<p>მოჭადრაკე ქალთა გუნდურ მსოფლიოს ჩემპიონატის მეორე ტურში საქართველოს ნაკრები სომხეთს შეხვდა და 2,5:1,5 იმარჯვა <br> მოჭადრაკე ქალთა გუნდურ მსოფლიოს ჩემპიონატს სულ სამი წლის ისტორია აქვს. წინა ორ ტურნირში, რომლებსაც რუსულმა ეკატერინბურგმა და ჩინურმა ნინბომ უმასპინძლეს, ოქროს მედლები ჩინელებმა მოიპოვეს, მეორე-მეოთხე ადგილებზე ორჯერვე, შესაბამისად, რუსები, უკრაინელები და ქართველები გავიდნენ.</p><p>ჩინელები ამჯერადაც უძლიერესი შემადგენლობით ასპარეზობენ და, როგორც ტურნირის რეიტინგფავორიტები, ტიტულის შესანარჩუნებლად იბრძოლებენ. ნაკრებს ორგზის მსოფლიოს ჩემპიონი ჰოუ იფანი მეწინავეობს.</p><p>საგულისხმოა, რომ 2007 წელს ეკატერინბურგში მისი და ლელა ჯავახიშვილის შეხვედრა ქართველი დიდოსტატის გამარჯვებით დამთავრდა.</p><p>ამის მიუხედავად, იფანმა მე-2 დაფაზე 9 შესაძლებლიდან 7,5 ქულით მცირე ოქროს მედალი დაისაკუთრა. 8-დან 6 ქულით მეორე იყო ჯავახიშვილი. ამ დაფაზე ბრინჯაო უკრაინელ ანა უშენინას ხვდა.</p><p>მსოფლიოს ჩემპიონატების ორგზის ვერცხლის პრიზიორი რუსეთის ნაკრები ბოლო ორი წელიწადია, ფაქტობრივად, უცვლელი შემადგენლობით გამოდის. დები კოსინცევები - ტატიანა და ნადეჟდა წინა შეჯიბრებებშიც მონაწილეობდნენ, ზედიზედ ორჯერ ევროპის გუნდური ჩემპიონობა მოიპოვეს, ხანტი-მანსიისკში კი მსოფლიოს საჭადრაკო ოლიმპიადა მოიგეს პირად პირველობაში მსოფლიოს და ევროპის ჩემპიონ ალექსანდრა კოსტენიუკთან და ვალენტინა გუნინასთან ერთად.</p><p>ეს კვარტეტი მარდინშიც ერთადაა. უკრაინელებს, რატომღაც, ორგზის ევროპის ჩემპიონმა კატერინა ლახნომ უგანა. თუმცა, იგი გუნდში 2009 წელსაც არ თამაშობდა. სამაგიეროდ, ჩინური ბრინჯაოს მფლობელთაგან გუნდში არიან ანა უშენინა, ნატალია ჟუკოვა, მარია მუზიჩუკი, 2007 წლის ნაკრებიდან კი ინა გაპონენკო და ტატიანა ვასილევიჩი დააბრუნეს. სხვათა შორის, გაპონენკომ მე-3 დაფაზე მაშინ მცირე ოქრო, ვასილევიჩმა კი მეოთხეზე ბრინჯაო დაიმსახურეს.</p><p>ჩემპიონატების უცვლელი მონაწილეა სომხეთის ნაკრები, რომელიც გუშინ საქართველოს ეროვნულ გუნდს დაუპირისპირდა. პირველ დაფაზე შესანიშნავად ითამაშა 2008 წლის საჭადრაკო ოლიმპიადის გამარჯვებულმა ნანა ძაგნიძემ, რომელმაც ელინა დანიელიანს - 37-ე სვლაზე გააჩერებინა საათი, რაც ამ შეხვედრაში გადამწყვეტი აღმოჩნდა, რადგან მომდევნო სამ დაფაზე დაზავდნენ: ლილით მკრტიჩიანი-ლელა ჯავახიშვილი, ბელა ხოტენაშვილი-ლილით გალოიანი, მარია კურსოვა-ნინო ხურციძე. საბოლოო ანგარიშია 2,5:1,5 ჩვენების სასარგებლოდ.</p><p>დანარჩენი შეხვედრები: უკრაინა - რუსეთი 1:3 (ანა უშენინა - ნადეჟდა კოსინცევა 0,5:0,5, მარია მუზიჩუკი - ტატიანა კოსინცევა 0:1, ნატალია ჟუკოვა - ალექსანდრა კოსტენიუკი 0,5:0,5, ტატიანა ვასილევიჩი - ვალენტინა გუნინა 0:1), საბერძნეთი - ვიეტნამი 1,5:2,5 (ელენა დემბო - ნგუენ ფჰამ ლე ტაო 0,5:0,5, მარინა მაკროპულუ - ჰოანგ თი ბაო თრამი 0:1, ეკატერინი პავლიდუ - ნგუენ თი მაი ჰუნგი 0,5:0,5, ზოი იორდანიდუ - ნგუენ თი თან ანი 0,5:0,5), ჩინეთი - სამხრეთ აფრიკა 4:0 (ცზიუ ვენძიუნი - სესილ ვან დერ მერვე 1:0, ჟაო სიუე - ანზელ სოლომონსი 1:0, თან ჟონი - დენის ფრიკი 1:0, ჟან სიაოვენი - ლორენ ვან ნიეკერი 1:0), ინდოეთი - თურქეთი 3,5:0,5 (ჰამფი კონერუ - ბეთულ ილდიზი 1:0, ტანია საჩდევი - კუბრა ოზთურქი 0,5:0,5, როუთ რადმინი - კარდელენ კემჰანი 1:0, სვამინათან სოუმია - ებრუ კაპლანი 1:0).</p><p>ორი ტურის შემდეგ 4-4 ქულით საქართველო (საერთო მონაგარი 6,5 ქულა), ჩინეთი (6,5) და რუსეთი (5,5) ლიდერობენ. შემდეგ მოდიან: ინდოეთი-3 (5,5), სომხეთი-2 (5,5), ვიეტნამი-2 (4), უკრაინა-1 (3), თურქეთი-0 (2), საბერძნეთი-0 (1,5), სამხრეთ აფრიკა-0 (0).</p><p>დღეს მესამე ტურში ითამაშებენ: ვიეტნამი-საქართველო, თურქეთი-უკრაინა, სამხრეთ აფრიკა-ინდოეთი, სომხეთი-ჩინეთი, რუსეთი-საბერძნეთი.</p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ