<p>ქუთაისის სპორტის სასახლეში აკაკი კიბორძალიძის სახელობის საერთაშორისო ტურნირი ძიუდოში ჭაბუკთა შორის გაიმართა <br> ქუთაისის სპორტის სასახლეში გაიმართა აკაკი კიბორძალიძის სახელობის მეათე საერთასორისო ტურნირი ძიუდოში ჭაბუკთა (1993-95) შორის. შეჯიბრება გუნდური სისტემით ჩატარდა და მასში მონაწილეობა თბილისის, ქუთაისის, იმერეთის, მესხეთ-ჯავახეთის, ქვემო ქართლის, შიდა ქართლისა და სამეგრელო-ზემო სვანეთის ნაკრებებმა მიიღეს.</p><p>თითოეული გუნდი ერთმანეთს 8 წონით კატეგორიაში ეჯიბრებოდა. პირველ ეტაპზე თბილისის ნაკრები ისვენებდა, ქუთაისმა მესხეთ-ჯავახეთის გუნდს იოლად 8:0 სძლია. ქვემო ქართლმა სამეგრელო-ზემო სვანეთს მოუგო 5:2, იმერეთის ნაკრებმა კი შიდა ქართლი 6:2 დაამარცხა.</p><p>ნახევარფინალში თბილისმა 6:1 გაიმარჯვა იმერეთთან, ქუთაისმა კი ქვემო ქართლი დაამარცხა. მესამე ადგილისთვის ერთმანეთს იმერეთი და ქვემო ქართლი დაუპირისპირდნენ. თავიდან იმერლები 2:0 დაწინაურდნენ 55 კგ. წონით კატეგორიაში გაგა გუბელაძემ მირზა გუჯეჯიანს მოუგო, 60 კგ-ში კი გოგა ლომთაძემ ბექა მათიაშვილი დაამარცხა.</p><p>ქვემო ქართლელებს შანსი 66 კგ-ში მოჭიდავე ბექა ვიბლიანმა შეუნარჩუნა, რომელმაც მანამდე შესანიშნავად მოასპარეზე თორნიკე ტვილდიანს იპონით მოუგო. შემდეგ წონებში ისევ იმერლებმა იყოჩაღეს - 73 კგ-ში უჩა მარგიანმა ლერი დადვანი დაამარცხა, 81-ში კი ცოტნე ზურაბიანმა მჭედლიშვილს სძლია.</p><p>ქვემო ქართლელთაგან 90 კილოგრამ წონით კატეგორიაში მოასპარეზე კორიფაძემ ივარგა, რომელმაც გიორგი ჯიბლაძეს მოუგო. 100 და +100 კილოგრამებში ისევ იმერლებმა კარლო ნემსიწვერიძემ და გუგა კიბორძალიძემ გაიმარჯვეს. საბოლოოდ იმერლებმა 6:2 მოიგეს და ბრინჯაოს მედლებს დაეუფლნენ.</p><p>ფინალში ერთმანეთს ქუთაისი და თბილისი დაუპირისპირდნენ. პირველი ფინალური ორთაბრძოლა 55 კგ.წონით კატეგორიაში ქუთაისელი ლერი ჭეიშვილის გამარჯვებით დასრულდა, რომელმაც ლევან თანიშვილს სუფთად მოუგო.</p><p>60 კგ-ში თბილისელმა გელა ქელეხაშვილმა გელა ლიპარტიანს სძლია და ანგარიში გათანაბრდა 1:1 შემდეგ თბილისელმა პავლე ქავთარაძემ (66) ნუგზარ ქურასბედიანი დაამარცხა, თამაზ ონიანისა და თომა თავზარაშვილის (73) ჭიდაობა კი ფრედ დასრულდა. 81 კგ-ში თბილისელმა თემურ ხაჩიძემ ჯაბა ჩეჩელაშვილს მოუგო და დედაქალაქელები 3:1 დაწინაურდნენ. ფინალს ინტრიგა ჯაბა კაპანაძემ (90კგ.) დაუბრუნა, რომელმაც გიორგი სეტიელი იპონით დაამარცხა.</p><p>სეტიელი მსაჯების გადაწყვეტილებას დიდხანს აპროტესტებდა, მაგრამ ამაოდ. გადამწყვეტი გამოდგა 100 კგ-ში გიორგი ქავთარაძისა (თბ) და ელგუჯა ბიბილაშვილის (ქუთ) ორთაბრძოლა, რომელიც საბოლოოდ ქავთარაძის გამარჯვებით დამთავრდა -5:0 და თბილისმა ჩემპიონობა გაინაღდა 4:2 ბოლო ორთაბრძოლა (+100) როსტომ ხახალეიშვილსა და ამბროსი კონკროშვილს შორის ფორმალობაღა იყო. ოლიმპიური ჩემპიონის დავით ხახალეიშვილის ვაჟმა მეტოქეს 10:0 სძლია, მაგრამ საბოლოო გამარჯვება თბილისს დარჩა 4:3 და ოქროს მედლებს დედაქალაქელები დაეუფლნენ.</p><p>დავით ხახალეიშვილი: ,, აკაკი კიბორძალიძის სახელობის ტურნირში კახეთისა და აჭარის გარდა თითქმის ყველა რეგიონმა მიიღო მონაწილეობა. შეჯიბრება ძალიან საინტერესოდ წარიმართა, რაც იმას ნიშნავს რომ ნიჭიერი და ჯანსაღი თაობა მოდის.</p><p>ასეთი ტურნირებით ახალგაზრდებს ეძლევათ შანსი ჩამოყალიბდნენ და დიდი სპორტისკენ მიმავალ გზაზე გამოცდილება შეიძინონ. მომავალ წელს ქალაქის ხელმძღვანელობის ხელშეწყობით ტურნირი გაცილებით ფართო მასშტაბებს მიიღებს. გვინდა რამდენიმე ევროპული გუნდი მოვიწვიოთ და აკაკი კიბორძალიძის ტურნირი ევროპული შეჯიბრებების კალენდარში მოვახვედროთ. ამასთან დაკავშირებით მოლაპარაკებები მიმდინარეობს და ვფიქრობ, რომ ყველაფერი წარმატებით დასრულდება".</p><p><strong>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ