<p>საფრანგეთის სარაგბო ჩემპიონატის ელიტურ, მეორე დივიზიონში მე-18 ტურის მატჩები გაიმართა <br> საფრანგეთის სარაგბო ჩემპიონატის ელიტურ, მეორე დივიზიონში მე-18 ტურის შემდეგ ლიდერობა კიდევ უფრო მეტად განიმტკიცა <strong>გიორგი მენაბდიშვილის</strong> "გრენობლმა". ჩვენებურის გუნდმა სტუმრად ითამაშა პლეი ოფში მებრძოლ "მონ დე მარსანთან" და უმძიმეს ბრძოლაში 16:12 გაიმარჯვა.</p><p>პირველი ტაიმი "ალპელებმა" 6:9 დათმეს, თუმცა მეორე ნახევარში მობილიზება შეძლეს და 58-ე წუთისთვის უკვე 16:12 იგებდნენ. დარჩენილი 22 წუთის განმავლობაში ანგარიშის შეცვლა ვერცერთმა გუნდმა შეძლო. მენაბდიშვილი განაცხადში არ იყო. მან სათადარიგო გუნდში ითამაშა.</p><p>უმნიშვნელოვანესი გამარჯვება მოიპოვა სტუმრად <strong>მამუკა მაგრაქველიძისა</strong> და <strong>ირაკლი მირცხულავას</strong> "ტარბთან" დივიზიონში დარჩენისთვის მებრძოლმა <strong>ლევან დათუნაშვილის</strong>, <strong>გიორგი ნაცარაშვილისა</strong> და <strong>კარლენ ასეიშვილის</strong> "ორიაკმა" - 12:11.</p><p>დათუნაშვილი, რომელმაც სრულად ითამაშა, 77-ე წუთზე გაასინბინეს, ასეიშვილი და ნაცარაშვილი კი თამაშში 66-ე წუთიდან ჩაერთნენ, როცა ანგარიში 11:9 იყო მასპინძელთა სასარგებლოდ. "ორიაკს" გამარჯვება საჯარიმოთი თამაშის უკანასკნელ წუთზე ფულბეკმა მაქსიმ პეტიჟანმა მოუტანა.</p><p>მაგრაქველიძე ძირითად შემადგენლობაში იყო და 50-ე წუთზე შეცვალეს, მირცხულავა განაცხადში არ იყო. "ორიაკს" ახლა 34 ქულა აქვს და მე-13 ადგილზეა, ის 10 ქულით უსწრებს უახლოეს მდევარ "ნარბონს".</p><p>გაცილებით უარეს მდგომარეობაშია <strong>თედო ზიბზიბაძის</strong>, <strong>დავით დადუნაშვილისა</strong> და <strong>ალექსანდრე მარგველაშვილის</strong> "პერიგო", რომელმაც მე-18 ტურში სტუმრად წააგო "ბურგუენთან" - 16:23. ჩვენებურთა გუნდმა დღემდე 20 ქულა დააგროვა და ბოლოსწინა მე-15 ადგიზლეა.</p><p>ზიბზიბაძე სათადარიგოთა შორის იყო და მოედანზე 57-ე წუთიდან გამოჩნდა, მარგველაშვილსა და დადუნაშვილს არ უთამაშიათ.</p><p><strong>ზერო პეტრიაშვილის</strong> "პომ" სტუმრად დაამარცხა აუტსაიდერი "ბეზიე" - 30:20. ჩვენებურის გუნდმა ამ გამარჯვებით საპლეიოფო ხუთეულში მყარად დაიმკვიდრა ადგილი. "პოს" 55 ქულა აქვს და მესამე ადგილზეა. პეტრიაშვილი განაცხადში არ იყო.</p><p><strong>კახა კობერიძის</strong> "ალბიმ", რომელიც 46 ქულით მეექვსე ადგილზეა და პლეი ოფში მოხვედრის კარგი შანსი აქვს, სტუმრად წააგო უშუალო კონკურენტ "ლა როშელთან" - 6:25.</p><p><span style="color: #ff0000;"><strong>II დივიზიონი</p><p></strong></span><strong>XVIII ტური</p><p><em>ტარბი-ორიაკი 11:12, ოში-კარკასონი 15:10, ნარბონი-ოიონაქსი 24:20, ბეზიე-პო 20:30, ექსი-დაქსი 29:36, ბურგუენი-პერიგო 23:16, ლა როშელი-ალბი 25:6, მონ დე მარსანი-გრენობლი 12:16.</p><p></em></strong><em>სატურნირო მდგომარეობა</p><p></em>1. გრენობლი - 64 ქულა, 2. დაქსი - 56, 3. პო - 55, 4. მონ დე მარსანი - 52, 5. ლა როშელი - 51, 6. ალბი - 47, 7. ბურგუენი - 43, 8. კარკასონი - 43, 9. ოიონაქსი - 42, 10. ექსი - 41, 11. ტარბი - 41, 12. ოში - 41, 13. ორიაკი 34, 14. ნარბონი - 24, 15. პერიგო - 20, 16. ბეზიე - 18.</p><p><strong>XIX ტური</p><p></strong>ბეზიე-ექსი, გრენობლი-ალბი, ორიაკი-ბურგუენი, ოში-ოიონაქსი, ნარბონი-პერიგო, კარკასონი-ტარბი, დაქსი-პო, ლა როშელი-მონ დე მარსანი</p><p><strong>* * *</p><p>ესპუართა, ანუ სათადარიგო გუნდების რეგულარული</strong></p><p>გათამაშების დასრულებამდე ხუთი ტურიღა დარჩა. აქ A ჯგუფში ქართველ მორაგებთა გუნდები დამაჯერებლად ლიდერობენ. <strong>ვიქტორ კოლელიშვილისა</strong> და <strong>გიორგი ჯაშიტაშვილის</strong> "კლერმონმა", რომელსაც 53 ქულა აქვს და პირველ ადგილზეა, შინ დაამარცხა დაძაბულ ბრძოლაში "მონპელიე" - 13:7.</p><p>შეგახსენებთ, რომ "უმცროსი ვულკანები" ესპუართა ლიგის შარშანდელი გამარჯვებულები არიან. მათ 11 ქულით ჩამორჩება და მეორე ადგილზეა <strong>კონსტანტინე მიქაუტაძისა</strong> და <strong>ლევან ჩილაჩავას</strong> "ტულონი", რომელმაც მე-13 ტურში შინ მოუგო "ტულუზს" - 26:21.</p><p><strong>დავით ლოსაბერიძის</strong> "პომ" კი, რომელიც 25 ქულით მე-7 ადგილზეა, სტუმრად დაამარცხა ერთ-ერთი აუტსაიდერი "ბურგუენი" - 7:0.</p><p><span style="color: #ff0000;"><strong>A ჯგუფი</p><p></strong></span><em><strong>პერპინიანი-ლიონი 24;13, ტულონი-ტულუზი 26:21, ბურგუენი-პო 0:7, კლერმონი-მონპელიე 13:7, ბაიონი-აჟნი 41:26.</p><p></strong>სატურნირო მდგომარეობა</p><p></em>1. კლერმონი - 53 ქულა, 2. ტულონი - 42, 3. პერპინინი - 41, 4. აჟენი - 32, 5. ბაიონი - 30, 6. მონპელიე - 28, 7. პო - 25, 8. ტულუზი - 23, 9. ბურგუენი - 15, 10. ლიონი - 14.</p><p>გაცილებით უარესად ასპარეზობენ ქართველ მორაგბეთა გუნდები B ჯგუფში. აქ საუკეთესო შედეგი <strong>გიორგი მენაბდიშვილის</strong> "გრენობლს" აქვს, რომელიც 25 ქულით მე-5 ადგილზეა. "უმცროსმა ალპელებმა" მე-13 ტურში სტუმრად წააგეს <strong>ირაკლი მირცხულავას</strong> "ტარბთან" - 16:23.</p><p>"ტარბს" ამ გამარჯვების შემდეგ 18 ქულა დაუგროვდა და მე-8 ადგილზეა.</p><p><span style="color: #ff0000;"><strong>B ჯგუფი</p><p></strong></span><em><strong>ტარბი-გრენობლი 23:16, ლა როშელი-კასტრი 36:20, ბორდო-ბრივი 18:13, სტად ფრანსე-ბიარიცი 28:26, ნარბონი-მეტრო რასინგი 29:25.</p><p></strong>სატურნირო მდგომარეობა</p><p></em>1. სტად ფრანსე - 54 ქულა, 2. ლა როშელი - 49, 3. ბიარიცი - 42, 4. ნარბონი - 36, 5. გრენობლი - 25, 6. კასტრი - 25, 7. ბრივი - 20, 8. ტარბი - 18, 9. მეტრო რასინგი - 12, 10. ბორდო - 11.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ