ნოვაკ ჯოკოვიჩს ყველაფერი წესრიგში აქვს

ავსტრალიის ღია პირველობის მეორე დღეს ბრძოლაში მსოფლიოს პირველი ჩოგანი და მოქმედი ჩემპიონი ჩაება ავსტრალიის ღია პირველობის მეორე დღეს ჩაება ბრძოლაში მსოფლიოს პირველი ჩოგანი და მოქმედი ჩემპიონი ნოვაკ ჯოკოვიჩი. სერბს გუშინ იოლი გასეირნება გამოუვიდა 30 წლის იტალიელ პაოლო ლორენცის წინააღმდეგ.თავიდან ჯოკოვიჩს გაუჭირდა ავსტრალიურ სიცხესთან ადაპტირება, რის გამოც მისმა მეტოქემ მოულოდნელი ბრეიკი გააკეთა და 2:1 დაწინაურდა. ამით აპენინელის წარმატებები დასრულდა - აქედან მოყოლებული ლორენციმ ვერც ერთი გეიმის აღება ვერ შეძლო. მხოლოდ ერთხელ, მეორე სეტის სტარტზე შეეძლო მან მეორე ბრეიკის გაკეთება, მაგრამ ნოვაკის ბოლო საჩუქარი - სამმაგი ბრეიკ-პოინტი ქარს გაატანა.საბოლოოდ, ჯოკოვიჩმა ზედიზედ 17 გეიმი მოიგო და შეხვედრა საათსა და 32 წუთში დაასრულა. მან ეს შეხვედრა აშკარა ვარჯიშად აქცია და რამდენიმე სათამაშო ელემენტის დახვეწით იყო დაკავებული. მაგალითად, ხშირად გადიოდა ბადესთან და 26 ასეთი შემთხვევიდან 21 წარმატებული გამოდგა.* * *მცირე სასტარტო პრობლემებს წააწყდნენ სხვა ფავორიტები - ენდი მიურეი და ჟო-ვილფრიდ ცონგა, რომლებიც, ბადის მიხედვით მეოთხედფინალში უნდა შეხვდნენ ერთმანეთს. ბრიტანელს უპირისპირდებოდა პერსპექტიული ამერიკელი, 19 წლის რაიან ჰარისონი, რომელიც შარშან ზაფხულში ტოპ-ასეულში შევიდა. პირველი სეტი რაიანმა ძალიან კარგ დონეზე ჩაატარა - შესანიშნავად ათამაშებდა ბურთს, უნარიანად უმკლავდებოდა ენდის შეტევებს და პარტია თავის სასარგებლოდ დაასრულა. მაგრამ მეტის გაკეთება ჰარისონმა ვერ შეძლო. ის ოდნავ დაიღალა და თამაშის დონეს უკლო, მიურეიმ კი პირიქით, უკეთ მოქმედება დაიწყო და საბოლოოდ, ზედიზედ სამი სეტი აიღო.ცონგას მატჩში მოვლენები სხვაგვარად ვითარდებოდა. მისი მეტოქე დენის ისტომინი ბოლომდე იბრძოდა მოგებისთვის. თანაც ორივე ჩოგბურთელი კარგ ფორმაში შეხვდა ტურნირს, რისი წყალობითაც მაყურებელმა ბევრი ლამაზი გათამაშება იხილა. პირველი სეტი ფრანგს დარჩა, მეორეში უზბეკმა ბრეიკი დაიბრუნა და საბოლოოდ, უფრო ძლიერი აღმოჩნდა. მაგრამ შემდეგ თავისი გაიტანა მსოფლიოს მეექვსე ჩოგანის კლასმა - მან დამაჯერებლად აიღო მესამე პარტია, რასაც მეოთხე სეტში მოგება მოჰყვა.* * *სხვა მატჩებიდან გამოვყოფთ ლეიტონ ჰიუიტისა და სედრიკ-მარსელ შტებეს შეხვედრას. ცაცია გერმანელი შარშან შესანიშნავად გამოდიოდა ჩელენჯერებზე, წლის ბოლოს კი ჩოგბურთის ისტორიაში ჩაწერა თავისი სახელი - სან პაულუში ჩელენჯერის სერიის პირველი შემაჯამებელი ჩემპიონატი მოიგო. მაგრამ ვეტერანმა ავსტრალიელმა, რომელმაც ტრავმების გამო დაკარგა ადგილი ტოპ-ასეულში, ძველი დრო გაიხსენა და გამარჯვება მოიპოვა. ამასთან, მეოთხე სეტში ჰიუიტმა პატარა სასწაული მოახდინა, როცა 2:5-დან შეძლო სეტისა და მატჩის მოგება.აღსანიშნავია, რომ მატჩის მსვლელობისას შტებემ სამჯერ აიღო სამედიცინო ტაიმ-აუტი. ლეიტონს კი მეორე წრეში ერთგვარი რეტრო-მატჩი ელის ამერიკელ ენდი როდიკთან.პირველი დღისგან განსხვავებით, ამჯერად ნაკლები იყო ხუთსეტიანი მატჩების რაოდენობა. ერთ-ერთ ცენტრალურ შეხვედრაში სერბმა ვიქტორ ტროიცკიმ 0:2-დან გადაარჩინა ესპანელ ხუან-კარლოს ფერეროსთან მატჩი (სხვათა შორის წინა დღესაც ორი სეტის მოგების შემდეგ ასევე ესპანელი ჩოგბურთელი დამარცხდა - ფერნანდო ვერდასკომ წააგო ბერნარდ ტომიჩთან).კიდევ ერთ ხუთსეტიან მატჩში წააგო რუსმა მიხაილ იუჟნიმ, რომელიც ყოფილ თანამემულესთან, ამჟამად ყაზახეთის სახელით მოასპარეზე ანდრეი გოლუბევთან დამარცხდა. პირველ წრეში ხუთი რუსი გამოეთიშა ბრძოლას. მართალია, ტურნირს შემორჩა ამ ქვეყნის სახელით მოასპარეზე ალექს ბოგომოლოვი, მაგრამ მას რუსულ ჩოგბურთთან არანაირი კავშირი არ აქვს, რადგან ამერიკაშია გაზრდილი და დაოსტატებული და სულ ცოტა ხნის წინ გადაწყვიტა რუსეთის დროშის ქვეშ გამოსვლა.კაცებიI წრენოვაკ ჯოკოვიჩი (სერ, 1)-პაოლო ლორენცი (იტა) 6:2, 6:0, 6:0; სანტიაგო ხირალდო (კოლ)-მატეო ვიოლა (იტა) 6:4, 6:2, 6:1; ტაცუმა იტო (იაპ)-პოტიტო სტარაჩე (იტა) 6:3, 4:6, 6:3, 6:4; ნიკოლა მაუ (საფ)-რადეკ შტეპანეკი (ჩეხ, 29) 7:5, 7:5, 6:3; მილოშ რაონიჩი (კან, 23)-ფილიპო ვოლანდრი (იტა) 6:4, 6:0, 6:2; ფილიპ პეტცშნერი (გერ)-ლუკაშ როსოლი (ჩეხ) 6:0, 6:0, 6:2; ლეიტონ ჰიუიტი (ავსტრა)-სებრიკ-მარსელ შტებე (გერ) 7:5, 6:4, 3:6, 7:5; ენდი როდიკი (აშშ, 15)-რობინ ჰაასე (ჰოლ) 6:3, 6:4, 6:1; იანკო ტიპსარევიჩი (სერ, 9)-დმიტრი ტურსუნოვი (რუს) 5:7, 7:6(12), 6:3, 6:4; ჯეიმს დაკუორტი (ავსტრა)-იურგენ ზოპი (ესტ) 6:3, 6:4, 6:4; ანდრეი გოლუბევი (ყაზ)-მიხაილ იუჟნი (რუს) 7:5, 6:7(4), 6:4, 4:6, 6:3; რიშარ გასკე (საფ, 17)-ანდრეას სეპი (იტა) 6:3, 3:6, 6:3, 6:1; ხუან-იგნასიო ჩელა (არგ, 27)-მაიკლ რასელი (აშშ) 7:6(3), 6:3, 6:4; პაბლო ანდუხარი (ესპ)-იგორ კუნიცინი (რუს) 6:1, 7:6(12), 6:0; რაიან სვიტინგი (აშშ)-მატიას ბახინგერი (გერ) 6:4, 6:4, 6:2; დავიდ ფერერი (ესპ, 5)-რუი მაშადო (პორ) 6:1, 6:4, 6:2; ენდი მიურეი (ბრიტ, 4)-რაიან ჰარისონი (აშშ) 4:6, 6:3, 6:4, 6:2; ედუარდ როჟე ვასელენი (საფ)-ქსავიე მალისე (ბელ) 7:6(6) უარი; მიკაელ ლოდრა (საფ)-ერნესტ გულბისი (ლატ) 2:6, 6:1, 6:2, 6:2; ალექს ბოგომოლოვი (რუს, 32)-დანიელ ხიმენო-ტრავერო (ესპ) 6:3, 6:2, 6:4; ვიქტორ ტროიცკი (სერ, 19)-ხუან კარლოს ფერერო (ესპ) 4:6, 6:7(3), 6:2, 7:6(3), 6:2; მიხაილ კუკუშკინი (ყაზ)-გილერმო გარსია ლოპესი (ესპ) 6:4, 6:3, 6:0; ტომაშ ბელუჩი (ბრა)-დუდი სელა (ისრ) 7:6(5), 6:4, 6:3; გაელ მონფილსი (საფ, 14)-მარინკო მატოშევიჩი (ავსტრა) 7:6(5), 6:3, 6:3; ჟილ სიმონი (საფ, 12)-დანაი უდომჩოკე (ტაივ) 6:1, 3:6, 6:7(5), 6:3, 6:2; ჟულიან ბენეტო (საფ)-კაროლ ბეკი (საფ) 6:4, 6:2, 7:5; მეტიუ ებდენი (ავსტრა)-ჟოაო სოუზა (ბრა) 6:3, 7:6(1), 6:2; კეი ნიშიკორი (იაპ, 24)-სტეფან რობერი (საფ) 6:1, 7:6(7), 6:0; მარსელ გრანოლერსი (ესპ, 26)-იესე ლევინი (აშშ) 6:0, 7:6(4), 5:7, 5:7, 6:3; ფრედერიკო ჟილი (პორ)-ივან დოდიგი (ხორ) 2:6, 6:1, 6:1, 4:1 უარი; რიკარდო მელო (ბრა)-რობერტო ბაუტისტა-აგუტი (ესპ) 6:4, 6:4, 7:5; ჟო-ვილფრიდ ცონგა (საფ, 6)-დენის ისტომინი (უზბ) 6:4, 3:6, 6:2, 7:5.ყოველდღიური სპორტული გაზეთი "ლელო"

[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა

სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა

ფუტსალი | საქართველო 2:2 ყირგიზეთი

პსჟ პაჩოს კონტრაქტს გაუგრძელებს

შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი

ქალთა ნაკრები ორ ამხანაგურ მატჩს გამართავს

"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა

ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა

აბუაშვილის და წიტაიშვილის "მეცმა" მორიგი მარცხი განიცადა

[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა

"მანჩესტერ იუნაიტედთან" მატჩში "ლივერპულის" შემადგენლობა ცნობილია

[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო

ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე

"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი

"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა

"საფონოვი მოთმინებას კარგავს" - რას წერს ფრანგული გამოცემა რუს მეკარეზე?

[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა

[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"

[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში

გვარდიოლამ გაამხილა, როდის იფიქრებს მწვრთნელის კარიერის დასრულებაზე