<p>უკრაინულ გრანდთან ერთად შეკრებაზე გამოძახებული ქართველი ისევ მარიუპოლის "ილიჩივეცში" ბრუნდება <br> უკრაინის პრემიერლიგის "ოლექსანდრიაში" <strong>დავით თარგამაძის</strong> წასვლას დღემდე განიცდიან.</p><p>- შეუცვლელი ფეხბურთელი არ არსებობს, მაგრამ დათო ნამდვილი ლიდერი იყო, გუნდის ვარსკვლავი - თქვა ოლექსანდრიელთა ერთ-ერთმა ლიდერმა <strong>იური პანკივმა</strong>.</p><p>მაგრამ, რად გინდა, დიდ "შახტარში" პატარა "ოლექსანდრიას" ვარსკვლავობა საკმარისი არ გამოდგა - იქ ფილოსოფიის უკეთ ცოდნასაც ითხოვენ.</p><p>რადენიმე დღის წინ ვწერდით, რომ ესპანურ შეკრებაზე "შახტარში" 99-ნომრიანი მაისურის მომრგები თარგამაძის დებიუტი დონეცკელთა რიგებში 1 თებერვალს "კოპა დელ სოლზე" შედგა, მაგრამ შემდგომ ორ მატჩში ("ტრომსოსთან" და "კოპენჰაგენთან") აღარ უთამაშია. 22 წლის ქართველი შემტევი ნახევარმცველი ბოლო ტურში შვედურ "კალმართან" მოედანზე მაინც გამოჩნდა და გოლიც გაიტანა. მაგრამ, რად გინდა...</p><p>როგორც ჩანს, შემთხვევითი არ ყოფილა ტურნირზე მისი უთამაშებლობა და მარიუპოლის "ილიჩივეცის" მთავარი მწვრთნელის <strong>იგორ ლეონოვის</strong> მოულოდნელი განცხადება, იმედია, დათო ცოტა ხნით მაინც დაგვიბრუნდებაო. არც "შახტარის" ფიზმომზადების მწვრთნელის, <strong>კარლო ნიკოლინის</strong> მინიშნება, დათომ ჯერ კიდევ უნდა გაიგოს ჩვენი სტილი და თამაშის ფილოსოფიაო.</p><p>ოთხი დღის წინ გავრცელებული ის ინფორმაციაც მართალი გამოდგა, დათოს მაინც მარიუპოლის "ილიჩივეცში" აბრუნებენო. ეს <strong>მირჩა ლუჩესკუს </strong>თანაშემწე <strong>ალექსანდრე სპირიდონმა</strong> უკრაინულ "სპორტ ექსპრესთან" ინტერვიუში დაადასტურა:</p><p><strong>- ესპანურ შეკრებაზე მოულოდნელად გამოცხადდა "ილიჩივეცში" იჯარით გაშვებული თარგამაძე. "შახტარში" პირველი გოლი კი გაიტანა, მაგრამ საერთოდ როგორი შთაბეჭდილება დატოვა?</p><p></strong>- თარგამაძემ დაამტკიცა თავისი გასაოცარი ინდივიდუალური თვისებები, თუმცა ჩვენი თამაშის გასაგებად მოთამაშეს არასრული ორი კვირა არ ყოფნის, თუნდაც ის გამორჩეულად ნიჭიერი იყოს. ამიტომ ბოლო შეკრებას დათო "ილიჩივეცში" ჩაატარებს და ზაფხულამდე მარიუპოლის კლუბში დავაკვირდებით.</p><p><strong>- ქართველი იმიტომ ბრუნდება მარიუპოლში, რომ ლუჩესკუს მასზე დაკვირვების საშუალება არ ჰქონდა?</strong></p><p>- ეს არაფერ შუაშია. ლუჩესკუს თარგამაძის ნახვა თურქულ შეკრებაზეც შეეძლო. მაგრამ "შახტარის" თამაშის ჩაწვდომაში ესეც ბევრს ვერაფერს შეცვლიდა. საამისოდ არა რამდენიმე კვირა, მრავალი თვეა საჭირო.</p><p>მეორეს მხრივ, თარგამაძეს "ილიჩივეცშიც" არავინ ჰპირდება იოლ ცხოვრებას. ჩვენთან ერთად თურქეთში რომ წამოსულიყო, მარიუპოლში სეზონის განახლებამდე ათი დღით ადრე დაბრუნდებოდა. ამ დრომდე კი გუნდის მწვრთნელები ძირითად შემადგენლობაში გაერკვეოდნენ და თარგამაძის ძირითადში მოხვედრაც ძნელი იქნებოდა. ამიტომ ფეხბურთელთან ერთად გადავწყვიტეთ, რომ ამ ეტაპზე გონივრული იქნებოდა მისი აზოვურ გუნდში წასვლა.</p><p>სამწუხაროდ, თარგამაძე ერთადერთი ფეხბურთელია, რომელიც ესპანური შეკრების შემდეგ გუნდთან ერთად მომზადებას აღარ გააგრძელებს. მაგრამ საინტერესო ესაა - თარგამაძე "შახტარის" ფილოსოფიას მარიუპოლში გადახვეწილი უკეთ გაეცნობა?</p><p><strong>ყოველდღიური სპორტული გაზეთი "ლელო"</strong></p>
beqa
ამ ბიჭსაც დაღუპავენ არ უნდა წასულიყო შახტარში.....
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ