- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბომბა, რეკორდი, MVP - როცა ქართველებით იტალიელები ამაყობენ
<p>იტალიელი ჟურნალისტი: "გიორგიმ და მანუმ შესანიშნავად ითამაშეს, ვამაყობთ ჩვენი ქართველებით..." <br> გუშინდელ ნომერში მოკლედ გითხარით, როგორ ჩააგდო სამმა ქართველმა ევროლიგის მესამე ტურში 44 ქულა. მატჩები გვიან დასრულდა და მხოლოდ მშრალი სტატისტიკით შემოვიფარგლეთ.</p><p>დღეს ცოტას განვავრცობთ, მითუმეტეს, რომ ამის საფუძველი ნამდვილად გვაქვს.</p><p><em><strong>კანტუ-ბილბაო 78:69</strong></em></p><p><em>მანუჩარ მარკოიშვილი (კანტუ): 27 წუთი, 12 ქულა (7/2 ორქულიანი, 3/2 სამიანი, 2/2 საჯარიმო), 3 პასი, 1 მოხსნა, 1 ჩაჭრა, 1 დაფარება.</p><p>გიორგი შერმადინი (კანტუ): 23 წუთი, 16 ქულა (9/8 ორქულიანი, 1/0 საჯარიმო), 6 მოხსნა (4 შეტევაში), 1 დაფარება.</p><p></em></p><p>- "კანტუმ" წლევანდელ ევროლიგაზე საუკეთესო თამაში ჩაატარა. კარგად შევაჩერეთ მეტოქის მთავარი მექულეები ბლუმსი და ვასილიადისი. ორივე გუნდმა ჯამში 37 პასი შეასრულა, რაც თამაშის მაღალ ხარისხზე მიუთითებს, - თქვა "კანტუს" დამრიგებელმა ანდრეა ტრინჩიერიმ, რომლის გუნდმაც "ბილბაოს" 78:69 სძლია.</p><p>"E' la bomba di Manu"... ასე იწყება გამოცემა "ბასკეტნეტში" გამოქვეყნებული მიმოხილვის ბოლო აბზაცი. მოკლედ, მანუჩარ მარკოიშვილმა ჯერ 36-ე წუთზე ჩააგდო სამქულიანი და თანაგუნდელთა უპირატესობა 8 ქულამდე გაზარდა (69:61), შემდეგ სირენამდე 2 წუთით ადრე მეორე სამიანით ბასკების იმედები დაასამარა - 76:67.</p><p><strong>* * *</strong></p><p>ბოლო წუთებზე ესპანელები მთავარი კოზირის, პერიმეტრიდან ტყორცნების ხარჯზე ცდილობდნენ დაწევას, ალბათ ამიტომ, იტალიელთა მწვრთნელმა მოედანზე შერმადინი აღარ გამოიყვანა. თუმცა ამას გიორგისთვის ხელი არ შეუშლია მატჩის MVP-ად აღიარებაში.</p><p>აი, რას "აბრალებენ" გაზეთ "ბასკეტინსაიდში" 216 სმ სიმაღლის ქართველ ცენტრს:</p><p>"კანტუელთა გამარჯვება მნიშვნელოვნად განაპირობა ფარქვეშ დამაჯერებელმა თამაშმა, რაც მატჩის საუკეთესო კალათბურთელის გიორგი შერმადინის დამსახურებაა. მან თამაშის სცენარი "კანტუს" სასარგებლოდ შეცვალა - 16 ქულა ჩააგდო, 6-ჯერ მოხსნა და მარგი ქმედების</p><p>კოეფიციენტით გუნდში პირველი იყო - 21. გიორგიმ 9 ორქულიანიდან 8 გამოიყენა, 5-ჯერ ჩატენა."</p><p>აქვე გეტყვით, რომ 16 ქულა შერმადინის საევროლიგო რეკორდია. მან ამა წლის 2 მარტს "მაქაბისთან" ნაჩვენები შედეგი ერთით გააუმჯობესა.</p><p>გამოცემა "ბეტერსპორტში" ქართველი მეფარის გასწვრივ სიტყვა "ვარსკვლავია" გამოყენებული, ხოლო ევროლიგის ოფიციალურ საიტზე გამოქვეყნებული მიმოხილვა ასე იწყება:</p><p>"კანტუელებმა შინ "ბილბაო" დაამარცხეს და ჯგუფში მეორე ადგილზე აინაცვლეს. შეხვერის გმირი გიორგი შერმადინი იყო, რომელმაც მასპინძელთაგან ყველაზე მეტი ჩააგდო".</p><p>როგორც წესი, მიმოხილვებს გულშემატკივართა კომენტარები ერთვის. ერთ-ერთის მოსაზრება ქართველ მკითხველსაც დააინტერესებს: "საოცარია, მაგრამ ფაქტია - "პანათინაიკოსში" მწვრთნელი მხოლოდ 5 წუთით ათამაშებდა, არადა "ბილბაოსთან" დავინახეთ რა შეუძლია შერმადინს."</p><p><strong>* * *</strong></p><p>გულშემატკივართა კომენტარზე უფრო ღირებული იტალიელი ჟურნალისტის მოსაზრებაა. კომოელი კარლო პეროტი "ფეისბუქზე" ორიოდე კვირის წინ დამიმეგობრდა. გუშინ, "ონლაინში" რომ დამინახა მომწერა:</p><p>- გიორგიმ და მანუმ შესანიშნავად ითამაშეს. ვამაყობთ ჩვენი ქართველებით. ტოპ-16-ის გზაზე მნიშვნელოვანი მატჩი მოვიგეთ.</p><p>იტალიელს მწვრთნელი შევუქე - ანდრეა ტრინჩიერიმ კარგად იცის, ვინ როდის სჭირდება-მეთქი. მიპასუხა:</p><p>- სეზონის დასაწყისში "კანტუში" ცენტრად პარახუსკი აიყვანეს, მაგრამ მას შემდეგ, რაც ტრინჩიერიმ გაიგო, შერმადინი "პანათინაიკოსში" აღარ დარჩებოდა, ბევრი იმუშავა, რათა იგი დაემატებინა. ამ საქმეს პარახუსკიც შესწირა.</p><p><strong>* * *</strong></p><p>როგორც უკვე გითხარით, "კანტუ" ცხრილში მეორე ადგილზეა. მას 2 მოგება და 1 წაგება აქვს. პირველია ესპანური "კახა ლაბორალი" (3 გამარჯვება). მესამე-მეექვსე ადგილებს იყოფენ "ნანსი", "ფენერბაჰჩე", "ბილბაო" და "ოლიმპიაკოსი". მათ თითო მოგება უწერიათ.</p><p><em><strong>პარტიზანი-შარლერუა 91:81</strong></em></p><p><em>თორნიკე შენგელია (შარლერუა): 21 წუთი, 16 ქულა (8/6 ორქულიანი, 2/1 სამიანი, 1/1 საჯარიმო), 3 მოხსნა. </em></p><p>81:91 - ეს ანგარიში ქართველ გულშემატკივარს სასიამოვნოდ ნამდვილად არ უნდა ახსოვდეს: 2006 წელს ფინეთში სწორედ ამ ანგარიშით დავმარცხდით, რაც B დივიზიონში ჩარჩენად დაგვიჯდა. იმ შეხვედრაში ზაზა ფაჩულიამ სანაკრებო რეკორდი დაამყარა - 36 ქულა მიითვალა.</p><p>81:91 წაგებული მატჩი თორნიკე შენგელიასთვისაც სარეკორდო აღმოჩნდა. მან ევროლიგაზე პირველად ჩააგდო 16 ქულა. მანამდე, საწყის ტურში "რეალთან" 11 ქულა ჰქონდა მოგროვილი.</p><p>მიუხედავად იმისა, რომ "პარტიზანში" უფრო კაშკაშა ვარსკვლავები თამაშობდნენ, ბელგრადში გამართული შეხვედრა მაინც თანაბრად წარიმართა და გამარჯვებულის ვინაობა ბოლო წუთებზე გამოვლინდა. თორნიკეს NBA-დან დროებით დაბრუნებული ნიკოლა პეკოვიჩის წინააღმდეგ უწევდა თამაში. თუმცა "პარტიზანების" გამარჯვება პირველ რიგში, გამთამაშებელი ეისი ლოუს დამსახურებაა, რომელმაც 26 ქულას 7 პასი მიამატა.</p><p>დაკვირვებულ მკითხველს გაახსენდებოდა, რომ ეისი, 2007-09 წლებში "ატლანტაში" ფაჩულიას თანაგუნდელი იყო.</p><p><strong>* * *</strong></p><p>C ჯგუფში გუნდები ორად იყოფა: ცხრილის ზემოთ ორმოგებიანი სამი კლუბია, ქვემოთ - თითომოგებიანი ტრიო. ამ უკანასკნელ ვინაობასაც გეტყვით: "შარლერუა", "მილანი" და "პარტიზანი".</p><p>ევროლიგაზე მომდევნო მატჩში "კანტუ" "ოლიმპიაკოსს" მიიღებს (9 ნოემბერს), "შარლერუა" - "მილანს" (10 ნოემბერს).</p><p><strong>ყოველდღიური სპორტული გაზეთი "ლელო"</strong></p>
მათე ხატიაშვილის 29 ქულა მადრიდის "რეალთან" ფინალურ მატჩში
ანდრონიკაშვილი ისლანდიურ გუნდში გადავიდა
შენგელიას 14 ქულა "გრან კანარიასთან" და MVP-ს ტიტული
თუ ალონსოს გაათავისუფლებენ - "რეალის" ჩაბარების მთავარი კანდიდატი არვალო არბელოაა
"შეძლებს ალისონის შეცვლას?" - liverpoolecho-მ მამარდაშვილის ტრანსფერი შეაფასა
დე ლაურენტისს კონტე ძალიან მოსწონს - ხელფასის გაზრდასა და ახალ კონტრაქტს შესთავაზებს
"კორინთიანსმა" "მილანს" ბრაზილიის ნაკრების მეკარე არ მიჰყიდა
20 წ. | ორი ტესტი მოქმედ ჩემპიონ სამხრეთ აფრიკასთან
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
"გიორგი რუსეთის ნაკრებში დაბრუნებაზე ოცნებობს, ამხანაგურ მატჩში მაინც..." - ჯიქიას აგენტი
"პსჟ მადრიდის "რეალის" მცველს სარფიან კონტრაქტს შესთავაზებს" - ესპანური გამოცემა
"მიქაუტაძე "ვილიარეალს" წიტაიშვილის შეძენას ურჩევს, საქმეში სხვა კლუბებიც არიან" - რას წერს ფრანგული გამოცემა ქართველზე?
[VIDEO] რონალდოს ლამაზი საგოლე პასი და ფელიქსის ბრწყინვალე გოლი
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს