- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლევან-ტური
<p>მართალია, წუხელ უკვე ახალი ტური დაიწყო პრიმერადივიზიონში, მაგრამ მკითხველს ლა ლიგის VIII ტურის ჩვენეული შეჯამების გარეშე არ დავტოვებთ <br> მართალია, წუხელ უკვე ახალი ტური დაიწყო პრიმერადივიზიონში, მაგრამ მკითხველს ჩვენეული შეჯამების გარეშე არ დავტოვებთ.</p><p>მაშ ასე, თქვენს წინაშეა მე-8 ტურის ავ-კარგი, ტური, რომელშიც ისტორიული ფაქტი დაფიქსირდა - ლა ლიგას სათავეში ერთპიროვნულად ვალენსიის "ლევანტე" მოექცა.</p><p><span style="color: #ff0000;"><strong>ბარსა ისევ პირველია</strong></span></p><p>სულ მცირე ერთი დღით "ბარსა" პირველ ადგილს დაუბრუნდა, თუმცა ჩემპიონის თამაში აუტსაიდერ "გრანადასთან" კრიტიკას ვერ უძლებს - ეს იყო კატალონიელთა ერთ-ერთი ცუდი მატჩი სეზონში, მაგრამ ფეხბურთში მთავარი შედეგია, ტაბლომ კი ანდალუსიაში ხოსეპ გვარდიოლას გუნდის მინიმალური უპირატესობა დააფიქსირა - 1:0.</p><p>გამარჯვების გოლი ჩავიმ საჯარიმო დარტყმით გაიტანა. მასპინძლებს გრანდის წინააღმდეგ იარაღი არ აღმოაჩნდათ - ვიქტორ ვალდესის კარში ერთხელაც არ დაურტყამთ ზუსტად და, ბუნებრივია, ესპანეთის ნაკრების გოლკიპერმა "მშრალი" სერია კიდევ 90 წუთით გააგრძელა. ყველაფერთან ერთად "გრანადას" ჯერ ხაიმე რომერო, ბოლოს კი დანი ბენიტესი გაუძევეს.</p><p>ექტორ კუპერმა კინაღამ მოიგო პირველი მატჩი პრიმერადივიზიონში, თუმცა "სანჩეს პისხუანზე" მატჩის 92-ე წუთზე "სევილია" მანუ დელ მორალმა ბრწყინვალე გოლით იხსნა (დელ მორალმა წუხელ დუბლი შეასრულა) - 2:2.</p><p><strong><span style="color: #ff0000;">ბარსა-რეალობა</span></p><p></strong>რაც უნდა სასწაული მოახდინოს "ლევანტემ" პრიმერადივიზიონში, გულშემატკივართა უმეტესობას პირზე მაინც "ბარსელონა" და "რეალი" აკერია. ვნახოთ, როგორ ითამაშეს ამ ტურში გრანდებმა: მაშინ, როცა კატალონიაში დაკარგულ ქულებს მისტიროდნენ, დედაქალაქში ზეიმი იყო - "ბარსამ" "სევილიას" ვერაფერი მოუხერხა, კლუბს, რომელმაც თამაში 9 კაცის ამარა ჩაამთავრა და რომლის კარშიც 94-ე წუთზე თითქოსდა გამარჯვების მომტანი თერთმეტმეტრიანი დაინიშნა, თუმცა ამაოდ. "რეალმა" კი სტუმრად გაძლიერებულ "მალაგას" შანსი არ დაუტოვა, პირველივე ტაიმში ოთხი უპასუხო გოლი გაუტანა, მერე კი დაისვენა.</p><p>შედეგად, მოხდა ის, რომ "სამეფო კლუბმა" 1 ქულით გაუსწრო ჩემპიონს. და, ვინ იცის, იქნებ ეს ერთი ქულა აღმოჩნდეს ბოლოს გადამწყვეტი. მწვრთნელიან-ფეხბურთელიანად ყველა ირწმუნება, რომ "რეალს" არასდროს უთამაშია ასე კარგად, როგორც ეს "მალაგასთან" პირველ ტაიმში შეძლო. 15 წუთში ჰეთ თრიკის ავტორი კრიშტიანო რონალდო კი უფრო შორს წავიდა: მორჩა, გათავდა - ჩემპიონობისთვის მზად ვართო. პორტუგალიელმა სეზონში მესამე ჰეთ თრიკი მიითვალა.</p><p>"ბარსელონას" ბანაკში კი მხოლოდ ერთი დადებითი მოვლენა მოხდა - ვიქტორ ვალდესმა პირადი რეკორდი გააუმჯობესა, "სევილიასთან" მატჩის 57-ე წუთზე 577-წუთიან "მშრალ" სერიას გადააბიჯა, გოლი არც მერე გაუშვია, ასე რომ, წუხანდელ მატჩამდე მისი სერია 607-წუთიანია. "ჩემი პირადი რეკორდები ყოველთვის მეორეხარისხოვანია ჩემთვის. მთავარი მოგება, ჩვენ კი ვერ მოვიგეთ, ამიტომ ვერ წარმომიდგენია, რა უნდა ვიზეიმო", - განაცხადა გოლკიპერმა. აი, ასე - მართლაც, რა არის საზეიმო, გვარდიოლას გუნდმა 188 მატჩიდან მხოლოდ მე-14-ედ ვერ შეძლო გატანა.</p><p>ჩავი ერნანდესმა კი დიდი აღიარება მოიპოვა - მან "ბარსას" ფანების გამოკითხვაში გაიმარჯვა და 2010/11 წლების სეზონის გუნდის საუკეთესო ფეხბურთელის პრიზი მიიღო. ჩავიმ ნახევარ მილიონზე მეტი ხმა მიიღო და ლეო მესის და ანდრეს ინიესტას გაუსწრო.</p><p><span style="color: #ff0000;"><strong>მესი VS</strong></span><strong><span style="color: #ff0000;"> რონი</span></p><p></strong>ამჯერად საკამათოც არაფერია, კრიშტიანო რონალდო ტურის ერთადერთი ჰეთ თრიკის ავტორია, ლიონელ მესი კი - ტურის მთავარი ანტიგმირი. ჩვენეული ანგარიში მათ შორის გათანაბრდა - 4:4. სიმბოლურია, რომ ბომბარდირთა დავაშიც ამ ორს 10-10 გოლი აქვს გატანილი.</p><p>რონალდომ "მალაგასთან" 90 წუთი ითამაშა, კარისკენ 5-ჯერ დაარტყა (4-ჯერ ზუსტად, 3-ჯერ შედეგიანად), 4-ჯერ დაარღვიეს მასპინძლებმა მის წინააღმდეგ თამაშის წესი, ერთხელ კი თავად პორტუგალიელმა იცუღლუტა.</p><p>მესიმ 8-ჯერ დაარტყა კარისკენ, აქედან 2-ჯერ ზუსტად, ერთხელ თამაშგარეში მოხვდა და ერთხელ დაჯარიმდა. რაც ყველაზე მთავარია, 94-ე წუთზე ვერ გაიტანა პენალტი.</p><p><strong>სულ სეზონში</strong></p><p><em>ფეხბ. თამაში გოლი პასი დარტყმა</em></p><p>მესი 8 10 5 46</p><p>რონალდო 8 10 5 57</p><p>ლეო დიდი პენალტისტი ვერ არის - კარიერაში 22-დან 6 შემთხვევაში ვერ გაიტანა. წლეულს ეს უკვე მეორე შემთხვევაა, როცა მას თერთმეტმეტრიანი ვერ გააქვს. გთავაზობთ მესის ყველა უშედეგო პენალტს</p><p><em>თარიღი მეტოქე შედეგი შეჯიბ. შენიშვნა</em></p><p>31.01.2008 ვილიარეალი 1:0 თასი მეკარე (მარცხ. კუთხე)</p><p>12.11.2008 ბენიდორმი 1:0 თასი მეკარე (მარჯვ), დამატ. გაიტანა</p><p>11.04.2009 უელვა 2:0 ლა ლიგა მეკარე (მარცხენა)</p><p>14.09.2010 პანათინაიკ. 5:1 ლიგა მეკარე (მარჯვენა)</p><p>19.01.2011 ბეტისი 1:3 თასი ააცილა (ზემოთ)</p><p>22.10.2011 სევილია 0:0 ლა ლიგა მეკარე (მარჯვენა)</p><p><strong>ტურის სიმბოლური ნაკრები</p><p></strong><em>goal.com. 4-4-2</em></p><p>ხავი ვარასი (სევილია, მე-3-ედ სიმბოლურში) - ალბერტო ლორა (სპორტინგი, 1), ჟულიენ ესკუდე (სევილია, 1), ფედერიკო ფასიო (სევილია, 1), მარსელო (რეალი, 1) - ანხელ დი მარია (რეალი, 1), ევერ ბანეგა (ვალენსია, 2), იკერ მუნიაინი (ბილბაო, 1), ხუანლუ გომესი (ლევანტე, 1) - კრიშტიანო რონალდო (რეალი, 5), არუნა კონე (ლევანტე, 1).</p><p><strong>ტურის გმირი</p><p></strong><em>ხავი ვარასი (სევილია)</em></p><p>რატომ ვერ მოიგო "ბარსელონამ", გუნდი ლიგაზე თამაშმა გადაღალა? ფორვარდებმა ვერ იაქტიურეს? "სევილიამ" იყოჩაღა დაცვაში? შესაძლოა, მაგრამ მთავარი პასუხი ერთია - ხავიერ ვარასის ბრწყინვალე თამაში.</p><p><strong>ხავი ვარასის ყველა "სეივი"</strong></p><p>ტაიმი დამრტყმ. საიდან შენიშვნა</p><p>I ინიესტა საჯარ. შიგნ. ფეხით</p><p>I ვილია შიგნიდან ფეხით</p><p>I მესი შიგნიდან ხელით</p><p>II ინიესტა გარედან ხელით</p><p>II ინიესტა შიგნიდან ფეხით</p><p>II ინიესტა შიგნიდან ფეხით</p><p>II მესი შიგნიდან ფეხით</p><p>II მესი პენალტი ხელით</p><p>II მესი გარედან ხელით</p><p><strong>ტურის ფრაზები</p><p></strong>ხუან იგნასიო (ლევანტე): "რეალის" და "ბარსას" წინ ყოფნა ჩვენ ყველაზე თამამ ოცნებებშიც კი არ ჩაგვითქვამს", - ტურის დასრულების შემდეგ პირველ ადგილზე გადასვლის შემდეგ.</p><p>კრიშტიანო რონალდო (რეალი): "მგონი, მოვიდა დრო, "რეალმა" იჩემპიონოს", - "მალაგას" კარში ჰეთ თრიკის შესრულების შემდეგ.</p><p>უნაი ემერი (ვალენსია): "კარგად დავიწყეთ და კარგად დავასრულეთ, უნდა მოგვეგო", - "ბილბაოსთან" 1:1 დასრულებული მატჩის შემდეგ.</p><p>გრეგორიო მანსანო (ატლეტიკო): "კარგად მესმის რატომ ბრაზობს პუბლიკა - ასე თამაში "ატლეტიკოს" არ ეკადრება", - "მალიორკასთან" 1:1-ის შემდეგ.</p><p>ხავი ვარასი (სევილია): "წინასწარ ვიცოდი, საით გადავმხტარიყავი - მესი კარგად შევისწავლე", - პენალტის მოგერიების შემდეგ.</p><p><strong>ტურის მსხვერპლნი</p><p></strong>"მესტალიაზე" ყველაზე მეტი ფეხბურთელი დაშავდა და ყველაზე მძიმედაც - ბილბაოს "ატლეტიკის" კაპიტან კარლოს გურპეგის ჯვარედინი მყესები გაწყვეტილი აქვს, მისთვის სეზონი დასრულდა. თითქმის ანალოგიური ტრავმა აქვს ვალენსიელ სერხიო კანალესს, რომელიც 3-6 თვე იუქმებს.</p><p>შედარებით იოლად გადარჩა ფერნანდო ლორენტე, სავარაუდოდ, ის მხოლოდ 1 კვირას იუქმებს.</p><p>"კამპ ნოუზე" საზარდული იტკინა კარლეს პუიოლმა (ბარსელონა) და 3 დღეს დაისვენებს.</p><p><strong>პირველი</p><p></strong>"სევილიას" ნახევარმცველი ხოსე გომეს კამპანია მხოლოდ 18 წლისაა. მან პრიმერადივიზიონში პირველად ითამაშა სასტარტო შემადგენლობაში. დებიუტი "კამპ ნოუზე" 0:0 დასრულებულ შეხვედრაში, საყრდენი ნახევარმცველისთვის ბრწყინვალეა. კამპანია "სევილიას" აღზრდილია. ძირითად გუნდში დებიუტი მას 25 აგვისტოს "ჰანოვერთან" ევროპალიგის მატჩში ჰქონდა, სამი დღის მერე მან ლა ლიგაშიც ითამაშა, მაგრამ სასტარტოში პირველად შაბათს იყო.</p><p><strong>ტურის სტატისტიკა</p><p></strong>19 გოლი ტურში (1,9 მატჩში). 2 თამაში მოიგეს მასპინძლებმა, 4 ფრით დასრულდა, სტუმრებმა 4 მოიგეს. ტურში მსაჯებმა 54 ყვითელი და 2 წითელი ბარათი დაარიგეს.</p><p>ჰეთ თრიკი - კრიშტიანო რონალდო (რეალი).</p><p>დუბლი - ხუანლუ გომესი (ლევანტე).</p><p>ლიონელ მესიმ (ბარსელონა) ვერ გაიტანა პენალტი.</p><p>ტურის ყველაზე ახალგაზრდა ფეხბურთელი: ხოსე კამპანია (სევილია, 18 წლის)</p><p>ყველაზე მეტი მაყურებელი: 82 743 - "კამპ ნოუ"</p><p>ყველაზე ნაკლები მაყურებელი: 10 000 - "ელ სარდინერო"</p><p>ყველაზე მეტი დარტყმა კარისკენ: 22 - ვალენსია, ბარსელონა</p><p>ყველაზე მეტი დარტყმა კარში: 8 - ბარსელონა</p><p>ყველაზე მეტი ჯარიმა: 24 - სარაგოსა</p><p>ყველაზე მეტი კუთხური: 12 - ბარსელონა, ბეტისი</p><p>ყველაზე მეტი თამაშგარე: 8 - ხეტაფე</p><p>ყველაზე მეტი ბურთის ფლობა: 77% - ბარსელონა</p><p><span style="color: #ff0000;"><strong>ესპანეთი. ლა ლიგა. IX ტური</strong></span></p><p><em><strong>გრანადა-ბარსელონა 0:1</strong></em><span style="color: #ff0000;"><strong> <a href="/mtavari/video.html?view=video&video=949" target="_blank">[იხილეთ ვიდეო]</a></strong></span></p><p>გრანადა (4-2-3-1): რობერტო - ნიომი, ი. ლოპესი, მაინსი, სიკერა - ფ. რიკო (79. მოლიო), მ. რიკო - აბელი, ხაიმე, ბენიტესი - უჩე (63. ხეიხო).</p><p>ბარსელონა (4-3-3): ვალდესი - დანი ალვეში, მასკერანო, აბიდალი, მაქსველი - ჩავი (83. კეიტა), ბუსკეტსი, ფაბრეგასი (70. ინიესტა) - პედრო (55. ვილია), მესი, კუენსა.</p><p>გოლი: 0:1 ჩავი (33)</p><p>გაფრთხილება: ნიომი, ფ. რიკო, ბენიტესი, ხაიმე, უჩე - ალვეში, ბუსკეტსი, კეიტა, კუენსა</p><p>გაძევება: ხაიმე (52), ბენიტესი (91)</p><p>კუთხური: 2-10; ჯარიმა: 13-9; თამაშგარე: 5-4; კარში დარტყმა: 2-17 (0-7); ბურთის ფლობა: 30%-70%.</p><p>მაყურებელი: 22 500</p><p><em><strong>სევილია-რასინგი 2:2</strong></em></p><p>სევილია (4-2-3-1): ხავი ვარასი - კოკე (73. ლუის ალბერტო), სპაჰიჩი, ესკუდე, კასერესი - მედელი, კამპანია (73. რაკიტიჩი) - ხესუს ნავასი, ტროხოვსკი, არმენტეროსი (60. ნეგრედო) - დელ მორალი.</p><p>რასინგი (4-4-2): ტონიო - ფრანსისი, ალვარო, ტორეხონი, კრისტიანი - სამპერიო (89. ოსმარი), დიოპი, ადრიანი, სისმა - ნაუელპანი (74. მუნიტისი), კონე (79. არანა).</p><p>გოლები: 1:0 დელ მორალი (37), 1:1 ნაუელპანი (62), 1:2 სამპერიო (68), 2:2 დელ მორალი (92)</p><p>გაფრთხილება: ნეგრედო - ალვარო, დიოპი, სისმა</p><p>კუთხური: 14-0; ჯარიმა: 8-19; თამაშგარე: 1-4; კარში დარტყმა: 22-9 (11-5); ბურთის ფლობა: 66%-34%.</p><p>მაყურებელი: 35 000</p><p>თ მ ფ წ ბ ქ</p><p>1. ბარსელონა 9 6 3 0 27-4 21</p><p>2. ლევანტე 8 6 2 0 14-3 20</p><p>3. რეალი 8 6 1 1 28-6 19</p><p>4. სევილია 9 4 5 0 10-6 17</p><p>5. ვალენსია 8 4 3 1 11-8 15</p><p>6. მალაგა 8 4 1 3 10-11 13</p><p>7. ბეტისი 8 4 0 4 10-13 12</p><p>8. ესპანიოლი 8 4 0 4 7-11 12</p><p>9. ატლეტიკო 8 2 4 2 9-7 10</p><p>10. ოსასუნა 8 2 4 2 9-15 10</p><p>11. ბილბაო 8 2 3 3 11-11 9</p><p>12. მალიორკა 8 2 3 3 7-9 9</p><p>13. ვალეკანო 8 2 3 3 8-11 9</p><p>14. სარაგოსა 8 2 3 3 9-16 9</p><p>15. სოსიედადი 8 2 2 4 7-10 8</p><p>16. ვილიარეალი 8 1 4 3 7-14 7</p><p>17. ხეტაფე 8 1 3 4 6-10 6</p><p>18. გრანადა 9 1 2 6 2-11 5</p><p>19. რასინგი 9 0 5 4 6-15 5</p><p>20. სპორტინგი 8 1 1 6 5-12 4</p><p><strong>ბომბარდირები</strong></p><p>10 - ლიონელ მესი (ბარსელონა), კრიშტიანო რონალდო (რეალი); 9 - გონსალო იგუაინი (რეალი); 6 - რობერტო სოლდადო (ვალენსია), რადამელ ფალკაო (ატლეტიკო); 5 - ხუანლუ (ლევანტე); 4 - იმანოლ აგირეჩე (რეალ სოსიედადი), სანტი კასორლა (მალაგა), სესკ ფაბრეგასი (ბარსელონა), მიკუ (ხეტაფე), რაულ გარსია (ოსასუნა), ტომერ ჰემედი (მალიორკა).</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ