- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რატომ იყო ფრე ფრიულიზე ლოგიკური
<p>სერია A. I (გამოტოვებული) ტური: და როგორ დაარბიეს გენუელები ნეაპოლში <br> პირველი, ანუ გამოტოვებული ტურის ცენტრალური შეხვედრა უდავოდ უდინეში გაიმართა, სადაც "უდინეზემ" "იუვენტუსი" მიიღო და დაუზავდა, 0:0.</p><p>ფრე ორივე გუნდისთვის მისაღები შედეგი იყო, ამასთან, ერთმანეთის პირისპირ ორი ისეთი გუნდი წარსდგა, რომლებსაც ყველაზე ნაკლები გოლი აქვთ გაშვებული მიმდინარე ჩემპიონატში - თუ ყველაფერ ამას გავითვალისწინებთ, ძალიან ლოგიკურად მოსჩანს, რომ ფრიულიზე გამართული მართლაც საინტერესო პაექრობა უგოლო ყაიმით დასრულდა.</p><p>მთელი შეხვედრის განმავლობაში, გუნდები უფრო საკუთარი კარის უსაფრთხოებაზე ზრუნავდნენ და შესაბამისად, სახიფათო მომენტები მცირე რაოდენობით შეიქმნა. ცალკეული ეპიზოდების აღწერით არ შეგაწყენთ თავს და სიტყვას პირდაპირ ანტონიო კონტეს გადავცემთ, რომელიც დაფიქსირებული შედეგით კმაყოფილი გახლდათ:</p><p>"შედეგით კმაყოფილი ვარ, რადგან უდინეში ქულის მოპოვებაც კი საპატიოა. მართალია, ჩვენი მოსაგებად გავედით მოედანზე, მაგრამ ვერ მოგატყუებთ და ვერ ვიტყვით, რომ ფრემ ცუდ ხასიათზე დამაყენა. ასეთ შედეგს მოველოდი კიდეც, რადგან ჩვენი არ იყოს, მიმდინარე სეზონში "უდინეზეს" დაცვაც შესანიშნავად გამოიყურება. რაც შეეხება სეზონის პირველ ეტაპს, ამაზე მას შემდეგ ვისაუბროთ, როდესაც ჩემპიონატი ეკვატორს გადალახავს - სატურნირო ცხრილს ჯერ კიდევ არ ვუკირკიტებ, ერთი კი ნამდვილად მსიამოვნებს: "იუვე" ერთადერთი გუნდია ჩემპიონატში, რომელიც ჯერ არ დამარცხებულა".</p><p>უდინური ფრე ძალიან კარგი შანსი იყო "ლაციოსთვის", რომელსაც შეეძლო ლიდერებს კიდევ უფრო მიახლოვებოდა. ედუარდო რეიას გუნდმა "კიევოს" უმასპინძლა და ფავორიტადაც ითვლებოდა, მაგრამ... "ბიანკოჩელესტემ" მთლიანობაში ძალიან მძიმე შთაბეჭდილება დატოვა და ვერაფერი დააკლო კერკეტ მეტოქეს. მეტიც, სტუმრებს უკეთესი შანსები ჰქონდათ ანგარიშის გასახსნელად და თუ ვინმე გადაურჩა წაგებას, ეს უპირველესად "ლაციოზე" ითქმის. მართალია, ბოლო წუთებში რომაელებმა შტურმის მაგვარი მოუწყვეს ვერონელებს, მაგრამ ამ საქმიდან არაფერი გამოვიდა და შედეგად, მასპინძლებმა უმნიშვნელოვანესი ორი ქულა დაკარგეს.</p><p>აქვე აღვნიშნოთ, რომ მორიგი უსუსური შეხვედრა ჩაატარა ჯიბრილ სისემ და ანტრაქტის შემდეგ, რეიამ ტომაზო როკით ჩაანაცვლა - მატჩისშემდგომ პრესკონფერენციაზე "ლაციოს" მთავარ მწვრთნელს ფრანგ ფორვარდზეც მოუხდა საუბარი: "თუ ასე გავაგრძელებთ, სამუელში კი არა, ათეულშიც ვერ მოვხვდებით. ფეხბურთელები ცოტა გადაღლილები მეჩვენნენ და თუ კი ეს მართლაც ასეა, ე.ი. ზამთრის პაუზას სულზე მოუსწრია. შესვენება ნაყოფიერად უნდა გამოვიყენოთ და სეზონი ოპტიმალურ კონდიციაში განვაახლოთ. გავუშვებთ თუ არა სისეს? - არავითარ შემთხვევაში, ფრანგი არ იყიდება და როგორც მინიმუმ სეზონის ბოლომდე ჩვენთან დარჩება".</p><p>"ინტერმა" საკუთარ მოედანზე "ლეჩეს" უმასპინძლა და მეტოქეს სულ ბრდღვირი ადინა. არადა, საწყის წუთებში უფრო სტუმრები აქტიურობდნენ და გახსნეს კიდეც ანგარიში, როდესაც მე-20 წუთზე მურიელის დარტყმამ მიზანს უწია. აი ამის შემდეგ კი მხოლოდ ერთი გუნდი თამაშობდა, "ინტერმა" ოთხი უპასუხო ბურთვი მიართვა მეტოქეს და მორიგი სამი ქულა ჩაიწერა აქტივში. ფორვარდებიდან კლაუდიო რანიერის ჯამპაოლო პაცინიმ და დიეგო მილიტომ გაუმართლეს, აი დიეგო ფორლანმა კი პირველი ტაიმი უსახურად ჩაატარა და შესვენებისას სწორედ მილიტოთი შეიცვალა. "ინტერმა" ისეთი ტემპი აკრიფა, რომ რანიერიმ ზამთრის შესვენებაზე დაიჩივლა, რა დროს პაუზა იყოო - ვნახოთ, როგორ ფორმაში შეხვდება მილანური გრანდი სეზონის განახლებას.</p><p>კიდევ უფრო დიდი ანგარიშით გაიმარჯვა "ნაპოლიმ" და სამწუხაროდ, ნეაპოლური გუნდის მსხვერპლი "ჯენოა" გახდა. სამხრეთელებმა მეტოქეს არც მეტი, არც ნაკლები, ექვსი გოლი აგემეს და გენუელებს სულ თავბედი აწყევლინეს - სამწუხარო კი ის გახლავთ, რომ კახა კალაძეს არ ჰქონდა დისკვალიფიკაცია და ძირითად შემაგენლობაში ითამაშა.</p><p>ქართველი მცველი მეორე ტაიმში შეცვალეს, რის შემდეგაც სტუმრებმა კიდევ ერთი გოლი გაუშვეს.</p><p>თამაში რომ მასპინძელთა სრული ტერიტორიული და სათამაშო უპირატესობით წარიმართა, ანგარიშიდანაც კარგად ჩანს. დუბლი მიითვალა აქტივში ედინსონ კავანიმ, ნამატჩევს კი პრესას შემდეგი განუცხადა:</p><p>"გაკვირვებული ვარ, რადგან სერია A-ში ძალიან იშვიათად ხდება, რომ ერთ შეხვედრაში ამდენი გოლი გაიტანო. როგორც ჩანს, ეს "ჯენოას" დღე არ იყო, ჩვენ კი ყველაფერი გამოგვივიდა და დამსახურებულად გავიმარჯვეთ. "ნოვარასთან" დაკარგული ქულების შემდეგ, გულშემატკივრებთან სარეაბილიტაციოდ გვქონდა საქმე და ბედნიერი ვარ, რომ მიზანს მივაღწიეთ".</p><p>ბოლოს, ორიოდე სიტყვით "რომას" შესახებ ვთქვათ, რომელიც "ბოლონიას" ესტუმრა და მეტოქე განსაკუთრებული პრობლემების გარეშე დაამარცხა. ლუის ენრიკეს გუნდისთვის ეს მიჯრით მეორე გასვლითი გამარჯვებაა და რაც მთავარია, რომაელები შესანიშნავ ფეხბურთს თამაშობენ. "ბოლონიას" კარში გოლები როდრიგო ტადეიმ და პაბლო ოსვალდომ გაიტანეს, რაც სრულიად საკმარისი არმოჩნდა იმისთვის, რომ სტუმრებს სამი ქულა ჩაეწერათ აქტივში.</p><p>ნამატჩევს, ლუის ენრიკემ ხაზგასმით აღნიშნა, რომ ეს იყო მისი გუნდის საუკეთესო თამაში მიმდინარე სეზონში. ესპანელის თქმით, დროთა განმავლობაში "ჯალოროსი" კიდევ უფრო მოუმატებს.</p><p><span style="color: #ff0000;"><strong>სერია A. I (გამოტოვებული) ტური</strong></span></p><p><em><strong>სიენა-ფიორენტინა 0:0</strong></em></p><p><em><strong>კალიარი-მილანი 0:2</strong></em></p><p>გოლები: 0:1 პიზანო (4-საკ. კარში), 0:2 იბრაჰიმოვიჩი (60).</p><p><em><strong>უდინეზე-იუვენტუსი 0:0</strong></em></p><p><em><strong>ატალანტა-ჩეზენა 4:1</strong></em></p><p>გოლები: 0:1 კანდრევა (12), 1:1 დენისი (17-პენ.), 2:1 მარილუნგო (18), 3:1 მარილუნგო (44), 4:1 პელუზო (71).</p><p><em><strong>ბოლონია-რომა 0:2</strong></em></p><p>გოლები: 0:1 ტადეი (17), 0:2 ოსვალდო (40).</p><p><em><strong>ინტერი-ლეჩე 4:1</strong></em></p><p>გოლები: 0:1 მურიელი (20), 1:1 პაცინი (34), 2:1 მილიტო (49), 3:1 კამბიასო (73), 4:1 ალვარესი (81).</p><p><em><strong>ლაციო-კიევო 0:0</strong></em></p><p><em><strong>ნაპოლი-ჯენოა 6:1</strong></em></p><p>გოლები: 1:0 კავანი (12), 2:0 ჰამშიკი (17), 3:0 კავანი (24), 3:1 ხორკერა (27), 4:1 პანდევი (45), 5:1 გარგანო (49), 6:1 ცუნიგა (80).</p><p><em><strong>ნოვარა-პალერმო 2:2</strong></em></p><p>გოლები: 0:1 ლუდი (20-საკ. კარში), 0:2 ბერტოლო (74), 1:2 მაძარანი (77), 2:2 რიგონი (84).</p><p><em><strong>პარმა-კატანია 3:3</strong></em></p><p>გოლები: 1:0 მოდესტო (5), 1:1 ალმირონი (21), 2:1 ბიაბიანი (23), 3:1 ფლოკარი (44), 3:2 ლოდი (74-პენ.), 3:3 კატელანი (85).</p><p>თ მ ფ წ ბ ქ</p><p>1. მილანი 16 10 4 2 35-16 34</p><p>2. იუვენტუსი 16 9 7 0 26-10 34</p><p>3. უდინეზე 16 9 5 2 20-9 32</p><p>4. ლაციო 16 8 6 2 24-13 30</p><p>5. ინტერი 16 8 2 6 22-19 26</p><p>6. ნაპოლი 16 6 6 4 29-18 24</p><p>7. რომა 16 7 3 6 21-19 24</p><p>8. კატანია 16 5 7 4 20-23 22</p><p>9. პალერმო 16 6 3 7 18-20 21</p><p>10. ჯენოა 16 6 3 7 19-24 21</p><p>11. ატალანტა 16 6 8 2 23-19 20</p><p>12. კიევო 16 5 5 6 13-18 20</p><p>13. პარმა 16 5 4 7 21-26 19</p><p>14. ფიორენტინა 16 4 6 6 15-15 18</p><p>15. კალიარი 16 4 6 6 12-17 18</p><p>16. სიენა 16 3 6 7 14-16 15</p><p>17. ბოლონია 16 4 3 9 14-24 15</p><p>18. ნოვარა 16 2 6 8 17-29 12</p><p>19. ჩეზენა 16 3 3 10 8-20 12</p><p>20. ლეჩე 16 2 3 11 17-33 9</p><p><em>შენიშვნა: ატალანტა -6 ქულა</em></p><p><strong>ბომბარდირები</strong></p><p>12 - დენისი (ატალანტა); 11 - იბრაჰიმოვიჩი (მილანი); 10 - დი ნატალე (უდინეზე); 9 - კლოზე (ლაციო), კავანი (ნაპოლი); 7 - ჯოვინკო (პარმა), ოსვალდო (რომა), იოვეტიჩი (ფიორენტინა).</p><p><strong>მომდევნო ტური</strong></p><p>7 იანვარი: სიენა-ლაციო, ინტერი-პარმა.</p><p>8 იანვარი: უდინეზე-ჩეზენა, ატალანტა-მილანი, ბოლონია-კატანია, კალიარი-ჯენოა, ლეჩე-იუვენტუსი, ნოვარა-ფიორენტინა, რომა-კიევო, პალერმო-ნაპოლი.</p><p><strong>ყოველდღიური სპორტული გაზეთი "ლელო"</strong></p>
"მილანი" მოდრიჩთან კონტრაქტის გაგრძელებას აპირებს
კონტეს "ნაპოლიდან" უშვებენ? - დღევანდელი შეხვედრის შემდეგ ბევრი რამ გადაწყდება
იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა
[ეროვნული ლიგა] ...ეს იქნება სწორი გადაწყვეტილება! ანუ, გვჭირდება თუ არა "გაზაფხული-შემოდგომის" სისტემა?
U21 | საბერძნეთი V საქართველო - პირველი ვარჯიში ათენში
16-წლამდელებმა ნოემბრის შეკრება გამარჯვებით დაასრულეს
ლევანდოვსკიმ შეიძლება კარიერა დაასრულოს
18 წ. | ჩეხეთისთვის 26 შეირჩა
დე ლა ფუენტეს იამალის ნაცვლად თბილისში 28 წლის თავდამსხმელი მოჰყავს
"მილანი" მოდრიჩთან კონტრაქტის გაგრძელებას აპირებს
"ბარსელონამ" მწვრთნელი გაათავისუფლა - პასკუალის დაბრუნება?
“ა” ლიგის საკვალიფიკაციო ტურნირისთვის რეგისტრაცია დაიწყო
"ჩვენ ერთად თამაშიც შეგვიძლია" - ეკიტიკემ ისაკის შესახებ ისაუბრა
[VIDEO] გამარჯვების მომტანი ორქულიანი 00.4 წამში - "მაიამი ჰიტმა" ოვერტაიმში გაიმარჯვა
"პრემიერლიგის სეზონის საუკეთესო ტრანსფერია" - უეინ რუნიმ "სანდერლენდის" ფეხბურთელი გამოარჩია
[VIDEO] ბითაძის 18 წუთი - "ორლანდო მეჯიქმა" "პორტლენდ ტრეილ ბლეიზერსი" დაამარცხა
კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში
საქართველო 10:1 ესტონეთი
საქართველოს ნაკრებმა ნოემბრის მატჩებისთვის მზადება დაიწყო
[VIDEO] შეიძლებოდა, გოლი ეგოიანისთვისაც ჩაეთვალათ, მაგრამ შერჩა... საგოლე პასი
უჭირს - ფრანგული მედია ზაბარნის თამაშს უარყოფითად აფასებს
[VIDEO] აშორტიას გოლი, გაფრინდაშვილის საგოლე პასი...
"ბორჯღალოსნები" | ნამატით კანადასთან