- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველები სალიცენზიო მარათონის გზაზე
<p>ეროვნული ნაკრების თავკაცი, ბეგი დარჩია ინტერვიუში განვლილ ბერძენ-რომაელების საქართველოს პირველობას აფასებს <br> ამ უქმეებზე ბერძენ-რომაელებმა საქართველოს პირველობა ჩაატარეს და გამოავლინეს ნაკრების ის ბირთვი, რომლის მხრებზეც უნდა გადაიაროს მომავალი სეზონის მთელმა სიმძიმემ.</p><p>დატვირთვა კი ორმაგად გაზრდილია - გაისად ხომ ოლიმპიადა ტარდება, თუმცა ჩვენს ნაკრებს მანამდე არანაკლებ მნიშვნელოვანი - სალიცენზიო ტურნირები ელოდება. ბეგი დარჩიას კრებულს ჯერ ოლიმპიადის საგზურებზე მოუწევს ზრუნვა, რაც ძალზე ძნელი იქნება. მათ აქტივში ჯერჯერობით მხოლოდ ერთი საგზურია, რომელიც მსოფლიოს პირველობაზე მანუჩარ ცხადაიამ (66) მოიპოვა, დანარჩენ ექვს წონით კატეგორიაში კი საძიებელი გვაქვს.</p><p>გაისად საამისოდ სულ სამი შეჯიბრებაა - ორი საერთაშორისო, ერთი კი ევროპული ფედერაციის ეგიდით. პირველი 20-22 აპრილს სოფიაში გასამართი ევროპის საკვალიფიკაციო ტურნირია, მეორე 27-29 აპრილს ჩინურ ტაიუანში ჩატარდება, ბოლო კი ისევ ევროპაში - ჰელსინკშია 4-6 მაისს. ამით სალიცენზიო მარათონიც მთავრდება.</p><p>ცხადია, ბერძენ-რომაელთა წინაშე ურთულესი ამოცანაა გადასაჭრელი. ამ გზაზე მნიშვნელოვანი ნაბიჯი იყო საქართველოს პირველობა, რომელმაც ბოლო წლების ფონზე, შედარებით უკეთესი სურათი დაგვანახა. ცხადია, მდგომარეობა კვლავაც შორსაა იდეალურისგან, მაგრამ გარკვეული წინსვლა შეინიშნებოდა.</p><p>საკმაოდ დამაჯერებლად იჭიდავეს იმ ფალავნებმა, რომლებსაც ნაკრების ლიდერებად მოვიაზრებთ - ცხადაიამ, ევროპის ჩემპიონმა რევაზ ლაშხმა (60), თუმცა ურიგოდ არც სხვებს უჭიდავიათ.</p><p>ჩემპიონატმა დაადასტურა დიდი კონკურენცია და ახალი თაობის მზარდი ამბიცია. სასიამოვნოა, რომ კონკურენცია თავად ახალ თაობაშიც მძლავრია, შედეგად კი მათ შორისაც მოხდა საკადრო გადაადგილებები. წლეულს საკმაოდ დამაჯერებლად მოასპარეზე ახალგაზრდული ნაკრების რამდენიმე წევრმა კვლავაც დამაჯერებლად იჭიდავა, თუმცა ზოგმა წააგო კიდეც. ცხადია, გამოჩნდნენ ახალი სახეებიც, მაგრამ აქ თაობათა ცვლის მტკივნეული პროცესი ჯერ კიდევ მიმდინარეობს.</p><p>პირველობის დასასრულს ეროვნული ნაკრების თავკაც ბეგი დარჩიას ტურნირის შეფასება ვთხოვეთ.</p><p><strong>- ჩემპიონატს როგორ შეაფასებთ?</p><p></strong>- ვფიქრობ, საინტერესო პირველობა იყო, შარშანდელზე უფრო მეტად საინტერესო. წინსვლა აშკარაა - ხარისხობრივადაც და რაოდენობრივადაც. ჩემპიონატი ახალი წესებით ჩავატარეთ, რომელსაც ჭიდაობის საერთაშორისო ფედერაცია ჯერ მხოლოდ საექსპერიმენტოდ განიხილავს. მისი არსი იმაშია, რომ წუთნახევარში ქულა თუ გაკეთდება, შეხვედრა დგომში გაგრძელდება. სიახლემ გაამართლა. ვფიქრობ, ეს შესწორებაც მისაღებია და კიდევაა საჭირო ცვლილებები.</p><p>ამ ტურნირისთვის რამდენიმე ექსპერიმენტს მივმართეთ - ევროპის ჩემპიონი რევაზ ლაშხი 60-დან და მსოფლიოს ორგზის ვერცხლის მედალოსანი მანუჩარ ცხადაია 66-დან ამჯერად ზედა წონებში ავწიეთ. მათ წონის პრობლემა აწუხებთ, ჩვენ კი ოლიმპიადისკენ ვიყურებით და არ გვინდა, ზედმეტად დავჯაფოთ. ვფიქრობ, ორივე მოჭიდავე ევროპის ჩემპიონატზეც ამ ახალ წონებში მიიღებს მონაწილეობას, თუმცა საოლიმპიადოდ მათ ისევ საკუთარ ძველ წონებში განვიხილავთ.</p><p>აღვნიშნავ იმასაც, რომ ევროპის ვიცე-ჩემპიონი ირაკლი ჭოჭუა 60 კილოგრამში მეორედ გახდა საქართველოს ჩემპიონი. აქ ძალიან კარგი ახალგაზრდა გამოჩნდა - ფირუზ წულუკიძე, მაგრამ ფინალში გამოცდილებამ მაინც თავისი გაიტანა და ჭოჭუამ მოიგო. 55-ში ისევ ლაშა გოგიტაძეა პირველი, რომელსაც ჯეროვანი წინააღმდეგობა ვერც ამჯერად გაუწია ვინმემ. ამ წონაში რამდენიმე პერსპექტიული ახალგაზრდა კი გამოჩნდა, მაგრამ მათ ჯერ ასაკი არ უწყობთ ხელს უფროსებთან საჭიდაოდ.</p><p>გამოვყოფდი თუნდაც მესამეზე გასულებს - ბაჩანა ფუტკარაძეს და ზურაბ მაჭარაშვილს, მაგრამ მათ ჯერ დრო სჭირდებათ, რადგან ეს-ესაა გადმოვიდნენ ჭაბუკთა ნაკრებიდან. 84-ში ახალგაზრდებში მსოფლიოს ჩემპიონმა რევაზ ნადარეიშვილმაც გაამართლა და იმ ტიტულს საქართველოს ჩემპიონობაც დაუმატა.</p><p>მან მთელი ტურნირი ბრძოლაში გაატარა და ასე მოიპოვა ოქროს მედალი. ფინალში ქუთაისელ გიორგი ცირეკიძეს მოუგო, რომელიც საბოლოოდ გადმოვიდა ამ წონაში. არადა, ამ ნაბიჯის გადადგმას ჯერ კიდევ ორი წლის წინათ ვურჩევდი დაჟინებით, მაგრამ, სამწუხაროდ, არ დამიჯერა და აქამდე არ მივიდა ამ დასკვნამდე. კიდევ კარგი, ახლა მაინც შეიცვალა წონა, მაგრამ ორი წელიწადი დაკარგა. რომ დაეჯერებინა, ახლა სხვა შედეგი ექნებოდა.</p><p>ამ წონაში აუცილებლად უნდა გავითვალისწინოთ ვლადიმერ გეგეშიძე, რომელსაც ამჯერად ტრავმის გამო არ უჭიდავია. თუმცა წინ რამდენიმე ტურნირია, სადაც გეგეშიძე აუცილებლად იასპარეზებს. 96-ში სოსო ჯაბიძე პირველივე შეხვედრაში დაშავდა, მაგრამ მაინც გახდა ჩემპიონი. მძიმე წონაში გურამ ფერსელიძემ გაიმარჯვა, რომელსაც ჯანმრთელობის მხრივ სერიოზული პრობლემები ჰქონდა. ამის მიუხედავად, მაინც შეძლო დაბრუნებაც და გამარჯვებაც. სამწუხაროდ, აქ ტრავმის გამო არ ჭიდაობდა ახალგაზრდებში მსოფლიოს ჩემპიონი შოთა გოგისვანიძე. არადა, საინტერესო იქნებოდა, მასაც რომ ეასპარეზა.</p><p><strong>- ახალი სახეები თუ გამოჩნდნენ და ვის გამოყოფდით?</p><p></strong>- გამოვარჩევ ისევ ნადარეიშვილს, რომელიც შარშან სამეულშიც არ შესულა. წულუკიძემ ფინალური შეხვედრა იჭიდავა და ფაქტობრივად, მოგებულიც ჰქონდა, გამოუცდელობით წააგო. ასევე მომეწონა ძმები გოგიბერაშვილები 60 კილოგრამიდან, ჭითავაც, მაგრამ ამირან ზარნაძემ გამაოცა 96-ში. ამ წონაში ყველა ლიდერი გამოდიოდა, მაგრამ ფინალში ეს გავიდა. თან გზად მსოფლიოს შარშანდელი ჩემპიონატის მონაწილე ირაკლი ქაჯაია ჩამოიცილა.</p><p><strong>- რამდენადაც ვიცით, რამდენიმე ლიდერი ტურნირიდან გაათავისუფლეთ. მათი საქმე როგორ იქნება - მიეცემათ სალიცენზიო მარათონში ჩართვის საშუალება?</p><p></strong>- გეგეშიძე და ევროპის, მსოფლიოსა და ოლიმპიური ჩემპიონი მანუჩარ კვირკველია (74) გავათავისუფლეთ, თუმცა ლიცენზიისთვის ბრძოლის შანსი ნამდვილად მიეცემათ. გეგეშიძეს ტრავმაც აწუხებდა, კვირკველიასთან მიმართებაში კი გავითვალისწინეთ მისი ასაკი, მომზადების დონე, შესაძლებლობები. ცხადია, ამ წონაში სხვებიც ჩაერთვებიან კონკურენციაში, მაგალითად, საქართველოს ვიცე-ჩემპიონი ზურაბ დათუნაშვილიც, მაგრამ, ვფიქრობ, კვირკველია მიზანმიმართულად უნდა მოვამზადოთ ერთი კონკრეტული შეჯიბრების, ამ შემთხვევაში - სალიცენზიო ტურნირისთვის.</p><p>ოლიმპიადის ფაქტორიდან გამომდინარე, ბევრ ფაქტორს ვითვალისწინებთ და ევროპის ჩემპიონატთან დაკავშირებით საკადრო გადაწყვეტილებებს ისე მივიღებთ. მაგალითად, კვირკველიას გარდა, ასაკს ჭოჭუასთან მიმართებაშიც გავითვალისწინებთ, თუმცა ეს არ ნიშნავს, რომ ევროპაზე არ გამოვა. 84-ში ევროპასთან მიმართებაში კიდევ ვიფიქრებთ, თუმცა პრიორიტეტი ჩემპიონებს მიენიჭებათ. ამასთან, ამ ეტაპზე ჩვენთვის უმთავრესი სალიცენზიო შეჯიბრებებია, რომლებიც სამი შაბათ-კვირის განმავლობაში ერთმანეთის მიყოლებით ჩატარდება. ეს საკმაოდ რთული გრაფიკია თავისი ჩინეთში შორეული გადაფრენით. სამივე მათგანში მონაწილეობას ერთი და იგივე ფალავანი ვერ შეძლებს, საამისოდ მინიმუმ, ორი კაცი მაინც უნდა გვყავდეს მზად, სამი თუ არა.</p><p><strong>ყოველდღიური სპორტული გაზეთი "ლელო"</strong></p>
-
elene
ბატონო ირაკლი იქნებ თავისუფლების (დიდების) მწვრთნელის ესეთი ვრცელი ინტერვიუც გამოაქვეყნოთ.გმადლობთ
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა