<p>თბილისის "დინამომ" Football Impact Cup 2012-ზე "სტრომსგოდსეტს" გაძევებული გოგიტა გოგუას გარეშე 2:1 მოუგო <br> <em><strong>დინამო-სტრომსგოდსეტი 2:1</strong></em></p><p>0:1 გუნდერსენი (64), 1:1 ალვარო (77), 2:1 მერებაშვილი (82)</p><p>დინამო პირველ ტაიმში: ლორია, ოდიკაძე, კვეკვესკირი, ძარია (41. ალვარო), ლომიძე, კოშკაძე, გოგუა, ჯიღაური, მერებაშვილი, გურული, იაგუე.</p><p>მეორე ტაიმში: ლორია, ოდიკაძე, ჰომოლა, კვეკვესკირი, ლომიძე, რობერტინიო, ალვარო, ჯიღაური (70. მერებაშვილი), პაპავა, კოტო</p><p>გაძევება: გოგუა (36)</p><p>მარბელაში მყოფმა თბილისის "დინამომ" Football Impact Cup 2012-ზე მეოთხედფინალში პოლონურ "კრაკოვიასთან" განცდილი მარცხის შემდეგ მეხუთე ადგილისთვის ბრძოლა განაგრძო და გუშინ ნორვეგიულ "სტრომსგოდსეტს" დაძაბულ დაპირისპირებაში 2:1 სძლია.</p><p>უპირველესად, აღსანიშნავია, რომ <strong>ალექს გარსიას </strong>გუნდის შემადგენლობაში დებიუტი ჰქონდა <strong>გოგიტა გოგუას</strong>, რომელმაც რუსულ "ვოლგასთან" იურიდიული საკითხები მოაგვარა და ახალ გუნდში თამაშის უფლება მიიღო. გოგუამ სადებიუტი მატჩი, უფრო სწორად, მისი 36 წუთი მაღალ დონეზე კი ჩაატარა, მაგრამ რად გინდა - ხასიათის უარყოფითი მხარე კიდევ ერთხელ გამოავლინა და შესვენებამდე ორი ყვითელი ბარათის მიღება მოასწრო.</p><p>თბილისელებმა თამაში 10-კაციანი შემადგენლობით გააგრძელეს, რაც, რასაკვირველია, მათ გამარჯვებას უფრო ფასეულს ხდის.</p><p>შეხვედრის მეორე ნახევარი პირველზე გაცილებით საინტერესო და სანახაობრივი გამოვიდა. საწყის 45 წუთში დასამახსოვრებელი გოგუას გაძევების გარდა, მისივე ძლიერი და ოდნავ არაზუსტი საჯარიმო დარტყმა და <strong>ალბერტ იაგუეს</strong> მიერ თამაშგარე მდგომარეობიდან გატანილი და, შესაბამისად, არჩათვლილი გოლი იყო.</p><p>64-ე წუთზე ნორვეგიელებმა "დინამოს" მეკარისა და მცველების შეუთანხმებლობით ისარგებლეს და დაწინაურდნენ. 73-ეზე კი "სტრომსგოდსეტს" საქმის მოთავება შეეძლო, მაგრამ <strong>გიორგი ლორიამ</strong> თერთმეტმეტრიანი მოიგერია და გარდამტეხი სწორედ ეს ეპიზოდი აღმოჩნდა.</p><p>ლორიასთან ერთად, ამ მატჩის მოსაგებად გადამწყვეტი სიტყვა მოედნიდან გასულმა და შემდეგ უკან დაბრუნებულმა <strong>გიორგი მერებაშვილმა</strong> თქვა. ეფექტური პასით მან ჯერ <strong>მიკელ ალვაროს</strong> გაათანაბრებინა ანგარიში, ხუთიოდ წუთში კი მახვილი კუთხიდან არანაკლებ ლამაზი დარტყმით გამარჯვების გოლი გაიტანა.</p><p>28 იანვარს "დინამო" ტურნირის მეხუთე ადგილისთვის მატჩში შვეიცარიულ "იანგ ბოიზს" შეხვდება, რომელიც მეოთხედფინალში კიევის "დინამოსთან" პენალტების სერიით დამარცხდა, გუშინ კი ლიტვური "ეკრანასი" 4:0 გაანადგურა.</p><p>ფინალში კი "დინამოს" მძლეველი "კრაკოვია" გავიდა, თანაც - უთამაშებლად. საქმე ის არის, რომ "დნიპრომ" ტურნირი მიატოვა და ნახევარფინალში პოლონელებთან სათამაშოდ არ გავიდა. შესაბამისად, "კრაკოვიას" ტექნიკური 3:0 ჩაეთვალა და ფინალში კიევის "დინამოს" შეხვდება, რომელმაც ნახევარფინალში უნგრულ "ვიდეოტონს" 5:0 გადაურბინა.</p><p><strong>ყოველდღიური სპორტული გაზეთი "ლელო"</strong></p>
shako
მერებაშვილი არის ძალიან მაგარი ფეხბურთელი და დინამოს მომავალი ლიდერი
shako
მიდი გოგიტა აბა შენ იცი წარმატებები! გუნდის ლიდერი იქნება დარწმუნებული ვარ აბა შენ იცი გოგიტა!!!!!!!!!!!
დევიდ აირონს
ხალხო, არ მიაყენოთ ერთმანეთს შეურაცხყოფა, ასო-"უ" და "ი" ერთმანეთის გვერდითაა კლავიატურაზე და ტექნიკური შეცდომით შესაძლებელია გვარი ყველას "დაუმახინჯდეს"... აი, გოგუა კი მართლაც კარგი ფეხბურთელია, ცოტა ხისტია, მაგრამ ეს ფეხბურთია და ასეც უნდა იყოს, სხვანაირად იქნებოდა ბალეტი. რაც შეეხება ქეცბაიასთან კონფლიქტს, ასეთ დროს თვითონ მწვრთნელმა უნდა გამონახოს კომპრომისი და არა ფეხბურთელმა...
TaroSochi
jenings :))))) ასიანი ხარ ძმა :)))))
maxodali
უძლევი: ჯერერთი ეგ გოგუაა და არა გოგია. მეორე და მთავარი ქეცბაია არის....
maxodali
უძლევი: ჯერერთი ეგ გოგუაა და არა გოგია. მეორე და მთავარი ქეცბაია არის ოფიციალური ყ.ლ.ე და შენკი მისი ყ.ლ.ის ჭუჭყი.
jenings
"დინდმო" -- ასეთი გუნდი საერთოდ არ არსებობს! :))) გოგიაც არ თამაშობს "დინდმოში"... გოგუა თამაშობს "დინამოში" :))
TaroSochi
ასეთი ფეხბურთელი დინდმოში არ თამაშობს
უძლევი
ეს გოგია ვერ არის თავის მატორზე; ძალიან უბერავს, აი. მაგის წამალი ქეცბაიამ იცის :) სანამ დინამო არ დაღუპა გადამწყვეტ მატჩში, ჯობია იჯარით გაუშვან სადმე მეორე ლიგის გუნდში.
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
გვარდიოლამ გაამხილა, როდის იფიქრებს მწვრთნელის კარიერის დასრულებაზე