<p>პორტუგალიელი მწვრთნელი, ანდრე ვილაშ-ბოაში ამბობს, რომ "ჩელსიში" სამსახურის დაკარგვა არ ემუქრება <br> პორტუგალიელი მწვრთნელი, ანდრე ვილაშ-ბოაში ამბობს, რომ "ჩელსიში" სამსახურის დაკარგვა არ ემუქრება, არადა, რაც დასავლეთლონდონელთა მეპატრონე რომან აბრამოვიჩია, გუნდს სეზონი ასე ცუდად არ დაუწყია.</p><p>კვირას, "სტემფორდ ბრიჯზე" "ლივერპულთან" 2:1 წაგებისა და ლიდერ "მანჩესტერ სიტისთან" 12 ქულიანი ჩამორჩენის შემდეგ ვილაშ-ბოაში ფსიქოლოგიურ ტვირთს, რასაკვირველია, გრძნობს, მაგრამ თავს ასე იმხნევებს:</p><p>"აბრამოვიჩს ჩემი "პორტუდან" წამოსაყვანად 15 მილიონი ევრო იმიტომ კი არ გადაუხდია, რომ რამდენიმე თვეში ჩემს ახლა უკვე გაშვებაში გადაიხადოს დიდძალი ფული. მეპატრონის მოთმინებას არავინ ამოწმებს. დღეს ყველაზე მთავარი ის არის, რომ ჩვენ გვწამს იმის, რასაც ვაკეთებთ და ვიცით, რომ მომავალში კარგი შედეგი გვექნება. "ჩელსი" საკმაოდ ძლიერი გუნდია საიმისოდ, რომ ყველა შეჯიბრებაში იბრძოლოს და მოწინააღმდეგეებს ტოლი არ დაუდოს.</p><p>რასაკვირველია, პრემიერლიგაში რთულ მდგომარეობაში აღმოვჩნდით. ისეთ გუნდთან, როგორიც "მანჩესტერ სიტია" 12 ქულიანი ჩამორჩენა ბევრია. ეს სულაც არ გახლავთ ის, რასაც ველოდით, მაგრამ მდგომარეობის გამოსწორება შეგვიძლია. დეკემბრის განრიგის დიდი იმედი გვაქვს".</p><p>საინტერესოა, რატომ აქვს ვილაშ-ბოაშს დეკემბრის იმედი? ჩავხედოთ კალენდარს. შემდეგ უქმეებზე ანუ ჯერ კიდევ ნოემბერში, "ლურჯები" მასპინძლობენ "ვულვერჰემპტონს", შემდეგ კი იწყება დეკემბერი: დასავლეთლონდონელები ჯერ სტუმრობენ კერკეტ "ნიუკასლს", მერე კი მასპინძლობენ "მანჩესტერ სიტის".</p><p>ამის მერე ზედიზედ ორი გასვლაა: მიდიან უიგანსა და ლონდონში, "ტოტენჰემთან" სათამაშოდ. და ბოლოს ორი შეხვედრა "სტემფორდ ბრიჯზე" "ფულჰემთან" და "ასტონ ვილასთან". ვითომ, ეს ასეთი სახარბიელო განრიგია?</p><p>ამასობაში, გაირკვა, რომ ბოლო დროს ცოტა მივიწყებული ფრანგი ვარსკვლავის, 32 წლის ნიკოლა ანელკას შეძენას, იანვარში, ჩინური "შანხაი შენხუა" აპიებს. ანელკას კონტრაქტს ვადა ისედაც გაუდიოდა სექტემბერში.</p><p>პორტუგალიელმა მწვრთნელმა განაგრძო: "ძალიან მაწუხებს გაშვებული გოლების რაოდენობა, ამიტომ, ახლა მთავარია საკუთარი თამაში კარგად გავაანალიზოთ და მივხვდეთ, რატომ ვცდებით დაცვაში ასე ხშირად. აშკარაა, რომ დეტალებს სჭირდება ჩაკირკიტება, ვფიქრობ მიზეზს იქ ვიპოვნით".</p><p>ვილაშ-ბოაში "მანჩესტერ იუნაიტედისა" და ინგლისის ნაკრების ყოფილ მცველ გარი ნევილზე გაბრაზდა. ნევილი, მოგეხსენებათ, ტელემიმომხილველად მუშაობს და "ჩელსისა" და "ლივერპულის" შეხვედრის გარჩევისას თქვა, "ლურჯების" ბრაზილიელი მცველი, 24 წლის დავიდ ლუიზი ისეთი შებოჭილი იყო, გეგონება "პლეისტეიშენის" ნახატი ბრძანდებოდა და მის მოძრაობას ტრიბუნიდან 10 წლის ბიჭი აკონტროლებდაო.</p><p>"გარი ნევილი ფანტასტიკური მცველი იყო, მაგრამ მისი ნათქვამის გამოკიდება ჩემი მხრიდან სისულელე იქნება" - თქვა "ჩელსის" თავკაცმა.</p><p><strong>ყოველდღიური სპორტული გაზეთი "ლელო"</strong></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!