<p>პრესტიჟის გარდა, კომუსუბი რიგით მაეგაშირაზე ბევრად მეტ ხელფასს იღებს, თუმცა ამ ტიტულის შენარჩუნება ძალიან ძნელია <br> გუშინდელ ნომერში ამას გადამწყვეტად ვერ გეტყოდით, თუმცა, როცა სუმოს ექსპერტების ვარაუდებს გადავხედეთ, ისინი ჩვენსას დაემთხვა - 27 თებერვალს ახალი რეიტინგ-ლისტი (ბანძუკე) გამოქვეყნდება და 24 წლის თეიმურაზ ჯუღელი (გაგამარუ) კარიერაში პირველად კომუსუბის ტიტულს მიიღებს.</p><p>სუმოს ექსპერტთა აზრი საბოლოო არ არის, ხანდახან ასოციაციამ შეიძლება სულ სხვა დადგენილება მიიღოს, მაგრამ ძალიან დიდი შანსია, რომ კომუსუბის ორ გამოთავისუფლებულ ტიტულს ტოჩიოძანი და გაგამარუ მიიღებენ.</p><p>კომუსუბი სუმოს იერარქიაში მესამე რანგია იოკოძუნას (დიდი ჩემპიონი), ოძეკის (ჩემპიონი) და სეკივაკეს შემდეგ. ეს ტიტული სხვა ქართველებს უკვე უტარებიათ, მაგრამ გაგამარუს - არა. კოკაი (ლევან ცაგურია) ორ ბაშოზე იყო კომუსუბი (2006 წლის სექტემბრის და ნოემბრის ბაშოები), ტოჩინოშინი (ლევან გორგაძე) - სამზე (2010 წლის ივლისის და ნოემბრის ბაშოები, 2011 წლის ივლისის ბაშო).</p><p>პრესტიჟის გარდა, კომუსუბი რიგით მაეგაშირაზე ბევრად მეტ ხელფასს იღებს, თუმცა ამ ტიტულის შენარჩუნება ძალიან ძნელია, რადგან კომუსუბის აბსოლუტურად ყველა საუკეთესო რიკიშისთან უწევს ბრძოლა.</p><p>გაგამარუსთვის მე-10 მაეგაშირობიდან კომუსუბის ტიტულის მოპოვება გმირობის ტოლფასი იქნება. შეგახსენებთ, რომ მან იანვრის ბაშოზე პირადი რეკორდი დაამყარა 12-3 ბალანსით, ვიცე-ჩემპიონობა დი ჩემპიონ ჰაკუჰოსთან ერთად გაიყო და მებრძოლი სულის პრიზიც დაიმსახურა.</p><p>მე-9 მაეგაშირა ტოჩინოშინმა სუპერტურნირი 10-5 ბალანსით დაასრულა. მართალია, ის ვერ გახდება კომუსუბი, მაგრამ აუცილებლად ერთ-ერთი მოწინავე მაეგაშირა იქნება (სავარაუდოდ, მე-2 მაეგაშირა). კოკაიმ ძურიოს დივიზიონი მინიმალური უარყოფითი ბალანსით დაასრულა (7-8), ის ძურიოს დივიზიონის არიერგარდში გადავარდება.</p><p>არადა, "შავი ზღვა" კარგად ასპარეზობდა, მაგრამ მე-11 დღეს მუხლი დაიშავა და ბოლო 4 ორთაბრძოლა ფაქტობრივად ცალი ფეხით ჩაატარა (1 მოიგო, 3 წააგო). მარტის ბაშო ქალაქ ოსაკაში, 11-25 რიცხვებში გაიმართება.</p><p><span style="color: #ff0000;"><strong>ქართველთა სტატისტიკა </strong></span></p><p><strong>ტოჩინოშინი</p><p></strong>(24 წლის, 192 სმ, 159 კგ)</p><p><strong>კარიერის რეკორდი</p><p></strong>35 ბაშო</p><p>234 მოგება, 196 წაგება</p><p><strong>ელიტაში</p><p></strong>22 ბაშო</p><p>159 მოგება, 171 წაგება</p><p>ტიტულები: 2 ვიცე-ჩემპიონობა, 3 მებრძოლი სულის პრიზი</p><p><strong>გაგამარუ</p><p></strong>(24 წლის, 185 სმ, 199 კგ)</p><p><strong>კარიერის რეკორდი</p><p></strong>37 ბაშო</p><p>205 მოგება, 151 წაგება</p><p><strong>ელიტაში</p><p></strong>9 ბაშო</p><p>67 მოგება, 68 წაგება</p><p>ტიტულები: 1 ვიცე-ჩემპიონობა, 2 მებრძოლი სულის პრიზი</p><p><strong>კოკაი</p><p></strong>(30 წლის, 189 სმ, 165 კგ)</p><p><strong>კარიერის რეკორდი</p><p></strong>64 ბაშო</p><p>430 მოგება, 427 წაგება</p><p><strong>ელიტაში</p><p></strong>45 ბაშო</p><p>312 მოგება, 362 წაგება</p><p>ტიტულები: 1 ვიცე-ჩემპიონობა, 2 მებრძოლი სულის პრიზი, 2 კინბოში (იოკოძუნას დამარცხება)</p><p><strong>ყოველდღიური სპორტული გაზეთი "ლელო"</strong></p>
"ბიჭების გამო მაინც დარჩი, შენთან ერთად ვარჯიში მათთვის დიდი გამოცდილებააო" - ტოჩინოშინის ინტერვიუ კვირის პალიტრასთან
ტოჩინოშინმა საიუბილეო, მე-100 ბაშო ნაადრევად შეწყვიტა
ტოჩინოშინმა ტაკარაფუჯი მარტივად დაამარცხა [VIDEO]
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
გვარდიოლამ გაამხილა, როდის იფიქრებს მწვრთნელის კარიერის დასრულებაზე