<p>თითქმის გადაწყდა: ინგლისის ნაკრები 2012 წლის ივნისში ირლანდიასთან ითამაშებს <br> თითქმის გადაწყდა: ინგლისის ნაკრები 2012 წლის ივნისში ირლანდიასთან ითამაშებს.</p><p>ეს გუნდები ბოლოს 16 წლის წინ შეხვდნენ ერთმანეთს. მაშინ, გულშემატკივრების ხულიგნობის გამო შეხვედრა დაწყებიდან 27 წუთში ჩაიშალა.</p><p>საგულისხმოა, რომ ორივე ნაკრებს იტალიელი მწვრთნელი ჰყავს: ინგლისს ფაბიო კაპელო, ხოლო ირლანდიას ჯოვანი ტრაპატონი. ისინი შეთანხმდნენ, რომ ერთმანეთს ევროპის ჩემპიონატამდე გაავარჯიშებენ. ირლანდიის ფეხბურთის ასოციაციის აღმასრულებელმა შეფმა, ჯონი დილეინიმ თქვა:</p><p>"ვფიქრობ, ამ შეხვედრას მხარეები დიდი ენთუზიაზმით ხვდებიან. განსაკუთრებით ჩვენი ინგლისელი კოლეგები აქტიურობენ. სასიამოვნოა, რომ ამ ქვეყნის ნაკრებს დუბლინში ვიხილავთ".</p><p>ტრაპატონიმ აქტიურობასთან დაკავშირებით ცოტა სხვანაირად დასძინა: "ინგლისელებს ორი წელიწადია ველაპარაკებით, მაგრამ ძალიან დაკავებული გრაფიკი ჰქონდათ. ახლა, როგორც ვხედავ დათანხმდნენ, ასე რომ დავიცადოთ. მგონი ყველაფერი კარგად მიდის".</p><p>თუმცა, მხარეები შეთანხმებას საბოლოო ბეჭედს ჯერ მაინც ვერ უსვამენ, რადგან არ იციან, დეკემბერში დანიშნული კენჭისყრა ევროპის ჩემპიონატის ჯგუფში მათ ერთად მოახვედრებს თუ არა. თუ ისინი ერთმანეთს აცდებიან, მაშინ თამაშსაც აღარაფერი უდგას წინ. ამასთან, ირლანდიელები ოფიციალურად კიდევ არ გასულან ევრო 2012-ზე, მაგრამ საქმე ფორმალურადღაა აქვთ მოსამთავრებელი.</p><p>გასულ პარასკევს პლეი-ოფის პირველ მატჩში ირლანდიელებმა ესტონელებს 4:0 მოუგეს და საეჭვოა საპასუხო შეხვედრაში უფრო დიდი სხვაობით წააგონ.</p><p>ახლა, უსაფრთხოებაზეც ვთქვათ. იმ შემთხვევაში თუ ამხანაგური მატჩი დაინიშნება, ირლანდიის მხარეს უსაფრთხოების საკითხებზე სერიოზულად ექნება სამუშაო. 1995 წელს ჩხუბი ხომ ინგლისელმა ფანებმა გამოიწვიეს. სხვა საქმეა, რომ ბოლო 16 წელიწადში ინგლისელების რეპუტაცია საგრძნობლად გაიზარდა, მაგრამ სიფრთხილეს თავი არ სტკივა. 16 წლის წინ კი აი, რა მოხდა:</p><p>როდესაც ირლანდიელმა დევიდ კელიმ მე-12 წუთზე ანგარიში გახსნა, ინგლისელმა ფანებმა ტრიბუნაზე სკამების მტვრევა დაიწყეს, რასაც ისეთი აყალ-მაყალი მოაყოლეს, რომ ფეხბურთელები გასახდელში შევიდნენ. მწვრთნელების, ჯეკი ჩარლტონისა და ტერი ვენეიბლზის თხოვნის მიუხედავად თამაში აღარ გაგრძელებულა.</p><p>დღეს ირლანდიის ნაკრების მწვრთნელის ასისტენტი წარსულში ცნობილი იტალიელი ვარსკვლავი მარკო ტარდელი გახლავთ. მან თქვა:</p><p>"ჩვენთვის ევროპის ჩემპიონატის წინ დიდ გუნდთან თამაში ძალიან სასარგებლო იქნება".</p><p>არის კიდევ ერთი თეორიული ვარიანტი. გეხსომებათ, აგვისტოში, ლონდონში არეულობების გამო ინგლისისა და ჰოლანდიის ნაკრებთა შეხვედრა გადაიდო. ეს თამაში, წესით, თებერვალში უნდა ჩატარდეს, მაგრამ შესაძლოა კენჭისყრამ ინგლისი და ჰოლანდია მოახვედროს "ევრო 2012"-ზე ერთ ჯგუფში და მაშინ, "გამოთავისუფლებულ" დღეს, ირლანდიისა და ინგლისის შეხვედრა შეავსებს.</p><p><strong>ყოველდღიური სპორტული გაზეთი "ლელო"</strong></p>
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ