- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესეც შენ, მარკუს მერკ!
<p>გერმანია. ბუნდესლიგა. IX ტურის გამოხმაურება: გელზენკირხენმა ფანებმა საძულველ მსაჯზე შური 10 წლის შემდეგ იძიეს <br> "ბაიერნმა" შთამბეჭდავი სერია არ შეწყვიტა - რეკორდმაისტერმა ექს-მიუნხენელი მარკუს ბაბელის გუნდს ზედმეტად იოლად გადაურბინა.</p><p>ამასობაში, "ბაიერნის" შესაძლო კონკურენტების სიაში დორტმუნდის "ბორუსია" დააწინაურა - მოქმედმა ჩემპიონმა მიუნხენური გრანდის ექს-მდევარ "ვერდერს" მოუგო. მართალია, "დორტმუნდსა" და "ბაიერნს" შორის მიონხენგლადბახის "ბორუსიაა", რომელსაც დიდი სიამოვნებით მივიჩნევდით რეკორდმაისტერის რეალურ კონკურენტად, მაგრამ "გლადბახი" სათვალავში ჩასაგდები ალბათ მაინც არ არის.</p><p>"გლადბახთან" ერთად მოწინავეებში დაბრუნების შანსი "ჰანოვერსაც" ჰქონდა და "წითლებმა" ეს რომ ვერ შეძლეს, მსაჯისა და კიოლნელი ლუკას პოდოლსკის დამსახურებაა, რომელიც გასულ უქმეებზე ბრწყინვალე გოლით გამოირჩა. შაბათს საღამოს გაგვახსენდა, რომ ერთ დროს "ბაიერნის" მთავარი კონკურენტი "შალკე" იყო: გელზენკირხენულმა პუბლიკამ პერსონა ნონ გრატად გამოცხადებულ მარკუს მერკს პირველიდან ბოლო წუთამდე აგინა, რაც "შალკეს" სიმპატიებს ნამდვილად არ მოუტანს.</p><p>მაშ ასე: გერმანიის ჩემპიონატის მე-9 ტურის გამოხმაურება.</p><p><strong>ტურის სკანდალი: მერკი გელზენკირხენში</p><p></strong>ემოციები ფეხბურთის ერთ-ერთი ულამაზესი ნაწილია, რის გარეშეც სპორტის ნომერ პირველი სახეობა წარმოუდგენელია. "შალკეს" მთელი მსოფლიოს მასშტაბით ერთ-ერთი ყველაზე ემოციური ფანები ჰყავს - ზედმეტად ემოციურიც კი, რაც შაბათს გამოჩნდა.</p><p>ცნობილი გერმანელი მსაჯი მარკუს მერკი, რომელსაც სამსაჯო კარიერა დამთავრებული აქვს და დღეს ტელეექსპერტია, გელზენკირხენში პირველად ჩავიდა მას მერე, რაც 2001 წელს სწორედ მისი გადაწყვეტილების გამო დაკარგა "შალკემ" გერმანიის ჩემპიონობა ბოლო ტურის ბოლო წუთებზე. მიუხედავად იმისა, რომ მას მერე ათი წელია გასული, "შალკეს" ქომაგებმა 49 წლის მერკი არ დაინდეს და პირველიდან ბოლო წუთამდე უკიდურესად უხამსი სიტყვებით ლანძღავდნენ.</p><p>აღარაფერს ვამბობთ მისი მისამართით ნასროლ სხვადასხვა საგნებზე. შესვენებაზე მერკი მატჩს პირდაპირ ეთერში აანალიზებდა, როცა "აუფ შალკეს" ტრიბუნები განსაკუთრებით მწარე სიტყვებს სკანდირებდნენ.</p><p>პრინციპში, "შალკეს" ქომაგების გაგება შეიძლება: ნახევარ საუკუნეზე მეტია, გელზენკირხენულ კლუბს გერმანიის ჩემპიონობა არ უზეიმია და ამ ხნის მანძილზე "შალკე" "ვერცხლის სინთან" ყველაზე ახლოს სწორედ 2001 წელს იყო და მაშინაც მერკის გამო ვერ გახდა ჩემპიონი...</p><p><strong>როგორც დასაკლავად განწირული ღორები...</p><p></strong>პარასკევის შემდეგ გერმანიაში დორტმუნდის "ბორუსიას" კრიზისზე აღარავინ საუბრობს, რადგან გერმანიის ჩემპიონმა ზედიზედ მესამე თამაში მოიგო და 9 ტურის შემდეგ ისევ "ბაიერნის" ნომერ პირველი კანდიდატია (თუ "გლადბახს" არ ჩავთვლით).</p><p>დორტმუნდელებმა ბრემენში მედგრად იბრძოლეს და მიუხედავად იმისა, რომ თითქმის 45 წუთის მანძილზე კაცნაკლულები იყვნენ, "ვერდერის" იერიშებსაც გაუძლეს და "მუსიკოსებს" მეორე გოლიც გაუტანეს.</p><p>ნევენ სუბოტიჩმა სწორად აღნიშნა, ამ გამარჯვებას წლების მერეც გავიხსენებთ, რადგან ათი კაცით ვიყავით და მაინც ისე ვიბრძოლეთ, როგორც დასაკლავად განწირული ღორები იბრძვიან ხოლმეო.</p><p>ეს გამარჯვება "ბორუსიასთვის" მნიშვნელოვანი იყო თავდაჯერებისთვისაც: ხვალ იურგენ კლოპის გუნდს ჩემპიონთა ლიგაში ხომ გადამწყვეტი ბრძოლა ელის - ბერძნულ "ოლიმპიაკოსთან". სუბოტიჩი ამბობს, დარწმუნებული ვარ, რომ საბერძნეთიდან ხელცარიელები არ დავბრუნდებითო.</p><p><strong>მარკო როისის უსიამო ვნებანი</p><p></strong>ტურის საცოდაობა ნამდვილად ის იყო, რომ მიონხენგლადბახის "ბორუსიამ" ამ ტურში ვერ მოიგო. ამ სეზონში "გლადბახი" რომ არ გესიმპატიურებოდეს, მაინცდამაინც "კიოლნის" ფანი უნდა იყო... თუკი შარშან გადარჩენისთვის იბრძოდნენ და მეორე ბუნდესლიგაში დაქვეითებამდე ძალიან ცოტა დააკლდათ, წელს, ლუსიენ ფავრის ხელში "გლადბახი" მართლა დაფრინავს. ფავრის ბიჭებმა "ლევერკუზენთანაც" (2:2) იფრინეს და გუნდის ლიდერ მარკო როისს რამდენიმე რეალური საგოლე მომენტი რომ არ გაეფუჭებინა, შეხვედრას აუცილებლად მოიგებდნენ და თანაც, დიდი ანგარიშით. თუმცა ეგ არაფერი: როისი ჯერ მხოლოდ 22 წლისაა...</p><p><strong>განადგურებული ბაბელი</p><p></strong>"იმედი მაქვს, რომ ბიჭები უკანასკნელ ძალებს მოიკრებენ და შესაძლებლობების მაქსიმუმს გამოავლენენ. "ბაიერნთან" წარმატების მიღწების მცირე შანსი მხოლოდ ამ შემთხვევაში გაგვიჩნდება," - ამბობდა ტურის წინ მარკუს ბაბელი, მაგრამ მის გუნდს მაინც არაფერი ეშველა: "ჰერტა" მიუნხენში უბრძოლველად და ძალიან სწრაფად ჩაიძირა - სამი წუთის შემდეგ "ბაიერნი" უკვე 3:0-ს იგებდა.</p><p>მეორე ტაიმში ბავარიელებს ძალები რომ არ დაეზოგათ, ლევან კობიაშვილი და კომპანია უფრო მეტად შერცხვებოდნენ, ასე კი "მხოლოდ" 4:0 დაფიქსირდა.</p><p>შესაძლოა, ბავარიელებმა "ჰერტა" სწორედ ბაბელის გამოც დაინდეს: მარკუსი "ბაიერნში" ხომ 17 წლის მანძილზე თამაშობდა.</p><p><strong>ასიანი არნესენი</p><p></strong>კვირას დღეს ორი გმირი ჰყავდა: ერთის მხრივ "ჰამბურგის" სპორტული დირექტორი და დროებითი მწვრთნელი ფრანკ არნესენი და მეორე მხრივ "კიოლნის" ლიდერი ლუკას პოდოლსკი. ამ შემთხვევაში არნესენზე გვსურს თქვენი ყურადღების გამახვილება, რადგან ამ უკანასკნელს სამწვრთნელო კარიერაში ასპროცენტიანი შედეგი აქვს.</p><p>ფრანკი ადრე "ეინდჰოვენსაც" წვრთნიდა დროებით. მის ხელში პსვ-მ ექვსი თამაში ჩაატარა და ექვსივე მოიგო! ახლა კი, "ჰამბურგის" დროებითი მწვრთნელის რანგში "ფრაიბურგი" დაამარცხა (2:1). დროა, წარმატებულმა მენეჯერმა მწვრთნელობაზეც იფიქროს...</p><p><strong>პრინცის ლამაზი გოლები</p><p></strong>რაც შეეხება პოდოლსკის: მის "კიოლნს" გაუმართლა, რადგან მსაჯმა იოხენ დრეესმა "ჰანოვერს" წესებიც დაცვით გატანილი გოლი არ ჩაუთვალა.</p><p>მიუხედავად ამისა, მაინც ვერ ვიტყვით, რომ "კიოლნმა" გამარჯვება არ დაიმსახურა, რაც თავის მხრივ სწორედ პოდოლსკის დამსახურებაა. პოლდის ორივე გოლი ულამაზესი გამოუვიდა: ჯერ ჯარიმა შეაგდო 25 მეტრიდან, მერე კი კიდევ უფრო თვალსასეირო გოლი გაიტანა.</p><p><strong>მე-9 ტურის სიმბოლური ნაკრები (3-4-3)</p><p></strong>ბერნდ ლენო ("ლევერკუზენი", 2) - ჟერომ ბოატენგი ("ბაიერნი", 2), მატს ჰუმელსი ("ბორუსია" დ, 2), ამარ ჯემალი ("კიოლნი", 1) - მარკო როისი ("ბორუსია" მ, 3), სვენ ბენდერი ("ბორუსია" დ, 1), ბასტიან შვაინშტაიგერი ("ბაიერნი", 1), ფრანკ რიბერი ("ბაიერნი", 5) - მარიო მანჯუკიჩი ("ვოლფსბურგი", 2), მარიო გომესი ("ბაიერნი", 3), ლუკას პოდოლსკი ("კიოლნი", 3)<em></p><p></em></p><p>თუ ასე გააგრძელა, ამ სეზონის საუკეთესო ფეხბურთელი ულაპარაკოდ ფრანკ რიბერი გახდება. თავად განსაჯეთ: მიუნხენის "ბაიერნის" ფრანგი გარემარბი 9 ტურიდან 5-ჯერ სიმბოლურ ნაკრებში მოხვდა, რაც, დაგვეთანხმებით, ფენომენალური შედეგია. ცოტათი გასაკვირია ის, რომ შესანიშნავ ფორმაში მყოფი "ბაიერნიდან" სიმბოლურში მხოლოდ და მხოლოდ პირველად ვხედავთ ბასტიან შვაინშტაიგერს.</p><p><strong>ტურის გმირი</p><p></strong>ფრანკ რიბერი ("ბაიერნი")</p><p>პრინციპში, იოლი მისახვედრი იყო, რომ ამ ტურის გმირიც რიბერი გახდებოდა, რადგან ისედაც იდეალურ ფორმაში მყოფს, "ჰერტასთან" გართობა ლოგიკურად უნდა გაადვილებოდა და ასეც მოხდა. ფაქტებით ვილაპარაკოთ: მატჩის 90-ე წამზე უკვე ანგარიშის გახსნა შეეძლო, მე-5 წუთზე მარიო გომესს გოლი გაატანინა, მე-7 წუთზე თავად გაიტანა, ხოლო მე-13 წუთზე კი ნიმაიერს ბურთი ფეხებსშუა გაუტარა, რის შემდეგაც უკვე შვაინშტაიგერს მისცა საგოლე პასი. მეტსაც გეტყვით: "ბაიერნის" მეოთხე გოლიც რიბერის დამსახურება გახლდათ - პენალტი სწორედ მან მოიპოვა...</p><p><strong>საუკეთესო ფეხბურთელები</p><p></strong>9 ტურის შემდეგ, "კიკერის" შეფასებების მიხედვით</p><p>ფეხბურთელი კლუბი საშუალო შეფასება</p><p>1. ფრანკ რიბერი ბაიერნი 2.28</p><p>2. დანიელ ვან ბუიტენი ბაიერნი 2.30</p><p>3. მარიო გიოტცე ბორუსია (დ) 2.36</p><p>4. კლაუდიო პისარო ვერდერი 2.36</p><p>5. ჰოლგერ ბადშტუბერი ბაიერნი 2.39</p><p>6. მარკო როისი ბორუსია (მ) 2.44</p><p>7. ბასტიან შვაინშტაიგერი ბაიერნი 2.50</p><p>8. ანდრე ტერ შტეგენი ბორუსია (მ) 2.61</p><p>9. მატს ჰუმელსი ბორუსია (დ) 2.67</p><p>10. ანატოლი ტიმოშჩუკი ბაიერნი 2.67</p><p><strong>გოლს პლუს პასის რეიტინგი</p><p></strong>ფეხბურთელი კლუბი თამაში გოლი პასი ქულა</p><p>ფრანკ რიბერი ბაიერნი 9 4 8 12</p><p>მარიო გომესი ბაიერნი 8 10 1 11</p><p>პაპის დემბა სისე ფრაიბურგი 9 7 3 10</p><p>ლუკას პოდოლსკი კიოლნი 8 6 4 10</p><p>კლაას-იან ჰუნტელაარი შალკე 9 8 1 9</p><p>რობერტ ლევანდოვსკი ბორუსია (დ) 9 5 4 9</p><p>კლაუდიო პისარო ვერდერი 8 6 3 9</p><p>მარიო მანჯუკიჩი ვოლფსბურგი 9 5 3 8</p><p>მოჰამედ აბდელაუ ჰანოვერი 6 6 1 7</p><p>რაული შალკე 9 4 3 7</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო