<p>პარიზში ძიუდოისტთა სეზონის პირველი "დიდი მუზარადის" ტურნირი იწყება, რომელშიც 8 ქართველი სპორტსმენი იასპარეზებს <br> ამ უქმეებზე პარიზში ძიუდოისტთა სეზონის პირველი "დიდი მუზარადის" ტურნირი იწყება, რომელშიც საქართველოდან 8 სპორტსმენი მიიღებს მონაწილეობას: <strong>ამირან პაპინაშვილი </strong>(60),<strong> შალვა ქარდავა</strong> (66), <strong>ავთანდილ ჭრიკიშვილი</strong> (81), <strong>ვალერი ლიპარტელიანი, ზურაბ ზვიადაური</strong> (90), <strong>ლომერ ჟორჟოლიანი </strong>(100), <strong>ზვიად ხანჯალიაშვილი, ადამ ოქრუაშვილი</strong> (+100).</p><p>4 თებერვალს ვაჟთაგან 60, 66 და 73-ის ფალავნები იჭიდავებენ, დანარჩენები კი 5 თებერვალს იასპარეზებენ. ვფიქრობთ, ჩვენებურთაგან ყველაზე მეტად პაპინაშვილს გაუმართლა, რომელსაც იაპონელიც ასცდა, მონღოლებიც და უზბეკი მსოფლიოს ორგზის ჩემპიონი <strong>რიშოდ სობიროვიც</strong>. მის მხარეს უკრაინელი ევროპისა და მსოფლიოს ჩემპიონი <strong>გიორგი ზანთარაია</strong>, აზერბაიჯანელი მსოფლიოს პრიზიორი <strong>ილგარ მუშკიევი</strong> და ავსტრიელი მსოფლიოსა და ოლიმპიადის ვიცე-ჩემპიონი <strong>ლუდვიგ პაიშერი</strong> მოხვდნენ.</p><p>პაპინაშვილი თავიდან ისვენებს, მისი მეტოქე კი ლატვიელი <strong>ანდრეას მაჯერსისა</strong> და ფინელი <strong>იუჰო რაინვალის</strong> შეხვედრაში გაირკვევა. ამ ბარიერს თუ გაივლის, შესაძლოა, ბრიტანელი <strong>ეშლი მაკენზი</strong> ერგოს მეტოქედ, რომელიც იქ ყველაზე ძლიერი ჩანს, აი, ამ ბადიდან გასულს კი მუშკიევ-პაიშერის ზონის გამარჯვებული ელოდება ნახევარფინალში გასასვლელად.</p><p>ქარდავასთვის ამ ტურნირს უდიდესი მნიშვნელობა აქვს, როგორც ერთ-ერთ ბოლო შანსს. ის პირველ წრეში ისვენებს, მისი მეტოქე კი უკრაინელ <strong>ჰევორ ჰევორქიანისა</strong> და ზამბიელ <strong>მეთიუ პუნზას </strong>პაექრობაში გაირკვევა. ალბათ, აქედანვე შეიძლება თქმა, რომ ჩვენებური თბილისის ტურნირზე <strong>დავით ასუმბანის</strong> მომგებ უკრაინელს შეხვდება.</p><p>მესამე წრემდე ისვენებს ჭრიკიშვილიც. მასთან შესახვედრად ჯერ უზბეკი <strong>სუნნათულა აზიმოვი</strong> და მონღოლი <strong>ტუვშინჯარგალ განი</strong> იჭიდავებენ, მოგებული თურქ <strong>აჰმეტ სარის</strong> შეხვდება, ამათში გამარჯვებული კი - ჭრიკიშვილს. ტიტულოვანთაგან მის მხარეს არიან ბელარუსი ევროპის ვიცე-ჩემპიონი <strong>ალექსანდრ სტიაშენკა</strong> და გერმანელი ოლიმპიური ჩემპიონი <strong>ოლე ბიშოფი</strong>, უტიტულოთაგან კი იაპონელ <strong>იუკი ჰარუიამას</strong> გამოვარჩევთ.</p><p>ზვიადაურს თავიდან მონღოლი <strong>ენკბატ ერდენებილეგი</strong> ერგო, ხოლო მას თუ მოუგებს, მერე თბილისის წლევანდელი ტურნირის ლიტველ ვიცე-ჩემპიონ <strong>კაროლის ბაუზას</strong> შეხვდება. ლიპარტელიანიც მესამე წრეშია გასული, სადაც პოლონელ <strong>კრშიშტოფ ვეგლარცსა</strong> და ლიბერიელ <strong>ფრანკოის საადეს</strong> შორის მოგებულს ელოდება.</p><p>პოლონელი სალიცენზიო ქულებზეა დაგეშილი, ჩვენებური კი მასაც თუ მოუგებს, მერვედფინალში გავა, სადაც სავარაუდო მეტოქეთა შორის ალჟირელი ოლიმპიადის ვიცე-ჩემპიონი <strong>ამარ ბენიკლეფი </strong>და ის უკრაინული ეროვნების სერბი <strong>დმიტრი გერასიმენკო</strong> არიან, ვინაც წინა უქმეებზე თბილისში ჯერ ზვიადაურს მოუგო, მერე კი ლიპარტელიანთან დამარცხდა.</p><p>ჟორჟოლიანის პირველი მეტოქე კუბელი <strong>ხორხე არმენტეროსია</strong>, წილისყრამ კი მის სიახლოვეს ჰოლანდიელი ევროპის ჩემპიონი <strong>ჰენკ ხროლი</strong> და ბრაზილიელი <strong>ლეონარდო ლეიტე </strong>მოახვედრა.</p><p>შესაძლოა, ხანჯალიაშვილი ისევ ესპანელ <strong>ანგელ პარა</strong> შეხვდეს, ვისაც კვირას თბილისში მოუგო - ეს იმ შემთხვევაში, ჩვენი ტურნირის მესამე პრიზიორი ესპანელი არგენტინელ <strong>ორლანდო ბასინოს</strong> თუ მოუგებს. ხანჯალიაშვილთან ძალზე ახლოსაა უზბეკი მსოფლიოს ჩემპიონი ღია პირველობაში და ოლიმპიადის ვერცხლის პრიზიორი <strong>აბდულო ტანგრიევიც</strong>, ოქრუაშვილს კი მეტოქედ ეგვიპტელი <strong>მოჰამედ მოტიე</strong> ერგო. მას თუ მოუგებს, ჰოლანდიელ <strong>ლუუკ ვერბიხს </strong>შეხვდება.</p><p>შეგახსენებთ, რომ "დიდი მუზარადის" ჩემპიონი 300 სარეიტინგო ქულას მიიღებს, ვერცხლის მედალოსანი - 180-ს, ბრინჯაოსი - 120-ს, მეხუთეადგილოსანი - 60-ს და ასე შემდეგ.</p><p>ტურნირის დასრულების შემდეგ პარიზში ერთობლივი ვარჯიშებიც გაიმართება, რომელშიც ჩვენებიც მიიღებენ მონაწილეობას, მომდევნო უქმეებზე კი ავსტრიულ ობერვარტშია მსოფლიოს თასი, რომელიც ასევე სალიცენზიო სტატუსის შეჯიბრებაა.</p><p><strong>ყოველდღიური სპორტული გაზეთი "ლელო"</strong></p>
[VIDEO] ქართული ფინალი ავსტრიის გრან-პრიზე - ტატო გრიგალაშვილმა ოქროს მედალი მოიპოვა
[VIDEO] ავსტრიის გრან-პრიზე ქართული ფინალი შედგება
[VIDEO] პირველი დღე უმედლოდ - მარგველაშვილი ავსტრიის გრან-პრიზე ბრინჯაოს მედლისთვის ბრძოლაში დამარცხდა
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო