- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩემპიონთა ლიგა. 1/8 ფინალის წინ: თუ ზღაპარია, ბოლომდე ზღაპარი იყოს...
<p>ტიერი ანრი ლონდონის "არსენალს" "სან სიროდან" გამოეთხოვება - გოლით თუ უგოლოდ? <br> მერვედფინალური ეტაპის მეორე დღე "ზენიტისა" და "ბენფიკას" საკმაოდ საინტერესო დუელით იწყება. მოგვიანებით, მთლიანად ამ ეტაპის ერთ-ერთი ცენტრალური მატჩია: "მილანი" "სან სიროზე" "არსენალს" მასპინძლობს. ლონდონელთა რიგებში ტიერი ანრის უკანასკნელად ვნახავთ.</p><p><span style="color: #ff0000;"><strong>მილანი-არსენალი 23:45</strong></span></p><p>"მილანისა" და "არსენალის" დაპირისპირება მერვედფინალის ერთ-ერთი უმთავრესი მატჩია. იტალიელები ვალდებულები არიან, მოიგონ და საპასუხო შეხვედრისთვის საკადრისი ფორა შეიქმნან, ლონდონელები კი საკმაოდ კომფორტულ მდგომარეობაში იმყოფებიან - თუნდაც მხოლოდ იმიტომ, რომ პირველ დუელს "სან სირო" მასპინძლობს.</p><p>"მეთოფეებში" დროებით დაბრუნებული ტიერი ანრი "არსენალის" ფორმას დღეს უკანასკნელად მოირგებს. ლონდონური კლუბის ფანებისთვის თვითონ ის ფაქტიც დიდი მოვლენა იყო, რომ ვეტერანი ფრანგი ხუთი წლის შემდეგ დაბრუნდა, მაგრამ ანრიმ იმაზე მეტი შეძლო, ვიდრე მისგან ელოდებოდნენ: ექვს შეხვედრაში მიიღო მონაწილეობა და სამი გოლი გაიტანა, რომელთაგან, ორით მატჩის ბედი "არსენალის" სასარგებლოდ გადაწყვიტა.</p><p>როგორც თავად ამბობს, "მშობლიურ კლუბში" ზღაპრული დაბრუნება გამოუვიდა, მაგრამ ყველაფერს აქვს დასასრული და ანრიც ამ თამაშის შემდეგ ისევ ნიუ იორკში დაბრუნდება. თუმცა მანამდე, 15 თებერვალს საღამოს "მილანთან" დუელია.</p><p>"ტიერი ანრის "არსენალში" თავისი ეპოქა უკვე შექმნილი ჰქონდა, მაგრამ ახლა ამ ისტორიას ბრწყინვალე დასასრულიც დაუწერა. იმედი მაქვს, რომ "მილანთან" შეხვედრაში თავის ლონდონურ ზღაპარს კიდევ ერთ თავს შემატებს," - ეს "არსენალის" თავკაც არსენ ვენგერის სიტყვებია, რომელიც 34 წლის ფრანგს ძირითად შემადგენლობაში სავარაუდოდ ისევ არ გაამწესებს, მეორე ტაიმში კი აუცილებლად მისცემს თავის გამოჩენის შანსს.</p><p>ანრის მილანთან და "სან სიროსთან" ბრწყინვალე მოგონებები აკავშირებს. ცხრა წლის წინ მან "არსენალთან" ერთად, "ჯუზეპე მეაცაზე" "ინტერი" 5:1 გაანადგურა. იმ მატჩში ფრანგმა დუბლი შეასრულა...</p><p><strong>* * *</strong></p><p>"მილანის" კარგი თამაში და წარმატება დიდადაა დამოკიდებული იმაზე, თუ როგორ ხასიათზე იქნება და როგორ წაუვა თამაში ზლატან იბრაჰიმოვიჩს. მისი, როგორც თავდამსხმელის შესაძლებლობებში ეჭვის შეტანა დაუშვებელია, მაგრამ შვედი ფორვარდი უკიდურესად მოუთოკავი და ასე ვთქვათ, თავის თავის კაცია.</p><p>სერია A-ში მას ახლა დისკვალიფიკაცია აქვს, რადგან "ნაპოლისთან" მატჩში არონიკას ალიყური უთავაზა და წითელი ბარათი აუფრიალეს. ეს იბრაჰიმოვიჩის კარიერაში რიგით მე-8 გაძევება იყო.</p><p>ჩემპიონთა ლიგაში კი თამაში შეუძლია და ზლატანი შეეცდება, "არსენალთან" ისევ ის ზლატანი იყოს, რომელიც "მილანის" ფანებს (და არა მარტო მათ) ძალიან მოსწონთ.</p><p>ასეთ ზლატანს ბევრი გოლი გააქვს ხოლმე, რომელთაგან საკმაოდ დიდი ნაწილი ორიგინალურადაა შესრულებული.</p><p>ამ სეზონში იბრაჰიმოვიჩს 26 ოფიციალურ მატჩში 21 გოლი აქვს გატანილი. აქედან, ჩემპიონთა ლიგაში ოთხ მატჩში ოთხი შეაგდო.</p><p><strong>* * *</strong></p><p>მართალია, ალესანდრო ნესტამ სრული დატვირტვით ვარჯიში განაახლა, მაგრამ ნაკლებად სავარაუდოა, რომ მასიმილიანო ალეგრიმ ძირითად შემადგენლობაში გაამწესოს. იგივე ეხება ალეშანდრე პატოსაც.</p><p>"როსონერის" წინა ხაზზე მეორე ტაიმში მოსალოდნელია სტეფან ელ შაარავისა და მაქსი ლოპესის გამოჩენაც, ნახევარდაცვაში კი, ალეგრის კლარენს ზეედორფისა და ურბი ემანუელსონის სახით ასევე კარგი ალტერნატივები აქვს. ნაღდად ვერ ითამაშებს ალბერტო აკვილანი, რომელიც ტრავმირებულია. იბრაჰიმოვიჩთან ერთად, სერია A-სთვის მარკ ვან ბომელიც დისკვალიფიცირებულია, თუმცა შვედის მსგავსად, "მილანთან" ჰოლანდიელი საყრდენიც სასტარტოში იქნება.</p><p>ლონდონელები მილანში გერმანელი მცველის, პერ მერტეზაკერის გარეშე ჩავიდნენ - ამ უკანასკნელმა ტრავმა გასულ უქმეებზე, "სანდერლენდთან" მატჩში მიიღო. შესაბამისად, ლოგიკურად, ვენგერმა დაცვის ცენტრში კოშელნის ვერმაელენი უნდა შეუწყვილოს, დაცვის მარცხენა ფლანგისთვის კი გიბსი გამოუჯანმრთელდა.</p><p>ლონდონელებს აბუ დიაბი, კარლ ჯენკინსონი და ჯეკ უილშირი ჰყავთ ლაზარეთში.</p><p><em><strong>სავარაუდო შემადგენლობები</strong></em></p><p>მილანი (4-3-1-2): აბიატი - აბატე, მექსე, ტიაგო სილვა, ძამბროტა - ამბროზინი, ვან ბომელი, ნოჩერინო - კ. პ. ბოატენგი - იბრაჰიმოვიჩი, რობინიო.</p><p>არსენალი (4-3-3): სჩესნი - სანია, ვერმაელენი, კოშელნი, გიბსი - არტეტა, სონგი, რამსი - ჩემბერლეინი, ვან პერსი, უოლკოტი.</p><p>არბიტრი: ვიკტორ კაშაი (უნგრეთი)</p><p><span style="color: #ff0000;"><strong>ზენიტი-ბენფიკა 21:00</strong></span></p><p>ჩემპიონთა ლიგის მერვედფინალის კვალობაზე, სანკტ პეტერბურგის "ზენიტისთვის" ლისაბონის "ბენფიკა" მისაღებზე მისაღები მეტოქეა. მართალია, "ზენიტი" ევროტურნირებზე "ბენფიკას" არასდროს შეხვედრია, სამაგიეროდ, პეტერბურგელებს პორტუგალიურ კლუბებთან დადებითი ბალანსი აქვთ. რაღა შორს წავიდეთ, "ზენიტმა" შემოდგომაზე, ჯგუფში "პორტუ" შინ 3:1 დაამარცხა.</p><p>"ზენიტის" თავკაც ლუჩანო სპალეტის სერიოზული საკადრო პრობლემები აქვს. იტალიელი სპეციალისტი უმთავრეს ფეხბურთელს, გამთამაშებელ დანის ვერ გამოიყენებს, რომელიც თანამემამულეების წინააღმდეგ ბრძოლაში დიდი ძალა იქნებოდა. დანის ტრავმა იმდენად სერიოზულია, რომ სეზონის ბოლომდე ვეღარ ითამაშებს.</p><p>მის გარდა, "ზენიტის" შემადგენლობაში დღეს ვერც ძირითად მეკარე ვიაჩესლავ მალაფეევს ვიხილავთ და ვერც მარცხენა მცველ დომენიკო კრიშიტოს. ანიუკოვს, ლაზოვიჩს, შიროკოვსა და ბუხაროვს მცირე ტრავმები აწუხებთ, თუმცა განაცხადში იქნებიან. სამაგიეროდ, "ზენიტის" მთავარი დამრტყმელი ძალა, კერჟაკოვი სრულ მზადყოფნაშია.</p><p>"ბენფიკას" ემერსონი გამოუჯანმრთელდა - მისი ტრავმა სერიოზული არ აღმოჩნდა. სამაგიეროდ, ვერ ითამაშებს ხავი გარსია, რომელსაც სავარაუდოდ ნემანია მატიჩი შეცვლის.</p><p><em><strong>სავარაუდო შემადგენლობები</strong></em></p><p>ზენიტი (4-3-3): ჟევნოვი - ანიუკოვი, ალვეში, ჰუბოკანი, ლომბერტსი - ზირიანოვი, დენისოვი, შიროკოვი - ფაიზულინი, კერჟაკოვი, ლაზოვიჩი.</p><p>ბენფიკა (): არტური - პერეირა, ლუიზაო, გარაი, ემერსონი - მატიჩი, ვიტსელი - გაიტანი, აიმარი, ნოლიტო - კარდოსო.</p><p>არბიტრი: იონას ერიკსონი (შვედეთი)</p><p><strong>ყოველდღიური სპორტული გაზეთი "ლელო"</strong></p>
[VIDEO] "იბერია 1999" "მალმიოსთან" ისევ დამარცხდა და კონფერენს ლიგაზე გადაერთვება
[VIDEO] ორი არდანიშნული პენალტი - "იბერია 1999" სახლში "მალმიოსთან" 1:3 დამარცხდა
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა