<p>კოპა დელ რეი. 1/16 ფინალი. საპასუხო მატჩები და წილისყრა: გვარდიოლამ ორი რეკორდი მოხსნა, მაგრამ ინიესტა დაკარგა <br> ესპანეთის თასზე საოცნებო ფინალი (ისეთი, როგორც შარშან იყო) არ იქნება - ბუნებრივია, "რეალმა" და "ბარსელონამ" იოლად გადალახეს 1/16 ფინალური ბარიერი, მაგრამ საქმეში ბრმა წილისყრა ჩაერია: თუ გრანდები მერვედფინალურ ბარიერს გადალახავენ, ისინი ერთმანეთს მეოთხედფინალში დაუპირისპირდებიან.</p><p>მანამდე კი "ვალენსიამ" და "ბარსამ" (განსაკუთრებით) მოარბიეს თავიანთი ოპონენტები და უკანასკნელებმა გაინაღდეს მერვედფინალში თამაში. ქვეყნის ჩემპიონმა 9:0 მოგებით თასის წლევანდელი გათამაშების რეკორდი დაამყარა.</p><p><strong></p><p>* * *</strong></p><p><em><strong>ვალენსია-კადისი 4:0 (0:0)</p><p></strong></em>ვალენსია (4-2-3-1): გუაიტა - მიგელი, რამი, რუისი, ალბა (74. მატიო) - მ. თოპალი, ბანეგა - პ. ერნანდესი, ჟონასი (53. პარეხო), პიატი - სოლდადო (59. ადურისი).</p><p>გოლები: 1:0 რუისი (5), 2:0 ჟონასი (28), 3:0 სოლდადო (41), 4:0 ბანეგა (68)</p><p>"ვალენსიამ" წელიწადი კარგი განწყობით დაასრულა მე-3 დივიზიონის "კადისი", რომელსაც 100-წლიან არსებობის ისტორიაში 12 სეზონი უთამაშია პრიმერაში, 4:0 მოარბია. პირველი თამაში სახიფათო ანგარიშით (0:0) დასრულდა, ამიტომაც უნაი ემერიმ თითქმის საბრძოლო შემადგენლობა გამოიყვანა სამხრეთელთა წინააღმდეგ.</p><p>ძალიან კარგად ითამაშა პაბლო პიატიმ, ხოლო გოლები ვიქტორ რუისმა, ჟონასმა, რობერტო სოლდადომ და ევერ ბანეგამ გაიტანეს. "კადისი" თავაწეული ტოვებდა "მესტალიას", ეს გუნდი არ შეუშინდა მაღალი კლასის მეტოქეს და ებრძოლა, როგორც შეეძლო.</p><p>უნაი ემერი (ვალენსია): "წლის ამაღლებულ განწყობაზე დასრულება და თასისთვის ბრძოლის გაგრძელება გვსურდა. არ გვინდოდა, თავი შარში ჩაგვევგდო, ამიტომ შემადგენლობაში დიდი კორექტივები არ შეგვიტანია".</p><p><strong></p><p>* * *</strong></p><p><em><strong>ბარსელონა-ოსპიტალეტი 9:0 (1:0)</p><p></strong></em>ბარსელონა (3-4-3): პინტო - პუიოლი, პიკე, ფონტასი - ბუსკეტსი (56. დოს სანტოსი), ჩავი (38. ტელო), ტ. ალკანტარა, ინიესტა (30. ს. რობერტო) - კვენკა, პედრო, ფაბრეგასი.</p><p>გოლები: 1:0 პედრო (11-პენ), 2:0 ინიესტა (19), 3:0 ალკანტარა (22), 4:0 ჩავი (35), 5:0 ტელო (42), 6:0 კვენკა (48), 7:0 ალკანტარა (54-პენ), 8:0 ტელო (64), 9:0 კვენკა (80)</p><p>კატალონიური დერბი იმდენად არათანაბარი იყო, რომ კატალონიურ რბევად იქცა. "ბარსამ" 9 უპასუხო გოლი გაიტანა "ოსპიტალეტის" კარში. შედეგად, 2011 წელს ოფიციალურ მატჩებში მსოფლიოს საუკეთესო კლუბმა 170 გოლი გაიტანა. ეს კი რეკორდია. სხვათა შორის, ოთხშაბათამდე რეკორდი "რეალს" ეკუთვნოდა, რომლის ანგარიშზეც 2011 წელს 167 გოლი იყო.</p><p>სამმა ფეხბურთელმა დუბლი შეასრულა, რომელთაგანაც ტიაგო ალკანტარა და ისააკ კვენკა ახალი გამოჩენილები არიან ფართო საზოგადოებისთვის, ტელო კი სულაც ახალწვეულია. თავიანთი გოლები გაიტანეს ჩავიმ, ინიესტამ და პედრომაც. ხოსეპ გვარდიოლამ პირადი რეკორდი დაამყარა, აქამდე მის "ბარსას" 9:0 არ მოუგია, კატალონიელებმა ამ ანგარიშით ბოლოს "რაიო ვალეკანო" მოსრეს, ეს კი 1978/79 წლების სეზონში მოახერხეს.</p><p>მაშ, ამ სათასო დაპირისპირების მთავარი კითხვა - ვინ არის კრისტიან ტელო, რომელიც მოედანზე ჩავის ნაცვლად გამოჩნდა და დუბლი მიითვალა. საბადელელი 20 წლის გარემარბი, სხვათა შორის, დაუძინებელ მტერ "ესპანიოლს" წაართვა შარშან "ბარსამ", თუმცა კი ტელო "ბარსას" "ლა მასიის" აღზრდილია. პირველ გუნდში მისი დებიუტი "ოსპიტალეტთან" პირველ მატჩში შედგა, უკვე საპასუხოში კი მან თავი გამოიჩინა.</p><p>მიუხედავად იმისა, რომ ზამთარია, არც მეტოქე იყო ძლიერი და 2-მატჩიანი დაპირისპირების ბედიც გადაწყვეტილი იყო, "კამპ ნოუზე" 57 ათასი მაყურებელი მივიდა.</p><p>ჩვენ ერთხელაც არ გვიხსენებია ლეო მესი, მას გვარდიოლამ 2 იანვრამდე შვებულება გამოუწერა და სამშობლოში გაუშვა.</p><p>ერთადერთი, რაც ოთხშაბათს "კამპ ნოუზე" "ბარსასთვის" ცუდი მოხდა, ანდრეს ინიესტას ტრავმაა. თუმცა თავად ნახევარმცველმა მატჩის შემდეგ განაცხადა, რომ სერიოზული არაფერია და მალე ის სრულ მზადყოფნაში იქნება. ექიმთა დასკვნა უკვე გუშინდელია: ანდრესი 15 დღით დააკლდება "ბარსას".</p><p><strong>ორი კლასიკო იანვარში?</p><p></strong>გუშინ ესპანეთის თასის პლეი ოფების წილისყრა შედგა, გაირკვა არა მარტო მერვედფინალური წყვილები, არამედ, შემდგომი ეტაპის ბადეც.</p><p>ისე მოხდა, რომ პრიმერა დივიზიონის 7 წარმომადგენელი ბადის ერთ მხარეს მოექცა, 5 კი - საპირისპირო მხარეს. თუმცა არც ერთ წყვილში არ მოხდა ისე, რომ სეგუნდა დივიზიონის და სეგუნდა ბ-ს გუნდები (ჯამში, 4) ერთმანეთს დაპირისპირებოდნენ.</p><p>"სამეფო კლუბს" მეტოქედ "მალაგა" ერგო, "ბარსელონას" - "ოსასუნა". მიუხედავად იმისა, რომ ორივე წყვილში გრანდები აშკარა ფავორიტები იქნებიან, ორივეგან ბრძოლას ველით. ყველაზე საინტერესო კი "ვალენსიასა" და "სევილიას" წყვილი გვგონია. თუკი "ვალენსია" მოიგებს, ხოლო "ლევანტე" "ალკორკონის" წინააღმდეგობას დაძლევს, მეოთხედფინალში ვალენსიური დერბი გველის.</p><p>შედარებითი "სიმსუბუქეა" ბადის მეორე მხარეს: "ესპანიოლი" "კორდობას" დაუწყვილდა, "რასინგი" - "მირანდესს", "ბილბაო" - "ალბასეტეს". აქ მხოლოდ ერთია პრიმერული დაპირისპირება: "რეალ სოსიედადი" "მალიორკას" წინააღმდეგ. პირველი მატჩები 3,4 და 5 იანვარს გაიმართება, საპასუხო - 10,11 და 12 იანვარს. მეოთხედფინალური ეტაპი კი 18 და 25 იანვარსაა ნავარაუდევი. მოკლედ, "ელ კლასიკო" (თანაც ორი), შესაძლოა, იანვარშივე ვიხილოთ.</p><p><img src="/media/images/new_photo/UCXOURI/SOCCER/DEC16-31/spain-cup-draw-857654.jpg" border="0" alt="Sportall.Ge" title="საოცნებო ფინალი არ იქნება " width="564" height="223" /></p><p><strong>ყოველდღიური სპორტული გაზეთი "ლელო"</strong></p>
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ