<p>საქართველოს ნაკრების ფორვარდმა გამოცემა "ონსპორტს" გუნდში ადაპტაციის შესახებ და მომავალ მიზნებზე ესაუბრა <br> საქართველოს ნაკრების ფორვარდ ვლადიმერ ბოისას 12 სექტემბრის შემდეგ არ უთამაშია. ამ დღეს მან ეროვნულ გუნდთან ერთად საბერძნეთის ნაკრების წინააღმდეგ იასპარეზა. ვოვა მოედანს ზუსტად ოთხთვიანი შესვენების შემდეგ დაუბრუნდა და ისევ ბერძნული გუნდის წინააღმდეგ ითამაშა. მან დღეს "კავალასთან" მატჩში "პანიონიოსის" ღირსება დაიცვა.</p><p>ბოისა სლოვენიაში ინდივიდუალურად ვარჯიშობდა, როცა ბერძნული "პანიონიოსიდან" საინტერესო შეთავაზება მიიღო და ელადაში ორშაბათს ჩავიდა.</p><p>როგორც ბერძნული საიტები იუწყებიან, მუხლის ტრავმა მიიღო ნაკრების ყოფილმა წევრმა, "პანიონიოსის" ლიდერმა ნიკოს ბარლოსმა.</p><p>მწვრთნელმა, გეორგიოს ბარზაკოსმა ქართველ ფორვარდს სწორედ მის შემცვლელად უხმო.</p><p>- გუნდში სერიოზული ცვლილებებია, დაგვაკლდა წამყვანი კალათბურთელი ბარლოსი. დავიმატეთ ვლადიმერ ბოისა, რომელსაც საბერძნეთში ადრეც უთამაშია, გამოცდილი კალათბურთელია და ვიმედოვნებთ, რომ დასახული მიზნების მიღწევაში დაგვეხმარება, - განაცხადა "პანიონიოსის" თავკაცმა <strong>გეორგიოს ბარზაკოსმა</strong>.</p><p>გამოცემა "ონსპორტის" ჟურნალისტი ვლადიმერ ბოისას ესტუმრა და მცირე ინტერვიუც ჩამოართვა. აი, რა უთხრა ვოვამ ბერძნებს:</p><p>- "პანიონიოსს" დიდი ამოცანები აქვს. გუნდში იმიტომაც გადმოვედი, რომ მიზნების მიღწევაში დავეხმარო. თანაგუნდელები უკვე გავიცანი და ვფიქრობ, ადაპტაცია არ გამიჭირდება. არც საბერძნეთის ჩემპიონატია ჩემთვის უცხო - რამდენიმე წლის წინათ "არისის" ღირსებას ვიცავდი. მაშინ გუნდი ევროლიგაზე გამოდიოდა.</p><p>როგორც გითხარით, ბოისას სექტემბრის შემდეგ არ უთამაშია. ამიტომ ლოგიკურია, ბერძენი ჟურნალისტი მისი კონდიციებით რომ დაინტერესდა.</p><p>- კარგ ფორმაში ვარ. ლიუბლიანაში ყოველდღიურად, ინდივიდუალური პროგრამით ვვარჯიშობდი. ფიზიკურადაც ვემზადებოდი. ასე რომ, ფორმაში შესვლისთვის დრო არ მჭირდება. როგორც ვთქვი, გუნდი უკვე გავიცანი, თუმცა შესათამაშებლად მცირე დრო მაინც მინდა, ისევე როგორც მწვრთნელის სტრატეგიისა და შეხედულებების გასაცნობად, - ესეც ვოვა ბოისას სიტყვებია.</p><p>იგი ბერძენ კორესპონდენტს გამოუტყდა, რომ მოუთმენლად ელის "კავალასთან" შეხვედრას:</p><p>- ევროპის ჩემპიონატის შემდეგ არ მითამაშია. ამიტომ, მონდომებით ველი ჩემს პირველ შეხვედრას მიმდინარე სეზონში. მინდა "პანიონიოსს" სათანადოდ დავეხმარო და მასთან ერთად პირველი ნაბიჯი წარმატებით გადავდგა.</p><p><strong></p><p><span style="color: #ff0000;">დოსიე</span></strong><span style="color: #ff0000;"></p><p></span><strong>ვლადიმერ ბოისა</p><p></strong>დაიბადა: 04.07.1981</p><p>სიმაღლე: 208 სმ.</p><p>წონა: 101 კგ.</p><p>ამპლუა: ფორვარდი</p><p><strong>კარიერა</p><p></strong>1996-98 აზოტი (რუსთავი)</p><p>1998-99 პოსტოინა (სლოვენია)</p><p>1999-01 სლოვანი (სლოვენია)</p><p>2001-05 ოლიმპია (სლოვენია)</p><p>2006-07 მონტეპასკი (იტალია)</p><p>2007 სპარტაკ-პრიმორიე (რუსეთი)</p><p>2008 არისი (საბერძნეთი)</p><p>2008 მენორკა (ესპანეთი)</p><p>2009-10 ზადარი (ხორვატია)</p><p>2010-11 ოლიმპია (სლოვენია)</p><p>2012-დან პანიონიოსი (საბერძნეთი)</p><p><strong>ყოველდღიური სპორტული გაზეთი "ლელო"</strong></p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია