<p>ქუთათურთა მთავარი მწვრთნელი გია გეგუჩაძე ბოლნისურ მატჩში ახალგაზრდებს ენდო და ექსპერიმენტმა გაუმართლა</p><p><br> 4.12. ბოლნისი. თ.სტეფანია. 100 მაყურებელი</p><p><em><strong>სიონი-ტორპედო 1:3 (1:1)</strong></em></p><p>0:1 დ. ჯანელიძე (10), 1:1 უგულავა (22), 1:2 თარხნიშვილი (56. იოსელიანის პასით), 1:3 საბანაძე (66)</p><p>სიონი ტორპედო</p><p>4-4-2 4-2-3-1</p><p>ლობჟანიძე ქვილითაია</p><p>ჩხეტიანი ფოფხაძე</p><p>ოქროპირიძე ს. თოდუა</p><p>სვანიძე ფარულავა</p><p>თარგამაძე გურული</p><p>გაბრიჭიძე დიღმელაშვილი</p><p>ქუცურია კუხიანიძე</p><p>ისიანი იოსელიანი</p><p>ალავიძე დ. ჯანელიძე</p><p>კემუხტაშვილი თარხნიშვილი</p><p>უგულავა საბანაძე</p><p>მთ. მწვრთნელი: მწვრთნელი:</p><p>ვ. ჩაგელიშვილი გ. გეგუჩაძე</p><p>სიონი:</p><p>68. ალავიძე - კობერიძე</p><p>78. ლობჟანიძე - ზუხბაია</p><p>85. ისიანი - ხურციძე</p><p>სათადარიგოები: გიორბელიძე, ადამაშვილი, ა. ნოზაძე, კაციტაძე.</p><p>ტორპედო:</p><p>62. დიღმელაშვილი - გოცირიძე</p><p>63. გურული - შერგელაშვილი</p><p>75. თოდუა - მირცხულავა</p><p>სათადარიგოები: მიგინეიშვილი, ტაბატაძე, დათუნაიშვილი, დოლიძე.</p><p>გაფრთხილებები: გურული (31)</p><p>არბიტრი: ჯ. ხორავა</p><p>"სიონი" სტუმრებს ოპტიმალური შემადგენლობით ვერ დაუხვდა, არ ჰყავდა გამთამაშებელი ვალერი ბოლქვაძე და თავდამსხმელი გიორგი რეხვიაშვილი.</p><p>თუმცა უფრო მნიშვნელოვანი იყო "ტორპედოს" დანაკლისი: გია გეგუჩაძეს ძირითადში არ შეუყვანია სამი ფეხბურთელი - მიგინეიშვილი, დოლიძე და</p><p>დათუნაიშვილი, ხოლო გამეზარდაშვილი, მეგრელაძე და დავით ბოლქვაძე განაცხადშიც არ იყვნენ, ისევე, როგორც ბოლო დროს სათადარიგოებთან გაშინაურებული ჩიკვილაძე.</p><p>"ტორპედოს" თავკაცი რისკიანი კაცია, ახალგაზრდებს ენდობა და ამ შემთხვევაში ექსპერიმენტის მიზეზიც ჰქონდა: მომდევნო კვირას ქუთაისელებს ორი პრინციპული მატჩი ელით, 7 დეკემბერს "ზესტაფონს" თასის განმეორებით მატჩში ესტუმრებიან, 11 დეკემბერს კი რუსთავის "მეტალურგს" ჩემპიონატში უმასპინძლებენ და გეგუჩაძემ მოთამაშეები დაასვენა.</p><p>რისკმა, უფრო სწორად, ახალგაზრდებმა გეგუჩაძეს გაუმართლეს. გუშინ პირველად ითამაშეს ძირითადში გიორგი კუხიანიძემ, დავით ჯანელიძემ, გამოცდილმა, მაგრამ უთამაშებელმა მაქსიმე ქვილითაიამ, დებიუტი ჰქონდათ ბაქარ მირცხულავასა და ლაშა შერგელაშვილს, გიგი იოსელიანი კი ნელ-ნელა იმკვიდრებს ადგილს ძირითადში და "სიონთანაც" ერთ-ერთი აქტიური იყო. 21 წლის თორნიკე თარხნიშვილი და 20 წლის ნიკა საბანაძე კი სასტარტოში აქამდეც ხვდებოდნენ.</p><p>"ტორპედომ" აქტიურად დაიწყო და ანგარიშიც მალევე გახსნა: მე-10 წუთზე კარიდან დაახლოებით 40 მეტრში მყოფმა ჯანელიძემ საკუთარი საჯარიმოდან მიიღო ბურთი და მოულოდნელად დაარტყა, კარიდან ოდნავ წინ გამოსულმა ლობჟანიძემ რეაგირება ვერ მოახერხა და ულამაზესი გოლი გავიდა - 0:1.</p><p>გაშვებული გოლის შემდეგ მასპინძლები გააქტიურდნენ და წონასწორობა მალე აღადგინეს. 22-ე წუთზე მეკარესთან პირისპირ გავიდა ლაშა კემუხტაშვილი, ქვილითაიამ პირველი დარტყმა აუღო, მაგრამ ბურთი უხეიროდ მოიგერია და დამატებაზე ჯაბა უგულავამ იმარჯვა - 1:1.</p><p>სტუმრები ისევ გააქტიურდნენ და ტაიმის მიწურულს კიდევ ორი სახიფათო შეტევა განახორციელეს, მაგრამ კუხიანიძისა და თარხნიშვილის დარტყმებს სიზუსტე აკლდათ. თუმცა ამ უკანასკნელმა მიზანს მაინც მიაღწია და მეორე ნახევარში ძალზე ეფექტური დარტყმით ბურთი შორეული კუთხის ცხრიანში ჩაუშვა - 1:2.</p><p>"სიონს" ანგარიშის გათანაბრება შეეძლო, როდესაც მარცხენა ფლანგზე უგულავა რამდენიმე მცველს გასცდა და კარის წინ უმეთვალყურეოდ დარჩენილ კემუხტაშვილს გადააწოდა, მაგრამ ჩინებულად ითამაშა ქვილითაიამ.</p><p>"ტორპედომ" კი თავისი მორიგი შანსი გამოიყენა: უსწრაფესი კონტრშეტევისას კუხინიძემ ჩინებული გადაცემით მეკარესთან მარტო დარჩენილი საბანაძე მოძებნა, რომელმაც ზუსტად დაარტყა და საბოლოო ანგარიში დააფიქსირა - 1:3.</p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია