<p>ვიცე-ჩემპიონმა "ტვენტემ" ერედივიზიეს მე-12 ტურის შეხვედრაში "დე გრააფსხაპს" შანსი არ დაუტოვა <br> პრინციპში ეს მოსალოდნელიც იყო - ვიცე-ჩემპიონმა "ტვენტემ" ერედივიზიეს მე-12 ტურის შეხვედრაში "დე გრააფსხაპს" შანსი არ დაუტოვა. თითო გოლი გაიტანეს პეტერ ვისტგერჰოფმა, ლუკ დე იონგმა, ოლა ჯონმა და ლეროი ფერმა.</p><p>"წითლებმა" "ფერმერებთან" მატჩი მშვიდად დაიწყეს და მშვიდადვე მიიყვანეს ლოგიკურ ფინალამდე. ენსხედელები ერედივიზიეს ცხრილში მეორე ადგილზე არიან და ლიდერ "ალკმაარს" 6 ქულით ჩამორჩებიან.</p><p>ჩემპიონატში "ტვენტეს" წარმატებული ასპარეზობა შეუმჩნეველი არავის რჩება. მისი ფეხბურთელებით ყველაზე მეტად პრემიერლიგის გუნდები ინტერესდებიან. ასე მაგალითად, "ტვენტესა" და ჰოლანდიის ნაკრების 21 წლის თავდამსხმელის ლუკ დე იონგის შეძენის</p><p>სურვილს "ნიუკასლი" გამოთქვამს. "დეილი მეილის" ინფორმაციით "კაჭკაჭები" მზად არიან, ლუკში 10 მილიონი გირვანქა გადაიხადონ.</p><p>გარდა "ნიუკასლისა", დე იონგისადმი ინტერესს მიაწერენ "ლივერპულსაც".</p><p>თავის მხრივ შემადგენლობის გაძლიერებას ეშურება "ტვენტეც". კლუბს 1-ლი იანვრიდან შეუერთდება დანიის ნაკრების 23 წლის მცველი ანდრეას ბიელანდი, ვინც ენსხედელებთან 4-წლიანი კონტრაქტი გააფორმა. ამჟამად ის "ნორდსელანდის" ღირსებას იცავს. ანდრეასის თქმით, ჰოლანდიის ჩემპიონატში გადასვლა მისგან ახალ სიმაღლეებზე ასვლას მოითხოვს და ამ მიზნის მისაღწევად ყველაფერს გააკეთებს.</p><p>"მოხარული ვარ, რომ "ტვენტეში" სათამაშოდ გადავდივარ, - განუცხადა ფეხბურთელმა უეფას ოფიციალურ საიტს. - ჩემთვის ეს თავის გამოჩენის ახალი შანსია. ერედივიზიეში დაძაბული მატჩებისთვის მომზადება კვირაში ერთხელ მომიწევს, რაც განვითარების მეტ შესაძლებლობას მომცემს. კლუბის წარმომადგენლები დიდხანს მაკვირდებოდნენ და ჩემი შესაძლებლობები მშვენივრად იციან, რაც ძალიან მახარებს".</p><p>ანდრეასთან კონტრაქტის გაფორმება იმას ნიშნავს, რომ კლუბი მომავალზე ზრუნავსო, განცხადა "ტვენტეს" თავკაცმა კო ადრიაანსემ. "ცენტრალური მცველის პოზიციაზე გვყავს დუგლასი, ვისტგერჰოფი და ბენგტსონი, მაგრამ ბიელანდის მოსვლით ამ პოზიციას საბოლოოდ გადავაქცევთ "დახურულად ზონად," – განაცხადა მწვრთნელმა. ანდრეასის ჯერაც მოქმედ კონტრაქტს ვადა 2013 წლის ივლისში გასდის, შესაბამისად, "ტვენტეს" თანხის გადახდა მოუწევს, მაგრამ ტრანსფერის ღირებულებაზე მხარეები რატომღაც დუმან, "დე ტელეგააფი" ვარაუდობს, რომ "ტვენტეს" ეს "სიამოვნება" 2 მილიონამდე დაუჯდება.</p><p>პროფესიული კარიერა ბიელანდმა "ლუნგბიუში" დაიწყო, საიდანაც 2009 წელს "ნორდსელანდში" გადავიდა. ამ კლუბთან ერთად ფეხბურთელმა დანიის თასი ორჯერ მოიგო. ახალგაზრდა მცველმა დანიის ნაკრებში უკვე სამი შეხვედრის ჩატარება მოასწრო და თავისი წვლილი შეიტანა ევროპის ჩემპიონატის ფინალური ეტაპის საგზურის მოპოვებაში. შეგახსენებთ, რომ "ტვენტე" ევროპის ლიგაზეც გამოდის, სადაც "ფულჰემის", "ოდენსესა" და "ვისლას" ჯგუფში 4 თამაშში აღებული 10 ქულით პირველ ადგილზეა.</p><p><strong>ყოველდღიური სპორტული გაზეთი "ლელო"</strong></p>
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს
ლევან კობიაშვილმა ფიფას კომიტეტის სხდომას უხელმძღვანელა
ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს
დე ლაურენტისი: კონტეში ეჭვი გეპარებოდათ?
ხვიჩა მწვრთნელს უსმენს - იმიჯის გამყარება და ის, რაზეც სამუშაოა...