<p>შანელ სხეპერსმა გუანგჯოუში გაიმარჯვა და სამხრეთ აფრიკას 2003 წლის შემდეგ პირველი ტიტული მოუტანა <br> კაცების მსგავსად, ორ ტურნირში გაარკვიეს ურთიერთობა ქალებმა. შანელ სხეპერსმა გუანგჯოუში გაიმარჯვა და სამხრეთ აფრიკას 2003 წლის შემდეგ პირველი ტიტული მოუტანა. სეულის ტურნირის ტრიუმფატორი გახდა ესპანელი მარია-ხოსე მარტინეს-სანჩესი.</p><p>"პრემიერ" კატეგორიის ტურნირების წინ WTA-ის წამყვანმა ჩოგბურთელებმა დასვენება გადაწყვიტეს, ამიტომაც გუანგჯოუსა და სეულის ტურნირთა ბადეები მოკრძალებული შემადგენლობისა იყო, ხოლო საუკეთესო ოცდაათეულის იმ წევრებმა, რომლებმაც ამ ტურნირზე გამოსვლა მაინც გადაწყვიტეს, განსაკუთრებულ წარმატებებს ვერ მიაწიეს.</p><p>ასე მაგალითად, იტალიელმა ფრანჩესკა სკიავონემ სეულის ტურნირის ორგანიზატორებს უაილდ-ქარდი სთხოვა და მიიღო კიდეც, მაგრამ როლან გაროსის შარშანდელმა ჩემპიონმა პირველივე წრეში შეირცხვინა თავი - ორ სეტში წააგო ვერა დუშევინასთან - 6:7, 2:6. ამის შემდეგ იტალიელმა გამოაცხადა, რომ ავადმყოფობის გამო ტოკიოში არ წავიდოდა სათამაშოდ.</p><p>მარიონ ბარტოლიც უაილდ-ქარდის მეშვეობით მოხვდა სეულში, მაგრამ ისიც დიდი ხნით ვერ შერჩა ტურნირს. პირველ წრეში ესპანელი ნურია ლაგოსტერა-ვივესის დამარცხების შემდეგ, მეორეში ფრანგმა ამერიკელ ვანია კინგთან წააგო. სხვათა შორის ამ უკანასკნელმა კარიერაში პირველად დაამარცხა რეიტინგის პირველი ათეულის წარმომადგენელი.</p><p>შორს გასვლა ვერ მოახერხეს მესამე და მეოთხე ნომრებმა - იულია გორჯესმა და დომინიკა ციბულკოვამ. მეოთხედფინალში სლოვაკმა პოლონა ჰერცოგთან წააგო, გერმანელმა - მარტინეს-სანჩესთან, რომელიც, საბოლოოდ, ტურნირის გამარჯვებული გახდა. ფინალში ესპანელმა ორი ტაი-ბრეიკი მოუგო გალინა ვოსკობოევას, რომელიც რეიტინგში საკუთარ პოზიციებს თანდათან აუმჯობესებს.</p><p><strong>* * *</strong></p><p>გუანგჯოუში პარალელურად მიმდინარე ტურნირზე არ გაუმართლა პირველ ნომრად განთესილ ფავორიტს მარია კირილენკოს. მან დამაჯერებლად მიაღწია ნახევარფინალურ ეტაპს, მაგრამ უფრო შორს ვეღარ წავიდა. თითქოს რუსს არ უნდა გასჭირვებოდა სხეპერსის დამარცხება, რომელმაც წინა ეტაპებზე ყველა მატჩი სამ სეტში მოიგო, მათ შორის, სამსაათიანი მარათონი მეოთხედფინალში ურსულა რადვანსკასთან.</p><p>გადამწყვეტ სეტში კირილენკო 4:1-ს იგებდა, მაგრამ მოულოდნელად ზედიზედ ხუთი გეიმი წააგო. საბოლოოდ, შანელმა სამ საათსა და 24 წუთში გაიმარჯვა და კარიერაში პირველად ფინალში გავიდა, სადაც მოულოდნელად ძალიან იოლად გაუსწორდა მაგდალენა რიბარიკოვას - 6:2, 6:2. სხეპერსი 2003 წლის შემდეგ პირველი სამხრეთარიკელი ქალია, ვინც WTA-ის ტურნირი მოიგო.</p><p>სხვათა შორის სხეპერსი ამ სეზონში მერვე ქალი ჩოგბურთელია, რომელმაც ტურნირის მსვლელობისას მატჩბოლი მოიგერია და შემდეგ ტიტული მოიგო.</p><p>სამხრეთაფრიკელი ახლოს იყო წაგებასთან სუ-ვეი ჰსიესთან მეორე წრის შეხვედრაში.</p><p><strong>WTA</strong></p><p>Korea Open</p><p>სეული (ს. კორეა). ჰარდი</p><p>საპრიზო ფონდი: 220 000 დოლარი</p><p>მარია-ხოსე მარტინეს-სანჩესი (ესპ, 6)-გალინა ვოსკობოევა (ყაზ) 7:6(0), 7:6(2).</p><p>Women's Open</p><p>გუანგჯოუ (ჩინეთი). ჰარდი</p><p>საპრიზო ფონდი: 220 000 დოლარი</p><p>შანელ სხეპერსი (ს. აფრ, 7)-მაგდალენა რიბარიკოვა (სლოვაკ, 8) 6:2, 6:2.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ