<p>გააგრძელა წაუგებელი გამოსვლა მოსკოვის ცსკა-მ, რომელიც E ჯგუფში თამაშობს, რუსეთის ჩემპიონმა ევროლიგაზე ზედიზედ მე-11 მატჩი მოიგო <br> განახლდა ევროპის ყველაზე პრესტიჟულ საკალათბურთო ტურნირის - ევროლიგის გათამაშება. პირველ დღეს გაიმართა მეორე ჯგუფური ეტაპის (TOP16) საწყისი ტურის სამი შეხვედრა.</p><p>გააგრძელა წაუგებელი გამოსვლა მოსკოვის ცსკა-მ, რომელიც E ჯგუფში თამაშობს. არმიელები პირეოსში სტუმრობდნენ ბერძნულ გრანდს "ოლიმპიაკოსს".</p><p>პირველი მეოთხედი მინიმალური ანგარიშით სტუმრებმა მოიგეს, მაგრამ მეორე მეოთხედში ინიციატივა "ოლიმპიაკოსმა" მოიპოვა და დიდი შესვენებისთვის ოთხი ქულით გაიჭრა წინ.</p><p>მეორე ტაიმშიც გარკვეული ხანი გრძელდებოდა თანაბარი თამაში, მაგრამ თანდათან გამოიკვეთა ცსკა-ს უპირატესობა. მესამე მეოთხედში სტუმრები რვა ქულით გაიქცნენ და ბოლო 10-წუთეულის წინ ოთხქულიანი უპირატესობა მოიპოვეს. ამას დასკვნით მეოთხედში კიდევ ოთხი ქულა დაუტოვეს და 86:78 გაიმარჯვეს.</p><p>ცსკას რიგებში ხუთმა კალათბურთელმა დააგროვა მინიმუმ 10 ქულა. მათ შორის ყველაზე შედეგიანი იყო სერბი ცენტრი ნენად კრსტიჩი, რომელმაც 18 ქულა მიითვალა. რუსეთის ჩემპიონმა ევროლიგაზე ზედიზედ მე-11 მატჩი მოიგო.</p><p><strong>* * *</p><p></strong>მოიგო მეორე რუსულმა კლუბმაც. ყაზანის უნიქსი "ფენერბაჰჩეს" მასპინძლობდა და ძალიან ახლოს იყო დამარცხებასთან. რუსებმა კატასტროფულად ითამაშეს მეორე მეოთხედში - ეს 12 წუთი 9:23 წააგეს და დიდი შესვენებისთვის მათი ჩამორჩენა 17 ქულას შეადგენდა.</p><p>თითქოს ფენებრაჰჩეს მშვიდად უნდა მიეყვანა მატჩი გამარჯვებამდე, მაგრამ უნიქსმა პატარა სასწაული მოახდინა. მასპინძლებმა მესამე მეოთხედში დაუბრუნეს ინტრიგა მატჩს, როცა ჩამორჩენას 14 ქულა ჩამოაკლეს. მართალია, ბოლო მეოთხედის წინ "ფენერბაჰჩე" სამ ქულას იგებდა, მაგრამ ფსიქოლოგიურაად გატეხილი იყო. ამით კარგად ისარგებლა უნიქსმა და ბოლო მეოთხედში საბოლოო დარტყმა მიაყენა მეტოქეს.</p><p>23:15 მეოთხე მეოთხედში და 76:71 მთლიანად მატჩში - ასეთი იყო ამ შეხვედრის საბოლოო ანგარიში.</p><p><strong>* * *</p><p></strong>F ჯგუფში "მონტეპასკიმ" "ბილბაო" მიიღო და მხოლოდ პირველ მეოთხედში შეექმნა პრობლემები. ესპანელებმა 18:14 მოიგეს საწყისი 12 წუთი. მაგრამ ანალოგიური ანგარიშით დასრულდა მეორე მეოთხედი, ოღონდ იტალიელთა სასარგებლოდ და დიდი შესვენებისთვის თანაბარი ანგარიში დაფიქსირდა.</p><p>მეორე ტაიმმა კი მონტეპასკის სრული უპირატესობით ჩაიარა. მესამე და მეოთხე მეოთხედები მასპინძლებმა ერთნაირი სხვაობით - 7 ქულით მოიგეს, რამაც მათ 14 ქულით გამარჯვება მოუტანა.</p><p>მასპინძელთა რიგებში ორი კალათბურთელის გამორჩევა შეიძლება: ამერიკელებმა მაკალებმა და ანდერსონმა 18-18 ქულა დააგროვეს. "ბილბაოს" რიგებში ბერძენი ვასილიადისი იყო ყველაზე შედეგიანი 16 ქულით.</p><p><span style="color: #ff0000;"><strong>E ჯგუფი</strong></span></p><p><em><strong>ოლიმპიაკოსი-ცსკა 78:86</p><p></strong></em>21:22, 23:18, 14:22, 20:24</p><p>ო: გეჩევიჩუსი (14), ანტიჩი (13), ჰეინსი (13+6 მოხსნა), სპანულისი (11).</p><p>ც: კრსტიჩი (18), ხრიაპა (16+7 მოხსნა), შიშკაუსკასი (12), კირილენკო (11), გორდონი (10).</p><p><span style="color: #ff0000;"><strong>F ჯგუფი</p><p></strong></span><em><strong>მონტეპასკი-ბილბაო 81:67</p><p></strong></em>14:18, 18:14, 24:17, 25:18</p><p>მ: მაკალები (18), ანდერსენი (18+7 მოხსნა).</p><p>ბ: ვასილიადისი (16), ბანიჩი (11), გრიმაუ (10).</p><p><span style="color: #ff0000;"><strong>G ჯგუფი</p><p></strong></span><em><strong>უნიქსი-ფენერბაჰჩე 76:71</p><p></strong></em>15:18, 9:23, 29:15, 23:15</p><p>უ: ვერემეენკო (17+11 მოხსნა), დომერკანტი (16), ლაიდეი (16), სამოილენკო (16+10 პასი).</p><p>ფ: ბოგდანოვიჩი (24), ონანი (12).</p><p><strong>ყოველდღიური სპორტული გაზეთი "ლელო"</strong></p>
გერმანიამ თურქეთი დრამატულ მატჩში დაამარცხა და მსოფლიო ჩემპიონატის შემდეგ ევრობასკეტიც მოიგო
თურქეთმა საბერძნეთი შეარცხვინა - სუპერ ფინალის მოლოდინში!
გერმანიამ ფინეთი მარტივად დაამარცხა და ევრობასკეტის ფინალში გავიდა
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ