<p>ჩემპიონთა ლიგა. ჯგუფური ეტაპი. II ტური. სამშაბათის მატჩების წინ: ნეაპოლში დიდი ფეხბურთი ბრუნდება <br> <span style="color: #ff0000;"><strong>A ჯგუფი</strong></span></p><p><em><strong>ბაიერნი-მანჩესტერ სიტი</strong></em></p><p>„ბაიერნს“ საქმეები იდეალურად მისდის. „ლევერკუზენთან“ 3:0 რეკორდმაისტერისთვის ზედიზედ მეცხრე გამარჯვება იყო. ლაზარეთიდან დაბრუნებული რობენის გოლმა მიუნხენელი ქომაგების გემრიელ ვახშამს მარილიც მოაყარა და ერთადერთი ამბავი, რის გამოც იმ საღამოს მიუნხენური გრანდისთვის მთლად სრულყოფილს ვერ დავარქმევთ, ბრენოს ეჭვმიტანილობაა. მიუხედავად ამისა: „მას მერე, რაც „ბაიერნში“ ვთამაშობ, ეს გუნდი ასეთი ძლიერი არასდროს ყოფილა!“ - თქვა ფრანკ რიბერიმ „კიკერისთვის“ მიცემულ ინტერვიუში.</p><p>ეს ყველაფერი იმას ნიშნავს, რომ რეკორდმაისტერი ჩემპიონთა ლიგაში ჯგუფის უმთავრეს კონკურენტ „მანჩესტერ სიტის“ სწორედ საუკეთესო დროს მასპინძლობს. ამასთან, არც რობერტო მანჩინის გუნდია ჯაბანი - აგერ, სერხიო აგუეროს პრემიერლიგაში უკვე რვა გოლი აქვს გატანილი, ედინ ჯეკოს კი ექვსი. თუ იტალიელი მწვრთნელი „ბაიერნთან“ ფრთხილ ტაქტიკას აირჩევს, ბოსნიელს სათადარიგოთა სკამზე კარლოს ტევესის გვერდით ჯდომის საფრთხე დაემუქრება. ბალოტელი დისკვალიფიცირებულია.</p><p>აღსანიშნავია, რომ „სიტის“ ფორმით ძალიან კარგად გამოიყურებიან სილვა და ნასრიც. „ბაიერნის“ მცველ ჟერომ ბოატენგისთვის დღევანდელი მატჩი უაღრესად მნიშვნელოვანია, რადგან ის რეკორდმაისტერში სწორედ „სიტიდან“ გადავიდა. სხვათა შორის, თავის დროზე „სიტიში“ თამაშობდა „ბაიერნის“ მეორე მცველი დანიელ ვან ბუიტენიც.</p><p><em><strong>ნაპოლი-ვილიარეალი</strong></em></p><p>„ნაპოლიმ“ პირველ ტურში მანჩესტერიდან ქულა წაიღო, რამაც სამხრეთ იტალიელები მაგრად გაახარა, მაგრამ სერია A-ში ბოლო ორი მატჩიდან მხოლოდ ერთი ქულის აღება (წაგება „კიევოსთან“, ფრე „ფიორენტინასთან“) ვალტერ მაძარის ნამდვილად არ გაახარებდა. აკი, ამბობს კიდეც „ნაპოლის“ თავკაცი, ჩემპიონთა ლიგის დატვირთვა იტალიის ჩემპიონატში მინიმუმ ათ ქულას წაგვართმევსო.</p><p>დღეს „სან პაოლოზე“ ჩემპიონთა თასის მატჩი 21-წლიანი (!) პაუზის შემდეგ ჩატარდება - ნეაპოლელები ჩემპიონთა თასისთვის ბოლოს დიეგო მარადონასთან ერთად იბრძოდნენ. მეტოქე „ვილიარეალთან“ კი „ნაპოლის“ შარშანდელი ანგარიში აქვს გასასწორებელი - წინა სეზონში ნეაპოლელები ევროპის ლიგიდან სწორედ ვილიარეალელებმა დაიფრინეს.</p><p><span style="color: #ff0000;"><strong>B ჯგუფი</strong></span></p><p><em><strong>ცსკა-ინტერი</strong></em></p><p>„ინტერს“ მწვრთნელის შეცვლამ უშველა: გაგდებული გასპერინის ნაცვლად დანიშნული რანიერის ხელში „ნერაძურიმ“ ამ სეზონში პირველი გამარჯვება იზეიმა - 3:1 „ბოლონიასთან“. „ინტერს“ ახლა ჩემპიონთა ლიგაში აქვს მდგომარეობა გამოსასწორებელი, რადგან გასპერინის დროს გუნდმა პირველ ტურში, საკუთარ მოედანზე „ტრაბზონსპორთან“ წააგო (0:1). შესაბამისად, მილანური გრანდისთვის მოსკოვის ცსკა-სთან გასვლით მატჩში მინიმუმ წაგება დაუშვებელია. არადა, ჩემპიონთა ლიგიოს 2010 წლის გამარჯვებულს ნახევარდაცვაში პრობლემები აქვს: ტრავმირებულები, სნეიდერი და სტანკოვიჩი რუსეთში არც წასულან.</p><p><em><strong>ტრაბზონსპორი-ლილი</strong></em></p><p>„ლილმა“ საფრანგეთის ჩემპიონატში ისევ ქულები დაკარგა (1:1 ლორიანთან) და ზედიზედ მეოთხე ოფიციალური მატჩი დაასრულა ფრედ. ფრანგებს დღეს ტრაბზონში სერიოზული გამოცდა ელით: მილანიდან სამი ქულის წაღების გამო გადარეული ტრაბზონელები ეიფორიაში არიან და ფაქტია, რომ სტადიონზე გრანდიოზული საფეხბურთო ატსმოსფერო იქნება. აღსანიშნავია, რომ „ტრაბზონსპორს“ წამყვანი თავდამსხმელი რობერტ ვიტეკი აკლია.</p><p><span style="color: #ff0000;"><strong>c ჯგუფი</strong></span></p><p><em><strong>მანჩესტერ იუნაიტედი-ბაზელი</strong></em></p><p>სერ ალექს ფერგიუსონმა ისევ როტაციას უნდა მიმართოს, რადგან რუნი ნაღდად ვერ ითამაშებს, ჩიჩარიტოს ასპარეზობა კი კითხვის ნიშნის ქვეშაა. რადგან „სტოკთან“ ოუენი და ბერბატოვი მაგრად დაიტვირთნენ, გამორიცხული არაა, რომ ფერგიმ სასტარტოში ახალგაზრდა ველბეკი ათამაშოს. მით უმეტეს, რომ „ბაზელი“ „იუნაიტედისთვის“ პრობლემას არ უნდა წარმოადგენდეს - თანაც, ცუდ ფორმაში მყოფი ბაზელი: ტორსტენ ფინკის შეგირდები შვეიცარიის ჩემპიონატში ლიდერ „ლუცერნს“ უკვე 10 ქულით ჩამორჩებიან.</p><p><em><strong>ოცელული-ბენფიკა</strong></em></p><p>დორინელ მუნტეანუ და ლისაბონის „ბენფიკას“ დიდი მონდომებით ელიან - „ოცელულისთვის“ ეს ჩემპიონთა ლიგაში პირველი საშინაო მატჩია. „ბენფიკამ“ გასულ უქმეებზე „პორტუსთან“ მძიმე ბრძოლა (2:2) გადაიტანა.</p><p><span style="color: #ff0000;"><strong>D ჯგუფი</strong></span></p><p><em><strong>რეალი-აიაქსი</strong></em></p><p>„რეალისა“ და „აიაქსის“ დაპირისპირება, მიუხედავად ამ უკანასკნელის აშკარა სისუსტისა, მაინც „ჰაილაითია“ - მადრიდელებს ჩემპიონთა თასი 9-ჯერ აქვთ მოგებული, ამსტერდამელებს კი - 4-ჯერ. მოურინიოს შეგირდები ბოლო დროს ვერ დგანან მოწოდების სიმაღლეზე და „რაიო ვალეკანოსთანაც“ (6:2) მოსალოდნელზე დიდხანს ინერვიულეს. ჟოზეს კი მადრიდში უფრო და უფრო ხშირად აკრიტიკებენ. გასულ სეზონში „რეალმა“ „აიაქსს“ ჯგუფში ორივე თამაში მოუგო.</p><p><em><strong>ლიონი-დინამო (ზ)</strong></em></p><p>„ლიონი“ საფრანგეთის ჩემპიონატში კარგად გამოიყურება და ცხრილს პსჟ-სთან ერთად ლიდერობს. გოლეადორი გომისი კი შესანიშნავ ფორმაშია და 6 გოლით ბომბარდირთა დავას სათავეში უდგას. ასე რომ, ლიონელებს ზაგრების „დინამოსთან“ სამი ქულის აღება აქვთ დაგეგმილი.</p><p><strong>ყოველდღიური სპორტული გაზეთი "ლელო"</strong></p>
"ბარსელონას" კიდევ ორი ფეხბურთელი პსჟ-სთან ვერ ითამაშებს
რაშფორდი: დიდხანს მინდა "ბარსელონაში" დავრჩე
პსჟ სიაში მესამეა - სუპერკომპიუტერმა ჩემპიონთა ლიგის ფავორიტი დაასახელა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ