პეკინმა კერპი დაკარგა

WTA-ის უმსხვილესს ტურნირზე სასტარტო რაუნდში ადგილობრივი პუბლიკის კერპი ნა ლი დამარცხდა შაბათს პეკინში სტარტი აიღო WTA-ის უმსხვილესმა ტურნირმა, რომელიც ბოლოა ამ სეზონში Premier Mandatory-ის სერიიდან. პირველი დღეების მთავარი მოულოდნელობა გახდა სასტარტო რაუნდში ადგილობრივი პუბლიკის კერპის ნა ლის მარცხი.პეკინის გარდა, წელს Premier Mandatory-ის სტატუსი კიდევ სამ ტურნირს ჰქონდა: ინდიან უელსს, მაიამისა და მადრიდს. აქ შესაბამისად კაროლინ ვოზნიაცკიმ, ვიქტორია აზარენკამ და პეტრა კვიტოვამ გაიმარჯვეს.ქალთა სეზონის დასრულებამდე არც ისე დიდი დროა დარჩენილი. ოქტომბრის ბოლოს გაიმართება წლის შემაჯამებელი ტურნირი სტამბოლში და იქ მოხვედრის მხრივ, პეკინის ტურნირი ძალიან მნიშვნელოვანია.დასკვნით ჩემპიონატში უკვე მოიპოვეს თამაშის უფლება ვოზნიაცკიმ, მარია შარაპოვამ, აზარენკამ და კვიტოვამ. ნა ლი, ვერა ზვონარევა და სამანტა სტოსური თითქმის თურქეთში არიან - ნაკლებად მოსალოდნელია, რომ მათ პოზიციებს საფრთხე დაემუქროს.ბოლო მერვე ადგილი კი ამ მომენტისთვის მარიონ ბარტოლის ეკუთვნის, თუმცა ამ პოზიციაზე სერიოზულ პრეტენზიას აცხადებენ აგნიეშკა რადვანსკა, ანდრეა პეტკოვიჩი და ფრანჩესკა სკიავონე. ისინი 500 ქულაზე მეტს აგებენ ფრანგთან, ამიტომაც პეკინში, რაც შეიძლება შორს უნდა გააღწიონ.რაც შეეხება რეიტინგის ლიდერობისთვის ბრძოლას, ამ მხრივ ინტრიგა თითქმის აღარ არსებობს, რადგან მარია შარაპოვამ ტრავმის გამო უარი თქვა პეკინში თამაშზე. თეორიულად, კაროლინ ვოზნიაცკიმ შეიძლება დაკარგოს კლასიფიკაციაში პირველი ადგილი, მაგრამ ეს ნაკლებად მოსალოდნელია. თუმცა ნურც იმას დავივიწყებთ, რომ დანიელს პეკინში შარშან მოპოვებული ტიტულის გამო 1000 სარეიტინგო ქულა აქვს დასაცავი.პირველი ორი დღის მთავარი მოვლენა იყო როლან გაროსის ჩემპიონის - ნა ლის მარცხი. ჩინელი ბრწყინვალე სეზონს ატარებს - ითამაშა ავსტრალიის ღიას ფინალში, მოიგო როლან გაროსი და მეხუთე ადგილს იკავებს კლასიფიკაციაში. მაგრამ შინ გამოსვლა ლის არ გამოუვიდა.პირველ წრეში ის მონიკა ნიკულესკუს ხვდებოდა, რომელიც ძირითად ბადეში კვალიფიკაციის გავლით მოხვდა. რუმინელმა წელს ამერიკის ღიაზე აჩვენა კარგი თამაში, როცა მერვედფინალამდე მიაღწია. ამჯერადაც მაღალი დონის ჩოგბურთი ითამაშა, მრავალფეროვან კომბინაციებს ანვითარებდა, ლი კი ძალიან ბევრ შეცდომას უშვებდა. საბოლოოდ, ჩინელმა მხოლოდ ოთხი გეიმი მოიგო - 4:6, 0:6.ეს წაგება დაეტყობა ნა ლის მდგომარეობას რეიტინგში - შარშან მან აქ ფინალში ითამაშა, ასე რომ, ჩინელი 450 ქულას დაკარგავს და მეშვიდე ადგილამდე ჩამოქვეითდება. სხვათა შორის ტურნირს გამოეთიშა კიდევ ერთი შარშანდელი ნახევარფინალისტი შაარ პეერი.ასევე განთესილთა სიას გამოაკლდა ელენა იანკოვიჩი, რომელიც ტამირა პაჩეკთან დამარცხდა, დანარჩენებმა განთესილებმა კი შეძლეს პირველი წრის ბარიერის გადალახვა. სკიავონემ, სტოსურმა და საბინ ლისიცკიმ ეს საკმაოდ დამაჯერებლად გააკეთეს, პეტკოვიჩსა და ბარტოლის კი დიდი ბრძოლა მოუწიათ. განსაკუთრებით გაუჭირდა ბარტოლის ივეტ ბენეშოვასთან - ფრანგმა მესამე პარტიაში გამოსტაცა გამარჯვება ჩეხს - 3:6, 6:4, 7:5.WTAChina Openპეკინი (ჩინეთი). ჰარდისაპრიზო ფონდი: 4 500 000 დოლარიI წრეფრანჩესკა სკიავონე (იტა, 7)-ბოიანა იოვანოვსკი (სერ) 6:1, 6:3; სვეტლანა კუზნეცოვა (რუს, 16)-ალექსანდრა დულგერუ (რუმ) 6:2, 4:1 უარი; ტამირა პაჩეკი (ავსტრია)-ელენა იანკოვიჩი (სერ, 10) 7:5, 6:4; სოფია არვიდსონი (შვედ)-ალიონა ბონდარენკო (უკრ) 6:2, 5:7, 7:5; ანდრეა პეტკოვიჩი (გერ, 9)-ლუსი საფაროვა (ჩეხ) 7:6(5), 6:4; ანა ივანოვიჩი (სერ)-კიმიკო დატე (იაპ) 6:1, 6:1; კარლა სუარეს ნავარო (ესპ)-ეკატერინა მაკაროვა (რუს) 7:5, 6:1; მონიკა ნიკულესკუ (რუმ)-ნა ლი (ჩინ, 4) 6:4, 6:0; მარიონ ბარტოლი (საფ, 8)-ივეტ ბენეშოვა (ჩეხ) 3:6, 6:4, 7:5; ანასტასია პავლიუჩენკოვა (რუს, 13)-ბარბორა ზახვალოვა (ჩეხ) 7:5, 6:4; სამანტა სტოსური (ავსტრა, 6)-ცვეტანა პირონკოვა (ბულ) 6:4, 6:0.ყოველდღიური სპორტული გაზეთი "ლელო"

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს