<p>"არსენალის" გულშემატკივარსა და ტიერი ანრის შორის მომხდარ მცირე ინციდენტს "დეილი მეილის" მესვეტე მარტინ სამუელი გამოეხმაურა <br> "სუონსისთან" 21-ე ტურში წაგების შემდეგ "არსენალის" გულშემატკივარსა და ტიერი ანრის შორის მომხდარ მცირე ინციდენტზე უკვე მოგითხრეთ.</p><p>"ლიბერთი სთედიუმის" ტრიბუნებზე მოკალათებულმა ფანმა მასთან მიახლოებულ "მეთოფეებს" უხეშად მიმართა და წაგების გამო უკმაყოფილება გამოთქვა, რასაც ვეტერანის (ანრი 34 წლისაა) განრისხება და არანორმატიული ლექსიკის გამოყენება მოჰყვა, რის გამოც მეორე დღეს ბოდიშის მოხდა მოუწია. ამ მოვლენას "დეილი მეილის" მესვეტე მარტინ სამუელი გამოეხმაურა. აი, რა დაწერა მან:</p><p>"ტიერი ანრიმ ლონდონი 2007 წელს დატოვა, რადგან "ბარსელონაში" თამაშზე ოცნებობდა. რა მოტივიც არ უნდა ჰქონოდა, მან ახალი კლუბი მოძებნა, "არსენალს" არჩია და წავიდა. აი, ეს არის მთავარი, რაც ანრის "არსენალის" იმ გულშემატკივრებისგან გამოარჩევს, რომლებიც გუნდს უელსში თან გაჰყვნენ. მათთვის "არსენალი" ყოველთვის დარჩება საუკეთესო კლუბად.</p><p>ვერანაირი ფინანსური მოტივი თუ გუნდის წარუმატებლობა ვერ აიძულებს მათ განუდგნენ საკუთარ რწმენას. დიახ, როცა იმედგაცრუებულები არიან გულშემატკივრებს ხანდახან ზედმეტი მოსდით, ხანდახან თავსაც გაბეზრებენ და ათასგვარ სისულელესაც ყვირიან ტრიბუნებიდან, მაგრამ ეს ყველაფერი მათი გულებიდან მოდის და ლოგიკურია, რომ მათი ტექსტები არ არის ისეთი "დაწმენდილი", როგორიც ანრის. ფრანგის ლექციები, თუ როგორ უნდა მოიქცნენ ტრიბუნებზე, გულშემატკივრებს ყველაზე ნაკლებად სჭირდებათ.</p><p>არა აქვს მნიშვნელობა ვისგან მოდის ის, "ემირიტსის" საკულტო ფიგურისგან თუ არა. ტიერი ანრის არ აქვს უფლება მოითხოვოს ლოიალურობა იმათგან, ვისი ფრჩხილის ფასიც თავად სულ არ არის.</p><p>ამ ადამიანებს არ მიუტოვებიათ გუნდი ორი უტიტულო სეზონის შემდეგ. ყველა მოხარულია, რომ ანრი თუნდაც ცოტა ხნით, მაგრამ დაუბრუნდა ინგლისურ ფეხბურთს, მაგრამ ის ნამდვილად არ არის უფრო მეტი, ვიდრე მგზავრი, რომელსაც რეისიდან რეისამდე დრო აქვს და ამიტომ შემოიხედა დასათვალიერებლად. მისი მთავარი სამუშაო ამერიკაშია. ის ამ გუნდში პირველი ყვავილების ამოსვლასაც არ დაელოდება, ისინი კი, ვინც მან ასე გალანძღა, დარჩებიან".</p><p><strong>ყოველდღიური სპორტული გაზეთი "ლელო"</strong></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ