- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კონსტანტინე მიქაუტაძე: ძალიან მინდა ეროვნულ გუნდში ფეხი მოვიკიდო
<p>ინტერვიუ ფრანგული "ტულონის" ახალგაზრდა ქართველ მეორეხაზელთან <br> წლეულს, თბილისში გამართულ მსოფლიოს ახალგაზრდულ "ალაფაზე" საქართველოს 20-წლამდელთა ნაკრებმა მესამე ადგილი დაიკავა.</p><p>მიუხედავად ამისა, თამამად შეიძლება ითქვას, რომ ნაკრების მორაგბეთა ეს თაობა, ბოლო წლებში ერთ-ერთი საუკეთესო და ყველაზე იმედისმომცემია.</p><p>სწორედ ამ ნაკრების წევრები არიან საფრანგეთის სარაგბო ჩემპიონატის ელიტური, პირველი დივიზიონის ერთ-ერთი ლიდერის, "ტულონის" შერკინების ბურჯი ლევან ჩილაჩავა და მეორეხაზელი კონსტანტინე მიქაუტაძე. ორივე მათგანმა ტულონელთა ძირითად შემადგენლობაში ევროთასების გათამაშების ორ შეხვედრაში იასპარეზა.</p><p>მიქაუტაძეს კი ახლახან, სულაც საფრანგეთის ჩემპიონატში ჰქონდა დებიუტი "აჟენთან" შეხვედრაში, რომელიც კოტემ ლელოთი აღნიშნა.</p><p>ასეთი სტარტით არათუ ქართველი, ბევრი, რაგბის საკმაოდ დიდი ტრადიციების მქონე ქვეყნის წარმომადგენელიც ვერ დაიკვეხნის.</p><p>ცოტა რამ მიქაუტაძის შესახებ. ის 20 წლისაა და სიმაღლით ზუსტად ორი მეტრია, წონა - 115 კილოგრამი. ასეთი ასაკის მოთამაშისთვის, ეს საკმაოდ შთამბეჭდავი მონაცემებია. ამასთან საკმაოდ სხარტი და ფიზიკურად ძლიერია.</p><p>მიქაუტაძე საფრანგეთში სამი წელიწადია თამაშობს. ჯერ "აჟენის" ესპუართა გუნდში ირჯებოდა. პერსპექტიული მორაგბე მალე მოხვდა ბევრი სკაუტის თვალთახედვის არეში და წლეულს, სეზონის დაწყების წინ ვარსკვლავებით მოჭედილ "ტულონში" გადაბარგდა. კოტე თავდაპირველად, ცხადია, ესპუართა გუნდში თამაშობდა, თუმცა თავდადებული შრომის წყალობით ნელ-ნელა ძირითადი გუნდისკენ გაიკაფა გზა.</p><p>კარიერის ამჟამინდელ ეტაპსა და მომავლის გეგმებზე სასაუბროდ, კონსტანტინე მიქაუტაძეს ტულონში დავუკავშირდით.</p><p><strong>- უწინარესად გილოცავთ საფრანგეთის სარაგბო ჩემპიონატში დებიუტსა და წარმატებულ ასპარეზობას. ჩვენთვის საინტერესოა, რა შეგრძნებაა, ფრანგული რაგბის ერთ-ერთი უძლიერესი კლუბის ძირითად შემადგენლობაში თამაში?</p><p></strong>- "აჟენთან" სადებიუტო მატჩს ჩემთვის უდიდესი მნიშვნელობა ჰქონდა. ის ფაქტი, რომ გუნდის 22-კაციან განაცხადში მოვხვდი, უკვე ბევრ რამეს ნიშნავდა. მით უფრო, რომ მეტოქე არ იყო ხელწამოსაკრავი. ის სატურნირო ცხრილში ჩვენი მეზობელი იყო და პლეი ოფში გასვლისთვის იბრძვის.</p><p>თამაშის წინ ძალიან ვღელავდი. მოედანზე 58-ე წუთზე შევედი და სანამ თამაშში არ ჩავები, ნერვები უკიდურესად დაძაბული მქონდა. მინდა გითხრათ, რომ იმ მომენტში, როცა გვერდით ხაზთან ვიდექი, რათა თანაგუნდელი შემეცვალა, სულ არ მახსოვდა ეს მატჩი სადებიუტო რომ იყო. როგორც კი თამაშის ორომტრიალში ჩავერთე, ნერვიულობამ იმწამსვე გამიარა და საბოლოოდ ყველაფერი კარგად დასრულდა.</p><p><strong></p><p>- როგორც წესი სადებიუტო მატჩის წინ მწვრთნელი პირისპირ ესაუბრება სპორტსმენს. თამაშამდე ბერნარ ლაპორტმა რა გითხრათ?</strong></p><p>- დიახ, ლაპორტმა შემადგენლობის გამოცხადებისა და მატჩისთვის გეგმის დასახვის შემდეგ, ცალკე გამიხმო და მითხრა - მთავარია, არ ინერვიულო, ეცადე წესის დარღვევის გარეშე, უჯარიმოდ ითამაშო და ყველაფერი რიგზე იქნებაო. ყველანაირად ვეცადე, მისი დარიგება გამეთვალისწინებინა და, ვფიქრობ, ცუდად არ მითამაშია.</p><p><strong>- როგორი მწვრთნელია ბერნარ ლაპორტი?</p><p></strong>- ძალიან ძლიერი სპეციალისტია. იცით, ალბათ, რომ 2003 წლის მსოფლიოს თასზე საფრანგეთის ნაკრების მთავარი მწვრთნელი იყო. რაც ეგ გუნდში მოვიდა, ახალგაზრდებს მეტ ყურადღებას გვაქცევენ.</p><p><strong>- ლელოს გატანა სადებიუტო მატჩში ბევრისთვის აუხდენელი ოცნებაა, ბევრი ამაზე არც ოცნებობს. ხომ არ გაიხსე</strong><strong>ნებდით, როგორ მოხდა ეს?</p><p></strong>- მეტოქის 22-მეტრიან ზონაში ავსტრალიელმა მეთ გიტომ ხაზი გაჭრა და ზედ ჩათვლის მოედანთან შეაჩერეს. ლელომდე სულ რაღაც ერთი მეტრი იყო დარჩენილი. ცხადია, რაკიდან ბურთის ხაზზე გატანას აზრი არ ჰქონდა. ამიტომ მორკინალების მოკლე დარტყმებით ვცდილობდით მიზნის მიღწევას. ერთ-ერთ ეპიზოდში შევნიშნე, რომ ლელოს დაუცველ ხაზთან ახლოს ვიყავი და მიუხედავად იმისა, რომ ცხრა ნომერი მთელი ხმით გაჰკიოდა, ბურთი ხაზზე გამოიტანეთო, ავიღე და ლელოში გადავდე. სულ ეს იყო, ძალიან გამიხარდა. ყველა თანაგუნდელი ალალად მილოცავდა ამ წარმატებას.</p><p><strong>- "ტულონი" ვარსკვლავებით სავსე გუნდია, ჯონი ვილკინსონი, მეთ გიტო, ჯო ფან ნიკერკი და სხვები. როგორი ურთიერთობა გაქვთ მათთან?</p><p></strong>- "ტულონში" მართლაც ბევრი ვარსკვლავია, ძალიან მაღალი დონის მოთამაშეები არიან, თუმცა რამდენადაც დიდი პოპულარულობით სარგებლობენ, მით უფრო თავმდაბლები და კარგი ადამიანები არიან. ყველასთან, მათ შორის ჩემი ასაკის მორაგბეებთანაც ჩვეულებრივად, ყოველდღიურად, როგორც ტოლ-სწორთან ისე ურთიერთობენ. ყველა ერთად ვართ, ახალგაზრდა და ასაკოვანი, ცნობილი და უცნობი აქ არ არსებობს. ყველას ერთი საქმე გვაქვს.</p><p><strong>- "ტულონში" თქვენს გარდა დავით ქუბრიაშვილი და ლევან ჩილაჩავა თამაშობს. მათი პოზიციები გუნდში რამდენად მყარია?</p><p></strong>- ქუბრიაშვილი დიდი ხანია "ტულონის" ძირითადის მოთამაშეა, მან გუნდთან კიდევ სამი წლით გაახანგრძლივა კონტრაქტი, რაც თავისთავად მეტყველებს, თუ რა წონა აქვს კლუბში. ლევანი ჩემი ტოლია და ევროთასების გათამაშებაში ძირითად გუნდში ორჯერ უკვე ითამაშა.</p><p><strong>- უნდა ვივარაუდოთ, რომ თქვენი თამაშით კმაყოფილნი არიან. კონტრაქტის გახანგრძლივებას ხომ არ გთავაზობენ?</p><p></strong>- დიახ, ნამდვილად კმაყოფილნი არიან. მომავალ უქმეებზე "ემლინ ჩელენჯ კაპის" გათამაშებაში ინგლისურ "ნიუკასლს" ვმასპინძლობთ და გუნდის გაფართოებულ შემადგენლობაში ისევ დამასახელეს. ვნახოთ, ალბათ, მათამაშებენ კიდეც.</p><p>რაც შეეხება კონტრაქტის გახანგრძლივებას, "ტულონში" კიდევ ერთი წლით დარჩენას მთხოვენ. მაგრამ, სავარაუდოდ, ალბათ, არ დავთანხმდები. ფინანსური პირობები არ მაკმაყოფილებს და შემოთავაზებებს სხვა კლუბებიდან დაველოდები.</p><p><strong>- როგორ უყურებენ ქართველ მორაგბეებს ახალ ზელანდიაში გამართული მსოფლიოს თასის გათამაშების შემდეგ. შეიცვალა თუ არა რამე ჩვენ მორაგბე</strong><strong>ებთან მიმართებაში?</p><p></strong>- მსოფლიოს თასის გათამაშების დასრულების შემდეგ, დამოკიდებულება ჩვენს მიმართ რადიკალურად შეიცვალა. ყველა ერთხმად აღნიშნავს, რომ საქართველოს ნაკრებს ძალზედ დიდი პროგრესი აქვს. ადრე ეგონათ, რომ რაგბის ასეთ მაღალ დონეზე თამაში არ შეგვეძლო.</p><p>ახლა ასე აღარ ფიქრობენ. დღეს ისე გვიყურებენ, როგორც ძლიერ, საშიშ მეტოქეს.</p><p><strong>- საქართველოს ნაკრებს ახალი მწვრთნელები ჰყავს. "ბორჯღალოსნებს" ორი ახალზელანდიელი გაწვრთნის. რას ფიქრობთ ამის თაობაზე?</p><p></strong>- საქართველოს ნაკრები ჩემთვის უპირველესია და მხოლოდ ამის შემდეგ არის მნიშვნელოვანი საკლუბო კარიერა. ეროვნულ ნაკრებში სამ მატჩში ვითამაშე ბუქარესტში გამართულ ტურნირზე და ძალიან მინდა, გუნდში ფეხი მოვიკიდო.</p><p>რაც შეეხება ახალ მწვრთნელებს, ახალზელანდიელები, ზოგადად, განთქმული, მაღალი დონის სპეციალისტები არიან. იმედია, ახალი მწვრთნელებიც ასეთნი იქნებიან. ვნახოთ, ყველაფერს დრო გვიჩვენებს.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა