"რეინჯერებს" ვერ აჩერებენ

ჰოკეი. NHL. რეგულარული ჩემპიონატი არც ისე წარმატებული გამოვიდა "ფილადელფიას" კაპიტნის კრის პრონგერის დაბრუნება. მისმა გუნდმა გუშინ სტუმრად წააგო "ტამპა ბეისთან". მთელი მატჩის განმავლობაში გუნდები მკაცრ დაცვით ჰოკეის თამაშობდნენ და შეტევისთვის ერთმანეთს სივრცეებს არ უტოვებდნენ. ამიტომაც იყო, რომ "ფილადელფიამ" მთელი მატჩის განმავლობაში მხოლოდ 15 ზუსტი დარტყმა შეასრულა.პირველი 30 წუთი საკმაოდ თანაბარი იყო. განსაკუთრებულ ყურადღებას მეკარეები - ილია ბრიზგალოვი და დუეინ როლოსონი იმსახურებდნენ, რომლებმაც რამდენჯერმე აშკარა გოლისგან იხსნეს თავიანთი გუნდები. "ფილადელფიას" კარის დარაჯი მუდმივ ზეწოლას გრძნობდა ვენსან ლეკავალიესა და მარტინ სან ლუის მხრიდან, რომლებსაც მინიმუმ ოთხჯერ შეეძლოთ თავის გამოჩენა. სტუმრების მხრიდან ორი მომენტი ჰქონდა კლოდ ჟირუს, მაგრამ როლოსონმა ორივე შემთხვევაში იყოჩაღა.ამ მატჩში გადამწყვეტი როლი გაძევებებმა ითამაშეს, რომელიც საკმაოდ ბევრი იყო და სამიდან ორი შაიბა სწორედ რიცხობრივი უპირატესობის დროს გავიდა. პირველებმა თავი სტუმრებმა გამოიჩინეს მეორე პერიოდის შუაში. "ტამპას" ზონაში მოგებული ჩაგდების შემდეგ ვორაჩეკმა შორიდან გაისროლა, შაიბა გზად სკოტ ჰარტნელის ყვანჯს შეეხო და ასე აღმოჩნდა როლოსონის კარში.ამის შემდეგ "ფილადელფიამ" დაცვაში ჩადგომა გადაწყვიტა და უნარიანი მოქმედებით ინარჩუნებდა სასურველ ანგარიშს, მაგრამ სტუმრები უხეშობამ დააღალატა. 47-ე წუთზე ვორაჩეკის გაძევების შემდეგ მარკ-ანდრე ბერჟერონმა ცისფერი ხაზიდან ძლიერი გასროლით გაათანაბრა ანგარიში. "ტამპას" წინ გასვლაც შეეძლო, მაგრამ საბოლოოდ, საქმე ოვერტაიმამდე მივიდა. აქ კი ყველაფერი ბრეტ კონოლიმ გადაწყვიტა, რომელმაც დომინიკ მურის გარღვევის შემდეგ დამატებაზე ივარგა - 2:1. "ტამპამ" ზედიზედ მესამე მატჩი მოიგო.* * *"ნიუ იორკ რეინჯერსის" შეჩერება შეუძლებელი ხდება. გუშინ, ჯო ტორტორელას შეგირდებმა "ოტავა" დაამარცხეს და ზედიზედ მეხუთე გამარჯვება გაიფორმეს. შესანიშნავი შეთამაშება გამოავლინეს გაბორიკის, სტეპანისა და ანისიმოვის დუეტმა - სწორედ ამ ტრიომ გაიტანა "რეინჯერსის" სამივე შაიბა. განსაკუთრებით გამოირჩეოდა 21 წლის ამერიკელი დერეკ სტეპანი, რომლის ანგარიშზე იყო გოლი და ორი საგოლე პასი. გაბორიკმა კი გულშემატკივრები ზედიზედ მეორე დუბლით გაახარა. ამ მოგებით "რეინჯერები" ძალიან მიუახლოვდნენ აღმოსავლეთი კონფერენციის ლიდერებს და მხოლოდ ორი ქულით ჩამორჩებიან "პიტსბურგს", თან ერთი თამაშით ნაკლები აქვთ."ოტავას" საქმე კი ცუდად მიდის. სეზონის ბრწყინვალე დასაწყისისა და მოგებათა სერიის შემდეგ, "სენატორებმა" ბოლო კვირანახევარში ოთხი მატჩის წაგება მოასწრეს და მხოლოდ ერთი ქულა აიღეს "ბაფალოსთან" მატჩში.ოთხმატჩიან გასვლით ტურნეს აგრძელებს "ნეშვილი", რომელიც ამჯერად "ანაჰაიმს" ეწვია. ამ გუნდების მატჩი ყოველთვის საინტერესო და უხვგოლიანი გამოდის. ახლაც, მაყურებელმა ექვსი შაიბა იხილა. კარგად იმუშავა ჰორნკვისტის, სმიტისა და უილსონის ტრიომ - სტუმრების ყველა ქულა სწორედ ამ ბიჭების ანგარიშზეა, კრეიგ სმიტმა კი კარიერაში პირველი დუბლი ჩაიწერა აქტივში, რასაც ერთი შედეგიანი პასიც დაუმატა.კარგად ითამაშა მეკარე პეკა რინემ, რომელმაც ცოტა ხნის წინ კლუბთან მრავალწლიანი კონტრაქტი გააფორმა "ნეშვილთან". "ანაჰაიმმა" კი უკვე ზედიზედ მეექვე მატჩი წააგო.ტამპა ბეი-ფილადელფია 2:1 (ო)0:0, 0:1, 1:0, 1:0გოლები: 0:1 ჰარტნელი-6 (ვორაჩეკი-6, ტიმონენი-11), 1:1 მ-ა. ბერჟერონი-3 (სტემკოსი-6, ლეკავალიე-6), 2:1 ბ. კონოლი-3 (მური-4, კუბინა-2).ოტავა-რეინჯერსი 2:30:0, 1:2, 1:1გოლები: 1:0 მ. მიხალეკი-10 (სპეცა-10, ე. კარლსონი-13), 1:1 გაბორიკი-8 (სტეპანი-6), 1:2 სტეპანი-3 (ანისიმოვი-8), 1:3 გაბორიკი-9 (სტეპანი-7, ანისიმოვი-9), 2:3 ფოლინო-4 (და კოსტა-2, ბატლერი-2).ანაჰაიმი-ნეშვილი 2:41:2, 1:1, 0:1გოლები: 0:1 კ. სმიტი-6 (ჰორნკვისტი-2), 0:2 კ. უილსონი-3 (კ. სმიტი-7, ჰორნკვისტი-3), 1:2 სმიტ-პელი-1 (ფაულერი-6, მაკმილანი-3), 1:3 ერატი-2 (ბულიტი), 2:3 ბოშემენი-2 (პერი-5, რაიანი-2), 2:4 კ. სმიტი-7 (კ. უილსონი-6, ჰორნკვისტი-4).ყოველდღიური სპორტული გაზეთი "ლელო"

საქართველოს თასის პირველი და მეორე ეტაპის წილისყრა

მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]

საქართველოს თასის ნახევარფინალური ეტაპის წილისყრა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!