<p>ქართველმა ცენტრმა ზურგსუკნიდან ეფექტური პასით მერვინ უილიამსი მოძებნა და შეტევა ეფექტური ზემოდან გდებით დასრულდა <br> ზაზა ფაჩულიამ "ინდიანასთან" 38:18 წუთი ითამაშა. მწვრთნელს ორი წამით მეტი რომ დაეტოვებინა, სეზონის რეკორდს გააუმჯობესებდა ("მილუოკისთან" მოედანზე 38:19 წუთი გაატარა). ასეა თუ ისე, ამ სეზონში, როცა 27 წლის ქართველმა 31 და მეტი წუთი ითამაშა, მისი გუნდი ოთხივე შემთხვევაში მოედნიდან გამარჯვებული გამოვიდა.</p><p>"ატლანტა ჰოქსს" "ინდიანასთან" მოგება ჰაერივით სჭირდებოდა, რადგან შინ ზედიზედ სამი მატჩი ჰქონდა წაგებული და სპეციალისტებს პირზე უკვე ჯორჯიული კრიზისი ეკერათ.</p><p>რაც მთავარია, "ქორებმა" აღმოსავლეთის კონფერენციის ერთ-ერთი ლიდერი "ინდიანა პეისერსი" დამაჯერებლად დაამარცხეს. NBA-ს ოფიციალურ ვებ-საიტზე გამოქვეყნებულ მიმოხილვებში ყოველთვის დიდი ყურადღება ექცევა მატჩების საკვანძო ეპიზოდებს.</p><p>გასაკვირია, მაგრამ ასეთად პირველი მეოთხედის ბოლო წუთები მიიჩნიეს: "სტუმრებმა მატჩი ცუდად დაიწყეს, განსაკუთრებით სუსტად შეტევაში გამოიყურებოდნენ. ერთ ეპიზოდში როი ჰიბერტის ნატყორცნი ზაზა ფაჩულიამ დაბლოკა, სწრაფი საპასუხო იერიშისას ჯო ჯონსონმა სამქულიანი ისროლა, რომელიც მიზანს ასცდა და ფაჩულიას ჩაუვარდა ხელში.</p><p>ქართველმა ცენტრმა ზურგსუკნიდან ეფექტური პასით მერვინ უილიამსი მოძებნა და შეტევა ეფექტური ზემოდან გდებით დასრულდა (24:12, პირველი პერიოდის დასრულებამდე 4:24 წუთით ადრე). ამის შემდეგ თავი გამოიდო ჯოშ სმიტმა და "ინდიანას" თამაშის გადარჩენის მცირე შანსიც არ მისცემია. აღსანიშნავია, რომ სწორედ სმიტისა და ფაჩულიას ენერგიული თამაშის წყალობით "ატლანტამ" მეტოქე მოხსნებში 45:33 დაჩაგრა."</p><p>NBA-ს ოფიციალურ საიტზე ცალკე ვიდეო ფაჩულიას მოქმედებას მიეძღვნა სახელწოდებით "ეს ყველაფერი ზაზამ გააკეთა". იქ შესულია ზემოთნახსენები 13-წამიანი მონაკვეთი ფაჩულიას დაფარებიდან ლამაზ პასამდე. მას ორმაგ დუბლამდე ცოტა რომ დააკლდა, ქვემოთ ნახავთ.</p><p>- წინა სამი მატჩისგან განსხვავებით საოცარი ენერგიით ვითამაშეთ. მოედანზე სულ სხვა "ატლანტა" იყო. ჯოშ სმიტმა კი სუპერ-თამაში ჩაატარა, - განაცხადა ნამატჩევს "ჰოქსის" მწვრთნელმა ლარი დრიუმ. სმიტმა 28 ქულა და 12 მოხსნა მოაგროვა.</p><p>"ატლანტას" 17 მოგება მოუგროვდა (9 მარცხი) და აღმოსავლეთის კონფერენციაში მეხუთე ადგილზე აინაცვლა. მეოთხეა "ინდიანა", რომელსაც ერთით ნაკლები მატჩი და ამდენივეთი ნაკლები წაგება აქვს. 10 თებერვალს ზაზას გუნდს საპასუხისმგებლო მატჩი ელის - დუაით ჰოვარდის "ორლანდოსთან" ფლორიდის ნახევარკუნძულზე ითამაშებს.</p><p><em><strong>ატლანტა-ინდიანა 97:87</p><p></strong></em>ზაზა ფაჩულია: 38 წუთი, 9 ქულა (6-დან 2 ორქულიანი, 8-დან 5 საჯარიმო), 8 მოხსნა, 2 პასი, 2 ჩაჭრა, 1 დაფარება, 1 შეცდომა, 4 ფოლი.</p><p><strong>ყოველდღიური სპორტული გაზეთი "ლელო"</strong></p>
Miriani
მაგარი სათაურია ძალიან :)
avtandil
გაუმარჯოს ზაზას და ყველა ქარტველ კალატბურტელს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ