<p>დღეს ქართულ საკლუბო კალათბურთში ისტორიული დღეა - "არმია" სტუმრად "ბეშიქთაშს" დაუპირისპირდება <br> დღეს ქართულ საკლუბო კალათბურთში ისტორიული დღეა - "არმია" გასვლით შეხვედრაში "ბეშიქთაშს" დაუპირისპირდება. მატჩი თბილისის დროით 21 საათზე დაიწყება.</p><p>როგორც თურქეთიდან არმიელთა მთავარმა მწვრთნელმა კოტე ტუღუშმა გვითხრა, გუნდი სტამბოლში კვირას ჩავიდა, კარგად დაბინავდა და საბრძოლველად მზადაა. ფიბა-ევროპის ოფიციალურ საიტზე 16 მატჩიდან სწორედ "ბეშიქთაში"-"არმია" გამოარჩიეს, ტურის ცენტრალურ მატჩადაც დაასახელეს და სპეციალური წინათქმა მიუძღვნეს, რომელსაც ქვემოთ გთავაზობთ.</p><p><strong>***</p><p></strong>"სამშაბათს სტამბოლში B ჯგუფის ორი ლიდერი შეებრძოლება ერთმანეთს. 2008 წლის ოლიმპიური ჩემპიონი დერონ უილიამსი "ბეშიქთაშს" უკვე კარგად მოერგო და ჯგუფის პირველ მატჩში ჰოლანდიაში "ლეიდენი" 86:58 დაამარცხა. დერონმა "ლეიდენთან" 20 ქულა და 7 პასი მოაგროვა.</p><p>NBA-ს ლოკაუტმა გულშემატკივარს ორი ამერიკელი ვარსკვლავის, დერონ უილიამსისა და სანდიატა გეინსის ერთმანეთის პირისპირ ხილვის საშუალება მისცა. "ნიუ ჯერსის" წევრი სანდიატა ამჟამად "არმიას" ღირსებას იცავს. იგი ამერიკაში დერონის თანაგუნდელი იყო - ერთად იცავდნენ "იუტას" ღირსებას. გეინსმა ევროჩელენჯის პირველ ტურში გერმანულ "გოტინგენთან" 24 ქულა მიითვალა (7-დან 5 სამქულიანი გამოიყენა), "არმიამ" კი 82:76 მოიგო.</p><p>მართალია ორივე მხარეს შემადგენლობაში ვარსკვლავი ჰყავს, მაგრამ არც თურქული და არც ქართული გუნდი ერთ კაცზე აგებული არ არის.</p><p>"ბეშიქთაშში" თამაშობენ თურქეთის ნაკრების ცენტრი სემიჰ ერდენი, სერბი ფორვარდი ზორან ერცეგი და ევროპაში გამოცდილი ამერიკელები - მარსელიუს კემპი და დევიდ ჰოუკინსი.</p><p>"არმიას" წინა ხაზში შვედი იოაკიმ შელბომი და ამერიკელი უილიამ ტომასი ჰყავს. პირველ მატჩში მოგროვილი 51 მოხსნიდან 28 ამ დუეტის ანგარიშზე იყო. ქართველთა შემადგენლობაში არიან ფლანგის კარგი მოთამაშეები: გილერმო დიასი და ჯერემი რიჩარდსონი.</p><p><strong>შიდა ამბები</strong>. "არმიას" სეზონში ყველა მატჩი მოგებული აქვს: ერთი ევროჩელენჯზე, ოთხი საქართველოს ჩემპიონატში.</p><p>"ბეშიქთაშს" მეტი მატჩი აქვს ჩატარებული - ხუთი თურქეთის პირველობაზე, ერთი - ევროჩელენჯზე. წაგების გემო არც ამ კლუბმა იცის."</p><p><strong>***</p><p></strong>თამაშის წინ თურქების მთავარმა მწვრთნელმა ერგინ ატამანმა პრესკონფერენცია გამართა და შეშფოთებულმა თქვა:</p><p>- ქართულმა მხარემ ჩვენგან 300 ბილეთი მოითხოვა. ეს იმას ნიშნავს, რომ არენაზე ქართველებს მნიშვნელოვანი ადგილი ექნებათ.</p><p>მოვუწოდებ ჩვენს გულშემატკივარს მოვიდეს და გვიქომაგოს, რათა "არმიამ" თავი ისე არ იგრძნოს, როგორც საკუთარ დარბაზში.</p><p>მწვრთნელმა გუნდების შესაძლებლობებზეც ილაპარაკა:</p><p>- "არმიას" დიდი ბიუჯეტი აქვს და ძლიერი კალათბურთელებიც შეიმატა. ამიტომ, მატჩიზე მაქსიმალურად კონცენტრირებულები უნდა გავიდეთ. მოედანზე უნდა დავამტკიცოთ, რომ უკეთესი გუნდი გვყავს.</p><p><strong>არმია</strong></p><p>მოთამაშე სმ პოზიცია დაბ. თარ.</p><p>10 უილ ტომასი 203 ფორვარდი 1986</p><p>24 სანდიატა გეინსი 185 1986</p><p>4 ჯერემი რიჩარდსონი 200 ფორვარდი 1984</p><p>14 იოაკიმ შელბომი 213 ცენტრი 1979</p><p>15 გილერმო დიასი 188 უკანახაზელი 1985</p><p>9 ბუბა კვიმსაძე 195 უკანახაზელი 1982</p><p>21 დავით საყვარელიძე 201 ფორვარდი 1986</p><p>12 ლევან მოსეშვილი 195 ფორვარდი 1987</p><p>6 ანატოლი ბოისა 195 უკანახაზელი</p><p>5. ზვიად ბაბიაშვილი 199 ფორვარდი 1978</p><p>13. რევაზ ათანელიშვილი 207 ცენტრი 1986</p><p>23 გიორგი შარაბიძე 210 ცენტრი 1990</p><p>7 ვახტანგ მინაშვილი 200 ფორვარდი 1979</p><p>მწვრთნელი: კოტე ტუღუში</p><p><strong>ბეშიქთაში</p><p></strong>მოთამაშე სმ პოზიცია დაბ. თარ.</p><p>34. დევიდ ჰოუკინსი 194 უკანახაზელი 1982</p><p>21. მარსელიუს კემპი 196 უკანახაზლი 1984</p><p>35. ერსინ დაგლი 204 ფორვარდი 1981</p><p>8. დერონ უილიამსი 191 უკანახაზელი 1984</p><p>7. ზორან ერცეგი 210 ცენტრი 1985</p><p>10. ფიკრეტ აკინი 190 უკანახაზელი 1983</p><p>9. სემიჰ ერდენი 211 ცენტრი 1987</p><p>15. სერჯატ ჩეთინი 197 უკანახაზელი 1986</p><p>4. მეჰმეტ იაგმური 188 უკანახაზელი 1987</p><p>12. ადემ ორენი 207 ცენტრი 1979</p><p>5. ბარის ჰერსეკი 204 ფორვარდი 1988</p><p>6. კარტალ ოზმიზრაკი 184 უკანახაზელი 1995</p><p>11. მეჰმეტ იატაგანი 192 უკანახაზელი 1993</p><p>მწვრთნელი: ერგინ ატამანი.</p><p><em>ფოტოზე: ერთ დროს თანაგუნდელები დერონ უილიამსი და სანდიატა გეინსი დღეს ერთმანეთის წინაშე წარდგებიან</p><p></em></p><p><strong>ყოველდღიური სპორტული გაზეთი "ლელო"</strong></p>
დუდუ დადიანის მემორიალი 26 სექტემბერს, ოლიმპიურ სასახლეში დაიწყება
"ქუთაისი" დანიის ჩემპიონთან ბოლო წამებზე დამარცხდა და ფიბა ევროპის თასზე იასპარეზებს
"ქუთაისი" ჩემპიონთა ლიგაზე, თვაური – ფიბა ევროპის თასზე
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ