<p>ტრადიციულად, ყოველი ეტაპის შემდეგ ცნობილმა საენციკლოპედიო ბაზა Forix-მა საგულისხმო სტატისტიკური მონაცემები გამოაქვეყნა <br> ტრადიციულად, ყოველი ეტაპის შემდეგ ცნობილმა საენციკლოპედიო ბაზა Forix-მა საგულისხმო სტატისტიკური მონაცემები გამოაქვეყნა.</p><p><strong>სებასტიან ფეტელის მიღწევები</p><p></strong>კორეაში სებასტიან ფეტელმა მოიგო მეოცე რბოლა კარიერაში და ამ მაჩვენებლით გაუთანაბრდა მიკა ჰაკინენს. ეს პილოტები ყველა დროის სიაში მე-12 ადგილს იყოფენ.</p><p>1. მიხაელ შუმახერი 91</p><p>2. ალან პროსტი 51</p><p>3. აირტონ სენა 41</p><p>4. ნაიჯერ მენსელი 31</p><p>5. ფერნანდო ალონსო 27</p><p>6. ჯეკი სტიუარტი 27</p><p>7. ჯიმ კლარკი 25</p><p>8. ნიკი ლაუდა 25</p><p>9. ხუან-მანუელ ფანხიო 24</p><p>10. ნელსონ პიკე 23</p><p>11. დეიმონ ჰილი 22</p><p>12. მიკა ჰაკინენი 20</p><p>12. სებასტიან ფეტელი 20</p><p>- კორეაში სებასტიანმა მეთხუთმეტედ აიღო სტარტი სასტარტო ბილიკის პირველი რიგიდან. რეკორდი - სეზონში 16 სტარტი პირველი რიგიდან - სამ პილოტს ეკუთვნის: ბრაზილიელ აირტონ სენას (1989), ფრანგ ალენ პროსტსა (1993) და ბრიტანელ დეიმონ ჰილს (1996).</p><p>- ფეტელი სეზონში მეთხუთმეტედ ავიდა პოდიუმზე და ამ მაჩვენებლით გაუთანაბრდა გერმანელ მიხაელ შუმახერისა (2004) და ესპანელ ფერნანდო ალონსოს (2005) მაჩვენებლებს. აბსოლუტური რეკორდი იმავე შუმახერს ეკუთვნის - 17 პოდიუმი 2002 წლის სეზონში.</p><p><strong>კვალიფიკაცია</p><p></strong>- ბრიტანელმა ლუის ჰემილტონმა შეწყვიტა 26-რბოლიანი სერია, რომლის დროსაც ის ვერ ახერხებდა პოულის მოპოვებას. ამით ლუისმა შეაჩერა "რედ ბულის" პილოტების სერია, რომელიც ხანგრძლითობით მესამეა ისტორიაში - ზედიზედ 16 გამარჯვება კვალიფიკაციაში. რეკორდი ეკუთვნის "უილიამსს" - ზედიზედ 24 პოული. მეორე ადგილზეა "მაკლარენი" - 17 პოული ზედიზედ.</p><p>- ბოლო ოთხი რბოლიდან სამში ბრიტანელმა ჯენსონ ბატონმა მესამე სასტარტო პოზიცია მოიპოვა.</p><p>- ხანგრძლივი შესვენების შემდეგ ბრაზილიელმა ფელიპე მასამ კვალიფიკაციაში აჯობა ფერნანდო ალონსოს. მანამდე ესპანელმა ბრაზილიელი ზედიზედ 16-ჯერ დაამარცხა.</p><p>- მეშვიდედ ამ სეზონში გერმანელმა ნიკო როსბერგმა სტარტი აიღო მეექვსე პოზიციიდან - "რედ ბულის", "მაკლარენისა" და "ფერარის" პილოტების უკან.</p><p><strong>რბოლა</p><p></strong>- წლევანდელი ჩემპიონატის მსვლელობისას, სებასტიან ფეტელმა მხოლოდ მეორედ გაიარა საუკეთესო წრე. ეს მისი მერვე საუკეთესო წრეა კარიერაში.</p><p>- ბოლო ექვსი გრანპრის განმავლობაში ჯენსონ ბატონმა პირველად ვერ შეძლო პოდიუმზე ასვლა, ლუის ჰემილტონმა კი პირიქით, ბოლო ექვს რბოლაში პირველად შეაღწია საუკეთესო სამეულში.</p><p>- ავსტრალიელმა მარკ უებერმა დაამყარა ახალი რეკორდი სეზონის მსვლელობისას მესამე ადგილების რაოდენობით - კორეაში ავსტრალიელმა მეშვიდედ დაიკავა პოდიუმის მესამე საფეხური. წინა რეკორდი - ექვსი მესამე ადგილი ეკუთვნოდა ავსტრიელ გერჰარდ ბერგერსა (1995) და ჯენსონ ბატონს (2004).</p><p>- ფინიში მეხუთე ადგილზე - უარესი შედეგია ფერნანდო ალონსოსთვის ბოლო ცხრა რბოლის განმავლობაში, ხოლო მეექვსე ადგილი ფელიპე მასასთვის - საუკეთესო შედეგი ამავე პერიოდში.</p><p>- ფინიშზე მეშვიდე ადგილზე მისვლით ესპანელმა ხაიმე ალგერსუარიმ გაიმეორა კარიერაში საუკეთესო შედეგი, რომელსაც მან წელს მონცაში მიაღწია. მეოთხედ ამ სეზონში "ტორო როსოს" ორივე პილოტი მოხვდა ქულათა ზონაში.</p><p>- ზუსტად ერთი წელი გავიდა მას შემდეგ, რაც "რედ ბულის" ბოლიდი ბოლოჯერ გამოეთიშა ბრძოლას ტექნიკური მიზეზის გამო - 2010 წელს კორეის გრანპრიზე ფეტელი ძრავის დაზიანების გამო ჩამოშორდა ეტაპს.</p><p>- იაპონელმა კამუი კობაიაშიმ ზედიზედ მეექვსე რბოლაში ვერ შეძლო ქულების დაგროვება, რითაც თავისი ყველაზე უიღბლო სერია გაიმეორა. შარშან "ზაუბერის" ორივე პილოტმა დააგროვა ქულები, ამჯერად კი მხოლოდ მე-15 და მე-16 ადგილზე გავიდნენ.</p><p>- ფელიპე მასამ კარიერაში 150-ე გრანპრი ჩაატარა, მაგრამ უკვე ზუსტად ერთი წელია ბრაზილიელი პოდიუმზე არ ასულა. შარშან კორეაში ფელიპემ პოდიუმზე მოხვედრა შეძლო.</p><p>- "რედ ბულმა" ზედიზედ მეორედ მოიპოვა კონსტრუქტორთა თასი. ბოლო ათი წლის განმავლობაში ყველა გუნდი, გარდა "ბრაუნ გრანპრისა", მინიმუმ ზედიზედ ორი წელი ეუფლებოდა ამ თასს.</p><p><strong>ყოველდღიური სპორტული გაზეთი "ლელო"</strong></p>
Aprilia Racing-ის ისტორიული გამარჯვება MotoGP-ს რბოლაში!
საქართველოს ეროვნული ოლიმპიური კომიტეტის მხარდაჭერით მედია-სემინარი ჩატარდა
ქართველმა სუმოისტებმა მსოფლიო თასზე 4 მედალი მოიპოვეს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს