კასანო: მე ფეხბურთის ჯამბაზი ვარ

მას უბრალოდ არ შეუძლია იყოს სერიოზული... ერთ-ერთ წინა ნომერში ვწერდით, რომ კარიერის დასრულების შესახებ "მილანის' ერთბაშად ორმა ფეხბურთელმა გააკეთა განცხადება, რამაც საფეხბურთო იტალია მეტად გააკვირვა. გააკვირვა იმიტომ, რომ ზლატან იბრაჰიმოივიჩი და ანტონიო კასანო იმ ასაკში არ არიან, რომ ჯერ ბუცების ლურსმანზე ჩამოკიდება განიზრახონ.მოგვიანებით, ერთმაც და მეორემაც დააზუსტეს, რომ კარიერის დასრულებას არა ამ სეზონის, არამედ ორი-სამი წლის შემდეგ აპირებენ. ანუ, მილანელთათვის პრობლემა ნაწილობრივ მოიხსნა, მაგრამ იმას რა ვუყოთ, რომ ზლატანს და ანტონიოს ფეხბურთის თამაში სიამოვნებას აღარ ანიჭებთ?ასე შეიძლება მათმა მარგი ქმედების კოეფიციენტმაც იკლოს და ისე ვეღარ იასპარეზონ, როგორც თუნდაც დღეს თამაშობენ. იბრასთვის სხვა დროს მოვიცალით, დღეს კი ანტონიო კასანოს უნდა მოვუსმინოთ, რომელიც "გაძეტა დელო სპორტს" სწორედ ამ და სხვა საინტერესო საკითხებზე ესაუბრა.კარიერის დასრულებაროგორც ხშირად ხდება, ჟურნალისტებმა კიდევ უფრო გაამძაფრეს ჩემი კომენტარი და დაწერეს, რომ კარიერის დასრულებას სეზონის ბოლოს ვაპირებ. ასე ნამდვილად არ არის და შემიძლია დაგარწმუნოთ, რომ მინიმუმ ორი-სამი სეზონი კიდევ გავაგორებ ბურთს. რაც შეეხება ფეხბურთით გადაღლას, ნაწილობრივ ეს მართლაც ასეა და დღესაც შემიძლია გითხრათ, რომ თამაშით ისეთ სიამოვნებას ვეღარ ვიღებ, როგორც წინა წლებში.საერთოდ, დროის სვლასთან ერთად, ფეხბურთი სულ უფრო და უფრო პრაგმატული ხდება, მე კი მას დღემდე ისე ვუყურებ, როგორც სპორტის ერთ-ერთ, თუნდაც უპირველეს სახეობას, რომლითაც სიამოვნება უნდა მიიღოს როგორც მოთამაშემ, ისე გულშემატკივარმა.სიამოვნება უნდა მიიღოს თამაშით, თამაშის ყურებით და არა გამარჯვებით ნებისმიერ ფასად. ბავშვობიდან, ფეხბურთში ყველაზე მეტად ის მომწონდა, რომ ხალხის გართობა, გამხიარულება შემეძლო; ბევრი ჯამბაზსაც კი მეძახდა და ეს სულაც არ მწყინდა - დიახ, მე ფეხბურთის ჯამბაზი ვარ, რომელსაც ხალხის გართობის საშუალებას დიდი ხანია აღარ აძლევენ. მე უბრალოდ არ შემიძლია ვიყო სერიოზული და სწორედ ამიტომ, ფეხბურთის თამაში სულ უფრო და უფრო ნაკლებად მსიამოვნებს.დამნაშავეროდესაც ვამბობ, რომ ჯამბაზობის საშუალებას არ მაძლევენ, არ იფიქროთ ამაში მთავარ მწვრთნელს, მასიმილიანო ალეგრის ვადანაშაულებდე. მას დადებით შედეგს სთხოვენ და ბუნებრივია, რომ მთავარ ამოცანად სამი ქულის მოპოვება აქვს დასახული. ის შესანიშნავი სპეციალისტია, რომელიც ძალიან კარგად ერკვევა საფეხბურთო ნიუანსებში და ვფიქრობ, რომ "მილანი" მასთან ერთად არაერთ ტროფეის მოიგებს.დადებითი რეზულტატი თანამედროვე ფეხბურთის უმთავრესი მოთხოვნა, დაკვეთაა და ყველანი ამის გარშემო ვტრიალებთ. ვინ, ან რა არის ამაში დამნაშავე? - ალბათ ის, რომ ფეხბურთი გარკვეულ პერიოდში გასცდა სპორტის ფარგლებს და ბევრად უფრო მეტი გახდა, ვიდრე უბრალოდ თამაში. რადგან ბევრად მეტი გახდა, ვიდრე სპორტი, გამარჯვებას განუზომლად დიდი ფასი დაედო, ამან კი ყველაფერი თავდაყირა დააყენა - ეს არის და ეს...გამოსავალირადგან ასე განვითარდა პროცესები, ალბათ ასეც უნდა მომხდარიყო და კასანოს აზრს ამ შემთხვევაში მეათეხარისხოვანი მნიშვნელობა აქვს. როგორც ერთხელ უკვე გითხარით, ორ-სამ წელიწადში კარიერას დავასრულებ და შემდეგ, ჩემ მოსაზრებას არც არავინ მიაქცევს ყურადღებას.ასე რომ, გამოსავალი არ უნდა ვცეძებოთ - სპორტის უპირველესი სახეობა ვითარდება, ახალი თაობები კი სულ უფრო და უფრო კარგად აუღებენ ალღოს პრაგმატული ფეხბურთის პრინციპებს, მათ გაცილებით კარგად გამოუვათ იყვნენ სერიოზულები.ყოველდღიური სპორტული გაზეთი "ლელო"

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

გოჩოლეიშვილი შეცვლაზე და "ჰამბურგის" ფრე "აუგსბურგთან"

ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო

როგორი შეფასებები მიიღო მამარდაშვილმა "სიტისთან" მატჩში?