<p>ბრიტანელმა ენდი მიურეიმ ბანგკოკში გაიმარჯვა და რეიტინგში როჯერ ფედერერს მიუახლოვდა <br> გასულ კვირას მამაკაცი ჩოგბურთელები ორ ტურნირში არკვევდნენ ურთიერთობას. ბრიტანელმა ენდი მიურეიმ ბანგკოკში გაიმარჯვა და რეიტინგში როჯერ ფედერერს მიუახლოვდა. კუალა ლუმპურში კი კარიერაში პირველი ტიტული მოიპოვა იანკო ტიპსარევიჩმა.</p><p>მიუხედავად იმისა, რომ ბევრმა წამყვანმა ჩოგბურთელმა გასულ კვირას დასვენება გადაწყვიტა, ტაილანდსა და მალაიზიაში მაინც ძლიერი შემადგენლობა შეიკრიბა, განსაკუთრებით ბანგკოკში, სადაც მაყურებელმა მიურეის გარდა გაელ მონფილსი და ჟილ სიმონი იხილა.</p><p>ამ ფრანგულმა დუეტმა ნახევარფინალში გასვლა მოახერხა, მაგრამ უფრო შორს ვერ წავიდა. მონფილსმა სამსაათიან ბრძოლაში წააგო ამერიკელ დონალდ იანგთან - 6:4, 6:7(5), 6:7(5), მიურეიმ კი სიმონის ბარიერი გაიარა.</p><p>მონფილსთან გადატანილი მარათონის შემდეგ იანგს ფინალისთვის ძალა აღარ ეყო. ენდიმ 47 წუთში მოიგო გადამწყვეტი მატჩი - 6:2, 6:0. ბრიტანელმა 5 ეისი ჩააწოდა, ამდენივე ბრეიკი მიითვალა და მეტოქეს ერთი ბრეიკ-პოინტის შანსიც არ მისცა. როგორც ჩანს, ასეთ მოკლე ფინალს ორგანიზატორებიც არ ელოდნენ და მათ ხუთი წუთით დააგვიანეს დაჯილდოვების ცერემონიის დაწყება.</p><p>იანგმა პირველად ითამაშა ATP-ის ტურნირში და ასევე პირველად შევიდა რეიტინგში TOP50-ში. მიურეიმ კარიერაში მე-19, სეზონში კი მესამე ტიტული მოიგო და ტოპსამეულში შესვლის შანსი მიიღო. იმის გათვალისწინებით, რომ ფედერერმა გამოიტანა განაცხადა შანხაის მასტერსიდან, სადაც მას 600 ქულა ჰქონდა დასაცავი, ბრიტანელის შანსები მართლაც კარგად გამოიყურება.</p><p><strong>* * *</p><p></strong>კუალა ლუმპურში უფრო მოკრძალებული შემადგენლობა იყო. იქ შემდეგი ოთხეული გამოირჩეოდა: ნიკოლას ალმაგრო, იანკო ტიპსარევიჩი, მარკოს ბაღდატისი და ვიქტორ ტროიცკი.</p><p>თუ ბანგკოკში ორი ფრანგი ვიხილეთ ნახევარფინალში, კუალა ლუმპრუში სერბებს ჰყავდათ ზუსტად ასეთი წარმომადგენლობა საუკეთესო ოთხეულში. მათ გარდა, ამ ეტაპზე თამაშის უფლება მოიპოვეს ბაღდატისმა და კეი ნიშიკორიმ.</p><p>იაპონელის წარმატება მოულოდნელი იყო, რადგან მეოთხედფინალში პირველ ნომრად განთესილი ალმაგროს დამარცხება შეძლო. თუმცა იაპონელმა ნახევარფინალში დიდი წინააღმდეგობა ვერ გაუწია ტიპსარევიჩს - 4:6, 3:6. თანაც ეს ერთგვარ ტრადიციად იქცა - იანკომ ნიშიკორი წელს უკვე ხუთჯერ დაამარცხა. მეორე ნახევარფინალში ბაღდატისმა მოულოდნელად ძალიან იოლად მოუგო ტროიცკის - მხოლოდ ოთხი გეიმი დაუთმო სერბს.</p><p>საინტერესოა, რომ იანკოს აქამდე ოთხი ფინალი ჰქონდა ნათამაშები ATP-ის ტურში, თუმცა ერთი ტიტულიც ვერ მოიპოვა. კვიპროსელს ცხრიდან ოთხი ფინალი ჰქონდა მოგებული. მაგრამ ამჯერად სერბმა შეძლო უსიამოვნო ტრადიციის დარღვევა.</p><p>პირველ სეტში მან დაიბრუნა სტარტზე დაკარგული ბრეიკი და საბოლოოდ 6:4 მოიგო. მეორეში პარტიის გადარჩენაზე ზრუნვა უკვე ბაღდატისს მოუწია. მარკოსმა ბოლო მომენტში მატჩზე არ ჩააწოდებინა ტიპსარევიჩს, დაიბრუნა მეორე ბრეიკი, მაგრამ იქვე ისევ დათმო საკუთარი გეიმი და იანკომ მესამე მატჩბოლიდან მოიპოვა გამარჯვება.</p><p>ტიპსარევიჩი წელს მეათე ჩოგბურთელი გახდა, ვინც კარიერაში პირველი ტიტული მოიპოვა. აი, ამ ჩოგბურთელთა სია:</p><p>1. ანდერსონი (ს. აფრ) - იოჰანესბურგი</p><p>2. დოდიგი (ხორ) - ზაგრები</p><p>3. რაონიჩი (კან) - სან ხოსე</p><p>4. სვიტინგი (აშშ) - ჰიუსტონი</p><p>5. ანდუხარი (ესპ) - კასაბლანკა</p><p>6. სეპი (იტა) - ისტბურნი</p><p>7. დოლგოპოლოვი (უკრ) - უმაგი</p><p>8. ჰაასე (ჰოლ) - კიტცბუელი</p><p>9. ფ. მაიერი (გერ) - ბუქარესტი</p><p>10. ტიპსარევიჩი (სერ) - კუალა ლუმპური</p><p><strong>* * *</p><p></strong>ამ კვირას ATP-ის ტურში ისევ ორი ტურნირი გაიმართება - ტოკიოსა და პეკინში. ჩინეთში განთესილთა სიას სათავეში უდგანან ჟო-ვილფრიდ ცონგა და ტომაშ ბერდიხი. იაპონიაში გაემგზავრნენ რაფაელ ნადალი, მიურეი, დავიდ ფერერი, მარდი ფიში და სხვა ძლიერი ჩოგბურთელები.</p><p><strong>ATP</p><p></strong>Thailand Open</p><p>ბანგკოკი (ტაილანდი). ჰარდი</p><p>საპრიზო ფონდი: 645 000 დოლარი</p><p>ფინალი</p><p>ენდი მიურეი (ბრიტ, 1)-დონალდ იანგი (აშშ) 6:2, 6:0.</p><p>Malaysian Open</p><p>კუალა ლუმპური (მალაიზია). ჰარდი</p><p>საპრიზო ფონდი: 948 000 დოლარი</p><p>ფინალი</p><p>იანკო ტიპსარევიჩი (სერ, 3)-მარკოს ბაღდატისი (კვიპ) 6:4, 7:5.</p><p><strong>ყოველდღიური სპორტული გაზეთი "ლელო"</strong></p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ