<p>"არსენალის" ფეხბურთელმა, ანდრეი არშავინმა ყველასთვის მოულოდნელად "მეთოფეთა" ლეგენდარულ ფრანგ მწვრთნელ არსენ ვენგერს შეუტია <br> "არსენალის" 30 წლის რუსმა ფეხბურთელმა, ანდრეი არშავინმა ყველასთვის მოულოდნელად "მეთოფეთა" ლეგენდარულ ფრანგ მწვრთნელ არსენ ვენგერს შეუტია.</p><p>ფორვარდის მთავარი ბრალდება ასეთია: ვენგერი არავის რჩევას არ ითვალისწინებს. ფეხბურთელი, რომელშიც "არსენალმა" სანკტ პეტერბურგის "ზენიტს" ლონდონური კლუბისთვის სარეკორდო თანხა, 15 მილიონი ფუნტი გადაიხადა, ამბობს:</p><p>"როდესაც რომელიმე ჩვენგანს საყოფაცხოვრებო პრობლემა აქვს, მწვრთნელი გვერდში გვიდგას, მაგრამ, საკმარისია საქმე გუნდს შეეხოს, თუ ვაჟკაცი ხარ გაბედე და რაიმე ურჩიე. ყველამ იცის რა პასუხსაც მიიღებს".</p><p>არშავინი ჯერ კიდევ "ზენიტში" თამაშის დროს იყო ცნობილი თავისი პირდაპირობით. ის საკვანძო საკითხებთან დაკავშირებით ხმის ამოღებას არასდროს ერიდებოდა, თუმცა ამბობს, რომ ვენგერთან არასდროს უკამათია.</p><p>"მე და მას არასდროს გვიკამათია, თუმცა ერთი-ორჯერ საკუთარი შეხედულება გამოვთქვი. მისი რეაქცია როგორი იყო? გამიღიმა და... მაინც თავისი გააკეთა" - დასძენს არშავინი.</p><p>ლონდონში გადაბარგების შემდეგ არშავინი "არსენალის" ძირითადი შემადგენლობის ფეხბურთელად ჩამოყალიბდა, თუმცა ამ სეზონში, ყველა შეჯიბრებაში ერთად, "მეთოფეების" 19 თამაშიდან მხოლოდ ორჯერ ითამაშა სასტარტო შემადგენლობაში. 13 შეხვედრაში ის ან მოგვიანებით ჩაერთო თამაშში ან შეცვალეს, ხოლო სამჯერ შეხვედრა ისე დამთავრდა, რომ სათადარიგოთა სკამიდან არც წამომდგარა.</p><p>პრემიერლიგაში, ერთადერთი მატჩი, რომელშიც ის პირველიდან ბოლო წამამდე მოედანზე იდგა, "ოლდ ტრეფორდზე" ჩატარდა, ხოლო თუ რა მოხდა 28 აგვისტოს მანჩესტერის "ოცნებათა თეატრში" ყველას კარგად მოეხსენება - "არსენალმა" "მანჩესტერ იუნაიტედთან" 8:2 წააგო.</p><p>მეორე თამაში, რომელშიც არშავინი ვენგერმა სასტარტო შემადგენლობაში დააყენა და არ გამოუცვლია, "ქარლინგის თასის" მეოთხე ეტაპისა გახლდათ - "მეთოფეებმა" "ბოლტონს" 2:1 აჯობეს. რუსს პერიფერიულ ფიგურად ქცევა, რასაკვირველია, არ სიამოვნებს.</p><p>"ცხადია, მირჩევნია ყველა შეხვედრაში ვთამაშობდე, როგორც ამას "ზენიტში" ვაკეთებდი. დღესაც სულ მოედანზე მინდა ყოფნა. არა აქვს მნიშვნელობა 18 წლის ხარ თუ ოცდათხუთმეტის, თუკი ფეხბურთს თამაშობ, მოედანზე ყოფნა გსურს. ხანდახან ვიცი, როგორც არ უნდა ვითამაშო, 70 წუთის შემდეგ შემცვლიან. არის შემთხვევები, როდესაც სათადარიგოთა სკამზე ზიხარ და წყნარად ელოდები 65-ე წუთს, როდესაც მოედანზე შეგიშვებენ".</p><p>ანდრეი არშავინი "ზენიტიდან" "არსენალში" 2009 წელს გადავიდა და იმავე წლის აპრილში საოცარი ეფექტი მოახდინა, როდესაც "ენფილდ როუდზე", "ლივერპულთან" 4:4 დამთავრებულ შეხვედრაში არსენალელთა ოთხივე გოლი შეაგდო. მიმდინარე სეზონში მან ორჯერ გაიტანა და მხოლოდ ერთი საგოლე პასი შეასრულა. ამ ჩემპიონატში ვენგერი ფლანგებზე ჟერვინიოსა და თეო უოლკოტის თამაშს ამჯობინებს. ნახევარდაცვის ცენტრში მიკელ არტეტას, აარონ რემსისა და ალექს სონგს აქვთ მთელი სივრცე ოკუპირებული.</p><p>"წლეულს ვენგერი უოლკოტსა და ჟერვინიოს უფრო ენდობა. აქამდე სათადარიგო არასდროს ვყოფილვარ" - გულდაწყვეტით ამბობს რუსი.</p><p>ანდრეი არშავინს "არსენალთან" კონტრაქტი 2013 წლამდე აკავშირებს. მის გადაბირებას დღესაც ცდილობენ რუსული გუნდები "ზენიტი" და "ანჟი". მოგეხსენებათ, რუსეთში კლუბებს ფული არ აკლიათ და არშავინის ყიდვა თუ მისთვის დიდი ხელფასის დანიშვნა პრობლემა არ იქნება, მაგრამ ფეხბურთელი ამბობს, რომ თუმც ფული მისთვის მთავარია, იანვრის სატრანსფერო ბაზრის დღეებში არსად აპირებს გადასვლას.</p><p>ხოლო კითხვაზე, სად ურჩევნია ცხოვრება, ლონდონში თუ რუსეთში, არშავინი ასე ამბობს: "ერთხელ, მაიამიში გავიცანი კაცი, რომელიც ამბობდა, რომ არანაირი მნიშვნელობა არ აქვს სად ცხოვრობ, მთავარია ბანკში რამდენი ფული გიდევს. ის კაცი მართალია. თუ ფული გაქვს, ოჯახს ყველგან კარგად მოაწყობ".</p><p><strong>ყოველდღიური სპორტული გაზეთი "ლელო"</strong></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ