<p>11-16 ნოემბერს "ქარიშხალასა" და სკა-ს სპორტულ კომპლექსებში კოტე მახარაძის სახელობის ტრადიციული ტურნირი გაიმართება <br> 17 ნოემბერს სახელოვანი ქართველი მსახიობისა და კომენტატორის, კოტე მახარაძის დაბადებიდან 85 წელი შესრულდება და ამ თარიღის აღსანიშნავად არაერთი კულტურული და სპორტული ღონისძიებაა დაგეგმილი.</p><p>ერთ-ერთია კოტე მახარაძის სახელობის ტრადიციული ტურნირი, რომელიც 11-16 ნოემბერს "ქარიშხალასა" და სკა-ს სპორტულ კომპლექსებში გაიმართება.</p><p>ამ შეჯიბრებასთან დაკავშირებით გუშინ თბილისის ფეხბურთის ფედერაციაში გაიმართა პრესკონფერენცია, სადაც მედიის წინაშე წარდგნენ ტურნირის ორგანიზატორები. პრესკონფერენციას კოტე მახარაძის მეგობარი და კოლეგა ჯამლეთ ხუხაშვილი უძღვებოდა.</p><p><strong>ჯამლეთ ხუხაშვილი:</strong></p><p>- ბრწყინვალე კომენტატორს, მსახიობსა და პიროვნებას, კოტე მახარაძეს, 17 ნოემბერს 85 წელი შეუსრულდებოდა. ამ შესანიშნავი თარიღის აღსანიშნავად მთელი საქართველო ემზადება, განსაკუთრებით კი, ბუნებრივია, ხელოვნებისა და სპორტის სამყარო აქტიურობს. კოტე ხომ საქართველოში და არა მარტო ჩვენს ქვეყანაში ძალიან უყვარდათ და უყვართ.</p><p>მოხარული ვარ, რომ მისი სახელობის ტურნირი საერთაშორისო გახდა. დარწმუნებული ვარ, შეჯიბრება უმაღლეს დონეზე ჩაივლის და იქ მისული მაყურებელი არ ინანებს.</p><p>მადლობა ყველას, ვისაც ტურნირის ორგანიზებაში მიუძღვის წვლილი - თბილისის ფეხბურთის ფედერაციას, საქართველოს ფეხბურთის ფედერაციას, თბილისის მერიას, რადიო "ჯაკოს", საფეხბურთო კლუბ "ალგეთს" და, რასაკვირველია, კოტე მახარაძის ოჯახსა და მეგობრებს.</p><p><strong>გრიგოლ ცაავა,</strong> თბილისის ფეხბურთის ფედერაციის პრეზიდენტი:</p><p>- ამ ტურნირს საფუძველი ჯერ კიდევ მაშინ ჩაეყარა, როცა ბატონი კოტე ცოცხალი იყო და მოხარული ვარ, ეს შესანიშნავი ტრადიცია რომ გრძელდება. კარგია, რომ ტურნირზე საქართველოს არაერთი რეგიონის გუნდი იქნება წარმოდგენილი და აზერბაიჯანიდანაც გვესტუმრებიან.</p><p>ტურნირი 1999 წელს დაბადებულ ბავშვთა შორის გაიმართება და მასში 16 გუნდი იასპარეზებს.</p><p>A ჯგუფი: 35-ე საფეხბურთო სკოლა-99, ჩემპიონი, ნორჩი დინამო-1, ნორჩი დინამო-99;</p><p>B ჯგუფი: ჩემპიონი-2000, ადელი (ბათუმი), ალგეთი, გორი;</p><p>C ჯგუფი: 35-ე საფეხბურთო სკოლა-1, ალჯანა (ბაქო, აზერბაიჯანი), მერანი-1, თენგიზ სულაქველიძის აკადემია-2;</p><p>D ჯგუფი: თენგიზ სულაქველიძის აკადემია-1, მერანი-2, ნორჩი დინამო-2, 35-ე საფეხბურთო სკოლა-2.</p><p>11, 12 და 13 ნოემბერს ჯგუფური ეტაპის შეხვედრებია, 14 ნოემბერს - მეოთხედფინალი, 15 ნოემბერს - ნახევარფინალი, 16 ნოემბერს კი - მატჩი მესამე ადგილისთვის და ფინალი.</p><p>დაჯილდოების საზეიმო ცერემონიალი კი 17 ნოემბერს მერაბ ბერძენიშვილის კულტურულ ცენტრ "მუზაში" გაიმართება, სადაც 19 საათიდან სხვა არაერთი საინტერესო ღონისძიებაცაა დაგეგმილი.</p><p>სტუმრები იხილავენ კლიპს კოტე მახარაძის ყველა როლით, უჩვენებენ უკრაინელთა მიერ რუსულ ენაზე გადაღებული დოკუმენტური ფილმს "კოტე მახარაძის ეპოქა" და მოეწყობა კოტე მახარაძის წიგნის, "ორი ბატონის მსახურის" განახლებული ვერსიის პრეზენტაცია.</p><p>საიუბილეო ღონისძიებების ორგანიზატორები საპატიო სტუმრებს, ცნობილ სპორტსმენებსა და მსახიობებს რუსეთიდან, უკრაინიდან, სომხეთიდან და აზერბაიჯანიდან ელიან.</p><p><strong>ყოველდღიური სპორტული გაზეთი "ლელო"</strong></p>
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
უარი კერიკს - "რაშფორდს" "მანჩესტერ იუნაიტედში" დაბრუნება არ სურს
"თუ თქვა, ესე იგი ასე იყო, ვინისიუსს ვენდობი" - არბელოამ ბრაზილიელი დაიცვა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა