ქართველები

• ქართველი სპორტსმენები
ფეხბურთი
• ეროვნული ნაკრები
• ეროვნული ლიგა
• ეროვნული ლიგა 2
• ლეგიონერები
• თასი
• ასაკობრივი ნაკრები
• სხვადასხვა
• ევროპა ლიგა
• კონფერენს ლიგა
• ინგლისი
• ესპანეთი
• იტალია
• გერმანია
• საფრანგეთი
• მსოფლიო
• ჩემპიონთა ლიგა
• ევროპის ჩემპიონატი
• სხვადასხვა
• ქალთა ფეხბურთი
• ტრანსფერები
კალათბურთი
• ეროვნული ნაკრები
• სუპერლიგა
• თასი
• NBA
• ლეგიონერები
• ევრო ლიგა
• ევროპის ჩემპიონატი
• მსოფლიოს ჩემპიონატი
• ასაკობრივი ნაკრები
• სხვადასხვა
ჭიდაობა
• ძიუდო
• თავისუფალი
• კლასიკური
• ქართული
• სუმო
• სამბო
• ქალთა ჭიდაობა
• ბერძნულ-რომაული
ჩოგბურთი
• როლან გაროსი
• უიმბლდონი
• ავსტრალიის ღია პირველობა
• ამერიკის ღია პირველობა
• მონტე კარლო
• ATP ცინცინატი
• მადრიდის მასტერსი
• რომის მასტერსი
• მაიამის მასტერსი
რაგბი
• ეროვნული ნაკრები
• დიდი 10
• თასი
• ლეგიონერები
• 6 ერი
• ტესტები
• ერთა თასი
• მსოფლიო თასი
• ასაკობრივი ნაკრები
• სხვადასხვა
ფორმულა 1
• მონაკოს გრან-პრი
• ბრიტანეთის გრან-პრი
• იტალიის გრან-პრი
• ბელგიის გრან-პრი
• ბაჰრეინის გრან-პრი
• საუდის არაბეთის გრან-პრი
• იაპონიის გრან-პრი
• ჩინეთის გრან-პრი
• მაიამის გრან-პრი
• ემილია-რომანიის გრან-პრი
• აბუ დაბის გრან-პრი
MMA
• UFC
სხვადასხვა
• კრივი
• ველოსპორტი
• ტანვარჯიში
• ცურვა
• ჭადრაკი
• მძლეოსნობა
• ძალოსნობა
• მკლავჭიდი
• ტყვიის სროლა
• კარატე
• ნიჩბოსნობა
• მშვილდოსნობა
• ფარიკაობა
• წყალბურთი
• ხელბურთი
• ფრენბურთი
• ავტოსპორტი
• ჰოკეი
• თხილამურებით სრიალი
• ფიგურული სრიალი
• საინტერესო ამბები
• სხვადასხვა
• ფიტნესი
• ფიგურული ციგურაობა
• სხვა სახეობები

[exclusive] მალხაზ ასათიანი: ჩემთვის არჩევანის უფლება არ მოუციათ

<p>30 წლის ფეხბურთელს ერთწლიანი უქმობის შემდეგ მაღალ დონეზე თამაშისა და ნაკრებში დაბრუნების სურვილი კვლავ აქვს <br> ის ყოველთვის გამორჩეული იყო, რაღაცნაირი, თავისებური აფეთქებებით...</p><p>ის გულშემატკივარსაც თავისებურად უყვარდა, ალბათ, თავმდაბლობის გამოც...</p><p>მას არასდროს უყვარდა ყურადღების ცენტრში ყოფნა, თითქოს არ გრძნობდა თავს კომფორტულად ასეთ სიტუაციაში...</p><p>მას შეეძლო თამაშის გაკეთება, ლიდერობა, ერთი მოძრაობით თვალის და მეტოქის დაცვის მოჭრა...</p><p>ის ყოველთვის იმედი იყო, მაშინაც კი, როცა საუკეთესო ფორმაში ვერ იყო...</p><p>ჯერ კიდევ ათი-თორმეტი წლის წინათ მისი თამაშის სანახავად ხალხი საგანგებოდ დადიოდა სტადიონზე ქუთაისში, სადაც განსაკუთრებულად, თავისებურად უყვართ ფეხბურთი და ნიჭიერი ფეხბურთელები...</p><p>მისი კარიერაც თავისებური გამოდგა, ცოტას როდი მიაღწია, მაგრამ მისგან ყველა მეტს ელოდა საქართველოში...</p><p>მისი გოლით საქართველომ მოუგო რუსეთს...</p><p>მალხაზ ასათიანმა თავისებური სევდა დაგვიტოვა...</p><p>ის ახლა 30 წლისაა და თითქმის ერთი წელია, რაც ფეხბურთს აღარ თამაშობს, აღარ აკეთებს იმას, რაც ძალიან კარგად იცის...</p><p>ასათიანმა საქართველოს ნაკრების წინა შესარჩევ ციკლში პირველი ოთხი მატჩი ითამაშა. გახსოვთ მისი სოლო რეიდი მალტასთან? ამის არდამახსოვრება შეუძლებელია, ასეთი რამ ხანდახან თითქოს გოლზე მეტია, ეს ყველას არ შეუძლია, თუნდაც მალტასთან...</p><p>მოკლედ, "ლელოს" კითხვებს მალხაზ ასათიანი პასუხობს.</p><p><strong>- დამეთანხმები, ყველას აინტერესებს, სად არის და რას აპირებს მალხაზ ასათიანი, რომელიც 30 წლისაა, საღ-სალამათია, მაგრამ ფეხბურთს აღარ თამაშობს.</strong></p><p>- პაუზა მართლაც გამიგრძელდა, ისევ რუსეთის პრემიერლიგაში მინდოდა თამაში და ამ ლოდინში ერთი წელიც გავიდა. სხვა ქვეყნებში წასვლაზე თავს ვიკავებდი, მეგონა, რომ რუსეთიდან მექნებოდა მიწვევა.</p><p><strong>- რუსეთში მართლაც ყველა კარგად იცნობს მალხაზ ასათიანის შესაძლებლობებს და, ცოტა არ იყოს, უცნაურია, როცა არც ერთი კლუბი არ ინტერესდება შენი გადაბირებით.</p><p></strong>- ისეთ გუნდში მინდოდა გადასვლა, რომელიც მხოლოდ მაღალ მიზნებზე ფიქრობდა. არგავარდნისთვის ბრძოლა, ჯახირი - ასეთ ადგილას მისვლა ნამდვილად არ მხიბლავდა.</p><p><strong>- გასაგებია, მაგრამ უთამაშებლობა ფეხბურთელისთვის ცოტას არ ნიშნავს. ნუთუ არასდროს შეუწუხებიხარ ფეხბურთის თამაშის ჟინს, ფეხბურთის შიმშილს?</strong></p><p>- როგორ არა და დავფიქრებულვარ კიდეც ნაკლებადამბიციურ გუნდში გადასვლაზე, მაგრამ, რაც დრო გადიოდა, სულ უფრო და უფრო ძნელი ხდებოდა სასურველ გუნდში გადასვლა.</p><p><strong>- იყო კონკრეტული წინადადება რომელიმე რუსული კლუბიდან?</strong></p><p>- ერთი წლის წინ მახაჭყალის "ანჟიდან" იყო შემოთავაზება, მაგრამ პირობები არ მომეწონა და უარი ვთქვი. სხვა ვარიანტი რუსეთიდან არ ყოფილა.</p><p><strong>- გავრცელდა ინფორმაცია, თითქოს საფრანგეთიდან გქონდა მიწვევა.</strong></p><p>- ესეც ერთი წლის წინ იყო, როცა მოსკოვის "ლოკომოტივიდან" წამოვედი - ფრანგული "ლილის" ვარიანტი გამოჩნდა, მაგრამ მაშინაც რუსეთის რომელიმე წამყვან კლუბში გადასვლაზე ვფიქრობდი.</p><p><strong>- რატომ მაინცდამაინც რუსეთი? ნუთუ სხვაგან არ შეუძლია მალხაზ ასათიანს საკუთარი შესაძლებლობების წარმოჩენა?</strong></p><p>- რუსეთს რაღაცნაირად, სულ სხვანაირად შევეჩვიე, ენის ბარიერიც გადავლახე, შევეჩვიე რუსეთში ცხოვრებას და იქაური ჩემპიონატიც კარგად ვიცი.</p><p><strong>- რუსეთში ბევრი მეგობარი გყავს?</strong></p><p>- ნაცნობების წრე დიდია, მეგობარი კი ბევრი ნამდვილად არ მყავს.</p><p><strong>- რუსეთ-საქართველოს ურთიერთობა პრობლემური და მწვავე საკითხია. რამდენად აქტუალური იყო ყოველივე ეს მოსკოვის"ლოკომოტივში" ყოფნისას?</strong></p><p>- "ლოკომოტივში" საქართველოზე და ქართველებზე ცუდი არავის არაფერი უთქვამს, ვინც მეკითხებოდა რამეს ამ თემაზე, ყველას სიმართლეს ვეუბნებოდი, ვინმეს ცუდი რომ ეთქვა საქართველოზე, უპასუხოდ ამასაც არ დავტოვებდი.</p><p><strong>- მოდი, უფრო ძველ ამბებზეც გკითხავ, თუნდაც იმიტომ, რომ წარმატება პირდაპირაა დამოკიდებული გადაწყვეტილების მიღების სისწორეზე. 2003 წელს, როცა ქუთაისის "ტორპედოს" ფეხბურთელი იყავი, ბევრი მითქმა-მოთქმა იყო შენს ტრანსფერზე - ასათიანით თბილისის "დინამო" დაინტერესდა, იყო "გლაზგო რეინჯერსში" გადასვლის ვარიანტიც, თუმცა საბოლოოდ მოსკოვის "ლოკომოტივში" აღმოჩნდი.</strong></p><p>- მაშინ მე არ ვწყვეტდი, სად გადავიდოდი, ზუსტად არც კი ვიცოდი, რა ხდებოდა ჩემი ტრანსფერის თაობაზე, ჩემთვის არჩევანის უფლება არ მოუციათ. როცა "ლოკომოტივის" ვარიანტზე მითხრეს, მეც დავთანხმდი.</p><p><strong>- შეიძლება ითქვას, რომ "ლოკომოტივში" რიგიანი კარიერა გქონდა, თუმცა, ალბათ, იყო დაინტერესება სხვა ქვეყნების კლუბებიდანაც... საერთო ჯამში, რამდენად კმაყოფილი ხარ შენი საფეხბურთო გზით?</strong></p><p>- უკეთესი ნამდვილად შეიძლებოდა. "ლოკომოტივში" თამაშის დროს იყო დაინტერესება ინგლისური და ჰოლანდიური გუნდებიდან, მაგრამ "ლოკომოტივი" სტაბილურად მოწინავე გუნდი იყო და იქ დარჩენა ვამჯობინე.</p><p><strong>- "ლოკომოტივში" საკმაოდ მძიმე ტრავმა მიიღე, ჯვარედინი იოგები გაიწყვიტე ივიცა ოლიჩთან ორთაბრძოლისას - ალბათ, კარგად გახსოვს ის ეპიზოდი.</strong></p><p>- ოლიჩი მაშინ ცსკა-ს ფეხბურთელი იყო და სათამაშო ეპიზოდში დამაშავა. ვერ ვიტყვი, რომ ეს განზრახ გააკეთა. იმ ტრავმამ მართლაც შემაფერხა, საკმაო ხანი დამჭირდა ფორმაში შესასვლელად.</p><p><strong>- როგორ მოგექცა მაშინ "ლოკომოტივი"?</strong></p><p>- კლუბმა ოპერაცია გერმანიაში გამიკეთა. რა თქმა უნდა, "ლოკომოტივი" არ იყო ვალდებული, რომ სარეაბილიტაციო პროცესიც გერმანიაში გამევლო, მაგრამ კლუბის ხელმძღვანელობამ ესეც დააფინანსა, გერმანიაში გავლილი სარეაბილიტაციო კურსი მართლაც სულ სხვა რამ იყო. ერთი სიტყვით, "ლოკომოტივში" თავს კარგად ვგრძნობდი.</p><p><strong>- ეს, ალბათ, იური სიომინის ფაქტორითაც იყო განპირობებული.</strong></p><p>- სიომინთან ნორმალური ურთიერთობა მქონდა, მასთან კონფლიქტი არასოდეს მქონია. თავიდან არ მაყენებდა სასტარტოში, მაგრამ, როცა მწვრთნელის ნდობას გაამართლებ, მერე სულ სხვა თვალით გიყურებს. სიომინი განსაკუთრებულ რჩევებს არ მაძლევდა, უბრალოდ, სულ სტაბილურობას მოითხოვდა ჩემგან. როცა უგუნდოდ დავრჩი, კიევის "დინამოში" წამიყვანა, დამეხმარა, რასაც ძალიან ვაფასებ.</p><p><strong>- "ლოკომოტივში" გადასვლამდე შემტევი იყავი, პლეიმეიკერად თამაშობდი, სიომინმა კი დაცვაში გაგამწესა.</strong></p><p>- სიომინმა მცველად ჯერ ვარჯიშებზე მომსინჯა, ფეხბურთელისთვის პოზიციის შერჩევა მწვრთნელის საქმეა, თორემ მე ყოველთვის წინ თამაში მერჩივნა.</p><p><strong>- ახლა რას აპირებ? უგუნდოდ და უმწვრთნელოდ არ გიცდია ვარჯიშის დაწყება?</strong></p><p>- ყოველდღე არა, მაგრამ ვვარჯიშობ, ძირითადად დავრბივარ, ბურთით კი ნაკლებად ვიტვირთები.</p><p><strong>- როგორც ფეხბურთელს, არაერთი გამორჩეული თვისება გაქვს - ეს უფრო თანდაყოლილია თუ ვარჯიშით არის გამომუშავებული?</strong></p><p>- ვარჯიში მხოლოდ თანდაყოლილ თვისებებს როდი აუმჯობესებს, ვარჯიშით რაღაცის შეძენაც შეიძლება, მაგრამ... მაგალითად, მესი ავიღოთ, რასაც ის აკეთებს, ამას მხოლოდ ვარჯიშით ვერ მიაღწევ.</p><p><strong>- რომელი იყო ყველაზე სამახსოვრო მომენტები შენს კარიერაში?</strong></p><p>- "ტორპედოში" თამაშისას საქართველოს ჩემპიონატის გადამწყვეტ მატჩში "დინამოს" პენალტით გავუტანე გოლი და ჩემპიონები გავხდით. მაშინ სტადიონზე 30 000-ზე მეტი გულშემატკივარი იყო მოსული. დაუვიწყარია რუსეთის ნაკრებთან გატანილი გოლი... "ლოკომოტივში" გატარებულ წლებთანაც არაერთი სასიამოვნო მოგონება მაკავშირებს.</p><p><strong>- ყველაზე უფრო გული რაზე გწყდება?</strong></p><p>- იმაზე, რომ, აგერ, ერთი წელიწადი გამიცდა. დრო რომ გადის, მერე უკეთ აცნობიერებ ყველაფერს, ალბათ, რაღაც დავაკელი საქმეს, რაც მოხდა, მხოლოდ საკუთარ თავს ვაბრალებ.</p><p><strong>- ქართული კლუბებიდანაც გქონდა შემოთავაზება. ძალიან ძნელია უცხოეთიდან საქართველოს ჩემპიონატში დაბრუნება?</strong></p><p>- "ტორპედოდან" და "დინამოდან" მქონდა შემოთავაზებები. ამ კლუბებს მადლობას ვუხდი ყურადღებისთვის, თავი კი იმიტომ შევიკავე საქართველოს ჩემპიონატში დაბრუნებაზე, რომ რუსეთში თამაში მსურდა.</p><p><strong>- ნაკრებზეც ვთქვათ. ჩვენი გუნდი, სამწუხაროდ, კვლავ ცუდად გამოვიდა შესარჩევ ციკლში. მაინც რა სჭირს საქართველოს ნაკრებს? იცვლებიან მწვრთნელები, ფეხბურთელები, მაგრამ შედეგი არ იცვლება.</strong></p><p>- საქართველოს ნაკრებს დღემდე არ აქვს სტაბილური სახე. ერთ კარგ თამაშს ჩვენი გუნდი თითქმის ყველა მწვრთნელის ხელში თამაშობდა, მაგრამ საბოლოო შედეგი არ გვქონდა. ჩივაძე, ყიფიანი, ჟირესი, ტოპმიოლერი, კუპერი...ყველანაირი მწვრთნელი გვყავდა, კარგი ფეხბურთელებიც, მაგრამ... არ ვიცი, რა არის ნაკრების არასტაბილურობის მიზეზი.</p><p><strong>- თემურ ქეცბაის გაწვრთნილ ნაკრებზე დისკუსია არ წყდება.</strong></p><p>- როცა ნაკრები კარგად თამაშობს, მასზე კარგი უნდა ითქვას ზომიერად, როცა გუნდი ქულებს კარგავს, წარუმატებლობაც ობიექტურად უნდა შეფასდეს.</p><p><strong>- საქართველოს ნაკრებისთვის ერთობ აქტუალურია ადამიანური რესურსის საკითხიც. ფაქტია, ჩვენი ნაკრების ამა თუ იმ მწვრთნელს უთანხმოება მოსვლია ფეხბურთელებთან, კუპერის და ასათიანის ურთიერთობაც ერთერთი ამათგანია.</p><p></strong>- ურთიერთობების მოგვარება შეუძლებელი სულაც არ არის. როცა ფეხბურთელი სჭირდება ნაკრებს, საერთო ენის გამოძებნა შესაძლებელია, მაგრამ ასეთ დროს ყველაფერს მწვრთნელი წყვეტს. საქართველოს შემთხვევაში სანაკრებო ფეხბურთელების არჩევანი დიდი არ არის და ვფიქრობ, ეს გასათვალისწინებელია. შესაძლოა, მე შევცდი და ვერ მოვიქეცი ლამაზად კუპერთან, მაგრამ ამით ხომ არ მთავრდება ყველაფერი?! ალბათ, კუპერი არ მთვლიდა ნაკრებისთვის საჭირო ფეხბურთელად.</p><p><strong>- ნაკრებში დაბრუნება - რამდენად მნიშვნელოვანია ეს შენთვის?</strong></p><p>- თუ კლუბში თამაში დავიწყე, რა თქმა უნდა, ძალიან გამიხარდება, ნაკრებსაც რომ გამოვადგე. მალე მორიგი სატრანსფერო ფანჯარაა და ვნახოთ...</p><p><strong>- აგენტი არასდროს გყოლია - რატომ?</strong></p><p>- ალბათ, ჯობდა, კარგ მენეჯერთან დამეჭირა საქმე, ისეთთან, ვისი ნდობაც ბოლომე შეიძლებოდა, მაგრამ...</p><p><strong>- მაგრამ შანსი ისევ არის...</strong></p><p>- რა თქმა უნდა, ისევ მაქვს სურვილი, რომ მაღალ დონზე ვითამაშო.</p><p><strong>- სურვილის გარდა ამ ყველაფერს, ალბათ, რწმენაც სჭირდება. გავიგეთ, რომ ბოლო დროს ეკლესიურად ცხოვრობ...</strong></p><p>- ძალიან რელიგიური არ ვარ, დიდი ხანი არ არის, რაც მოძღვარი მყავს და ეკლესიურად ვცხოვრობ. ადრე თუ გვიან რწმენა ადამიანთან აუცილებლად მოდის...</p><p><em>დავით თავართქილაძე</em></p><p><strong>ყოველდღიური სპორტული გაზეთი "ლელო"</strong></p>

• vasiko basiladze

  მახო მალე დაბრუნდება იტყვის თავის სიტყვას,მალე ვიხილავთ ასათიანით მოხიბლულ გულშემატკივარს,ასკამ იცის ბურთი,ბატონო თემურ ქეცბაია ასათიანი უგუნდოდაც კველას ჯობს ვინც დგეს საქართველოს ნაკრებში თამაშობს,ეს შენც იცი

• daviti

  ჯაფარიძე,იმ კატოლიკე მესის და მუსულმან ალი დაიეს,ხშირად უსვამენ კითხვებს მსგავსი ტიპის ინტერვიუებში მის რელიგიურობასთან მიმართებაში.და იქ არავის უკვერს ამის შესახებ და არ აკეთებს შენნაირ აბსურდულ,სარკაზმულ კომენტარებს.რაც შეეხება ბატონებს რომელსაც უკვირს რატო არ ჩამოდის საქართველოში სათამაშოდ:ნუ გგონიათ ამას ფულის გამო აკეთებს,ვინც ამ კაცს იცნობს იციან მისი დამოკიდებულება ფულთან.-იმიტომ ბატონებო რომ ფოთთან თამაშშის დროს,ლანჩხუთში შესვენებაზე მოშარდვა რომ მოუნდეს ისეთი ტუალეტი მაინც უნდა იყოს ახლომახლოს მოედნის გვერდზე არ გაკეთო ეს და საერთოდ,თუნდაც რუსულ,ევროპულზე აღარაფერს ვამბობ,სათამაშო და სავარჯიშო პირობების მინიმუმს,10% პროცენტს მაინც რომ შეუქმნიან აქ ფეხბურთელებს,აი ამის მერე უსაყვედურეთ რატომ არ ჩამოდიხართქო.ქვეყანაში 3-4 სტადიონია სულ სადაც უმაღლესი ლიგის თამაშების ჩატარება სირცხვილი არაა.

• zura

  temuri shen dzaan patrioti kaci chanxar da albat rusul pecheniasac agar cham...carloss xom ici rusetis bedi adardeba da anjize uketesi gundi ver modzebna... pulzea ak laparaki da albat bevr chvengani sheicvlida tavis propesias xelpasi rom gauormagot.... me piradad vikavi im tamasshze malxazma rom tkva torpedo dinamos tamasshze da magaze didi siamovneba chemtvis el klasikos ar mouxdenia 2009 cels.. ase rom nu aurev nacionalizms da sports ertmanetshi.. malxazi kutaisshi ise izrdeboda savarjisho ketebs dzmakacebi kidulobdnen,

• თემური

  კაცს რომელსაც არ უნდა საქართველოში თამაში და ურჩევნია რუსეთში უბურთოდ ირბინოს რას თხთოვთ? პატრიოტიზმს, ქართული ფეხბურთის თავდადებას თუ რას? კარლოსი გადავიდა ანჟიში და ამას არ აწყობდა. დამთავრებულია მაგის ფეხბურთი.

• ramazi

  ზოგი რა ბოროტია? რა გინდათ მიხედავს თავის თავს ასათიანი 30 წლისაა 15ის კი არა.

• shoda

  ჯაფარიდზე გენიოსია, ტვინი უსკდება, მაგან ყველაფერი იცის!

• zaza968

  ჯაფარიძე -რისი ტქმა გინდა მაინც ვერ გავიგე. დაისვა კითხვა და მანაც უპასუხა. ხოლო რაც შეეხება მახოს თამაშს ,ცუდია ასეთ მდგომარებაში მისი ყოფნა, მაგრამ მე მჯერა ის ისევ უფრო უკეთესად ათამაშდება.ისე კი ჯობდა დროებით, ფორმის შესანარჩუნებლად აქ გეთამაშა.

• malxazi

  მალხაზ დაბრუნდი საქართველოში და დაუბრუნდი ძველ ადგილს-გამთამაშებლობას.შენ ძალიან ჭირდები საქართველოს ნაკრებს და ქართულ ფეხბურთს.მინიმუმ ოთხი წელი კიდევ შეგიძლია ფეხბურთის მაღალ დონეზე თამაში.

• lasha

  ეგ გყუპავთ ბიძიებო ეგ, კარგა ხანი იქნები უგუნდოდ,რა არ შეიძლებოდა დინამოში ან ტორპედოში გეთამაშა

• gefgdfg

  დაბრუნდი საქართველოში დინამოს დაეხმარე ლიგაზე გასვლა და შენი გამოცდილება გაუზიარე ახალგაზდებს. იმედია მალე გიხილავთ მოედანზე,საქართველოს სადყავს შვილი დასაკარგავი.

• Giorgipirweli

  ვინ უნდა დააბრუნოს ფეხბურთში ასათიანი, ვერ გამიგია. როცა ჰოლანდიური, ინგლისური, ფრანგული კლუბების ვარიანტი გაქვს და შენ მაინც გაიძახი რუსეთში უნდა დავრჩეო, მაშინ ვერავის ვერაფერს დააბრალებ.

• vasiko basiladze

  დაბრუნდი მახო თუ მოგეცეს საშვალება და გაგვახარე,შენ იცი ბურთი,თამაში როგორ უნდა მოიგო იცი,სხვა უთამასებელი ფეხბურთელი თუ სეიძლება ნაკრებში ასატიანი რატომ არ უნდა ვათამაშოთ ბატონო თემურ?შენ პლეიმეიკერს ეძებ?სად ეძებ?არ გყავს?გამოიხედე თვალში და დაინახავ,ასათიანზე უკეთესი პლეიმეიკერი ვინაა თემურ? დაბრუნდი ასკა

• vasiko basiladze

  დააბრუნეთ ასათიანი ფეხბურთში და ნახავთ ნამდვილ პლეიმეიკერს,გაიხსენეთ როგორ მოუგო რუსეთს მარტო თუ არ გინდათ გაიხსენოთ?როგორ დროს გაუტანა თურქეთს გოლი 2წუთის შემოსული იყო კაცი მოედანზე არც ეს გახსოვთ,თუ სხვა ფეხბურთელი გვკავს ვინმე დღეს მასეთი თქვით რას ერიდებით,ასათიანმა ბურთი იცის სამწუხაროთ დგეს ჩვენ ნაკრებში ბურთი არავინ იცის,ტყუილად ეძებს დგეს ქეცბაია გამთამაშებელს,ვერ იპოვის,რატომ?არავინაა და მაგიტომ,ასათიანს ეს შეუძლია და ითამაშებს კიდეც,ასკა მაგარი კაცი ხარ დაბრუნდე იქნება და გაგვახარო ყველა შენი თამაშით

• ჯაფარიძე

  რატომ უნდა მაინტერესებდეს და სხვას კიდე, რამდენჯერ ლოცულობს დღეში ასათიანი..... ფეხბურთელია თუ ბერი ? )))) რა მესი რომ კატოლიკეა და გრუზინებისთვის, მწვალებელია, მაგიტომ თამაშობს ალბათ ცუდად, თუ Ali Daei მუსულმანი რომ იყო, მაგიტომ თამაშობდა აგრეთვე "კატასტროფულად " )))))

როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...

საქართველოსა და თურქეთის მატჩის ყველა ბილეთი გაყიდულია

სექტემბრის სანაკრებო მატჩები | ინფორმაცია ბილეთების შესახებ

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია