ ელოდა, გამორიცხული არაა, რომ ფეხბურთელებს ამ ამბავის გადატანა გაუჭირდეთ. მიუხედავად ამისა, „ფრაიბურგთან“ საშინაო მატჩში გელზენკირხენელები მაინც ფავორიტებად არიან შერაცხულები. „ფრაიმ“ წინა ტურშიც წააგო (1:2 „შტუტგარტთან“) და ჯერჯერობით იმედებს ვერ ამართლებს. მეტიც, ბრაისგაუელებს 18 გოლი აქვთ გაშვებული, ანუ, ბუნდესლიგაში ყველაზე მეტი გოლი მიიღეს. ამის ფონზე, მცველ ფერატის ტრავმა მარკუს ზორგის გუნდისთვის ორმაგად მტკივნეულია.შარშანდელი გმირები ერთმანეთის წინააღმდეგ„მაინცი“ და დორტმუნდის „ბორუსია“ ერთმანეთს ხვდებიან და ერთნაირი ამოცანის წინაშე დგანან: ორივე გუნდს მდგომარეობა აქვს გამოსასწორებელი და თანაც სასწრაფოდ. შესაძლოა, „მაინცისა“ და „დორტმუნდის“ დღევანდელი მდგომარეობა შარშანწინ ან იმის წინ კატასტროფად არავის აღექვა, მაგრამ თუ იმას გავითვალისწინებთ, რომ წინა სეზონში ორივე გუნდი გმირი იყო, წელს ფანებიც და ექსპერტებიც მინიმუმ იგივეს გამეორებას ელოდებოდნენ. „მაინცმა“ წინა ტურში „კაიზერსლაუტერნთან“ დერბი წააგო და საერთოდ, საკუთარ მოედანზე ჩატარებულ სამივე შეხვედრაში დამარცხდა. შარშან ამ დროს კი თომას ტუხელის გუნდი დაფრინავდა - კარნავალელებს ექვსიდან ექვსივე თამაში მოგებული ჰქონდათ.ტუხელი „მაინცისთვის“ დამახასიათებელი ვნებიანი და ზომიერად აგრესიული ფეხბურთის პოვნას „დორტმუნდთან“ მატჩში კიდევ ერთხელ შეეცდება. გერმანიის ჩემპიონმა წინა ტურში „ჰანოვერთან“ თამაში 116 წამში წააგო, რაც „ბორუსიასთვის“ გასულ სეზონში უცხო ხილი იყო. დღეს ჩემპიონებს მარსელ შმელცერიც არ ეყოლებათ. გაგახსენებთ, რომ მატჩს დამატებით ინტრიგას სძენს ის ფაქტორი, რომ დორტმუნდელთა დამრიგებელი იურგენ კლოპი „მაინცში“ საკულტო ფიგურაა.ვოლფსბურგი: კიდევ ერთი შანსი ჰელმესსა და ბენალიოს?ორი კვირის წინ, „შალკესთან“ გამარჯვების შემდეგ, „ვოლფსბურგის“ ფანებს იმედი ჰქონდათ, რომ ფელიქს მაგათის გუნდი აღმასვლას დაიწყებდა, მაგრამ ოცნების კოშკები წინა ტურში დაემსხვრათ: „მგლები“ „ჰოფენჰაიმთან“ 1:3 დამარცხდნენ. დღეს „ვოლფსბურგი“ „კაიზერსლაუტერნს“ მასპინძლობს და ამ მატჩისთვის მოსამზადებელ პერიოდში მაგათის გუნდმა ყველასათვის უცნობ გუნდს ლიუნებურგის „აინტრახტთან“ ამხანაგური მატჩი გამართა, რომელიც 12:0 მოიგო.მოკლედ, „მგლებმა“ ჯავრი ლანდესლიგის წარმომადგენელზე ამოიყარეს. საინტერესო ისაა, რომ ლიუნებურგელებთან პატრიკ ჰელმესმა 6 გოლი გაიტანა და გამორიცხული არაა, რომ ამის შემყურე მაგათმა პატრიკი პირველ გუნდში დააბრუნოს. ახალ შანსს სავარაუდოდ მეკარე დიეგო ბენალიოც მიიღებს, რადგან ჰიტცი დისკვალიფიცირებულია. აღსანიშნავია, რომ „ლაუტერნში“ შვებით ამოისუნთქეს - „ეშმაკებმა“ წინა ტურში „მაინცთან“ 3:1 გაიმარჯვეს და „ფოლკსვაგენ არენაზე“ კმაყოფილები და თავდაჯრებულები გავლენ.დავაკვირდეთ გლადბახსმიონხენგლადბახის „ბორუსიას“ მოულოდნელი აღმაფრენა ჰამბურგშიც გაგრძელდა - ლუსიენ ფავრის ბიჭებმა კრიზისში მყოფ HSV-ს მისსავე მოედანზე 1:0 მოუგეს. ახლა „გლადბახი“ მესამე ადგილზეა და დღეს „ნიურნბერგს“ უმასპინძლებს. დიდი შანსია, რომ „ბორუსიას“ თავდამსხმელი მაიკ ჰანკე დაუბრუნდეს, რომელმაც ტრავმა თითქმის მოიშუშა. ნიურნბერგელებიც საკმაოდ კარგ ფორმაში არიან - იმდენად კარგში, რომ ერთი კვირის წინ მეორეადგილოან „ვერდერთან“ 1:1-ით უკმაყოფილოები დარჩნენ. „ფრანკებს“ თავდასხმის ხაზი ბოლომდე შეევსოთ: ალბერ ბუნიაკუ გამოჯანმრთელდა, ტომას პეკჰარტმა კი დისკვალიფიკაცია მოიხადა.როდის მოიგებს აუგსბურგი?ყველა ხვდებოდა, რომ სადებიუტო სეზონში „აუგსბურგს“ ბუნდესლიგაში მაგრად გაუჭირდებოდა - იოს ლუჰუკაის გუნდისგან სასწაულებს არ ველოდით. ექვსი ტურის შემდეგ „აუგსბურგს“ ჯერ კიდევ არ მოუგია და გასავარდნ ზონაშია, თუმცა სამ ფრეს კი მოუყარა თავი. ლუჰუკაის გუნდმა წინა ტურში არ წააგო და აკაკი გოგიას და კომპანიას ბერლინიდან წაღებული ქულაც აქტივში ჩაეთვალათ. მწვრთნელის თქმით, ამ თამაშმა გუნდს თავდაჯერება შემატა, რაც აუგსბურგელებს, შესაძლოა, დღეს, „ჰანოვერთან“ საშინაო შეხვედრაში გამოადგეთ.მირკო სლომკას „წითლებმა“ ერთი კვირის წინ, ჩემპიონ დორტმუნდს თამაში ბოლო წუთებში შეუტრიალეს და კმაყოფილები არიან. თუ „ჰანოვერი“ დღესაც მოიგებს, საუკეთესო ხუთეულში მყარად მოიკიდებს ფეხს. თუმცა სლომკას საკადრო პრობლემები აქვს: თავდამსხმელი აბდელაუ და ნახევარმცველი შტოპელკამპი ლაზარეთში არიან.ლევერკუზენს ბაიერნთან კატასტროფული ბალანსი აქვსრაკი დღეს საღამოს ერთმანეთს „ბაიერნი“ და ტიტულის თვითმარქვია ასპირანტი „ლევერკუზენი“ ხვდებიან, მატჩი ავტომატურად ტოპ-თამაშადაა აღიარებული, თუმცა საკმარისია, ისტორიას თვალი გადავავლოთ, რომ მივხვდებით, „ბაიერნი“ აშკარა ფავორიტია და თანაც, გახსნილ ფეხბურთსაც არ უნდა ველოდოთ. იმ დროს, როცა რეკორდმაისტერს ექვსი ტურის შემდეგ მხოლოდ ერთი გოლი აქვს გაშვებული და თანაც, მიუნხენელებს შესაძლოა, არიენ რობენი და მარიო გომესი დაუბრუნდნენ, „ლევერკუზენს“ ანდრე შიურლე დააკლდება.ესეც რომ არ იყოს, „ფარმაცევტებმა“ წინა ტურში „კიოლნთან“ სამარცხვინო მარცხი (1:4) განიცადეს და უფრო უარესიც: „ბაიერს“ „ბაიერნთან“ კატასტროფული ბალანსი აქვს - ზედიზედ 21 შეხვედრაა, ლევერკუზენელებს მიუნხენში არ მოუგიათ. საინტერესო დეტალი: „ფარმაცევტებმა“ „ბაიერნი“ სტუმრად ბოლოს 1989 წელს 1:0 დაამარცხეს და გამოიცანით, ვინ იყო მაშინ მიუნხენური გრანდის მწვრთნელი... დიახ, სწორედ იუპ ჰაინკესი!კიოლნის პირველი საშინაო გამარჯვება?„ახლა ყველაფერი გაცილებით მარტივია, - თქვა ლევერკუზენში მიღწეული შესანიშნავი გამარჯვების (4:1) შემდეგ „კიოლნის“ მთავარმა მწვრთნელმა სტალე სოლბაკენმა და იქვე დასძინა, - ასეთი გამარჯვება ყველაფრისთვის საუკეთესო არგუმენტია!“ „ჰოფენჰაიმთან“ საშინაო მატჩში სოლბაკენის გუნდს (თანაც, დაცვის ბურჯ ჟერომელის გარეშე, რომელიც ახალ წლამდე დაშავდა) სერიოზული გამოცდა ელის, რადგან „სოფლელები“ ძალიან კარგად გამოიყურებიან. ჰოლგერ სტანისლავსკის გუნდი ევქის ტურის შემდეგ მეოთხე ადგილზეა.შააფის ლუქს-პრობლემამიუხედავად იმისა, რომ წინა ტურში ვერ მოიგო, „ვერდერში“ მაინც ყველა კმაყოფილია. 6 ტურის შემდეგ ბრემენელებს 13 ქულა აქვთ და ცხრილში „ბაიერნის“ ნომერ პირველი მდევრები არიან, დაცვა პერ მერტეზაკერის გარეშეც ნორმალურად დგას, თავდასხმაში კლაუდიო პისარო ტრავმირებული არაა და ნახევარდაცვაში კი, მარკო მარინისა და მეჰმეთ ექიჩის სახით, „მუსიკოსების“ მთავარ მწვრთნელ თომას შააფს ორი იმდენად კარგ ფორმაში მყოფი გამთამაშებელი ჰყავს, რომ აღარ იცის, რომელი ათამაშოს ხოლმე ძირითად შემადგენლობაში. ერთადერთი ფეხბურთელი, რომლის შეცვლაც თომასს „ჰერტასთან“ მატჩში მოუწევს, მეკარე ტიმ ვიზეა. ეს უკანასკნელი წინა ტურში მოედნიდან გააძევეს. ასე რომ, „ვერდერის“ კარს დღეს მილიტცი დაიცავს. ცუდ ფორმაში არც ლევან კობიაშვილის „ჰერტაა“ - ბერლინელებს ხუთმატჩიანი წაუგებელი სერია აქვთ.თ მ ფ წ ბ ქ1. ბაიერნი 6 5 0 1 18:1 152. ვერდერი 6 4 1 1 12:6 133. ბორუსია (მ) 6 4 1 1 8:3 134. ჰოფენჰაიმი 6 4 0 2 12:5 125. ჰანოვერი 6 3 2 1 8:8 116. შტუტგარტი 7 3 1 3 10:6 107. ლევერკუზენი 6 3 1 2 7:7 108. ნიურნბერგი 6 3 1 2 6:6 109. შალკე 6 3 0 3 11:10 910. ჰერტა 6 2 3 1 8:7 911. ბორუსია (დ) 6 2 1 3 7:6 712. კიოლნი 6 2 1 3 11:15 713. მაინცი 6 2 1 3 8:13 714. ვოლფსბურგი 6 2 0 4 7:12 615. კაიზერსლაუტერნი 6 1 2 3 5:9 516. ფრაიბურგი 6 1 1 4 10:18 417. ჰამბურგი 7 1 1 5 8:18 418. აუგსბურგი 6 0 3 3 6:12 3ბომბარდირები: 8 - გომესი (ბაიერნი); 5 - სისე (ფრაიბურგი); 4 - ბაბელი (ჰოფენჰაიმი), ჰუნტელაარი (შალკე), რობერტო ფირმინიო (ჰოფენჰაიმი).ყოველდღიური სპორტული გაზეთი "ლელო"

[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან

ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს

ერიკსენი კარიერას "ვოლფსბურგში" გააგრძელებს

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

ფრე ქუთაისში... და "თელავის" მოგება "გაგრასთან"

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

ზივზივაძის "ჰაიდენჰაიმმა" ნანატრი გამარჯვება მოიპოვა

[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა

[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა

გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა

"იუნაიტედი" "ბრენტფორდთან" დამარცხდა - გაუშვებენ ამორიმს?

[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან

FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა

დუდუ დადიანის მემორიალის 24-ე გათამაშება ოლიმპიურ სასახლეში დაიწყო

"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ

"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია

"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა

[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა

"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები

პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე