გიორგი ლორია: "დილა" არაფერ შუაშია, მოედანი არ ვარგოდა!

თბილისის "დინამოს" გოლკიპერმა საქართველოში სტადიონების მდგომარეობაზე წუხილი გამოთქვა საქართველოს თასის მერვედფინალურ შეხვედრებში მთავარი სენსაცია გორში დაფიქსირდა. თბილისურ მატჩში 2:2-ის შემდეგ "ქართლზე" გამართულ განმეორებით შეხვედრაში "დილა" თბილისის "დინამოს" უგოლო ფრით გაეყარა და ქვეყნის ყველაზე ტიტულიანი კლუბი მეოთხედფინალის მიღმა დატოვა.შედეგით უკმაყოფილო "დინამოს" 25 წლის მეკარემ გიორგი ლორიამ მატჩის შემდეგ "საზოგადოებრივ მაუწყებელთან" ემოციური კომენტარი გააკეთა."(წაგების) მიზეზი ის არის, ძლიერი გუნდი ეთამაშებოდა დაბალი კლასის გუნდს, რომელიც ყანაში თამაშობს და გამოვიდა, რომ ყანაბურთში, ჩხუბში მოგვიგეს. ჩვენი ფეხბურთი ვერ ვითამაშეთ იმის გამო, რომ მინდორი არ ვარგოდა და მაქსიმალური შესაძლებლობები ვერ გამოვავლინეთ. თორემ, ჩემი აზრით, ნორმალურ მოედანზე ყველაფერი ჩვენს სასარგებლოდ დამთავრდებოდა," - თქვა ლორიამ.საქართველოს ნაკრების მეკარის ამ კომენტარმა გორელები გაანაწყენა, თუმცა ლორიამ "ლელოს" განუცხადა, რომ გორელების შეურაცხყოფა არც უფიქრია:- "დილასა" და მისი ფეხბურთელების შეურაცხყოფა აზრადაც არ მქონია. იქ ჩემი ძმაკაცები თამაშობდნენ და ასეც რომ არ იყოს, ელემენტარული კოლეგიალობის ამბავია, მეტოქეს პატივისცემით უნდა მოექცე.ცხელ გულზე იმ სატკივარზე ვილაპარაკე, რომელიც მხოლოდ მე არ მაწუხებს - ასეთ სტადიონსა და მოედანზე თამაში არ შეიძლება! ვთქვი და ვიმეორებ, "ქართლზე" ყანაბურთი ვითამაშეთ და "დინამომ" მისთვის ჩვეულად ბურთის გაგორება ვერ მოახერხა. ამით წაგების გამართლებას არ ვაპირებ, მაგრამ მხოლოდ მე აღმოვაჩინე, რომ ამ სტადიონზე მოედანი და გასახდელები არ ვარგა? ან ვინ შემედავება, რომ "დინამო" "დილაზე" ძლიერი გუნდია? ეს შეურაცხყოფა კი არა, ფაქტია.ბოლო დროს გაუმჯობესდა მოედნების მდგომარეობა, ქუთაისში, ზესტაფონში, "ბასაზე" და "მიხეილ მესხზე" თამაში ერთი სიამოვნებაა."დინამოს" ბაზაზე და ეროვნულ სტადიონზეც ძალიან კარგი საფარი დააგეს. ყველგან ასეთი მოედნები რომ იყოს, ბევრად უკეთესი ჩემპიონატი გვექნებოდა, რადგან სამი-ოთხი შეხების ნაცვლად ბურთს ერთი შეხებით გადააწოდებ და თამაშის ტემპი აუცილებლად მოიმატებს, რაც საბოლოოდ ჩემპიონატის ხარისხზე აისახება.მაგრამ მხოლოდ მოედნების მოვლა არ კმარა, სტადიონებსაც უნდა მიეხედოს, რათა გასახდელებიდან დაწყებული, ტრიბუნებით დასრულებული, ყველაფერი კოხტა და კომფორტული იყოს.განახლებული "მიხეილ მესხი" გაიხსენეთ - გასახდელიდან მოედნამდე გასასვლელი შეცვალეს და მესერი აიღეს, თითქოს უმნიშვნელო დეტალია, მაგრამ ამით სტადიონს იერი ისე სასიკეთოდ შეეცვალა, ფეხბურთელს თამაში უხარია, გულშემატკივარს - ასეთ არენაზე მოსვლა და ქომაგობა. ალბათ, თქვენც, ჟურნალისტები თამაშის მიმოხილვებს მეტი ხალისით დაწერთ."ყოველდღიური სპორტული გაზეთი "ლელო"

უძლევი

ლორია, კარგი ფეხბურთელია მარა ასეთი იაფი არგუმენტები არადამაჯერებელია მისგან. დინამოს პრობლემები აქვს და ცუდი მინდორი და გასახდელი ყველაზე ბოლოა ამ პრობლემებში. დინამომ ზევიდან არ უნდა უყუროს სხვა გუნდებს და თამაშზე გააკეთოს კონცენტრაცია სჯობს. საქართველოში კიდევ დიდხანს მოგიწევს ყანებში თამაში და შენი ლოგიკით დღევანდელი დინამო ყანებში ვერასდროს ვერ ანახებს შედეგს! დაბრუნდით დედამიწაზე დინამოელებო! :)
ika

მაშინ რისთვისღა ატარებენ თასის გათამაშებას პირდაპირ დინამო გახდეს ჩემპიონი ხო ფაქტია რო ყველაზე ძლიერია? კარგი მოედნიდან არ იყო ცაუნიამ რო დაგირტყა ჯარიმა?:D
GIA

გიორგი, გასაგების მოედანი არ ვარგოდა, მაგრამ ეს მინდორი მარტო დინამოსთვის არ ვარგოდა? თბილისშიც უვარგისი მინდორი იყო რომ ვერ მოიგეთ თამაშიი? ასეთი არგუმენტი რბილად რომ ვთქვათ სასაცილოა. მე ვერც კი ვიხსენებ დინამო 1/8 ფინალიდან გამოვარდნილიყოს თასის გათამაშებიდან. პრობლემა სხვა რამეშია და ჯობია ამას მიხედოთ სანამ ჩემპიონატიდანაც არ გავარდნილხართ.
ლეო ძია

თავის თავზე დიდი წარმოდგენები რომ აქვთ და ზედმეტად აფასებენ საკუთარ შესაძლებლობებს, მეტოქეებს სათანადოდ არ აფასებენ და ჰგონიათ რომ ცალი ფეხით დაამარცხებენ ამიტომაც ვერ აღწევს იმ წარმატებას რომელიც უნდა დინამო. დილა თუ არაფერ შუაშია პირველ მატჩშიც ცუდი საფარი იყო დილასთვის საერთოდ არაფრით არ უჯობნიათ? დააფასეთ დინამოელებო მეტოქეები! სახელები, გვარები და ფული არ იგებს თამაშებს, თამაშს იგებს თამაში! ვოტ!

"იბერია 1999"-მა ბათუმში მოიგო

"დილამ" "ტორპედოს" ანდრონიკაშვილის გოლით მოუგო

"დინამო თბილისისა" და "გარეჯის" მოგებები, "სამგურალი"-"გაგრას" ფრე

კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში

საქართველო 10:1 ესტონეთი

"ბორჯღალოსნები" | ნამატით კანადასთან

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა

[VIDEO] ლუკა გაგნიძის მეორე საგოლე პასი ესპანეთში

საქართველო 5:0 ესტონეთი

ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

კიტეიშვილის მაღალი შეფასებები და "შტურმის" ფრე "ზალცბურგთან"

"ლიონთან" მატჩში პსჟ-ს შემადგენლობა ცნობილია

წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა

პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"