<p>ჰოკეი. NHL. რეგულარული ჩემპიონატი: სამი მატჩი გაიმართა გუშინ ჰოკეის ეროვნულ ლიგაში და სამივე სტუმრების გამარჯვებით დასრულდა <br> სამი მატჩი გაიმართა გუშინ ჰოკეის ეროვნულ ლიგაში და სამივე სტუმრების გამარჯვებით დასრულდა. ყველაზე იოლ გამარჯვებას "ტორონტომ" მიაღწია, რომელმაც გასვლაზე 7:1 გაანადგურა "ტამპა ბეი".</p><p>ორივე გუნდი ცუდ ფორმაში შეხვდა აღნიშნულ შეხვედრას - მათ ბოლო ხუთ მატჩში ოთხი წაგება ჰქონდათ.</p><p>პირველ ათ წუთში გუნდებმა შაიბები გაცვალეს, რის შემდეგაც "ტორონტომ" მეტოქეს პირველი დარტყმა საწყისი პერიოდის სტარტზე მიაყენა, როცა ორი წუთის ინტერვალით ორი შაიბა გაიტანა როლოსონის კარში - 1:3.</p><p>მეორე პერიოდში ჯო ქობურნმა განავრცო თავისი გუნდის უპირატესობა, ხოლო თამაშის ბედი მესამე პერიოდის სტარტზე გადაწყდა, როცა წუთნახევრის ინტერვალით ბოჟაკმა და ლუპულმა ზედიზედ ორი გოლი გაიტანეს და ტორონტო 6:1 დააწინაურეს.</p><p>"ტამპამ" მეტოქეზე მეტი დარტყმა შეასრულა, მაგრამ "ტორონტოს" მეკარემ გუსტავსონმა 28-დან 27 შაიბა მოიგერია. კანადელებმა</p><p>დივიზიონში ლიდერობა ჩამოართვეს "ბოსტონს".</p><p>მოულოდელი იყო "ლოს ანჯელესის" მოგება სტუმრად "სენტ ლუისთან", რადგან "კინგზს" ბოლო ათ მატჩში "ბლუზის" მოედანზე მხოლოდ ორი მატჩი ჰქონდა მოგებული.</p><p>ამ შეხვედრაში ბოლო მომენტამდე რთული იყო გამარჯვებულის წინასწარმეტყველება. პირველ ორ პერიოდში გუნდებმა თითო შაიბა გაიტანეს. მესამე პერიოდის მეხუთე წუთზე კი "ლოს ანჯელესი" პირველად გაიყვანა წინ მაიკ რიჩარდსმა. თუმცა მე-13 წუთზე ისევ აღდა თანაფარდობა - "ბლუზმენთა" მხრიდან თავი გამოიჩინა სობოტკამ. ისე ჩანდა, რომ მატჩის ბედი ოვერტაიმში ან ბულიტების სერიაში უნდა გადაწყვეტილიყო, მაგრამ ზუსტად ორ წუთში უილი მიტჩელმა საბოლოო ანგარიში დააფიქსირა.</p><p>ეს იყო "სენტ ლუისის" პირველი წაგება ძირითად დროში მას შემდეგ, რაც ამ გუნდს სეზონის მსვლელობისას სათავეში ჩაუგდა ცნობილი</p><p>სპეციალისტი კენ ჰიჩკოკი. ამ მარცხით "ბლუზი" პლეი ოფის ზონიდან გავარდა, "ლოს ანჯელესი" კი ქულებით "სან ხოსეს" გაუთანაბრდა, მაგრამ "ზვიგენებს" სამი თამაშით ნაკლები აქვთ ჩატარებული.</p><p>გუშინ კიდევ ერთ მატჩში ვიხილეთ მასპინძელი გუნდის განადგურება. "ედმონტონმა" პრაქტიკულად პირველ პერიოდში მოამთავრა საქმე "ნეშვილის" წინააღმდეგ.</p><p>"ოილერზმა" ექვსი წუთის ინტერვალით სამი გოლი გაიტანა, რის შემდეგაც მასპინძლებმა სათადარიგოთა სკამზე დასვეს ლიგის ერთ-ერთი საუკეთესო მეკარე პეკა რინე. პირველ პერიოდში გოლები ჰორკოფმა, ჰემსკიმ და ებერლემ გაიტანეს. აქედან ორ შაიბაში მონაწილეობა მიიღო წლევანდელი დრაფტის პირველმა ნომერმა, 18 წლის რაიან ნიუჯენტ-ჰოპკინსმა, რომელსაც 21 მატჩში 22 ქულა აქვს დაგროვებული.</p><p>რინეს ნაცვლად მოედანზე გასულმა "ნეშვილის" სათადარიგო მეკარემ ლინდბაკმა მეორე პერიოდში "მშრალად" შეინახა კარი, მაგრამ მესამე პერიოდში მანაც სამი შაიბა გაუშვა. "ედმონტონს" კი მეკარის მხრივ პრობლემა არ ჰქონია - დუბნიკმა 32-დან 30 დარტყმა მოიგერია.</p><p>"ედმონტონმა" ამ მოგებით დასავლეთ კონფერენციაში ერთბაშად მეექვსე ადგილზე გადაინაცვლა.</p><p><em><strong>ტამპა ბეი-ტორონტო 1:7</p><p></strong></em>1:3, 0:1, 0:3</p><p>გოლები: 0:1 მაკარტური-7 (გარდინერი-6, ტიმ კონოლი-6), 1:1 ლეკავალიე-9 (სტემკოსი-9, მელოუნი-7), 1:2 ტიმ კონოლი-3 (კულემინი-7, ფრენსონი-3), 1:3 ბოჟაკი-3 (კესელი-14, ტიმ კონოლი-7), 1:4 ქობურნი-1 (ფრატენი-2, ლაილსი-10), 1:5 ბოჟაკი-4, 1:6 ლუპული-11 (ბოჟაკი-10, ფანოფი-14), 1:7 კრები-3 (ფრატენი-3, გარდინერი-7).</p><p><em><strong>სტ. ლუისი-ლოს ანჯელესი 2:3</p><p></strong></em>1:0, 0:1, 1:2</p><p>გოლები: 1:0 სტინი-8 (ოში-8), 1:1 კოპიტარი-10 (მ. რიჩარდსი-9), 1:2 მ. რიჩარდსი-9 (ლოკტიონოვი-2), 2:2 სობოტკა-2 (დ'აგოსტინი-3, რასელი-2), 2:3 უ. მიტჩელი-1 (საიმონ განიე-7, ჯასტინ უილიამსი-13).</p><p><em><strong>ნეშვილი-ედმონტონი 2:6</p><p></strong></em>0:3, 0:0, 2:3</p><p>გოლები: 0:1 ჰორკოფი-5 (ნიუჯენტ-ჰოპკინსი-13, ტ. ჰოლი-9), 0:2 ჰემსკი-2 (რ. სმიტი-10, ებერლე-14), 0:3 ებერლე-6 (ტ. ჰოლი-10, ნიუჯენტ-ჰოპკინსი-14), 0:4 ებერლე-7 (რ. სმიტი-11, შმიდი-1), 1:4 ტუტუ-1 (შ. უებერი-12, რ. სატერი-10), 1:5 პეტრი-1 (ბელანჟე-4, ჰემსკი-5), 1:6 ჰორკოფი-6 (სემ განიე-3, რ. ჯონსი-4), 2:6 ბლუმი-2 (ფიშერი-7, ტუტუ-4).</p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ