- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ლევანტე" - აღმოსავლური სასწაული
<p>"ლევანტემ" ესპანეთის პრიმერადივიზიონში უკვე იმაზე მეტი ქულა დააგროვა, ვიდრე შარშან სეზონის პირველ ნახევარში <br> აღმოსავლური სასწაული, რომელიც სამხრეთულს ჩაენაცვლა, გრძელდება - განვმარტოთ: სეზონი სამხრეთულმა (ანდალუსიის) "ბეტისმა" დაიწყო ზედიზედ 4 მოგებით, მაგრამ შემდეგ გააჩერეს. სევილიელთა ესთაფეტა კი აღმოსავლურმა (ვალენსიის) "ლევანტემ" (რაც ისედაც აღმოსავლეთს ნიშნავს) გააგრძელა.</p><p>კვირას 47 წლის და აქამდე უცნობ სპეციალისტ ხუან იგნასიო მარტინესს სერიოზული გამოცდა ელოდა, მანუელ პელეგრინის ვარსკვლავური და ამბიციური "მალაგა" სტუმრობდა "სიუტატ დე ვალენსიას", მაგრამ ანდალუსიაში შინ გაწბილებული წავიდა, 0:3 წააგო.</p><p>მგონი, დადგა დრო ახლოს გავიცნოთ მწვრთნელიცა და გუნდიც - მათ ეს დაიმსახურეს: 7 თამაშიდან 17 ქულით "ლევანტე" "ბარსელონასთან" ლიდერობას იყოფს (მხოლოდ ბურთების უარესი სხვაობით ჩამორჩება). ვალენსიელებმა 5 მოიგეს და 2 ფრედ დაასრულეს, გაიტანეს 11 და გაუშვეს 3 (ყველაზე ცოტა ლა ლიგაში) გოლი.</p><p>"ლევანტემ" "სიუტატ დე ვალენსიაზე" სამივე თამაში მოიგო, ხოლო სტუმრად 2 მოიგო და ამდენივე ფრედ დაასრულა. გუნდი ზედიზედ ხუთი თამაშია მხოლოდ იმარჯვებს (მოუგო თვით "რეალს"). მოკლედ, მუდამ "ღამურების" ("ვალენსიას" მეტსახელი) ჩრდილში მყოფი "ბაყაყები", სადაც კარიერა შოთა არველაძემ დაასრულა, მზის სინათლეზე გამოდიან.</p><p>ადრეც გვითქვამს, რომ ხუან იგნასიო მარტინესი აქამდე სეგუნდა და უფრო დაბალი ლიგების გუნდებს წვრთნიდა. მას შემდეგ, რაც უცხოელი ინვესტორების წყალობით გამდიდრებულმა "ხეტაფემ" "ლევანტეს" წარმატებული მწვრთნელი ლუის გარსია წაჰგვარა, მცირებიუჯეტიანმა აღმოსავლურმა კლუბმა ხუან იგნასიოს დაუძახა.</p><p>მართალია, "ბაყაყები" 1909 წელს დაარსეს, მაგრამ ვალენსიურ კლუბს მდიდარი ტრადიციების მეზობლისგან განსხვავებით, არაფრისთვის მიუღწევია - ლა ლიგაში სულ 7 სეზონი გაატარა (2 60-იან წლებში და 5 ბოლო ათწლეულში). კლუბის ისტორიაში ყველაზე დიდი მიღწევა 1964 წელს ჩემპიონატის მე-10 ადგილზე დასრულებაა.</p><p>ბუნებრივია, რაც ხუან იგნასიომ პირველივე პრესკონფერენციაზე განაცხადა - "ლევანტეს" მიზანი პრიმერაში ადგილის შენარჩუნება იქნებაო. ამის გამო მწვრთნელის გაკრიტიკებ თავში არავის მოსვლია. მით უფრო, რომ "ლევანტემ" სეზონის წინ ლიდერი დაკარგა - "მანჩესტერ სიტიმ", რომელიც ეკვადორელი ფელიპე კაისედოს მფლობელი იყო ("ლევანტეში" იჯარით თამაშობდა და 13 გოლი გაიტანა), ის მოსკოვის "ლოკომოტივში" 7,5 მილიონ ევროდ გაყიდა (თანხის ნაწილი "ლევანტესაც" ერგო).</p><p>დანარჩენი დანაკარგი უმნიშვნელო იყო, მათ შორის თბილისის "დინამოში" წამოსული ჩისკო მუნიოსი. ვალენსიურ კლუბში რამდენიმე საინტერესო ფეხბურთელი მივიდა, მაგრამ ბევრიც არაფერი: კეილორ ნავასი, ასიერ დელ ორნო, ხავიერ ფარინოსი, მიგელ პალიარდო, ხოსე ბარკერო და სხვები.</p><p>ხუან იგნასიო გუნდს ესპანეთში კარგად აპრობირებული 4-2-3-1 ტაქტიკით ათამაშებს. კარში 33 წლის გამოცდილი ურუგვაელი გოლკიპერი გუსტავო მუნუა დგას, ასე რომ, ჯერ კოსტა-რიკელი კეილორ ნავასის საქმეში ნახვის შანსი არ მოგვცემია.</p><p>დაცვის მარჯვენა ფლანგზე 35 წლის ხავი ვენტა თამაშობს (ეს ფეხბურთელი "ვილიარეალიდან" უნდა გახსოვდეთ), მარცხენა ფრთაზე მისი თანატოლი ხუანფრანია , რომელმაც ესპანეთის თითქმის ყველა გუნდი მოიარა და არა მარტო ესპანეთის, ეროვნულ ნაკრებში კი 11 მატჩი ჩაატარა, სანამ შემადგენლობიდან ხოან კაპდევილამ არ ამოაგდო.</p><p>დაცვის ცენტრში მუდმივი წყვილს კაპიტან სერხიო ბალესტეროსის (36 წლის) და ნანოს (31 წლის) დუეტი შეადგენს. დაცვისა და მეკარის ხუთეული ჯამში 170 წლისაა (!!!). შეცვლაზე შემოდის ხოლმე 30 წლის ბასკი ასიერ დელ ორნო.</p><p>საყრდენის პოზიციაზე სამი კაცია ადგილი კი ორი. ძირითადში ადგილს ერთმანეთს 33 წლის ხავიერ ფარინოსი (დიახ, "ის" ფარინოსი - "ვალენსიას" და "ინტერის" ყოფილი ფეხბურთელი) და ორი ახალგაზრდა ხავი ტორესი (24 წლის, რომელმაც 2009 წელს "ბარსაში" 2 თამაში ჩაატარა) და ვისენტე იბორა (23 წლის) ეცილებიან.</p><p>შემტევი ტრიო ნახევარმცველებისა ხშირად ასეთია: 33 წლის ხოსე ბარკერო (ბასკი, რომელიც ოდესღაც ესპანური ფეხბურთის ერთ-ერთი მთავარი იმედი იყო), 31 წლის ხუანლუ და 30 წლის კაბო-ვერდელი ვალდო. შეტევაში ან 32 წლის რუბენ სუარესია, ან 27 წლის კოტდივუარელი არუნა კონე. ხანდახან ამ პოზიციაზე 31 წლის კარლოს არანდაც თამაშობს ხოლმე. მოკლედ, თავიდან ბოლომდე ვეტერანთა გუნდია და სეზონის წინ მიმომხილველები იმასაც წერდნენ, რომ "ბებრები" მომქანცველ სეზონს ვერ გაუძლებდნენ და აუცილებლად გავარდებოდნენ ლა ლიგიდან.</p><p>"ლევანტემ" უკვე იმაზე მეტი ქულა დააგროვა, ვიდრე შარშან სეზონის პირველ ნახევარში. "მალაგასთან" მატჩში ხუან იგნასიომ რეკორდი დაამყარა - მან პრიმერას ისტორიაში ყველაზე ხანდაზმული თერთმეტეული დააყენა - ფეხბურთელთა საშუალო ასაკი 32 წელს შეადგენდა! და აი, ამ "ბებრებმა" ბრდღვნად ვერ იმყოფინეს "მალაგა" თავისი კასორლებით, მატეისენებით, ტულალანებით და ვან ნისტელროებით... ეს იყო ტურის ერთადერთი ნაღდი სენსაცია.</p><p>როცა კვირას ხუან იგნასიომ ჟურნალისტებს უთხრა, ამას ნამდვილად არ ველოდიო. მედიელებმა სთხოვეს დაეკონკრეტებინა, რას გულისხმობდა, "მალაგას" 3:0 განადგურებას თუ საოცარ სტარტს პრიმერაში. მწვრთნელის პასუხი ლაკონური იყო - ორივეს... წინ ვალენსიური დერბია, "წყალქვეშა ნავ" "ვილიარეალთან".</p><p><strong>ყოველდღიური სპორტული გაზეთი "ლელო"</strong></p>
ბელინგემმა ვარჯიში დაიწყო - "რეალი" აჩქარებას არ აპირებს
რასპადორი "ატლეტიკოს" ფეხბურთელია
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია