<p>იტალიაში გამართულ მატჩში ჩვენებურების "კანტუმ" სანიკიძის "კანადიან სოლარი" 78:72 დაამარცხა</p><p><br> იტალიის სერია A-ში გამართული "ქართული დერბი" მეტად საინტერესო გამოდგა. გასულ ტურში ლიდერ "სიენას" მძლეველი <strong>ვიქტორ სანიკიძის</strong> "კანადიან სოლარი" <strong>გიორგი შერმადინისა</strong> და <strong>მანუჩარ მარკოიშვილის</strong> "კანტუს" ესტუმრა.</p><p>ორივე გუნდი ცხრილში საკმაოდ დაწინაურებულები არიან და ქართველ გულშემატკივრებთან ერთად სრულიად იტალიის ინტერესიც დიდი იყო.</p><p>შეხვედრა საკმაოდ საინტერესოდ და დაძაბულად წარიმართა. საბოლოოდ კი მასპინძლებმა იმარჯვეს, რაშიც ქართველმა კალათბურთელებმა მნიშვნელოვანი წვლილი შეიტანეს.</p><p>ბოლონიელებმა პირველი მეოთხედი 19:11 მოიგეს და მოპოვებული უპირატესობა დიდი შესვენებისთვისაც შეინარჩუნეს - 36:33. "კანტუმ" შეხვედრაში გარდატეხა მესამე მეოთხედში შეიტანა, რომელიც 14 ქულის სხვაობით: 31:17 მოიგო და გადამწყვეტი ათწუთეულის წინ გალიდერდა - 64:53. ბოლო პერიოდში ბოლონიელებმა ძალა მოიკრიბეს, დაწინაურებულ მასპინძლებს მიუახლოვდნენ კიდეც, თუმცა საბოლოო წარმატებამდე ცოტა დააკლდათ. "კანტუმ" საბოლოოდ 78:72 იმარჯვა.</p><p>ქართველ კალათბურთელთაგან ყველაზე კარგი შედეგი გიორგი შერმადინს ჰქონდა, რომელიც კანტუელთა სასტარტო ხუთეულში იყო და მოედანზე გატარებულ 24 წუთში 14 ქულა, 7 მოხსნა და თითო პასი-ჩაჭრა მოინაგრა. გიორგიმ თამაშიდან განხორციელებული ექვსივე სროლა ჩააგდო, რასაც 4-დან 2 საჯარიმო მოაყოლა.</p><p>შერმადინის თანაგუნდელი მანუჩარ მარკოიშვილი თამაშში სათადარიგოთა სკამიდან ჩაერთო, თუმცა მოედანზე მხოლოდ 6 წუთი გაატარა. ამ მცირე დროში მანუჩარმა 2-დან 1 ორქულიანი ჩააგდო, 1 სამიანი კი ააცილა. 2 ქულას მარკოიშვილმა 2 ჩაჭრა და თითო პასი, მოხსნა და დაფარება მოაყოლა.</p><p>რაც შეეხება დამარცხებული გუნდის ქართველ ლიდერს, ვიქტორ სანიკიძეს, "AIR GEORGIA"-მ მოედანზე 32 წუთი გაატარა და ტრადიციულად ქცეულ ორმაგ დუბლამდე 2 ქულა და ამდენივე მოხსნა დააკლდა. წინა შეხვედრაში, "სიენასთან", სანიკიძემ სარეკორდოდ ბევრი - 19 მოხსნა მიითვალა, თუმცა "კანტუსთან" ჩვეულად ვერ იფრინა და 8 მოხსნას დასჯერდა. ეს პირადად ვიქტორისთვის ჩანს ცოტა, თორემ 8 მოხსნა ამ შეხვედრაში საუკეთესო შედეგი გახლდათ. მეორე საუკეთესო შედეგი შერმადინს ჰქონდა - 7. სანიკიძემ 4-დან 2 სამიანი და 2-დან 1 ორქულიანი ჩააგდო. 8 ქულასთან ერთად ვიქტორს 1 პასიც ჰქონდა.</p><p>ამ მატჩის შემდეგ ორივე გუნდი გათანაბრდა - "კანადიან სოლარსაც" და "კანტუსაც" 10 გამარჯვება და 6 მარცხი აქვთ და სერია A-ს ცხრილში III-IV ადგილებს იყოფენ. მომდევნო ტურში, 22 იანვარს, "კანადიან სოლარი" "რომას" ესტუმრება, ხოლო "კანტუ" "ვანოლის" უმასპინძლებს.</p><p><strong></p><p>gbf.ge</strong></p>
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
[VIDEO] ბოლდუინის პირველი სასტარტო "ბაიერნში" - გერმანულმა გუნდმა "მილანი" დაამარცხა
შენგელია საუკეთესო იყო - "ბარსელონა" სახლში დამარცხდა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
გვარდიოლამ გაამხილა, როდის იფიქრებს მწვრთნელის კარიერის დასრულებაზე