<p>ესპანეთმა შვეიცარიას 3:0 სძლია, ხორვატებმა კი ესტონელი ახალგაზრდები 4:0 გაანადგურეს და ცხრილში გადაგვისწრეს <br> <em><strong>ესპანეთი-შვეიცარია 3:0</strong></em></p><p>გოლები: 1:0 მუნიაინი (8), 2:0 ალკანტარა (26. პენ.), 3:0 ბარტრა (45)</p><p><em><strong>ხორვატია-ესტონეთი 4:0</strong></em></p><p>გოლები: 1:0 ჩოპი (14), 2:0 ვუკუშიჩი (42), 3:0 ადემი (75), 4:0 ვუკუშიჩი (81)</p><p>ევროპის ახალგაზრდული ჩემპიონატის შესარჩევი ტურნირი გრძელდება და თანდათან მცირდება იმ გუნდების რაოდენობა, რომლებიც ფინალურ ეტაპზე გასვლის შანსს ინარჩუნებენ.</p><p>საქართველოს ნაკრებმა ჯგუფიდან გასვლის ბოლო, ისიც თეორიული შანსი რამდენიმე დღის წინ შვეიცარიაში განადგურებით დაკარგა, 14 ნოემბერს კი ჩვენი ახალგაზრდული ისვენებდა და მეტოქეებმა ითამაშეს, რის შედეგადაც სოსო ჭედიას გუნდი ჯგუფის სატურნირო ცხრილში მესამედან მეოთხე საფეხურზე დაეშვა.</p><p>თავიდანვე ცხადი იყო, რომ ევროპის მოქმედ ჩემპიონ ესპანეთისთვის დიდი წინააღმდეგობის გამწევი მხოლოდ ვიცე-ჩემპიონი შვეიცარია იყო, მაგრამ მათმა შეხვედრამ ამ ორი გუნდის კლასს შორის სხვაობა ნათლად წარმოაჩინა.</p><p>ესპანელებმა სტუმრები უშანსოდ პირველივე ტაიმში დატოვეს, სამი უპასუხო ბურთი გაუტანეს და მატჩის მეორე ნახევარი ფორმალობად აქციეს. მოკლედ, ეს შვეიცარია სულაც არ აღმოჩნდა იმ დონის გუნდი, მასთან ორ მატჩში თუნდაც ქულა ვერ აგვეღო.</p><p>მეორე წყვილში რა შედეგიც უნდა დაფიქსირებულიყო, ერთ-ერთი გუნდი მაინც გადაგვისწრებდა და ეს ხორვატებმა შეძლეს. ივო შუშაკის გუნდმა, რომელმაც მიმდინარე შესარჩევი ტურნირი საქართველოს ნაკრებთან საშინაო მარცხით დაიწყო, ციკლში მეორედ გაიმარჯვა, ესტონელები კი, მართალია, უქულოდ არ არიან, მაგრამ ოთხ შეხვედრაში ერთხელაც არ გაუტანიათ.</p><p>იმედია, ბალტიისპირელები ნავსს მაინცდამაინც საქართველოს ნაკრებთან დაპირისპირებაში არ გატეხენ. ჩვენებს უახლოესი მატჩი სწორედ ესტონეთთან უწევთ - სტუმრად, მომავალი წლის 5 ივნისს.</p><p><em>გ თ მ ფ წ ბ ქ</em></p><p>1. ესპანეთი 5 5 0 0 20-2 15</p><p>2. შვეიცარია 5 3 1 1 10-3 10</p><p>3. ხორვატია 5 2 0 3 5-7 6</p><p>4. საქართველო 5 1 0 4 3-15 3</p><p>5. ესტონეთი 4 0 1 3 0-11 1</p><p><strong>ყოველდღიური სპორტული გაზეთი "ლელო"</strong></p>
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
U17 | საქართველო 3:0 ლიეტუვა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა